តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

ប្រសិនបើព្រះជាម្ចាស់មិនបានប្រោសព្រះគ្រីស្ទឲ្យបានមានព្រះជន្មរស់ឡើងវិញ នោះដំណឹងល្អរបស់យើងគឺជាការឥតអំពើ ជំនឿរបស់យើងគឺជាការឥតអំពើ ដែលនេះមានន័យថា យើងកំពុងតែប្រកាសដំណឹងក្លែងក្លាយ។ បើដូច្នោះមែន នោះយើងគួរតែស៊ីផឹក ហើយអរសប្បាយចុះ ដ្បិតថ្ងៃស្អែកយើងនឹងស្លាប់។

១៩ មេសា ២០២៥អានរយៈពេល ១០ នាទី

មើល១៨៩ដង

លោកគ្រូ តើអ្វីទៅជាអត្ថន័យសំខាន់ៗទាក់ទងនឹងថ្ងៃដែលព្រះអង្គមានព្រះជន្មរស់ឡើងវិញ?

ព្រះយេស៊ូវគ្រីស្ទ ដែលជាព្រះរាជបុត្រារបស់ព្រះជាម្ចាស់ ដែលបានយាងមកផែនដីនេះពីព្រះវរបិតា បានប្រសូតពីនាងក្រមុំព្រហ្មចារី បានមានព្រះជន្មរស់នៅដោយគ្មានអំពើបាប និងបានធ្វើការអស្ចារ្យជាច្រើន ព្រមទាំងបានស្រឡាញ់មនុស្សម្នា គឺជាព្រះដែលគេបានឆ្កាងជំនួសអំពើបាបរបស់យើង ហើយនៅថ្ងៃទី៣—គឺថ្ងៃដែលព្រះអង្គមានព្រះជន្មរស់ឡើងវិញនេះ ជាការប្រារព្ធអបអរសាទរនៅថ្ងៃអាទិត្យនោះ—ព្រះវរបិតាក៏បានប្រោសព្រះអង្គឲ្យមានព្រះជន្មរស់ពីសុគតឡើងវិញ ហើយមិនឲ្យសុគតជាថ្មីម្ដងទៀតទេ។

ហើយដូចដែលលោក លូកា បានប្រាប់យើង បន្ទាប់ពីគាត់បានធ្វើការស្រាវជ្រាវខាងផ្នែកប្រវត្តិសាស្ត្ររួចស្រេចអស់ហើយថា អស់រយៈពេល៤០ថ្ងៃ ព្រះយេស៊ូវបានប្រទាននូវភស្តុតាងជាច្រើន ដែលមិនអាចជាការក្លែងក្លាយបាន ហើយសាវ័ក ប៉ុល ផ្ទាល់ (ដែលបានក្លាយជាសាវ័កក្រោយគេបង្អស់) ក៏បានលើកឡើងផងដែរថា មានមនុស្ស៥០០នាក់ជាងបានឃើញព្រះយេស៊ូវបន្ទាប់ពីទ្រង់មានព្រះជន្មរស់ឡើងវិញ ហើយក៏នៅមានអ្នកខ្លះនៅរស់ដែរ ប្រសិនបើមានអ្នកចង់ទៅនិយាយសួរនាំ (១កូរិនថូស ១៥:៦)។ នេះគឺជាភស្តុតាងប្រវត្តិសាស្ត្រដែលពួកគាត់មាន។

ព្រះយេស៊ូវបានមានព្រះជន្មរស់ឡើងវិញខាងឯសាច់ឈាមផ្ទាល់។ ពួកគាត់បានស្គាល់ទ្រង់។ ពួកគាត់អាចយកដៃខ្លួនទៅប៉ះរបួសរបស់ទ្រង់បាន។ ព្រះអង្គបានសោយសាច់ត្រីនៅពីមុខពួកគាត់ ដើម្បីបង្ហាញថាវិញ្ញាណ ឬក៏ខ្មោចមិនមានសាច់ឈាមដូចដែលពួកគាត់បានឃើញថាទ្រង់មាននោះទេ (លូកា ២៤:៣៩)។ ហើយទោះជាយ៉ាងណាក៏ដោយក៏វាលើសពីសាច់ឈាមផងដែរ ពីព្រោះព្រះអង្គបានទៅ ហើយនិងមកតាមតែព្រះហឫទ័យរបស់ទ្រង់ សូម្បីតែទ្វារជាប់សោក៏មិនអាចឃាំងទ្រង់បានដែរ។ ហើយក៏មានទិដ្ឋភាពថ្មីចម្លែកអំពីព្រះកាយរបស់ទ្រង់ដែរ។

ព្រះអង្គបានយាងទៅកាន់ខាងស្ដាំព្រះហស្តរបស់ព្រះវរបិតា។ ព្រះអង្គគង់នៅឯបល្ល័ង្កជាមួយនឹងព្រះជាម្ចាស់។ ព្រះអង្គទទូចអង្វរជំនួសយើងនៅទីនោះ ដោយអធិស្ឋានជំនួសរាស្ត្ររបស់ទ្រង់ជារៀងរាល់ថ្ងៃ។ ព្រះអង្គកំពុងតែសោយរាជរហូតទាល់តែទ្រង់បានដាក់ខ្មាំងសត្រូវរបស់ទ្រង់ក្រោមព្រះបាទារបស់ទ្រង់។ កណ្ឌគម្ពីរម៉ាថាយបានលើកឡើងថា ព្រះអង្គមានគ្រប់អំណាចនៅលើផែនដី និងស្ថានសួគ៌ (ម៉ាថាយ ២៨:១៨)។ ព្រះអង្គនឹងមិនដែលសុគតជាម្ដងទៀតឡើយ។ ព្រះអង្គក៏មានកូនសោនៃសេចក្ដីស្លាប់ និងស្ថាននរកនៅក្នុងព្រះហស្តរបស់ទ្រង់។

ហេតុអ្វីបានជាថ្ងៃដែលព្រះអង្គមានព្រះជន្មរស់ឡើងវិញសំខាន់ម៉្លេះ?

ជាការចាប់ផ្ដើម ពីព្រោះនោះជាព្រឹត្តិការណ៍ដែលបានកើតឡើងមែន។ ដូច្នេះ សំណួរសួរថា៖ តើអ្វីទៅជាការអនុវត្តសម្រាប់យើង ទាក់ទងនឹងអំណះអំណាងដ៏ភ្ញាក់ផ្អើលនេះ និងចំណុចពិតនៃថ្ងៃដែលព្រះអង្គមានព្រះជន្មរស់ឡើងវិញ?

ការដែលព្រះអង្គមានព្រះជន្មរស់ឡើងវិញមានន័យថា អំពើបាបរបស់ខ្ញុំបានទទួលការអត់ទោស។ សាវ័ក ប៉ុល បានលើកឡើងនៅក្នុងកណ្ឌគម្ពីរ ១កូរិនថូស ១៥:១៧ ថាប្រសិនបើព្រះគ្រីស្ទមិនបានមានព្រះជន្មរស់ឡើងវិញទេ នោះមានន័យថា យើងនៅជាប់ក្នុងអំពើបាបរបស់យើងនៅឡើយ។ ដែលនេះបង្ហាញថា ប្រសិនបើព្រះអង្គពិតជាបានមានព្រះជន្មរស់ឡើងវិញមែន នោះបញ្ហានៃអំពើបាបរបស់យើងបានឈានដល់ទីបញ្ចប់ហើយ។ ហើយវាដូច្នោះមែន ពីព្រោះការមានព្រះជន្មរស់ឡើងវិញបង្ហាញថាគ្មានទោស ទាក់ទងនឹងព្រឹត្តិការណ៍ដែលបានកើតឡើងនៅថ្ងៃសុក្រដ៏ល្អ ដែលសំដៅទៅលើការសុគតរបស់ទ្រង់។ ការសុគតរបស់ទ្រង់ពិតជាបានគ្របបាំងអំពើបាបរបស់រាស្ត្រទ្រង់មែន។ កាលនោះពិតជាបានប្រទាលនូវសេចក្ដីសុចរិតដ៏ល្អឥតខ្ចោះសម្រាប់យើងមែន។

ដូចដែលបានលើកឡើងក្នុងកណ្ឌគម្ពីរ រ៉ូម ៤:២៥ «ទ្រង់ត្រូវគេបញ្ជូនទៅ»—ដែលនេះសំដៅទៅលើឈើឆ្កាង—«ឲ្យមានទោស ដោយព្រោះអំពើរំលងរបស់យើងរាល់គ្នា ហើយបានប្រោសឲ្យមានព្រះជន្មរស់ឡើងវិញ ប្រយោជន៍ឲ្យយើងរាល់គ្នាបានរាប់ជាសុចរិត» ដែលនេះមានន័យថា ដូចដែលអំពើបាបរបស់យើងបាននាំទ្រង់ទៅកាន់ឈើឆ្កាង នោះកិច្ចការដែលទ្រង់បានសម្រេច ដើម្បីដោះស្រាយអំពើបាបរបស់យើង បាននាំឲ្យទ្រង់ចេញពីផ្នូរវិញ។ ហាក់បីដូចជាថាព្រះអង្គបានទតមើល ហើយមានបន្ទូលថា «កិច្ចការនៃបុត្រារបស់អញគឺល្អឥតខ្ចោះ។ បុត្រារបស់អញនឹងមិនបន្តនៅក្នុងផ្នូរទៀតទេ»។ ហើយព្រះអង្គក៏បានប្រោសឲ្យទ្រង់មានព្រះជន្មរស់ពីសុគតឡើងវិញ ដើម្បីបង្ហាញថាលែងមានទោសទៀត ទាក់ទងនឹងអ្វីដែលទ្រង់បានសម្រេចទាំងអស់សម្រាប់យើង។

ដូច្នេះ ជាការអនុវត្ត ចំណុចមួយដែលលោកអ្នកអាចលើកឡើងអំពីថ្ងៃដែលព្រះអង្គមានព្រះជន្មរស់ឡើងវិញគឺថារៀងរាល់ថ្ងៃ៖ សេចក្ដីសន្យារបស់ព្រះជាម្ចាស់មកកាន់ខ្ញុំ គឺដើម្បីជួយខ្ញុំក្នុងរាល់គ្រប់នាទីនៃជីវិតរបស់ខ្ញុំ មានការធានាតាមរយៈការមានព្រះជន្មរស់ឡើងវិញរបស់ព្រះយេស៊ូវគ្រីស្ទ ដោយសារការមានព្រះជន្មរស់ឡើងវិញបង្ហាញថាឈើឆ្កាងគ្មានទោសទៀតទេ នៅពេលដែលព្រះអង្គបានទិញសេចក្ដីសន្យានោះសម្រាប់ខ្ញុំ។

ដោយសារព្រះអង្គបានមានព្រះជន្មរស់ឡើងវិញ កណ្ឌគម្ពីរ ភីលីព ៣:២០-២១ បានលើកឡើងដោយថា ព្រះយេស៊ូវនឹងប្រទានមកកាន់ខ្ញុំនូវរូបកាយដូចជាព្រះកាយដែលព្រះអង្គបានមាន បន្ទាប់ពីទ្រង់បានមានព្រះជន្មរស់ឡើងវិញ។ នៅពេលដែលខ្ញុំស្លាប់ ហើយព្រះអង្គបានប្រោសឲ្យខ្ញុំរស់ពីស្លាប់ឡើងវិញ នៅពេលដែលទ្រង់យាងមកជាលើកទី២ នោះព្រះគ្រីស្ទនឹងប្រទានមកកាន់ខ្ញុំនូវរូបកាយដូចជាព្រះកាយដ៏អស្ចារ្យរបស់ទ្រង់ដែរ។ ដូច្នេះ ព្រះកាយដែលព្រះយេស៊ូវមាន បន្ទាប់ពីទ្រង់បានមានព្រះជន្មរស់ឡើងវិញគឺជារូបកាយដំបូង ជាផលផ្លែដំបូង និងជាប្រភេទនៃរូបកាយដែលរាស្ត្ររបស់ទ្រង់ទាំងអស់នឹងទទួលបាន។

ហើយបន្ទាប់មកទៀត ហាក់បីដូចជាថាចំណុចនោះមិនអស្ចារ្យល្អល្មមគ្រប់គ្រាន់ នោះកណ្ឌគម្ពីរ រ៉ូម ៨:២១ ក៏បានបន្តចែងទៀតថា នៅពេលដែល «សេរីភាពនៃសិរីល្អរបស់ពួកកូនព្រះ» ឈានមកដល់ ហើយពួកគាត់ទទួលបានការប្រោសឲ្យរស់ឡើងវិញពីស្លាប់ ហើយទទួលបានរូបកាយដែលពេញដោយសិរីល្អ នោះក៏នឹងមានការបង្កើតផ្ទៃមេឃ និងផែនដីថ្មីដែលសមរម្យសម្រាប់ជាកន្លែងលេងមួយសម្រាប់យើង ដែលទទួលបានរូបកាយថ្មី ដែលនឹងមិនប្រព្រឹត្តអំពើបាបទៀត ដែលនឹងមិនចេះឈឺទៀត ហើយគ្រប់ទឹកភ្នែកក៏នឹងត្រូវបានជូតចេញដែរ។

ចំណុចអនុវត្តទាក់ទងនឹងថ្ងៃដែលព្រះអង្គបានមានព្រះជន្មរស់ឡើងវិញគឺពិតជាអស្ចារ្យមែន។ ចំណុចអនុវត្តនោះមានតម្លៃផ្ទាល់ ទាក់ទងនឹងជីវិតរស់នៅជាប្រចាំថ្ងៃ នៅពេលដែលយើងមានការលំបាក ហើយក៏មានតម្លៃសម្រាប់ពិភពលោកទាំងមូលផងដែរ សូម្បីតែសម្រាប់ចក្រវាលទាំងមូលក៏មានតម្លៃ ពីព្រោះការដែលព្រះយេស៊ូវបានមានព្រះជន្មរស់ឡើងវិញធានាថា អ្វីៗទាំងអស់នឹងត្រូវបានបង្កើតឡើងជាថ្មី។

ការមានព្រះជន្មរស់ឡើងវិញគឺជាចំណុចពឹងផ្អែកលើទាំងស្រុង

ដូច្នេះ គ្រប់អ្វីៗទាំងអស់គឺសុទ្ធតែពឹងផ្អែកលើចំណុចពិតនៃការដែលព្រះយេស៊ូវបានមានព្រះជន្មរស់ឡើងវិញ។

នេះហើយជាមូលហេតុនៃកណ្ឌគម្ពីរ ១កូរិនថូស ១៥:១៧ និងអ្វីដែលមានជាបន្តបន្ទាប់។ ប្រសិនបើព្រះជាម្ចាស់មិនបានប្រោសព្រះគ្រីស្ទឲ្យបានមានព្រះជន្មរស់ឡើងវិញ នោះដំណឹងល្អរបស់យើងគឺជាការឥតអំពើ ជំនឿរបស់យើងគឺជាការឥតអំពើ ដែលនេះមានន័យថា យើងកំពុងតែប្រកាសដំណឹងក្លែងក្លាយ។ បើដូច្នោះមែន នោះយើងគួរតែស៊ីផឹក ហើយអរសប្បាយចុះ ដ្បិតថ្ងៃស្អែកយើងនឹងស្លាប់។ សាវ័ក ប៉ុល ដាក់ការទុកចិត្តទាំងស្រុងរបស់គាត់លើចំណុចនោះ។ ប្រសិនបើព្រឹត្តិការណ៍នោះមិនបានកើតឡើង ខាងឯសាច់ឈាមជាអចិន្ត្រៃយ៍មែន នោះជំនឿគ្រីស្ទបរិស័ទគឺជាការបំផ្លើស។ ហើយអ្វីដែលយើងនៅអាចធ្វើបាននោះគឺ ឈប់ធ្វើការ ហើយស៊ីផឹករហូតដល់ថ្ងៃស្លាប់ចុះ។

អ្វីដែលយើងប្រារព្ធនៅថ្ងៃព្រះអង្គមានព្រះជន្មរស់ឡើងវិញគឺជាមូលដ្ឋានគ្រឹះនៃជំនឿគ្រីស្ទបរិស័ទ។

និពន្ធដោយ៖ លោកគ្រូ John Piper
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោកស្រី ឡូញ ស្រីរ័ត្ន, លោក សឹម រក្សា និង លោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២១៧

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៧

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម