ព្រះយេស៊ូវសុគតដើម្បីសម្រេចការរស់ពីសុគតឡើងវិញ

ការសុគតរបស់ព្រះគ្រីស្ទមិនមែនគ្រាន់តែកើតឡើងមុនការមានព្រះជន្មរស់ឡើងវិញរបស់ទ្រង់ប៉ុណ្ណឹងទេ ប៉ុន្តែវាគឺជាតម្លៃដែលត្រូវទទួលការរស់ឡើងវិញនោះ។ ហេតុដូច្នេះហើយបានជាកណ្ឌគម្ពីរ ហេព្រើរ ១៣:២១ ចែងថា ព្រះជាម្ចាស់បានប្រោសទ្រង់ឲ្យមានព្រះជន្មរស់ពីស្លាប់ឡើងវិញ «ដោយសារព្រះលោហិតនៃសញ្ញាដ៏នៅអស់កល្បជានិច្ច»។

១០ ឧសភា ២០១៦អានរយៈពេល ៥ នាទី

មើល១៤៨៤ដង

កា

រសុគតរបស់ព្រះគ្រីស្ទមិនមែនគ្រាន់តែកើតឡើងមុនការមានព្រះជន្មរស់ឡើងវិញរបស់ទ្រង់ប៉ុណ្ណឹងទេ ប៉ុន្តែវាគឺជាតម្លៃដែលត្រូវទទួលការរស់ឡើងវិញនោះ។ ហេតុដូច្នេះហើយបានជាកណ្ឌគម្ពីរ ហេព្រើរ ១៣:២១ ចែងថា ព្រះជាម្ចាស់បានប្រោសទ្រង់ឲ្យមានព្រះជន្មរស់ពីស្លាប់ឡើងវិញ «ដោយសារព្រះលោហិតនៃសញ្ញាដ៏នៅអស់កល្បជានិច្ច»។

«ព្រះលោហិតនៃសញ្ញា» គឺជាព្រះលោហិតរបស់ព្រះយេស៊ូវ។ ដូចដែលទ្រង់បានមានបន្ទូលរួចមកហើយថា «ដ្បិតនេះជាឈាមខ្ញុំ គឺជាឈាមនៃសញ្ញាថ្មី...» (ម៉ាថាយ ២៦:២៨)។នៅពេលដែលព្រះគម្ពីរលើកឡើងពីព្រះលោហិតរបស់ព្រះយេស៊ូវ នោះអ្នកនិពន្ធចង់សំដៅលើការសុគតរបស់ទ្រង់។ បើព្រះយេស៊ូវគ្រាន់តែបង្ហូរព្រះលោហិតរបស់ទ្រង់តែមិនបានសុគត នោះក៏គ្មានសេចក្ដីសង្គ្រោះកើតឡើងដែរ។ ប៉ុន្តែព្រះលោហិតទ្រង់បានហូររហូតដល់ទ្រង់សុគត នេះបង្ហាញថា ការខ្ចាយព្រះលោហិតរបស់ទ្រង់មានសារៈសំខាន់។

ដូច្នេះ តើការខ្ចាយព្រះលោហិត និងការមានព្រះជន្មរស់ឡើងវិញរបស់ព្រះយេស៊ូវ មានទំនាក់ទំនងនឹងគ្នាយ៉ាងដូចម្ដេច? ព្រះគម្ពីរចែងថា ព្រះជាម្ចាស់បានប្រោសឲ្យព្រះយេស៊ូវមានព្រះជន្មរស់ឡើងវិញ មិនមែនគ្រាន់តែក្រោយការខ្ចាយព្រះលោហិតរបស់ទ្រង់ ប៉ុន្តែតាមរយៈការខ្ចាយព្រះលោហិតរបស់ទ្រង់។ នេះមានន័យថា ការសុគតរបស់ព្រះយេស៊ូវបានសម្រេចពេញលេញ ហើយគ្រប់លក្ខណ៍ ដូច្នេះហើយ ការមានព្រះជន្មរស់ឡើងវិញគឺជារង្វាន់ និងជាការបង្ហាញពីភាពគ្មានទោសរបស់ព្រះគ្រីស្ទ។

ការរងទុក្ខ និងការសុគតរបស់ព្រះយេស៊ូវបានធ្វើឲ្យព្រះជាម្ចាស់ស្កប់ចិត្ត ហើយឈប់ខ្ញាល់។ តាមរយៈការរងទុក្ខរបស់ព្រះយេស៊ូវ ព្រះជាម្ចាស់បានដកបណ្ដាសាដ៏បរិសុទ្ធលើអំពើបាបចេញទាំងស្រុង។ ព្រះគ្រីស្ទបានស្ដាប់បង្គាប់ព្រះជាម្ចាស់យ៉ាងពេញលេញ។ ហើយទ្រង់ក៏បានបង់តម្លៃលើការអត់ទោសទាំងស្រុង។ ទ្រង់បានបង្ហាញឲ្យឃើញថា សេចក្ដីសុចរិតរបស់ព្រះជាម្ចាស់គឺយុត្តិធម៌ត្រឹមត្រូវ។ អ្វីដែលនៅសល់នោះគឺការទទួលស្គាល់ជាសាធារណៈពីព្រះជាម្ចាស់ថា អ្វីៗដែលព្រះយេស៊ូវបានធ្វើគឺបានបំពេញតាមតម្រូវការរបស់ព្រះជាម្ចាស់សព្វគ្រប់។ ដូច្នេះយើងដឹងថា ព្រះជាម្ចាស់បានទទួលស្គាល់ព្រះយេស៊ូវជាសាធារណៈដោយសារទ្រង់បានប្រោសឲ្យព្រះយេស៊ូវមានព្រះជន្មរស់ពីសុគតឡើងវិញ។

នៅពេលដែលព្រះគម្ពីរចែងថា «ហើយបើព្រះគ្រីស្ទមិនបានរស់ឡើងវិញមែន នោះជំនឿរបស់អ្នករាល់គ្នា ឥតប្រយោជន៍សោះ អ្នករាល់គ្នានៅជាប់ក្នុងអំពើបាបដដែល» (១កូរិនថូស ១៥:១៧ គកស) ចំណុចសំខាន់នោះមិនមែនចង់មានន័យថា ការរស់ឡើងវិញគឺជាតម្លៃសម្រាប់បង់ថ្លៃអំពើបាបរបស់យើងនោះទេ។ តែការរស់ឡើងវិញបង្ហាញថា ការសុគតរបស់ព្រះយេស៊ូវគឺជាការបង់ថ្លៃដ៏គ្រប់គ្រាន់សម្រាប់អ្វីៗទាំងអស់ នោះហើយគឺជាអត្ថន័យនៃខគម្ពីរខាងលើនេះ។ ប្រសិនបើព្រះយេស៊ូវមិនបានមានព្រះជន្មរស់ឡើងវិញទេ នោះការសុគតរបស់ទ្រង់គឺជារឿងឥតប្រយោជន៍ ហើយព្រះជាម្ចាស់ក៏មិនទទួលស្គាល់ថា អំពើបាបដែលព្រះយេស៊ូវបានទទួលជំនួសយើងនោះបានធ្វើឲ្យយើងរួចពីបាបនោះឡើយ ដូច្នេះយើងក៏នៅជាមនុស្សមានបាបដដែល។

ប៉ុន្តែតាមពិត «...ព្រះគ្រីស្ទមានព្រះជន្មរស់ពីស្លាប់ឡើងវិញ ដោយសារសិរីល្អនៃព្រះវរបិតាដែរ» (រ៉ូម ៦:៤ គកស)។ ជ័យជម្នះនៃការរងទុក្ខ និងការសុគតរបស់ទ្រង់គឺជាភស្តុតាងដ៏ត្រឹមត្រូវក្នុងព្រះនេត្រព្រះជាម្ចាស់។ ហើយប្រសិនបើយើងទុកចិត្តលើព្រះគ្រីស្ទ នោះមានន័យថា យើងមិនមែននៅក្នុងអំពើបាបរបស់យើងទៀតទេ។ ដ្បិត «ដោយសារព្រះលោហិតនៃសញ្ញាដ៏នៅអស់កល្បជានិច្ច» បានជាព្រះជាម្ចាស់ប្រោសអ្នកគង្វាលដ៏ធំឲ្យមានព្រះជន្មរស់ឡើងវិញ ហើយឲ្យមានព្រះជន្មជាដរាបតទៅ។

សូមឲ្យព្រះនៃសេចក្ដីសុខសាន្ត ដែលទ្រង់ប្រោសព្រះយេស៊ូវ ជាព្រះអម្ចាស់នៃយើងរាល់គ្នា ឲ្យត្រឡប់ពីពួកស្លាប់មកវិញ គឺជាអ្នកគង្វាលដ៏ធំនៃហ្វូងចៀមទ្រង់ប្រោសឲ្យអ្នករាល់គ្នាបានគ្រប់លក្ខណ៍ ក្នុងការល្អគ្រប់ជំពូក ដោយសារព្រះលោហិត នៃសញ្ញាដ៏នៅអស់កល្បជានិច្ច ប្រយោជន៍ឲ្យអ្នករាល់គ្នា បានធ្វើតាមបំណងព្រះហឫទ័យរបស់ទ្រង់...
ហេព្រើរ ១៣:២០-២១

ព្រះយេស៊ូវសុគតដើម្បីរៀនស្ដាប់បង្គាប់និងឲ្យបានគ្រប់លក្ខណ៍

ដកស្រង់ចេញពីសៀវភៅ «ហេតុផលហាសិបដែលព្រះគ្រីស្ទយាងមកសុគត» និពន្ធដោយ៖ លោកគ្រូ ចន ផាភ័រ រក្សាសិទ្ធិគ្រប់យ៉ាង © ប្រើដោយមានការអនុញ្ញាត

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៣១០៥

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

១៤៦

កំណត់ហេតុបណ្ដាញ៧ តុលា ២០២៥

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

នៅទីបំផុត ដោយសារកណ្ឌនៃព្រះគម្ពីរត្រូវបានកាត់ស្រាយ ហើយគោលលទ្ធិដ៏មានសិរីល្អដែលមាននៅក្នុងបទគម្ពីរត្រូវបានបង្ហាញឲ្យឃើញជាសាធារណៈ នោះការសម្រេចចិត្តមួយនឹងកើតឡើងដោយជៀសមិនរួច

អានបន្ថែម

១៣៩

កំណត់ហេតុបណ្ដាញ២៧ សីហា ២០២៥

ប្រកាសអំពីព្រះយេស៊ូវនៅលើកាប៉ាល់ទីតានិច

បើសិនជាអ្នកកំពុងតែស្ថិតនៅក្នុងគ្រោះមហន្តរាយ តើអ្នកមានចិត្តចង់ផ្សាយដំណឹងល្អ ដល់មនុស្សនៅជុំវិញអ្នកទេ?

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៤

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤៤

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២០

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

កំណត់ហេតុបណ្ដាញ

ព្រះយេស៊ូវសុគតដើម្បីសម្រេចការរស់ពីសុគតឡើងវិញ

១០ ឧសភា ២០១៦អានរយៈពេល ៥ នាទី

មើល១៤៨៤ដង

កា

សូមឲ្យព្រះនៃសេចក្ដីសុខសាន្ត ដែលទ្រង់ប្រោសព្រះយេស៊ូវ ជាព្រះអម្ចាស់នៃយើងរាល់គ្នា ឲ្យត្រឡប់ពីពួកស្លាប់មកវិញ គឺជាអ្នកគង្វាលដ៏ធំនៃហ្វូងចៀមទ្រង់ប្រោសឲ្យអ្នករាល់គ្នាបានគ្រប់លក្ខណ៍ ក្នុងការល្អគ្រប់ជំពូក ដោយសារព្រះលោហិត នៃសញ្ញាដ៏នៅអស់កល្បជានិច្ច ប្រយោជន៍ឲ្យអ្នករាល់គ្នា បានធ្វើតាមបំណងព្រះហឫទ័យរបស់ទ្រង់...
ហេព្រើរ ១៣:២០-២១

ព្រះយេស៊ូវសុគតដើម្បីរៀនស្ដាប់បង្គាប់និងឲ្យបានគ្រប់លក្ខណ៍