ក្នុងកណ្ឌគម្ពីរ ពួកចៅហ្វាយ យើងឃើញយ៉ាងច្បាស់អំពីអំណាច និងសិរីល្អរបស់ព្រះជាម្ចាស់ជាច្រើនលើកច្រើនសារពេលដែលព្រះអង្គសង្គ្រោះសាសន៍ អ៊ីស្រាអែល ទោះបើពួកគេមិនមានជំនឿ មិនបានស្ដាប់បង្គាប់ទ្រង់ ហើយថែមទាំងទៅថ្វាយបង្គំរូបព្រះក្លែងក្លាយទៀតផង។
ខ្ញុំធ្លាប់អាន ហើយឮរឿងអំពីលោក គេឌាន ជាច្រើនដងណាស់ ប៉ុន្តែពេលដែលខ្ញុំអានរឿងនោះថ្ងៃនេះ រឿងនោះបានធ្វើឲ្យខ្ញុំភ្ញាក់ផ្អើលយ៉ាងខ្លាំង ព្រោះកិច្ចការដែលគាត់ត្រូវធ្វើគឺធំណាស់ ហើយភាគរយនៃជ័យជម្នះរបស់ពួកគាត់ក៏តិចតួចដែរ។ យើងស្ទើរនឹងមិនគួរឲ្យជឿសោះ ការដែលគាត់នាំទ័ពតែ៣០០នាក់ទៅច្បាំងនឹងទ័ព១៣០.០០០នាក់ ហើយទទួលបានជ័យជម្នះ ការនោះបង្ហាញឲ្យយើងឃើញយ៉ាងច្បាស់អំពីសិរីល្អរបស់ព្រះជាម្ចាស់។
បើយើងមើលទៅ តើសកម្មភាពនៃចម្បាំងនោះមានលក្ខណៈយ៉ាងម៉េចទៅ? ការទៅច្បាំងបែបនោះពិតជាបានបង្ហាញពីសិរីល្អរបស់ព្រះជាម្ចាស់ឲ្យមនុស្សគ្រប់គ្នាបានឃើញមែន។
មតិយោបល់
Loading…