វិធី៤យ៉ាងដើម្បីកុំឲ្យខ្លួនរវល់ពេក

ចូរយើងគេចវេះចេញពីភាពរវល់ ហើយព្យាយាមស្វែងរកការសម្រាកសម្រាប់ព្រលឹងវិញ្ញាណយើងវិញ។

២៥ តុលា ២០១៦អានរយៈពេល ៩ នាទី

មើល១៩៥៦ដង

ខ្ញុំជាបុគ្គលដែលរវល់មិនចេះឈប់មិនចេះឈរ។ ខ្ញុំក៏តែងតែជួបជាមួយមនុស្សដែលរវល់ច្រើនដែរ។ ហើយលោកអ្នកទំនងក៏ជាបុគ្គលដែលរវល់ផងដែរ។ ភាពរវល់មាននៅជុំវិញយើងគ្រប់គ្នា ហើយយើងទាំងអស់គ្នាមិនសូវចូលចិត្តមានការរវល់ពេកឡើយ ប៉ុន្តែមានមនុស្សតែមួយចំនួនប៉ុណ្ណោះដែលអាចគេចពីវាបាន។

ការដែលយើងរវល់ពេកមិនគ្រាន់តែធ្វើឲ្យយើងមិនស្រួលខ្លួននោះទេ ប៉ុន្តែវាក៏ពេញទៅដោយគ្រោះថ្នាក់ផងដែរ។ ក្រៅពីភាពរវល់ពេក មានតែរឿងរ៉ាវមួយចំនួនប៉ុណ្ណោះដែលអាចមានគ្រោះថ្នាក់ដូចវា ពោលគឺអាចបំផ្លាញជីវិតយើងបាន។

លោកគ្រូ ប្លេស៍ ផាស្កេល (Blaise Pascal) បានធ្លាប់មានប្រសាសន៍ថា «ការដែលមនុស្សមួយចំនួនមានការរវល់ខ្លាំងពេកបានបញ្ជូនពួកគាត់ទៅស្ថាននរកជាជាងការដែលគាត់មិនព្រមទទួលជឿលើព្រះជាម្ចាស់ទៅទៀត។»

ហេតុដែលយើងចេះតែមានការរវល់មិនចេះឈប់ឈរ គឺព្រោះវាធ្វើឲ្យយើងមានអារម្មណ៍ថា យើងជាមនុស្សម្នាក់ដែលសំខាន់។ ពេលដែលតារាងកាលវិភាគប្រចាំថ្ងៃរបស់ខ្ញុំមិនមានចន្លោះទំនេរ ខ្ញុំមានអារម្មណ៍ថា មានមនុស្សច្រើនត្រូវការខ្ញុំ។ យើងតែងតែគិតថា បើគ្មានខ្ញុំផែនដីនេះប្រាកដជាឈប់វិលហើយមើលទៅ។ មានគ្រីស្ទបរិស័ទមួយចំនួនក៏បានគិតដូចនេះផងដែរដោយសន្មតថា ការដែលខ្លួនរវល់គឺស្មើនឹងភាពស្មោះត្រង់។ ប៉ុន្តែ ធាតុពិតគឺយើងកំពុងបំផ្លាញខ្លួនឯងដោយចាប់ផ្ដើមអស់កម្លាំងក្នុងការបម្រើព្រះយេស៊ូវ ព្រោះយើងគិតថាខ្លួនឯងសំខាន់។ ចូរចងចាំថា៖ ព្រះយេស៊ូវមិនសព្វព្រះហឫទ័យនឹងរឿងបែបនេះឡើយ។

ការដែលព្រះយេស៊ូវបានបង្គាប់ឲ្យយើងមកសម្របក្នុងទ្រង់ គឺជាការដែលព្រះអង្គកំពុងបំផ្លាញគំនិតរបស់យើងដែលគិតថា ការដែលខ្លួនរវល់គឺស្មើនឹងភាពស្មោះត្រង់ គឺជាការដែលទ្រង់ព្រមាន ភាពភ័យខ្លាចរបស់យើងដែលនាំយើងឲ្យរវល់ពេល។ ការដែលយើងសម្រាកក្នុងព្រះយេស៊ូវគឺជាចំណុចដ៏ល្អបំផុត។ ចូរអង្គុយនៅក្រោមព្រះបាទរបស់ព្រះយេស៊ូវ ហើយស្វែងរកភាពគ្រប់គ្រាន់ពីទ្រង់ បន្ទាប់មកចាំយើងផ្ដើមបំពេញកាលវិភាគរបស់យើងនូវអ្វីដែលទ្រង់បង្គាប់យើងឲ្យធ្វើ។

ប៉ុន្តែ តើយើងអាចធ្វើបែបនោះបានយ៉ាងដូចម្ដេច? ខាងក្រោមនេះជាវិធីបួនយ៉ាងដែលព្រះគម្ពីរ និងគតិបណ្ឌិតបានបង្រៀនយើងឲ្យយកមកប្រើក្នុងការតយុទ្ធនឹងភាពរវល់ ហើយមកអង្គុយក្រោមព្រះបាទព្រះយេស៊ូវ៖

១. ចូរគេង

កណ្ឌគម្ពីរ ទំនុកតម្កើង ១២៧:២ បានចែងថា «ការដែលឯងក្រោកឡើងមុនកំណត់ ហើយក្រចូលដេកពេលយប់ ព្រមទាំងបរិភោគដោយធ្វើការនឿយហត់ផង នោះជាការឥតប្រយោជន៍ទៀត ដ្បិតទ្រង់ប្រោសប្រទានឲ្យពួកស្ងួនភ្ងារបស់ទ្រង់បានដេកលក់សប្បាយ»។ ចំណុចសម្គាល់មួយដែលបង្ហាញថាលោកអ្នកជាអ្នក «ស្ងួនភ្ងារបស់ទ្រង់» គឺលោកអ្នកអាចគេងលក់នៅពេលយប់។ ការដែលបុគ្គលម្នាក់រវល់ពេកមិនមែនជាការបង្ហាញថា គាត់មានភាពស្និទ្ធស្នាលជាមួយនឹងព្រះជាម្ចាស់ឡើយ ប៉ុន្តែអ្វីដែលអាចបង្ហាញថា បុគ្គលនោះស្និទ្ធស្នាលជាមួយទ្រង់គឺ ការដែលគាត់អាចគេងលក់ ទោះបើគាត់រស់នៅក្នុងយុគសម័យដ៏រសាប់រសល់ក៏ដោយ។ ភាគច្រើនការដែលយើងមិនអាចគេងលក់ ព្រោះយើងបានគិតថា ខ្លួនជាមូលហេតុដែលបណ្ដាលឲ្យរបស់ទាំងអស់នៅស្ថិតស្ថេរ។ យើងមិនគួរគិតបែបនេះឡើយ ប៉ុន្តែយើងត្រូវតែរៀនគិតថា ខណៈពេលដែលយើងកំពុងគេងព្រះជាម្ចាស់ក៏កំពុងតែកសាងទីក្រុងផងដែរ។ ការដែលយើងមិនបានគេងគ្រប់គ្រាន់មិនគ្រាន់តែបណ្ដាលឲ្យយើងពិបាកខាងឯរូបរាងកាយប៉ុណ្ណោះទេ តែវាក៏នឹងប៉ះពាល់ ហើយបង្ខូចជីវិតខាងឯវិញ្ញាណរបស់យើងផងដែរ។ ការដែលយើងរវល់ពីព្រលឹមដល់ព្រលប់ វាមិនល្អទេ ជាពិសេសបើវារារាំងយើងមិនឲ្យលូតលាស់ខាងឯវិញ្ញាណជាមួយនឹងព្រះជាម្ចាស់ រារាំងមិនឲ្យយើងមានអំណរ ក៏ដូចជាបង្កឲ្យយើងស្លាប់ក្មេងពេកដែរ។ លោកគ្រូខ្ញុំម្នាក់ធ្លាប់ប្រាប់ខ្ញុំថា «ពេលខ្លះ អ្វីដែលបរិសុទ្ធបំផុតសម្រាប់អ្នកគឺទៅគេងមួយស្របក់»។

២. ចូរកុំខ្វល់ខ្វាយពីថ្ងៃស្អែក

ព្រះយេស៊ូវបានមានបន្ទូលក្នុងកណ្ឌគម្ពីរ ម៉ាថាយ ៦:៣៤ ថា «ដូច្នេះ កុំឲ្យខ្វល់ខ្វាយនឹងថ្ងៃស្អែកឡើយ ពីព្រោះថ្ងៃស្អែកនឹងខ្វល់ខ្វាយ ចំពោះការរបស់ថ្ងៃនោះឯង សេចក្ដីលំបាកនៅថ្ងៃណា នោះគឺល្មមត្រឹមថ្ងៃនោះហើយ។»
ខ្ញុំធ្លាប់មានចម្ងល់លើខគម្ពីរនេះយ៉ាងខ្លាំង។ តើព្រះយេស៊ូវមានអត្ថន័យយ៉ាងដូចម្ដេចពេលដែលទ្រង់លើកឡើងថា «ថ្ងៃស្អែកនឹងខ្វល់ខ្វាយ ចំពោះការរបស់ថ្ងៃនោះឯង» ព្រោះថ្ងៃស្អែកនោះឯងជាអ្វីដែលខ្ញុំកំពុងខ្វល់ខ្វាយ។ ចម្លើយគឺ៖ ព្រះយេស៊ូវនឹងបន្តគង់នៅជាមួយនឹងយើងថ្ងៃស្អែកដូចទ្រង់កំពុងគង់នៅជាមួយនឹងយើងថ្ងៃនេះអញ្ចឹង។ ហេតុដែលព្រះជាម្ចាស់គ្រាន់តែផ្ដល់នំម៉ាន៉ាឲ្យសាសន៍អ៊‌ីស្រាអែលតែមួយថ្ងៃម្ដងៗគឺ ព្រោះទ្រង់ចង់បង្រៀនពួកគេថា ព្រះអង្គនឹងផ្គត់ផ្គង់ពួកគេនៅថ្ងៃស្អែក។ ហើយសព្វថ្ងៃនេះ ព្រះអង្គក៏កំពុងព្យាយាមបង្រៀនមេរៀនដដែលនោះដល់យើងផងដែរ។

៣. ចូរដាក់រនាំងមួយចំនួន

លោកអ្នកប្រហែលជាធ្លាប់ឮការបង្រៀនពីការប្រៀបប្រដូចទៅនឹងដុំថ្ម និងដីខ្សាច់។ ដុំថ្មតំណាងពីអ្វីៗដែលសំខាន់ ហើយដីខ្សាច់តំណាងពីអ្វីៗដែលមិនសូវសំខាន់។ បើលោកអ្នកមិនធ្លាប់ឮទេ ការបង្រៀននោះមានដូចតទៅ៖ ចូរដាក់ដុំថ្មក្នុងក្រឡមួយ បន្ទាប់មកចាក់ដីខ្សាច់ នោះលោកអ្នកនឹងឃើញថា ដីខ្សាច់នឹងបំពេញចន្លោះថ្មទាំងនោះ។ ប៉ុន្តែ ប្រសិនបើលោកអ្នកដាក់ដីខ្សាច់មុនដាក់ថ្មធំៗ នោះលោកអ្នកនឹងឃើញថា លោកអ្នកមិនអាចដាក់ដុំថ្មចូលដោយមិនឲ្យដីខ្សាច់ហៀរចេញបានឡើយ។ នេះជាការប្រៀបប្រដូចដ៏សាមញ្ញមួយដែលមានការបង្រៀនដ៏ល្អ៖ ចូរផ្ដល់អត្តិភាពចម្បងលើ «ដុំថ្ម» នៃជីវិតរបស់លោកអ្នក បន្ទាប់មកសឹមដាក់ «ដីខ្សាច់» ក្នុងជីវិតខ្លួន។ ភាពស្មុគស្មាញ និងភាពរវល់អាចកើតមានឡើងចេញពីការដែលយើងរវល់ធ្វើនេះធ្វើនោះពេក។ ប៉ុន្តែ ពេលខ្លះវាក៏កើតឡើងមកពីយើងមិនដែលមានពេលសម្រាក ពោលគឺកាលវិភាគយើងវាពេញពេក។ ការសង្ខេប៖
ចូរដាក់ «ដុំថ្ម» ក្នុងជីវិតលោកអ្នកដែលជាចំណុចសំខាន់ៗសិន បន្ទាប់មកសឹមដាក់ «ដីខ្សាច់» ដែលជាចំណុចមិនសូវសំខាន់ណាស់ណានោះចូលចុះ។ លោកអ្នកត្រូវតែការពារកាលវិភាគរបស់ខ្លួន បើមិនដូច្នោះទេនឹងមានអ្នកផ្សេងមកឆាឆៅហើយយកពេលវេលាលោកអ្នកជាមិនខាន។

៤. ចូររក្សាថ្ងៃសម្រាក

ព្រះជាម្ចាស់បានប្រទានថ្ងៃសម្រាកជាច្រើនដល់យើង។ ឧទាហរណ៍៖ ថ្ងៃសប្ប័ទជាថ្ងៃដែលយើងទៅថ្វាយបង្គំព្រះអង្គ ហើយសម្រាក ជាថ្ងៃនៃការដាក់ដង្វាយ និងការគេង។ ភាគច្រើនយើងស្គាល់អំពីថ្ងៃសប្ប័ទ ប៉ុន្តែយើងមិនសូវគិតថា ការដាក់ដង្វាយ និងការគេងសម្រាកក៏ជាការរក្សាថ្ងៃសប្ប័ទដែរ។ ហេតុដែលព្រះជាម្ចាស់ប្រទានថ្ងៃសប្ប័ទ គឺដើម្បីឲ្យពួកគាត់ឈប់សម្រាកពីការងារ។ ចេញពីការដែលពួកគាត់ស្ដាប់បង្គាប់ ព្រះជាម្ចាស់បានសន្យាថា ទ្រង់បង្កើនផលផ្លែនៃការងាររបស់ពួកគាត់សម្រាប់ប្រាំមួយថ្ងៃដែលពួកគាត់ធ្វើការ។ ហើយការថ្វាយដង្វាយគឺជាការអនុវត្តមេរៀននោះ ហើយចំណែកការគេងគឺជាការដែលយើងអនុវត្តថ្ងៃសប្ប័ទជារៀងរាល់ថ្ងៃ។ ចំណុចទាំងបីនេះគឺជាការរំឭកយើងថា យើងមិនមែនជាព្រះឡើយ ហើយក៏ជាការរំឭកយើងដែរថា យើងមិនមែនជាអ្នកទ្រទ្រង់ និងអ្នកផ្គត់ផ្គង់...ខ្លួនឯងដែរ។ ព្រះជាម្ចាស់ទេតើដែលជាអង្គទ្រទ្រង់ និងផ្គត់ផ្គង់យើង។ ខណៈពេលដែលយើងកាន់តែចងចាំថា ថ្ងៃសប្ប័ទទាំងអស់នេះគឺជាអំណោយទាន និងអភ័យឯកសិទ្ធិ ជាជាងតួនាទីរបស់យើង នោះវានឹងកាន់តែនាំយើងឲ្យទៅសម្រាកក្នុងព្រះគ្រីស្ទ។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ J.D. Greear
បកប្រែដោយ និងកែសម្រួលដោយ៖ លោក ឈាង បូរ៉ា និង លោក ជួប ប៊ុនហាក់
ដកស្រង់ខ្លះៗចេញពី www.thegospelcoalition.org ដោយមានការអនុញ្ញាត។

តើអ្នកគិតយ៉ាងណា?

៦ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣០០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១០៧

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២២

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៩

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

កំណត់ហេតុបណ្ដាញ វីដេអូ

វិធី៤យ៉ាងដើម្បីកុំឲ្យខ្លួនរវល់ពេក

២៥ តុលា ២០១៦អានរយៈពេល ៩ នាទី

មើល១៩៥៦ដង

លោកគ្រូ ប្លេស៍ ផាស្កេល (Blaise Pascal) បានធ្លាប់មានប្រសាសន៍ថា «ការដែលមនុស្សមួយចំនួនមានការរវល់ខ្លាំងពេកបានបញ្ជូនពួកគាត់ទៅស្ថាននរកជាជាងការដែលគាត់មិនព្រមទទួលជឿលើព្រះជាម្ចាស់ទៅទៀត។»

១. ចូរគេង

២. ចូរកុំខ្វល់ខ្វាយពីថ្ងៃស្អែក

៣. ចូរដាក់រនាំងមួយចំនួន

៤. ចូររក្សាថ្ងៃសម្រាក