ព្រះវរបិតាធំលើសជាងខ្ញុំ

២៧ កក្កដា ២០២០អានរយៈពេល ៧ នាទី

មើល៣៨១ដង

«អ្នករាល់គ្នាបានឮពាក្យដែលខ្ញុំប្រាប់ថា "ខ្ញុំនឹងចេញទៅ ហើយខ្ញុំនឹងមករកអ្នករាល់គ្នាវិញ"។ ប្រសិនបើអ្នករាល់គ្នាស្រឡាញ់ខ្ញុំ អ្នកត្រូវមានអំណរឡើង ដោយព្រោះខ្ញុំទៅឯព្រះវរបិតា ដ្បិតព្រះវរបិតាធំលើសជាងខ្ញុំ» (យ៉ូហាន ១៤:២៨ គកស)។

ព្រះយេស៊ូវបានមានបន្ទូលថា «ព្រះវរបិតាធំលើសជាងខ្ញុំ» កាលទ្រង់កំពុងប្រជុំបង្រៀននៅឯបន្ទប់ខាងលើ ហើយបរិបទដ៏ធំគឺអំពីក្ដីសន្យានៃការប្រទានព្រះវិញ្ញាណបរិសុទ្ធទៅកាន់ពួកសិស្សបន្ទាប់ពីព្រះយេស៊ូវបានមានព្រះជន្មរស់ឡើងវិញ។ ម្ដងហើយម្ដងទៀត ព្រះយេស៊ូវបានលើកឡើងថាទ្រង់កំពុងតែធ្វើតាមព្រះហឫទ័យរបស់ព្រះវរបិតា ដែលចំណុចនេះថ្លែងបញ្ឆិតបញ្ឆៀងថាក្នុងរបៀបណាមួយ ព្រះយេស៊ូវស្ថិតក្រោមអំណាចរបស់ព្រះវរបិតា។ អញ្ចឹងសំណួរគឺសួរថា តើឲ្យព្រះយេស៊ូវនៅស្មើនឹងព្រះជាម្ចាស់បានយ៉ាងដូចម្ដេចទៅ ខណៈពេលដែលទ្រង់ក៏បានទទួលស្គាល់ដែលថា ទ្រង់ស្ថិតក្រោមអំណាចនៃព្រះហឫទ័យរបស់ព្រះវរបិតា? ចម្លើយលើសំណួរនេះមាននៅក្នុងលក្ខណៈនៃការដែលព្រះយេស៊ូវបានយាងមកយកកំណើតជាមនុស្ស។

កាលព្រះយេស៊ូវបានយាងមកយកកំណើត ទ្រង់ត្រូវបាន «ធ្វើឲ្យទាបជាងពួកទេវតាមួយរយៈ» (ហេព្រើរ ២:៩) ដែលនេះសំដៅទៅលើឋានៈរបស់ព្រះយេស៊ូវ។ គោលជំនឿនៃការយាងមកយកកំណើតបានលើកឡើងថា បុគ្គលទីពីរ នៃព្រះត្រៃឯកបានយាងមកយកសណ្ឋានជាមនុស្ស។ ហេតុដូច្នេះហើយ ទាក់ទងទៅនឹងគោលដៅ និងគោលបំណងទាំងអស់ ព្រះយេស៊ូវបានយកសណ្ឋានជាមនុស្ស ១០០% ហើយក៏ត្រូវបាន «ធ្វើឲ្យទាបជាងពួកទេវតា» ដែរ។ ទោះជាយ៉ាងណាក្ដី ក៏ព្រះយេស៊ូវនៅតែជាព្រះ ១០០% ដដែល។ តាមរយៈការយកសណ្ឋានជាមនុស្ស ព្រះយេស៊ូវមិនបានបោះបង់ចោលភាពជាព្រះរបស់ទ្រង់ឡើយ—ព្រះមិនអាចលែងក្លាយជាព្រះបានទេ។ បើយោងតាមអត្ថន័យនៃឃ្លា «ធ្វើឲ្យទាបជាងពួកទេវតា» តើឲ្យយើងបកស្រាយយ៉ាងដូចម្ដេចលើចំណុចពិតដែលថា បុគ្គលទីពីរនៃព្រះត្រៃឯកគឺជាព្រះ ១០០% ហើយក៏ជាមនុស្ស ១០០% បានទៅ? កណ្ឌគម្ពីរ ភីលីព ២:៥-១១ បានផ្ដល់ជាចម្លើយលើសំណួរនេះ៖

«ត្រូវតែមានគំនិតគិតដូចជាព្រះគ្រីស្ទយេស៊ូវវិញ ដែលទោះបើទ្រង់មានរូបអង្គជាព្រះក៏ដោយ គង់តែមិនបានរាប់ឋានៈដែលស្មើនឹងព្រះនោះ ទុកជាសេចក្ដីដែលគួរកាន់ខ្ជាប់ឡើយ ប៉ុន្តែ ព្រះអង្គបានលះបង់អង្គទ្រង់ មកយកសណ្ឋានជាអ្នកបម្រើវិញ ព្រមទាំងប្រសូតមកមានសណ្ឋានជាមនុស្សផង។ ដោយឃើញព្រះអង្គមានភាពជាមនុស្សដូច្នោះ នោះក៏បន្ទាបអង្គទ្រង់ ទាំងចុះចូលស្តាប់បង្គាប់ រហូតដល់ទីមរណៈ គឺព្រះអង្គទទួលសុគតជាប់លើឈើឆ្កាងផង។ ដោយហេតុនោះបានជាព្រះបានលើកទ្រង់ឡើងយ៉ាងខ្ពស់ ហើយបានប្រទានឲ្យមាននាមដ៏ប្រសើរ លើសជាងអស់ទាំងនាម ដើម្បីពេលណាឮព្រះនាមព្រះយេស៊ូវ នោះគ្រប់ទាំងជង្គង់នៅស្ថានសួគ៌ នៅផែនដី និងនៅក្រោមដីត្រូវលុតចុះ ហើយឲ្យគ្រប់ទាំងអណ្ដាតបានថ្លែងប្រាប់ថា "ព្រះ‌យេស៊ូវគ្រីស្ទជាព្រះអម្ចាស់ សម្រាប់ជាសិរីល្អដល់ព្រះជាព្រះវរបិតា”» (គកស)។

នៅពេលដែលបុគ្គលទីពីរនៃព្រះត្រៃឯកបានមកយកសណ្ឋានជាមនុស្ស មានព្រឹត្តិការណ៍ដ៏អស្ចារ្យជាច្រើនបានកើតឡើង។ ព្រះគ្រីស្ទ «បានលះបង់អង្គទ្រង់»។ ឃ្លាមួយនេះបានបង្កឲ្យមានការនិពន្ធច្រើនជាងឃ្លានានានៅក្នុងព្រះគម្ពីរទាំងមូល។ ក្នុងអត្ថន័យគោល អ្វីដែលឃ្លានេះចង់មានន័យគឺថា ព្រះយេស៊ូវបានស្ម័គ្រព្រះទ័យក្នុងការលះបង់អភ័យឯកសិទ្ធិនៃការប្រើប្រាស់ដោយសេរីនៃលក្ខណសម្បត្តិជាព្រះរបស់ទ្រង់ចោល ហើយក៏បានចុះចូលរូបអង្គទ្រង់ទៅក្រោមព្រះហឫទ័យរបស់ព្រះវរបិតា ខណៈពេលដែលទ្រង់នៅលើផែនដីនេះ។

ចំណុចពិតមួយទៀតដែលយើងត្រូវតែពិចារណាគឺត្រង់ថា ការចុះចូលក្នុងតួនាទីមិនមែនស្មើគ្នានឹងការចុះចូលក្នុងលក្ខណៈនោះឡើយ។ ឧទាហរណ៍៖ ចូរពិចារណាអំពីទំនាក់ទំនងរវាងនិយោជក និងនិយោជិក។ និយោជកមានសិទ្ធិក្នុងការទាមទារពីនិយោជិក ហើយនិយោជិកមានកាតព្វកិច្ចក្នុងការបម្រើនិយោជក។ តួនាទីរបស់ពួកគាត់ទាំងពីរគឺត្រូវបានផ្ដល់អត្ថន័យយ៉ាងច្បាស់ទាក់ទងនឹងទំនាក់ទំនងនៃការចុះចូល។ ប៉ុន្តែ ទោះជាយ៉ាងណាក្ដី ក៏បុគ្គលទាំងពីរនាក់នៅតែជាមនុស្ស ហើយក៏នៅមានចំណែកដូចគ្នាក្នុងលក្ខណៈជាមនុស្សដែរ។ គ្មានចំណុចខុសគ្នាឡើយរវាងពួកគាត់ទាំងពីរទាក់ទងនឹងលក្ខណៈ ពោលគឺពួកគាត់នៅមានលក្ខណៈស្មើគ្នា។ ចំណុចពិតត្រង់ថា ម្នាក់ជានិយោជក ហើយម្នាក់ទៀតជានិយោជិក គឺមិនបានបំផ្លាស់បំប្រែចំណុចសំខាន់នៃភាពស្មើគ្នានៃបុគ្គលទាំងពីរនាក់នេះទាក់ទងនឹងភាពជាមនុស្សឡើយ។ យើងក៏អាចលើកឡើងដូចគ្នាបានផងដែរ ទាក់ទងនឹងបុគ្គលនៃព្រះត្រៃឯក។ បុគ្គលទាំងបី (ព្រះវរបិតា ព្រះរាជបុត្រា និងព្រះវិញ្ញាណបរិសុទ្ធ) មានលក្ខណៈស្មើៗគ្នា។ ឧទាហរណ៍៖ បុគ្គលទាំងបីមានលក្ខណៈជាព្រះ។ ទោះជាយ៉ាងណាក្ដី ក៏ក្នុងផែនការដ៏ធំនៃការសង្គ្រោះ បុគ្គលទាំងបីមានតួនាទីផ្សេងៗគ្នា ហើយតួនាទីទាំងនោះផ្ដោតលើអំណាច និងការចុះចូល។ ព្រះវរបិតាបញ្ជាព្រះរាជបុត្រា ហើយទាំងព្រះវរបិតា និងព្រះរាជបុត្រាបញ្ជាព្រះវិញ្ញាណបរិសុទ្ធ។

សរុបសេចក្ដីទៅ ចំណុចពិតគឺត្រង់ថា ព្រះរាជបុត្រាបានយកសណ្ឋានជាមនុស្ស ហើយបានចុះចូលរូបអង្គទ្រង់ផ្ទាល់ក្រោមអំណាចព្រះវរបិតា ក៏មិនបានបដិសេធថា ព្រះរាជបុត្រាបានបាត់បង់ភាពជាព្រះរបស់ទ្រង់ឡើយ ហើយវាក៏មិនបានបំបាត់ចោលនូវភាពស្មើគ្នារបស់ទ្រង់ជាមួយនឹងព្រះវរបិតាដែរ។ ដូច្នេះ ចំណុចដែលខគម្ពីរនេះបានលើកឡើងទាក់ទងនឹង «ភាពធំលើសជាង» គឺទាក់ទងនឹងតួនាទី មិនមែនលក្ខណៈនោះទេ។

និពន្ធដោយ៖ ក្រុម Got Questions
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង និងលោកស្រី ឡូញ ស្រីរដ្ឋ
ដកស្រង់ខ្លះៗចេញពី www.gotquestions.org ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

១៤១

កំណត់ហេតុបណ្ដាញ២៧ សីហា ២០២៥

ប្រកាសអំពីព្រះយេស៊ូវនៅលើកាប៉ាល់ទីតានិច

បើសិនជាអ្នកកំពុងតែស្ថិតនៅក្នុងគ្រោះមហន្តរាយ តើអ្នកមានចិត្តចង់ផ្សាយដំណឹងល្អ ដល់មនុស្សនៅជុំវិញអ្នកទេ?

អានបន្ថែម

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

១១៤២

កំណត់ហេតុបណ្ដាញ១២ ឧសភា ២០២៥

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

អធិប្បាយកណ្ឌគម្ពីរអេសាយ ដើម្បីឲ្យឃើញអំពីសិរីល្អនៃសេចក្តីសង្គ្រោះរបស់ព្រះជាម្ចាស់ដែលមានព្រះជន្មរស់ ដែលមានការឆ្លុះបញ្ចាំងលើព្រះភក្ត្ររបស់ព្រះយេស៊ូវគ្រីស្ទ។

អានបន្ថែម

១៩៤

កំណត់ហេតុបណ្ដាញ៥ ឧសភា ២០២៥

តើលោកអ្នកចាំបាច់ត្រូវតែជឿលើអ្វី ដើម្បីឲ្យអាចទទួលបានសេចក្តីសង្គ្រោះ?

អ្នកបើកបរយន្តហោះបានប្រកាសថា មានហ្វូងចាបមួយហ្វូងបានហើរចូលស្លាបយន្តហោះម្ខាង ហើយយន្តហោះក៏កំពុងតែចាកចុះក្នុងល្បឿនដ៏លឿន…

អានបន្ថែម

អត្ថបទបន្ថែមពី កំណត់ហេតុបណ្ដាញ

៥

កំណត់ហេតុបណ្ដាញ២៥ តុលា ២០២៦

ថ្ងៃទី២៦៖ មរណសាក្សីក្នុងវ័យជំទង់

កាលពីប្រាំរយឆ្នាំមុន សកម្មភាពដ៏ក្លាហានរបស់លោក ម៉ធិន លូសើរ បានបង្កើតឲ្យមានចលនាកំណែទម្រង់ខាងឯជំនឿ…

អានបន្ថែម

៣

កំណត់ហេតុបណ្ដាញ២៤ តុលា ២០២៦

ថ្ងៃទី២៥៖ រហស្សនាម «រុយនៃទីក្រុងហ្វ្រីដបឺក»

អានបន្ថែម

៥

កំណត់ហេតុបណ្ដាញ២៣ តុលា ២០២៦

ថ្ងៃទី២៤៖ ស្នាមទឹកខ្មៅ

អានបន្ថែម

៨

កំណត់ហេតុបណ្ដាញ២២ តុលា ២០២៦

ថ្ងៃទី២៣៖ បញ្ញវន្តនៃទីក្រុងហ្សឺណែវ

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

កំណត់ហេតុបណ្ដាញ វីដេអូ

ព្រះវរបិតាធំលើសជាងខ្ញុំ

២៧ កក្កដា ២០២០អានរយៈពេល ៧ នាទី

មើល៣៨១ដង

«អ្នករាល់គ្នាបានឮពាក្យដែលខ្ញុំប្រាប់ថា "ខ្ញុំនឹងចេញទៅ ហើយខ្ញុំនឹងមករកអ្នករាល់គ្នាវិញ"។ ប្រសិនបើអ្នករាល់គ្នាស្រឡាញ់ខ្ញុំ អ្នកត្រូវមានអំណរឡើង ដោយព្រោះខ្ញុំទៅឯព្រះវរបិតា ដ្បិតព្រះវរបិតាធំលើសជាងខ្ញុំ» (យ៉ូហាន ១៤:២៨ គកស)។