ការឈឺចិត្ត និងអំណរបំផុតរបស់គ្រីស្ទាន

២៣ តុលា ២០១៨អានរយៈពេល ៧ នាទី

មើល៨៣៦៨ដង

ដ្បិតដោយសារតង្វាយតែមួយគត់ ព្រះគ្រីស្ទបានធ្វើឲ្យអស់អ្នកដែល កំពុងតែទទួលការញែកជាបរិសុទ្ធបានគ្រប់លក្ខណ៍រហូតតទៅ។ (ហេព្រើរ ១០:១៤ បកប្រែចេញពីភាសាក្រិក)
ឥឡូវនេះវិញ ទ្រង់បានផ្សះផ្សា ក្នុងរូបសាច់ទ្រង់ ដោយបានទទួលសុគត ដើម្បីនឹងថ្វាយអ្នករាល់គ្នាជាតង្វាយបរិសុទ្ធ ឥតសៅហ្មង
ហើយឥតកន្លែងបន្ទោសបាន នៅចំពោះទ្រង់។
(កូឡុស ១:២២)
ចូរសម្អាតដំបែចាស់ចេញ ដើម្បីឲ្យអ្នករាល់គ្នាបានត្រឡប់ជាដុំម្សៅថ្មីវិញ ដ្បិតអ្នករាល់គ្នាបានឥតដំបែហើយ ព្រោះព្រះគ្រីស្ទដ៏ជាយញ្ញបូជានៃ
បុណ្យរំលង នោះបានត្រូវថ្វាយជំនួសយើងរាល់គ្នាហើយ។
(១កូរិនថូស ៥:៧)

កា

រឈឺចិត្តដ៏ធំបំផុតរបស់ជីវិតជាគ្រីស្ទបរិស័ទគឺ ការផ្លាស់ប្រែខាងឯវិញ្ញាណរបស់ពួកគេនៅមានភាពយឺតយ៉ាវ។ យើងឮការត្រាស់ហៅរបស់ព្រះជាម្ចាស់ថា ឯងត្រូវស្រឡាញ់ព្រះអម្ចាស់ជាព្រះនៃឯងឲ្យអស់ពីចិត្ដ អស់ពីព្រលឹង អស់ពីគំនិត ហើយអស់ពីកម្លាំងនៃឯង (ម៉ាកុស ១២:៣០)។ ប៉ុន្តែតើយើងធ្លាប់មានសេចក្ដីស្រឡាញ់ និងការលះបង់ទាំងស្រុងដល់កម្រិតនោះទេ? យើងបានស្រែកថ្ងូរម្ដងហើយម្ដងទៀតដូចសាវ័ក ប៉ុល ថា «វេទនាណាស់ខ្ញុំ តើអ្នកណានឹងជួយឲ្យខ្ញុំរួចពីតួសេចក្ដីស្លាប់នេះ ទៅបាន» (រ៉ូម ៧:២៤)។ យើងថ្ងូរ សូម្បីតែនៅពេលដែលយើងធ្វើការតាំងចិត្ដថ្មីក៏ដោយ៖ «មិនមែនថា ខ្ញុំបានទទួល ឬថាខ្ញុំបានគ្រប់លក្ខណ៍ហើយនោះទេ តែខ្ញុំកំពុងតែដេញតាមសង្វាតនឹងចាប់ឲ្យបានសេចក្ដីដែលព្រះគ្រីស្ទយេស៊ូវបានចាប់ខ្ញុំឲ្យបាននោះដែរ» (ភីលីព ៣:១២)។

សេចក្ដីថ្លែងខាងលើនេះគឺជាគន្លឹះក្នុងការទ្រាំទ្រ និងការមានអំណរ។ «ព្រះគ្រីស្ទយេស៊ូវបានរាប់ខ្ញុំជាកម្មសិទ្ធិទ្រង់»។ ការដែលយើងព្យាយាមសង្វាតឲ្យបានគ្រប់លក្ខណ៍ មិនមែនដើម្បីឲ្យយើងក្លាយជាកម្មសិទ្ធិរបស់ព្រះគ្រីស្ទទេ (ដែលការនោះបានកើតឡើងរួចទៅហើយនៅពេលដែលយើងជឿ) ប៉ុន្តែការនោះ គឺដើម្បីបំពេញនូវអ្វីៗដែលយើងខ្វះចន្លោះក្នុងការក្លាយឲ្យដូចរូបអង្គទ្រង់វិញនោះទេ។

ប្រភពដ៏ធំបំផុតមួយនៃក្ដីអំណរ និងការទ្រាំទ្រចំពោះគ្រីស្ទបរិស័ទគឺការដែលដឹងថា ទោះបើយើងមើលទៅមិនគ្រប់លក្ខណ៍ក្នុងជីវិតរស់នៅឥឡូវនេះ តែយើងដឹងហើយថា ក្នុងព្រះគ្រីស្ទ ព្រះអង្គបានរាប់យើងជាគ្រប់លក្ខណ៍រួចទៅហើយ។ ហើយការគ្រប់លក្ខណ៍នេះ គឺអាស្រ័យលើការរងទុក្ខ និងការសុគតរបស់ព្រះគ្រីស្ទ។ «ដ្បិតដោយសារតង្វាយតែមួយគត់ ព្រះគ្រីស្ទបានធ្វើឲ្យអស់អ្នកដែលកំពុងតែទទួលការញែកជាបរិសុទ្ធបានគ្រប់លក្ខណ៍រហូតតទៅ» (ហេព្រើរ ១០:១៤ បកប្រែចេញពីភាសាក្រិក)។ ការនេះគឺគួរឲ្យអស្ចារ្យណាស់! នៅក្នុងប្រយោគដដែលនោះ អ្នកនិពន្ធកណ្ឌគម្ពីរ ហេព្រើរ បានលើកឡើងថា យើង «កំពុងតែទទួលការញែកជាបរិសុទ្ធ» ហើយក៏បានរាប់យើងថា «បានគ្រប់លក្ខណ៍» ផងដែរ។

ការញែកជាបរិសុទ្ធមានន័យថា យើងមិនទាន់គ្រប់លក្ខណ៍ ប៉ុន្តែយើងកំពុងស្ថិតក្នុងដំណើរការឲ្យគ្រប់លក្ខណ៍។ យើងកំពុងតែត្រឡប់ទៅរកភាពបរិសុទ្ធ ប៉ុន្តែមិនទាន់បរិសុទ្ធពេញលេញនៅឡើយទេ។ ហើយវាបានបញ្ជាក់យ៉ាងច្បាស់ណាស់ថា មានតែអ្នកដែលកំពុងតែត្រឡប់ទៅរកភាពបរិសុទ្ធទេ ដែលបានគ្រប់លក្ខណ៍។ ការលើកទឹកចិត្ដដែលពេញដោយក្ដីអំណរនៅត្រង់នេះគឺថា ភស្តុតាងដែលបញ្ជាក់ថា យើងគ្រប់លក្ខណ៍នៅចំពោះព្រះភក្ត្រព្រះជាម្ចាស់ មិនមែនដោយសារជីវិតសព្វថ្ងៃរបស់យើងគ្រប់លក្ខណ៍នោះទេ ប៉ុន្តែដោយសារយើងកំពុងតែឈានទៅរកភាពគ្រប់លក្ខណ៍ក្នុងជីវិតជាប្រចាំថ្ងៃ។ ដំណឹងល្អគឺជា ការដែលយើងកំពុងនៅលើផ្លូវឆ្ពោះទៅរកភាពគ្រប់លក្ខណ៍ គឺជាអំណះអំណាងដែលថា យើងបានគ្រប់លក្ខណ៍។

ព្រះគម្ពីរបានប្រៀបធៀបការនេះម្ដងទៀតទៅនឹងរូបភាពដុំម្សៅ និងដំបែ។ នៅក្នុងការប្រៀបធៀបនោះ យើងឃើញថា ដំបែគឺជាការអាក្រក់ ហើយយើងជាដុំម្សៅ។ ព្រះគម្ពីរបានចែងថា «ចូរសម្អាតដំបែចាស់ចេញ ដើម្បីឲ្យអ្នករាល់គ្នា បានត្រឡប់ជាដុំម្សៅថ្មីវិញ ដ្បិតអ្នករាល់គ្នាបានឥតដំបែហើយ ព្រោះព្រះគ្រីស្ទដ៏ជាយញ្ញបូជានៃបុណ្យរំលង នោះបានត្រូវថ្វាយជំនួសយើងរាល់គ្នាហើយ» (១កូរិនថូស ៥:៧)។ គ្រីស្ទបរិស័ទ «បានឥតដំបែហើយ»។ គ្មានដំបែ គ្មានការអាក្រក់ នេះមានន័យថាយើងបានគ្រប់លក្ខណ៍ហើយ។ ដោយសារហេតុផលនេះហើយបានជាយើងត្រូវ «សម្អាតដំបែចាស់ចេញ»។ ព្រះគ្រីស្ទបានធ្វើឲ្យយើងនៅជាឥតដំបែ ដូច្នេះ ឥឡូវនេះយើងគួររស់នៅបែបជាឥតដំបែ។ ឬក៏អាចនិយាយម្យ៉ាងទៀតថា យើងគួរតែកាន់តែក្លាយជាគ្រប់លក្ខណ៍ ដូចដែលព្រះអង្គរាប់យើងជាគ្រប់លក្ខណ៍។

តើអ្វីជាមូលដ្ឋាននៃការទាំងអស់នេះ? កណ្ឌគម្ពីរ ១កូរិនថូស ៥:៧ ប្រាប់យើងពីមូលដ្ឋាននៃការទាំងអស់នេះ «...ព្រោះព្រះគ្រីស្ទដ៏ជាយញ្ញបូជានៃបុណ្យរំលង នោះបានត្រូវថ្វាយជំនួសយើងរាល់គ្នាហើយ»។ ការរងទុក្ខរបស់ព្រះគ្រីស្ទបានធ្វើឲ្យយើងគ្រប់លក្ខណ៍យ៉ាងពេញលេញ។ ដូច្នេះហើយ ការដែលយើងប្រឆាំងនឹងអំពើបាបរបស់យើង មិនមែនគ្រាន់តែដើម្បីឲ្យបានត្រឡប់ជាគ្រប់លក្ខណ៍នោះទេ ប៉ុន្តែដោយសារតែយើងជាមនុស្សគ្រប់លក្ខណ៍រួចទៅហើយ។ ដើម្បីប្រឆាំងនឹងភាពមិនគ្រប់លក្ខណ៍របស់យើង យើងត្រូវតែពឹងផ្អែកលើការសុគតរបស់ព្រះយេស៊ូវដែលជាមូលដ្ឋាននៃភាពគ្រប់លក្ខណ៍។

ដកស្រង់ចេញពីសៀវភៅ «ហេតុផលហាសិបដែលព្រះគ្រីស្ទយាងមកសុគត» និពន្ធដោយ៖ លោកគ្រូ ចន ផាភ័រ រក្សាសិទ្ធិគ្រប់យ៉ាង © ដោយលោកគ្រូ ចន ផាភ័រ ប្រើដោយការអនុញ្ញាត

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

១១១

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧២

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៣១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៦៥

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

កំណត់ហេតុបណ្ដាញ

ការឈឺចិត្ត និងអំណរបំផុតរបស់គ្រីស្ទាន

២៣ តុលា ២០១៨អានរយៈពេល ៧ នាទី

មើល៨៣៦៨ដង

ដ្បិតដោយសារតង្វាយតែមួយគត់ ព្រះគ្រីស្ទបានធ្វើឲ្យអស់អ្នកដែល កំពុងតែទទួលការញែកជាបរិសុទ្ធបានគ្រប់លក្ខណ៍រហូតតទៅ។ (ហេព្រើរ ១០:១៤ បកប្រែចេញពីភាសាក្រិក)
ឥឡូវនេះវិញ ទ្រង់បានផ្សះផ្សា ក្នុងរូបសាច់ទ្រង់ ដោយបានទទួលសុគត ដើម្បីនឹងថ្វាយអ្នករាល់គ្នាជាតង្វាយបរិសុទ្ធ ឥតសៅហ្មង
ហើយឥតកន្លែងបន្ទោសបាន នៅចំពោះទ្រង់។
(កូឡុស ១:២២)
ចូរសម្អាតដំបែចាស់ចេញ ដើម្បីឲ្យអ្នករាល់គ្នាបានត្រឡប់ជាដុំម្សៅថ្មីវិញ ដ្បិតអ្នករាល់គ្នាបានឥតដំបែហើយ ព្រោះព្រះគ្រីស្ទដ៏ជាយញ្ញបូជានៃ
បុណ្យរំលង នោះបានត្រូវថ្វាយជំនួសយើងរាល់គ្នាហើយ។
(១កូរិនថូស ៥:៧)

កា