តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

១១ វិច្ឆិកា ២០២៥អានរយៈពេល ៧ នាទី

មើល១០៧ដង

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

«តែបើសិនជានាងនៅជាប់ក្នុងសេចក្តីជំនឿ សេចក្តីស្រឡាញ់ និងសេចក្តីបរិសុទ្ធ ទាំងមានគំនិតមារយាទ នោះនាងនឹងបានសង្គ្រោះក្នុងកាលដែលបង្កើតកូន» (១ធីម៉ូថេ ២:១៥)

ការជជែកដេញដោលដ៏ធំធេង

ការកាត់ស្រាយនៃកណ្ឌគម្ពីរ ១ធីម៉ូថេ ២:១៥ គឺជាការជជែកដេញដោលដ៏ធំធេងក្នុងចំណោមអ្នកធ្វើអត្ថាធិប្បាយ។ ការយល់ច្រឡំលើអត្ថន័យនៃបទគម្ពីរនេះត្រូវបានឆ្លុះបញ្ចាំងនៅក្នុងការបកប្រែ ឧទាហរណ៍៖ ព្រះគម្ពីរបរិសុទ្ធកែសម្រួលឆ្នាំ២០១៦បានសរសេរថា «នាងនឹងបានសង្គ្រោះតាមរយៈ» ឬក៏ព្រះគម្ពីរខ្មែរបច្ចុប្បន្នឆ្នាំ២០០៥ «ព្រះអង្គសង្គ្រោះស្ត្រីមកពី» ប៉ុន្តែព្រះគម្ពីរបរិសុទ្ធឆ្នាំ១៩៥៤បានចែងថា «នាងនឹងបានសង្គ្រោះក្នុងកាល» និងព្រះគម្ពីរគ្រីស្ទបរិស័ទខ្មែរបានចែងថា «នាងនឹងបានសង្គ្រោះនៅពេល»។

មនុស្សមួយចំនួនបានអះអាងថា សាវ័ក ប៉ុល គ្រាន់តែបញ្ជាក់ថា ស្ត្រីជាគ្រីស្ទបរិស័ទដែលមានចិត្តស្មោះត្រង់នឹងត្រូវបានថែរក្សាខាងផ្នែករាងកាយនៅពេលដែលនាងបង្កើតកូន។ ប៉ុន្តែ នេះជារឿងដែលមិនគួរឲ្យជឿបានទេ ព្រោះយើងដឹងថា មិនមែនស្ត្រីគ្រីស្ទបរិស័ទទាំងអស់សុទ្ធតែអាចរស់រានមានជីវិតក្រោយពេលសម្រាលកូននោះទេ។ ពាក្យជាភាសាក្រិកពិសេសមួយនេះតែងតែសំដៅទៅលើសេចក្ដីសង្គ្រោះខាងព្រលឹងវិញ្ញាណនៅកន្លែងផ្សេងទៀតនៅក្នុងកណ្ឌគម្ពីរផ្សេងៗ ដែលជាលិខិតផ្ញើជូនគ្រូគង្វាល ហើយយើងក៏គ្មានហេតុផលអ្វី ដើម្បីគិតថាកិរិយាសព្ទដែលត្រូវបានប្រើនៅក្នុងបទគម្ពីរនេះមានភាពខុសគ្នានោះទេ។

ប៉ុន្តែ សម្រាប់ស្ត្រីដែលបានរៀបការហើយ ព្រះជាម្ចាស់បានប្រទាននូវទំនួលខុសត្រូវដ៏ពិសេសមួយ ដើម្បីឲ្យពួកនាងមើលថែរក្សាគ្រួសារ។

បើសិនជាដូច្នេះមែន តើសាវ័ក ប៉ុល កំពុងតែលើកឡើងថា ស្ត្រីនឹងបានសង្គ្រោះតាមរយៈការបង្កើតកូនឬ? នេះហាក់ដូចជាផ្ទុយទៅនឹងការបង្រៀនរបស់ សាវ័ក ប៉ុល ដែលថា ការសង្គ្រោះបានមកដោយសារព្រះគុណ តាមរយៈជំនឿ មិនមែនដោយសារការប្រព្រឹត្តទេ (ឧទាហរណ៍៖ អេភេសូរ ២:៨)។

ការកាត់ស្រាយនៃបទគម្ពីរនេះកាលពីបុរាណ បានជៀសវាងសំណួរមួយនេះដោយប្រកាន់ថា ការបញ្ជាក់នេះមិនសំដៅទៅលើការបង្កើតកូន ជាទូទៅទេ ប៉ុន្តែសំដៅទៅលើកំណើតរបស់ព្រះយេស៊ូវ ដែលជាព្រះមេស្ស៊ី។ ការកាត់ស្រាយនេះត្រឡប់ទៅកណ្ឌគម្ពីរ លោកុប្បត្ដិ ៣:១៥ ដែលបានចែងថា ពូជស្ត្រីនឹងកិនក្បាលសត្វពស់ ដែលការទាយទុកជាមុននេះបានសម្រេចនៅក្នុងកំណើតរបស់ព្រះគ្រីស្ទ ដែលជាអ្នកបំផ្លាញកិច្ចការរបស់អារក្សសាតាំង។ ដូច្នេះស្ត្រីត្រូវបានសង្គ្រោះតាមរយៈកំណើតរបស់ព្រះគ្រីស្ទ។ ប៉ុន្តែ ការកាត់ស្រាយនោះត្រូវបរិបទតិចតួចណាស់។

អត្ថន័យដ៏ទូលំទូលាយ

ទំនងដូចជា សាវ័ក ប៉ុល ប្រើពាក្យ «[ការ] បង្កើតកូន» ជាពាក្យប្រៀបធៀបដែលគេដឹងថាជាពាក្យចំណែក (synecdoche)។ ពាក្យចំណែកនេះគឺជាពាក្យមួយផ្នែកដែលតំណាងឲ្យបរិបទទាំងមូល។ ការបង្កើតកូនគឺជាផ្នែកមួយនៃបរិបទទាំងមូល ដែលជាតួនាទីជាទូទៅរបស់ស្ត្រីក្នុងការថែរក្សាគ្រួសារ។ នេះជាតួនាទីដូចដែល សាវ័ក ប៉ុល បានពណ៌នានៅក្នុងកណ្ឌគម្ពីរ ទីតុស ២:៤-៥ ថា «ស្ត្រីក្មេងៗ ត្រូវស្រឡាញ់ប្ដី និងកូនខ្លួនឲ្យមានចិត្តធ្ងន់ ហើយបរិសុទ្ធ ជាអ្នករវល់តែនឹងការនៅផ្ទះខ្លួន ហើយមានចិត្តល្អ នឹងចុះចូលចំពោះប្ដី ដើម្បីកុំឲ្យមានអ្នកណាប្រមាថដល់ព្រះបន្ទូលបានឡើយ»។

ដូច្នេះ ទាំងនៅក្នុងកណ្ឌគម្ពីរ ១ធីម៉ូថេ ជំពូក២ និងទីតុស ជំពូក២ សាវ័ក ប៉ុល បានប្រកាសថា ភរិយាមានតួនាទីដែលព្រះជាម្ចាស់បានតែងតាំងឲ្យមានតួនាទីក្នុងការថែទាំកូន និងផ្ទះសម្បែង។ បទគម្ពីរទាំងពីរនេះមិនមែនជាការអះអាងថា ស្ត្រីត្រូវមានកូន ដើម្បីទទួលបានការសង្គ្រោះនោះឡើយ។ ហើយកណ្ឌគម្ពីរទាំងពីរនេះក៏មិនមែនជាការបង្រៀនថា ស្ត្រីត្រូវតែរៀបការ ដើម្បីបានសង្គ្រោះនោះដែរ។ ប៉ុន្តែ សម្រាប់ស្ត្រីទាំងឡាយណាដែលបានរៀបការរួចហើយ ព្រះជាម្ចាស់បានប្រគល់តួនាទីពិសេសមួយក្នុងការថែទាំកូន និងផ្ទះសម្បែង។

ការបំពេញតួនាទីនេះរបស់ភរិយានឹងជាភស្តុតាងមួយនៃការខ្ជាប់ខ្ជួនក្នុងជំនឿ។ នៅក្នុងបទគម្ពីរនេះ សេចក្តីសង្គ្រោះគឺជាអនាគត៖ «នាងនឹងបានសង្គ្រោះ»។ ដូច្នេះ ពាក្យនេះមិនមែនជាពាក្យដែលមានន័យសំដៅដល់ការចូលទៅកាន់សេចក្តីសង្គ្រោះដោយទស្សនៈបែបនោះទេ ប៉ុន្តែគឺជាសេចក្តីសង្គ្រោះដ៏ធំបំផុតនាពេលអនាគត។ ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

និពន្ធដោយ៖ Denny Burk
បកប្រែដោយ៖ លោកស្រី កែវ សិរីវុឌ្ឍី
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក សឹម រក្សា, លោកស្រី ឡូញ ស្រីរដ្ឋ និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី crossway.org ដោយមានការអនុញ្ញាត។

កំណត់យោង៖

លោក Thomas R. Schreiner, “An Interpretation of 1 Timothy 2:9–15: A Dialogue with Scholarship,” in Women in the Church: An Interpretation and Application of 1 Timothy 2:9–15, ed. Andreas J. Köstenberger and Thomas R. Schreiner, 3rd ed. (Wheaton, IL: Crossway, 2016), 222.

អត្ថបទនេះត្រូវបានកែសម្រួលពីសៀវភៅអធិប្បាយ “ESV Expository Commentary: Ephesians–Philemon (Volume 11)” កែសម្រួលដោយលោក៖ Iain M. Duguid, James M. Hamilton Jr., និងលោក Jay Sklar។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២០

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៨

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម

តើមានន័យដូចម្តេចដែលស្ត្រីត្រូវចុះចូលចំពោះប្តីរបស់ខ្លួន? (អេភេសូរ ៥)

១២៩៤

ក្តៅៗ

កំណត់ហេតុបណ្ដាញ៩ ធ្នូ ២០២៥

តើមានន័យដូចម្តេចដែលស្ត្រីត្រូវចុះចូលចំពោះប្តីរបស់ខ្លួន? (អេភេសូរ ៥)

បទគម្ពីរទាំងបីនេះបញ្ជាក់ថា ប្រពន្ធមិនមែនត្រូវបានរំពឹងថាឲ្យចុះចូលចំពោះប្ដីនៃស្ត្រីគ្រប់ៗគ្នានោះឡើយ ប៉ុន្តែត្រូវចុះចូលដោយជាក់លាក់ចំពោះប្ដីរបស់នាងផ្ទាល់។

អានបន្ថែម