ព្រះជាម្ចាស់ និងការនៅស្ងាត់

ប្រមាណជាង៤០០ឆ្នាំ មុនការប្រសូតរបស់ព្រះគ្រីស្ទ ព្រះជាម្ចាស់បានឈប់មានបន្ទូលទៅកាន់ហោរារបស់ទ្រង់។ ការបើកសម្ដែងឥតល្ហែដែលមានតាំងពីលោក…

២០ ធ្នូ ២០២២អានរយៈពេល ៨ នាទី

មើល៣១៦ដង

ប្រមាណជាង៤០០ឆ្នាំ មុនការប្រសូតរបស់ព្រះគ្រីស្ទ ព្រះជាម្ចាស់បានឈប់មានបន្ទូលទៅកាន់ហោរារបស់ទ្រង់។ ការបើកសម្ដែងឥតល្ហែដែលមានតាំងពីលោក ម៉ូសេ ដល់ ហោរា ម៉ាឡាគី ក៏មានការបញ្ឈប់។ ពួកស្ដេចកំពុងតែស្ថិតក្នុងភាពជាឈ្លើយ អ្នកតែងកំណាព្យបានព្យួរឧបករណ៍ភ្លេងនៅលើដើមឈើនៅក្រុងបាប៊ីឡូន ហើយក៏បានយំខណៈពេលដែលពួកគាត់ច្រៀងបទចម្រៀងនៅទីក្រុងស៊ីយ៉ូន។ ពួកហោរាបានត្រឡប់ទៅមើលសត្វចៀម និងដើមល្វា ខណៈពេលដែលសាសន៍ អ៊‌ីស្រាអែល និងសាសន៍យូដាបែកខ្ញែកពីគ្នា។ ពេលខ្លះ គេហៅយុគសម័យនោះថា «៤០០ឆ្នាំនៃការនៅស្ងៀមស្ងាត់»។

ប៉ុន្តែ ពាក្យ «ស្ងៀមស្ងាត់» មិនមែនមានន័យថា «គ្មានសកម្មភាព» នោះទេ។

ព្រះជាម្ចាស់បានធ្វើការ ដោយរៀបចំពិភពលោកដែលព្រះអង្គនឹងចាត់តព្រះរាជបុត្រារបស់ទ្រង់យាងមក។ លោក អាលេកហ្សិនឌ័រ ដ័រ គ្រើត៍ (Alexander the Great) បានវាយយកពិភពលោកជាមួយនឹងកងទ័ពរបស់គាត់ និងភាសារបស់គាត់។ ពួកសាសន៍រ៉ូមក៏បានមក ហើយវាយយកពិភពលោកជាថ្មីម្ដងទៀត ដោយសាងសង់ផ្លូវជាច្រើន ដើម្បីភ្ជាប់ផ្លូវសរសៃសូត្រទិសខានកើតជាមួយនឹងពិភពលោកសន្តិភាព ភេក រ៉ូម៉ាណា (Pax Romana)។ សាសន៍យូដាជាច្រើននាក់នៅស្រុកពើស៊ី និងស្រុកអេស៊ីព្ទបានសិក្សាព្រះគម្ពីរហេប្រឺ ហើយក៏បានបកប្រែទៅជាភាសាក្រិក ដែលជាលទ្ធផលបណ្ដាលឲ្យមនុស្សជាច្រើនអាចអានបានដែរ។

ហើយបន្ទាប់មក ព្រះអង្គក៏បានមានបន្ទូល។ ជាដំបូងទៅកាន់ហោរា សាការី ហើយបន្ទាប់មកទៅកាន់ស្ត្រីដែលស្ដាប់បង្គាប់ម្នាក់នៅស្រុក ណាសារ៉ែត និងទៅកាន់គូដណ្ដឹងដែលកំពុងមានភាពងឿងឆ្ងល់។

ព្រះយេស៊ូវបានមកយកសណ្ឋានក្នុងកាលៈទេសៈមិនធម្មតា ព្រះអង្គបានប្រសូតនៅភូមិបេថ្លេហិម ដែលជាស្រុកកំណើតរបស់ស្ដេចដាវីឌ។ អ្នកគង្វាលនៃសាសន៍អ៊‌ីស្រាអែលបានប្រសូតមកក្នុងចំណោមសត្វចៀម ហើយពួកគង្វាលបានគោរពអបអរសាទរជាមួយនឹងពួកទេវតាដែរ។ ព្រះបន្ទូលដែលបានចេញរាជសារឲ្យផែនដីនេះកើតមកក៏បានព្រះកន្សែង ខណៈពេលដែលទ្រង់ប្រសូត។

ភាពស្ងៀមស្ងាត់ក៏ត្រូវបែកខ្ចាយ។ ជារៀងរហូតមែនឬ?

«ឯព្រះ ដែលពីដើម ទ្រង់មានបន្ទូលនឹងពួកឰយុកោ ដោយពួកហោរា ជាច្រើនដងច្រើនបែប នៅជាន់ក្រោយបង្អស់នេះ ទ្រង់បានមានបន្ទូលនឹងយើងរាល់គ្នា ដោយសារព្រះរាជបុត្រាវិញ ដែលទ្រង់បានតម្រូវឲ្យបានគ្រងរបស់ទាំងអស់ ទុកជាមរដក ព្រមទាំងបង្កើតលោកីយ ដោយសារព្រះរាជបុត្រានោះដែរ» (ហេព្រើរ ១:១-២)។

ហើយទ្រង់ក៏បានមានបន្ទូលម្ដងហើយម្ដងទៀត. . .

ព្រះយេស៊ូវបានបង្ហាញថា ព្រះជាម្ចាស់មានលក្ខណៈយ៉ាងដូចម្ដេច។ ព្រះអង្គទទួលយកអ្នកដែលគេបោះបង់ចោល ប៉ះមនុស្សមានឃ្លង់ ហើយក៏បានបំពេញតម្រូវការអ្នកខ្វាក់។ ព្រះអង្គបានកម្សាន្តចិត្តអស់អ្នកដែលបានបាត់បង់កូន ហើយក៏បានដកចេញនូវទុក្ខព្រួយរបស់ពួកគេដែរ។ ព្រះអង្គបានប្ដូរអាហារសម្រន់របស់ក្មេងប្រុសម្នាក់ឲ្យទៅជាការជប់លៀងដ៏ធំធេងមួយ។ ព្រះអង្គបានដើរលើផ្លូវដីជាមួយនឹងពួកសិស្សរបស់ទ្រង់ ហើយបានអញ្ជើញឲ្យសាសន៍អ៊‌ីស្រាអែលទទួលស្គាល់ទ្រង់។

ប៉ុន្តែ សាសន៍អ៊‌ីស្រាអែលបានឈប់ស្ដាប់ហើយ។ ពួកសង្ឃ និងអ្នកដឹកនាំបានរៀបគម្រោងសម្ងាត់ ដើម្បីបំបិទមាត់អ្នកបង្កបញ្ហានេះ ប៉ុន្តែកូនចៀមនៃព្រះបានឈរនៅមុខអ្នកដឹកនាំ អ្នកកាត់ក្ដីរបស់ទ្រង់ ដោយមានភាពស្ងៀមស្ងាត់។ កណ្ឌគម្ពីរអេសាយជំពូក៥៣បានសរសេរចុះអំពីការនោះ ខណៈពេលដែលយើងដែលជាកូនចៀមវង្វេង គឺព្រះអង្គទេដែលគេបាននាំយកទៅសម្លាប់ចោលយ៉ាងស្ងាត់។

នៅថ្ងៃបន្ទាប់ យើងឃើញព្រះមេស្ស៊ីស្រែកយំពីឈើឆ្កាង។ ព្រះអង្គបានថ្ងូរដោយប្រើប្រាស់ពាក្យពេចន៍ ដែលជីតាទ្រង់បានសរសេរចុះមួយពាន់ឆ្នាំមុន៖

«ឱព្រះនៃទូលបង្គំ ព្រះនៃទូលបង្គំអើយ
ហេតុអ្វីបានជាទ្រង់លះចោលទូលបង្គំ
ហើយគង់ឆ្ងាយឥតជួយទូលបង្គំ ឬស្តាប់សេចក្ដីដំងូរ
របស់ទូលបង្គំដូច្នេះ ឱព្រះនៃទូលបង្គំអើយ ទូលបង្គំអំពាវនាវនៅពេលថ្ងៃ
តែទ្រង់មិនមានបន្ទូលឆ្លើយមកសោះ
ក៏ស្រែកនៅពេលយប់ផង តែទូលបង្គំមិនចេះស្រាកស្បើយឡើយ» (ទំនុកតម្កើង ២២:១-២)។

ព្រះក៏បាននៅស្ងាត់។

«ប៉ុន្តែកុំតាមចិត្តទូលបង្គំឡើយ សូមសម្រេចតាមព្រះហឫទ័យទ្រង់វិញ» ព្រះយេស៊ូវទើបតែបានព្រះកន្សែងប៉ុន្មានម៉ោងមុននោះ។ ហើយឥឡូវនេះ សម្រាប់មួយរយៈពេល ព្រះអម្ចាស់សព្វព្រះហឫទ័យក្នុងការនៅស្ងៀមស្ងាត់វិញ។

ប៉ុន្តែ ពាក្យ «ស្ងៀមស្ងាត់» មិនមែនមានន័យថា «អវត្តមាន» ទេ។

ព្រះជាម្ចាស់ក៏គង់នៅឯឈើឆ្កាងដែរ។ ព្រះអង្គមានព្រះវត្តមាន។ សេចក្ដីក្រោធរបស់ទ្រង់បានទទួលការស្កប់សព្វព្រះទ័យក្នុងដំណើរការនៃផែនការនេះ ដែលបានគ្រោងទុកតាំងពីមុនពេលមានពេលវេលាទៅទៀត។ យញ្ញបូជារបស់ព្រះយេស៊ូវសម្រាប់រាស្ត្ររបស់ទ្រង់បានប្រទានទីជម្រកដល់អស់អ្នកដែលនឹងទុកចិត្តលើព្រះអង្គ។ នឹងមិនដែលមានជាថ្មីម្ដងទៀតទេ ដែលរាស្ត្ររបស់ព្រះជាម្ចាស់នឹងប្រឈមមុខជាមួយនឹងការដែលទ្រង់នៅស្ងៀមស្ងាត់។

ភាពស្ងៀមស្ងាត់នោះក៏បានបែកខ្ចាយជារៀងរហូតទៅ។

ពេលខ្លះ ជីវិតរបស់យើងមានពេញទៅដោយភាពរញ៉េរញ៉ៃ ដោយដកព្រះសូរសៀងរបស់ទ្រង់ចេញ។ ពេលខ្លះ ផ្ទៃមេឃមានលក្ខណៈហាក់បីដូចជាដែកកោង ដោយបញ្ជូនសេចក្ដីអធិស្ឋានរបស់យើងត្រឡប់មកវិញ។ ប៉ុន្តែ ក្នុងភាពស្ងៀមស្ងាត់នោះ រាស្ត្ររបស់ព្រះអង្គអាចដឹងយ៉ាងប្រាកដថា៖ បុរសនៃរាល់ទុក្ខព្រួយ ព្រះយេស៊ូវ ព្រះមេស្ស៊ី សម្ដេចសង្ឃដ៏អស្ចារ្យ ព្រះអង្គអាចយល់អំពីរាស្ត្រទ្រង់ក្នុងគ្រប់របៀបបាន ដោយសារការសុគតរបស់ព្រះអង្គ។ ព្រះអង្គជ្រាប។ ព្រះអង្គកំសាន្តចិត្ត។ ព្រះអង្គអង្វរករជំនួស។ ព្រះអង្គព្យាបាល។ ហើយព្រះអង្គក៏នៅបន្តមានព្រះបន្ទូលដែរ។

និពន្ធដោយ៖ បណ្ឌិត Lisa LaGeorge
បកប្រែដោយ៖ លោក ឈាង ប៉ូរា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ឯក សត្យា និងលោក ឯក ធីម៉ូថេ
យើងទទួលបានការអនុញ្ញាតពី www.lisalageorge.com ឲ្យកែសម្រួលដោយមានការពន្យល់បែបសង្ខេប។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៣

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៨

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១០

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧០

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម