សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

១៨ វិច្ឆិកា ២០២៥អានរយៈពេល ៨ នាទី

មើល១២៨ដង

ការរៀបចំការពិភាក្សានៅក្នុងក្រុមតូចឲ្យបានល្អ មិនមែនជាការដែលងាយស្រួល ឬលឿននោះទេ ជាពិសេសបើសិនជាក្រុមតូចនោះមានអ្នកចូលរួមមកពីប្រភពផ្សេងៗគ្នា ហើយអ្នកចូលរួមម្នាក់ៗមានការស្ទាក់ស្ទើរក្នុងការបើកចិត្តឱ្យគ្នាទៅវិញទៅមក។ ការកំណត់ពីសំណួរផ្សេងៗដែលត្រូវសួរនៅក្នុងក្រុម ប្រហែលជាការដ៏លំបាកបំផុត និងត្រូវចំណាយពេលវេលាច្រើន បើសិនជាបងប្អូនសង្ឃឹមថានឹងទទួលបានការចូលរួមជាអតិបរមា និងជម្រុញ ការសន្ទនាឲ្យមានទម្ងន់។

ទោះជាយ៉ាងណាក៏ដោយ ដំណឹងល្អគឺបងប្អូនអាចសន្សំសំចៃពេលវេលាបានច្រើនក្នុងការរៀបចំខ្លួនដោយសួរសំណួរដែលល្អបំផុត នោះគឺសំណួរដែលបណ្តាលចិត្ត។

សំណួរដែលបណ្តាលចិត្តគឺជាអ្វី?

សំណួរដែលបណ្តាលចិត្ត គឺជាសំណួរដែលព្រះជាម្ចាស់បានមានបន្ទូលសួររួចហើយ។ សំណួរដែលបណ្តាលចិត្តទាំងនេះ គឺជាសំណួរដ៏ល្អបំផុត ពីព្រោះសំណួរទាំងនេះបានទាក់ទាញចំណាប់អារម្មណ៍របស់យើងឲ្យចូលទៅរកព្រះគ្រីស្ទ ឲ្យចូលទៅរកបទគម្ពីរ និងឲ្យចូលទៅរកកិច្ចការជាអធិបតេយ្យភាពរបស់ព្រះជាម្ចាស់នៅក្នុងពិភពលោក ដោយស្វ័យប្រវត្តិ។ សំណួរទាំងនេះបើកបង្ហាញនៅក្នុងចិត្តរបស់យើង ដែលសំណួរផ្សេងៗទៀតមិនមានឡើយ។

ឧទាហរណ៍

រំលឹកពីសំណួរទាំងនេះ ព្រះយេស៊ូបានមានបន្ទូលសួរថា៖

“ដ្បិតបើអ្នករាល់គ្នាស្រឡាញ់តែអស់អ្នកណាដែលស្រឡាញ់ដល់ខ្លួន នោះតើបានបំណាច់អ្វី?” (ម៉ាថាយ ៥:៤៦)

“ហេតុអ្វីបានជាមនុស្សដំណនេះចង់រកតែទីសំគាល់ដូច្នេះ?” (ម៉ាកុស ៨:១២)

“ហេតុអ្វីបានជាហៅខ្ញុំថា ‘ឱព្រះអម្ចាស់ៗអើយ’ តែមិនធ្វើតាមពាក្យខ្ញុំដូច្នេះវិញ?” (លូកា ៦:៤៦)

“តើអ្នកនឹងប្តូរជីវិតជំនួសខ្ញុំឬ?” (យ៉ូហាន ១៣:៣៨)

ការសួរសំណួរទាំងនេះ គឺជាការបង្រៀនចម្បងរបស់ព្រះយេស៊ូវ។ តាមពិត ផ្នែកសំខាន់ៗនៃព្រះគម្ពីររបស់យើង គឺជាសំណួរជាច្រើន។ ក្នុងព្រះគម្ពីរសញ្ញាថ្មីតែមួយប៉ុណ្ណោះ មានសំណួរប្រហែល ៩៨០សំណួរ។

ការប្រើសំណួរទាំងនេះ ក្នុងការពិភាក្សានៅក្នុងក្រុមតូច

សូមគិតពីសំណួរទាំងនេះ។នៅពេលដែលយើងត្រូវគេសួរសំណួរអ្វីមួយ គំនិតរបស់យើងកាន់តែយកចិត្តទុកដាក់ និងចូលរួមក្នុងការពិភាក្សាយ៉ាងមានប្រសិទ្ធភាព ជាងពេលដែលគេគ្រាន់តែនិយាយប្រាប់។ សំណួរផ្សេងៗធ្វើឲ្យយើងនៅកន្លែងមួយដ៏ល្អ។ សំណួរទាំងនេះតម្រូវឲ្យមានចម្លើយ។ សំណួរទាំងនេះតម្រូវឲ្យមនុស្សពិភាក្សាគ្នា។ សំណួរទាំងនេះមានលក្ខណៈផ្ទាល់ខ្លួន ក្នុងខណៈដែលចម្លើយមានលក្ខណៈជារួម។

នៅមានសំណួរដែលបណ្តាលចិត្តជាច្រើនទៀតដែលធ្វើឲ្យអ្នកជឿមានការរួបរួមគ្នានៅទូទាំងក្រុមជំនុំ និងនិកាយផ្សេងៗ។ ទោះជាយើងរស់នៅទីកន្លែងណា ឬយើងជាសមាជិកក្រុមជំនុំណាក៏ដោយ ក៏គ្រីស្ទបរិស័ទទាំងអស់ មានសំណួរដែលបណ្តាលចិត្តទាំងនេះដូចៗគ្នា។ គ្រប់ពេលដែលបងប្អូនប្រើសំណួរដែលបណ្តាលចិត្តទាំងនេះនៅក្នុងក្រុមតូច ទាំងអ្នកសួរ និងអ្នកឆ្លើយ ត្រូវស្ថិតនៅលើទំព័រតែមួយ។ អ្នកចំណូលថ្មី នឹងសម្របខ្លួនយ៉ាងឆាប់រហ័ស។ អ្នកចូលរួមជាប្រចាំ នឹងនៅតែរួមចំណែក។

វិធីមួយដើម្បីធ្វើកិច្ចការនេះ គឺគ្រាន់តែជ្រើសរើសតួអង្គ ឬកណ្ឌគម្ពីរណាមួយនៅក្នុងព្រះគម្ពីរ រួចសរសេរសំណួរនីមួយៗតាមលំដាប់លំដោយ។ ធ្វើបែបនេះនឹងធ្វើឲ្យអ្នកចូលរួមនៅក្នុងក្រុមមានសកម្មភាពតាមរយៈកណ្ឌគម្ពីរ ឬតាមរយៈតួអង្គនោះ ក្នុងវិធីបែបធម្មជាតិបំផុត។ វានឹងធ្វើឲ្យអ្នកអានម្នាក់ៗ កាន់តែចង់ដឹងចង់ឮថែមទៀតអំពីបរិបទដែលនៅជុំវិញនោះ។ វានឹងលើកកម្ពស់ការវិភាគ ការសំយោគ និងការអនុវត្ត ឲ្យកាន់តែស៊ីជម្រៅថែមទៀត។ វានឹងជួយអ្នកចូលរួមគ្រប់ៗគ្នាឲ្យស្គាល់បទគម្ពីរកាន់តែច្បាស់ ដោយសារតែសំណួរនីមួយៗទាក់ទងទៅនឹងចិត្ត គំនិត និងព្រលឹងរបស់ពួកគេ។

បងប្អូនក៏អាចជ្រើសរើសសំណួរពីបទគម្ពីរដែលស្របទៅនឹងប្រតិទិនរបស់ក្រុមជំនុំ ដែលរួមមាន៖ រដូវកាលនៃការយាងមកដល់នៃអង្គព្រះយេស៊ូវគ្រីស្ទ (Advent) រដូវកាលបុណ្យណូអែល (Christmas) រដូវកាលនៃការបើកសម្តែងពីអង្គព្រះយេស៊ូវគ្រីស្ទ (Epiphany) រដូវកាលមុនថ្ងៃអង្គព្រះយេស៊ូវគ្រីស្ទមានព្រះជន្មរស់ឡើងវិញ (Lent) សប្តាហ៍បរិសុទ្ធ (Holy Week) និងរដូវកាលនៃពិធីបុណ្យព្រះយេស៊ូវគ្រីស្ទមានព្រះជន្មរស់ឡើងវិញ រហូតដល់ព្រះអង្គយាងឡើងទៅស្ថានសួគ៌ (Eastertide) ។ ឧទាហរណ៍ មុនពេលរដូវកាលនៃការយាងមកដល់នៃអង្គព្រះយេស៊ូវគ្រីស្ទ (Advent) និងរដូវកាលបុណ្យណូអែល (Christmas) ជិតមកដល់ សូមធ្វើបញ្ជីសំណួរផ្សេងៗទាក់ទងទៅនឹងរដូវកាលទាំងនេះ សម្រាប់ការពិភាក្សា។ ខាងក្រោមនេះ គឺជាសំណួរមួយចំនួន ដើម្បីឱ្យបងប្អូនចាប់ផ្ដើម៖

“តើលោកជានរណា?” (យ៉ូហាន ១:១៩)

“ដូច្នេះតើកូននេះនឹងបានជាអ្វី?” (លូកា ១:៦៦)

“ខ្ញុំមិនស្គាល់ប្រុសណាផង ដូច្នេះតើធ្វើដូចម្តេចនឹងឲ្យការនេះសំរេចបាន?” (លូកា ១:៣៤)

“តើអ្នករាល់គ្នាស្មានថា ខ្ញុំមកដើម្បីឲ្យមានសេចក្តីសុខសាន្តនៅផែនដីឬអី?” (លូកា ១២:៥១)

សូមប្តូរសំណួរផ្សេងៗរបស់បងប្អូន និងសូមប្តូរក្រុមតូចរបស់បងប្អូន

ក្រុមតូចរបស់បងប្អូនប្រហែលជាអាចរៀនបានច្រើនពីសំណួរដែលបណ្តាលចិត្ត ដូចដែលការពិភាក្សា និងការពន្យល់បានធ្វើជាបន្តបន្ទាប់។ តាមពិត សំណួរដែលបណ្តាលចិត្ត មិនមែនគ្រាន់តែជាការស្វែងរកចម្លើយនោះទេ។ សំណួរទាំងនេះតែងតែជម្រុញការយល់ដឹងរបស់យើងឲ្យកាន់តែខ្ពស់ឡើងថែមទៀត និង ពង្រឹងដំណើររបស់យើងជាមួយនឹងព្រះជាម្ចាស់ និងជាមួយអ្នកដទៃ។ សំណួរទាំងនេះត្រូវបានបង្កើតឡើងដើម្បីបណ្តាលយើងឱ្យធ្វើអ្វីមួយលើសពីការអាន។ សំណួរទាំងនេះនាំមនុស្សឱ្យចូលទៅកាន់តែជិតព្រះជាម្ចាស់។

Note: This guest contribution by Brian J. Wright draws from Brian’s new 365-day devotional book, Inspired Questions: A Year’s Journey Through the New Testament (Christian Focus, 2019).

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២១

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១១០

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

២៧៨

កំណត់ហេតុបណ្ដាញ២៨ តុលា ២០២៥

សូមកុំបោះបង់ទុក្ខលំបាករបស់បងប្អូនចោល!

អរគុណព្រះអង្គ ជំនួយដែលយើងត្រូវការអាចរកឃើញនៅក្នុងដំណឹងល្អបាន គឺជាដំណឹងល្អអំពីអ្វីដែលព្រះជាម្ចាស់បានធ្វើសម្រាប់ប្រជារាស្ដ្ររបស់ទ្រង់ តាមរយៈជីវិត ការសុគត និងការមានព្រះជន្មរស់ឡើងវិញរបស់ព្រះគ្រីស្ទ។ ខណៈដែលដំណឹងល្អជាអ្វីដែលព្រះគ្រីស្ទបានសម្រេចទាក់ទងទៅនឹងការប្រោសលោះ ក៏ដំណឹងល្អនៅមានអត្ថន័យដ៏ទូលំទូលាយសម្រាប់ជីវិតនេះ—អត្ថន័យដែលអាចជួយយើងឲ្យចេះស៊ូទ្រាំឆ្លងកាត់ទុក្ខលំបាកបាន។

អានបន្ថែម

អត្ថបទបន្ថែមពី កំណត់ហេតុបណ្ដាញ

១៨

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៦៩

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦១

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៣១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

កំណត់ហេតុបណ្ដាញ

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១៨ វិច្ឆិកា ២០២៥អានរយៈពេល ៨ នាទី

មើល១២៨ដង

សំណួរដែលបណ្តាលចិត្តគឺជាអ្វី?

ឧទាហរណ៍

រំលឹកពីសំណួរទាំងនេះ ព្រះយេស៊ូបានមានបន្ទូលសួរថា៖

“ហេតុអ្វីបានជាមនុស្សដំណនេះចង់រកតែទីសំគាល់ដូច្នេះ?” (ម៉ាកុស ៨:១២)

“តើអ្នកនឹងប្តូរជីវិតជំនួសខ្ញុំឬ?” (យ៉ូហាន ១៣:៣៨)

ការប្រើសំណួរទាំងនេះ ក្នុងការពិភាក្សានៅក្នុងក្រុមតូច

“តើលោកជានរណា?” (យ៉ូហាន ១:១៩)

“ដូច្នេះតើកូននេះនឹងបានជាអ្វី?” (លូកា ១:៦៦)

សូមប្តូរសំណួរផ្សេងៗរបស់បងប្អូន និងសូមប្តូរក្រុមតូចរបស់បងប្អូន

Note: This guest contribution by Brian J. Wright draws from Brian’s new 365-day devotional book, Inspired Questions: A Year’s Journey Through the New Testament (Christian Focus, 2019).