រង្វាន់នៅស្ថានសួគ៌

ប៉ុន្តែ សូម្បីតែរង្វាន់នេះក៏ជាអំណោយទានដ៏ពេញដោយព្រះគុណពីព្រះជាម្ចាស់ផងដែរ នេះក្នុងករណីថា ទង្វើទាំងនោះជាលទ្ធផលនៃការដែលព្រះជាម្ចាស់បានធ្វើការក្នុងលោកអ្នក (យ៉ូហាន ១៥:៤-៥; ភីលីព ២:១២-១៣)។

២៧ ឧសភា ២០១៩អានរយៈពេល ៤ នាទី

មើល៧៩៣ដង

សេ

ចក្ដីសង្គ្រោះកើតឡើងដោយព្រះគុណតែប៉ុណ្ណោះ ដោយសារជំនឿតែប៉ុណ្ណោះ មិនមែនតាមរយៈទង្វើនានានោះទេ (អេភេសូរ ២:៨-៩)។ ដូច្នេះ រាល់គ្រប់អ្នកជឿនឹងទទួលបានអំណោយទាននៃសេចក្ដីសង្គ្រោះដោយសារព្រះគុណដូចៗគ្នា មិនថាគាត់ជាគ្រីស្ទបរិស័ទយ៉ាងយូរឆ្នាំប៉ុណ្ណាក៏ដោយ ឬក៏ថាគាត់មានផលផ្លែច្រើនប៉ុណ្ណាក៏ដោយក្នុងការបម្រើព្រះជាម្ចាស់ (ម៉ាថាយ ២០:១០-១២; ២៥:១៤-២៣)។

ទោះជាព្រះគម្ពីរបានលើកឡើងថា «អ្នកណាដែលនៅក្នុងព្រះគ្រីស្ទយេស៊ូវ នោះគ្មានទោសសោះ» (រ៉ូម ៨:១) ក៏យើងនៅឃើញខគម្ពីរមួយចំនួនទៀតដែលរៀបរាប់អំពីការថ្កោលទោស និងការដែលព្រះអម្ចាស់ត្រាស់ហៅឲ្យអ្នកជឿពិពណ៌នាអំពីអ្វីដែលពួកគាត់បានធ្វើផងដែរ (រ៉ូម ១៤:១០, ១២; ២កូរិនថូស ៥:១០)។ ទោះបើយើងទទួលបានសេចក្ដីសង្គ្រោះដោយព្រះគុណតែប៉ុណ្ណោះ ក៏ជំនឿនៃការសង្គ្រោះមិនតែឯងនោះដែរ—វាបង្កើតឲ្យមានផលផ្លែនៃទង្វើល្អៗ ហេតុដូច្នេះការថ្កោលទោសអ្នកជឿគឺអាស្រ័យទៅលើរបៀបនៃការដែលយើងបានរស់នៅក្នុងនាមជាអ្នកជឿ។

ទង្វើមួយចំនួននៃអស់អ្នកដែលបានអះអាងថាខ្លួនបានជឿនឹងត្រូវបើកសម្ដែងឲ្យឃើញថា តាមពិតទៅគាត់មិនមែនជាអ្នកជឿដ៏ពិតឡើយ (ម៉ាថាយ ៧:២១-២៣)។ ប៉ុន្តែ ចំពោះអស់អ្នកដែលជឿដ៏ពិតប្រាកដមែន គាត់នឹងទទួលបានរង្វាន់ដោយយោងលើទង្វើរបស់ពួកគាត់ (ម៉ាថាយ ១០:៤១; លូកា ៦:៣៥; ១៤:១៣-១៤; វិវរណៈ ១១:១៨)។ ប៉ុន្តែ សូម្បីតែរង្វាន់នេះក៏ជាអំណោយទានដ៏ពេញដោយព្រះគុណពីព្រះជាម្ចាស់ផងដែរ នេះក្នុងករណីថា ទង្វើទាំងនោះជាលទ្ធផលនៃការដែលព្រះជាម្ចាស់បានធ្វើការក្នុងលោកអ្នក (យ៉ូហាន ១៥:៤-៥; ភីលីព ២:១២-១៣)។

ការថ្កោលទោសនេះដែលនឹងកើតឡើងគួរលើកទឹកចិត្តយើងឲ្យបន្តក្នុងការប្រព្រឹត្តទង្វើល្អៗ។ ព្រះវរបិតារបស់យើងដែលគង់នៅស្ថានសួគ៌ទតឃើញនូវរាល់អ្វីៗដែលយើងធ្វើដែលអ្នកដទៃមើលមិនឃើញ ហើយព្រះអង្គក៏នឹងប្រទានរង្វាន់ដល់យើងសម្រាប់វាដែរ (ម៉ាថាយ ៦:៤, ១៨)។ ដូចដែលនឹងមានកម្រិតនៃការដាក់ទារុណកម្មសម្រាប់អ្នកមិនជឿ (ម៉ាថាយ ១១:២២; លូកា ១២:៤៧-៤៨; ២០:៤៧) នោះសម្រាប់អ្នកជឿក៏នឹងមានកម្រិតនៃរង្វាន់ផងដែរ (លូកា ១៩:១៧, ១៩) ទោះបើយើងមិនដឹងថា តើវានឹងមានលក្ខណៈបែបយ៉ាងដូចម្ដេចនៅឡើយ។

អ្នកជឿមួយចំនួននឹងឃើញពីគុណភាពនៃទង្វើរបស់ពួកគាត់បើកសម្ដែងឡើងក្នុងពេលថ្កោលទោស ហើយពួកគាត់នឹងទទួលបានការសង្គ្រោះ ប៉ុន្តែហាក់បីដូចជាបុគ្គលម្នាក់ដែលគ្រាន់តែគេចផុតចេញពីភ្លើងអញ្ចឹង (១កូរិនថូស ៣:១០-១៥)។ ទោះបើពេលនោះអ្នកជឿនឹងគ្មានទុក្ខព្រួយ ការសោកស្ដាយ ឬក៏ការច្រណែនគ្នា និងរង្វាន់ខុសៗគ្នានៅគ្រាដែលនឹងមកដល់ក៏ដោយ ក៏យើងគួរតែនៅមានកម្លាំងចិត្តក្នុងការមានភាពស្មោះត្រង់ក្នុងការបម្រើព្រះអម្ចាស់ឥឡូវនេះដែរ (២កូរិនថូស ៥:១០-១១)។

និពន្ធដោយ៖ លោកគ្រូ Marcus Nodder
បកប្រែដោយ និងកែសម្រួលដោយ៖ លោក ឈាង បូរ៉ា, លោក ទេព រ៉ូ, លោក ម៉េង មនោ និងលោកស្រី ឡូញ ណារ៉ុង
ដកស្រង់ខ្លះៗចេញពី www.thegoodbook.com ដោយមានការអនុញ្ញាត។

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៧

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២១៦

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥១

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៨

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៦

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម