រៀបការ និងការនៅលីវ

អាពាហ៍ពិពាហ៍គឺជាការប្រទានមកពីព្រះជាម្ចាស់ ប៉ុន្តែនៅពេលដែលវាក្លាយជារនាំងទាស់នឹងព្រះហឫទ័យរបស់ទ្រង់ នោះមានន័យថាយើងកំពុងតែប្រើប្រាស់វាមិនបានត្រឹមត្រូវ។

១ វិច្ឆិកា ២០១៨អានរយៈពេល ១៣ នាទី

មើល៣០៤១ដង

«ដ្បិតមនុស្សខ្លះជាមនុស្សកម្រៀវតាំងពីកំណើតមក និងអ្នកផ្សេងទៀត ជាមនុស្សកម្រៀវដោយសារគេក្រៀវ ហើយក៏មានមនុស្សកម្រៀវដែលក្រៀវខ្លួនឯងដោយព្រោះតែនគរស្ថានសួគ៌។ ដូច្នេះ អ្នកដែលអាចទទួលយកបាន ចូរទទួលយកចុះ» (ម៉ាថាយ ១៩:១២ គគខ)។

សំ

ណួរដ៏សំខាន់មួយដែលសិស្សរបស់ព្រះយេស៊ូវគួរសួរខ្លួនឯងនោះគឺ «តើព្រះជាម្ចាស់សព្វព្រះហឫទ័យឲ្យខ្ញុំរៀបការ ឬក៏នៅលីវ?» មានតែការដឹកនាំពីព្រះជាម្ចាស់ប៉ុណ្ណោះដែលអាចនឹងផ្ដល់ចម្លើយចំពោះសំណួរនោះបាន។ គ្មានអ្នកណាម្នាក់អាចឆ្លើយសំណួរនោះសម្រាប់បុគ្គលណាមួយបានឡើយ ហើយការព្យាយាមឆ្លើយសំណួរនោះសម្រាប់បុគ្គលណាមួយក៏អាចបង្កឲ្យមានគ្រោះថ្នាក់យ៉ាងធំបានដែរ។

ជាទូទៅ ព្រះបន្ទូលបានបង្រៀនយើងថា ព្រះជាម្ចាស់បានបង្កើតអាពាហ៍ពិពាហ៍សម្រាប់មនុស្សយើងដោយមានទាំងបំណង ព្រះហឫទ័យមួយចំនួនដូចខាងក្រោម៖

ទី១ ព្រះជាម្ចាស់បានគ្រោងទុកការផ្សំផ្គុំជាដៃគូ និងឲ្យមានភាពអរសប្បាយជាមួយគ្នាក្នុងអាពាហ៍ពិពាហ៍។ ព្រះជាម្ចាស់បានឃើញថា «បើមនុស្សប្រុសនៅតែឯងដូច្នេះ មិនល្អទេ» (លោកុប្បត្ដិ ២:១៨ គខប)។

ទី២ ព្រះជាម្ចាស់បានរៀបចំអាពាហ៍ពិពាហ៍ឡើង ដើម្បីឲ្យមនុស្សបង្កើតកូនចៅតទៅមុខទៀត។ យើងអាចឃើញគោលបំណងនេះតាមរយៈព្រះរាជបញ្ជារបស់ព្រះជាម្ចាស់ដែលបញ្ជាក់ថា «ចូរបង្កើតកូនឲ្យចំរើនជាច្រើនឡើង» (លោកុប្បត្ដិ ១:២៨)។

ទី៣ ព្រះជាម្ចាស់បានរៀបចំអាពាហ៍ពិពាហ៍ឡើង ដើម្បីរក្សាភាពបរិសុទ្ធនៅក្នុងគ្រួសារ និងសង្គម។ «ដោយព្រោះមានការសហាយស្មន់កើតឡើង បានជាគួរឲ្យគ្រប់គ្នាមានប្រពន្ធជារបស់ផងខ្លួនវិញ...» (១កូវិនថូស ៧:២)។ ព្រះបន្ទូលរបស់ព្រះជាម្ចាស់មិនបានលើកឡើងថា មនុស្សមិនអាចរៀបការបានទេ បើពួកគេចង់មានជីវិតបរិសុទ្ធ ហើយមានការប្ដេជ្ញាចិត្តក្នុងការបម្រើព្រះគ្រីស្ទ។ ប៉ុន្តែព្រះបន្ទូលបានលើកឡើងថា «ចូរឲ្យមនុស្សគ្រប់គ្នាគោរពការរៀបការ ហើយការរួមដំណេកក៏ត្រូវបរិសុទ្ធដែរ» (ហេព្រើរ ១៣:៤)។ ចំណុចនេះចង់បញ្ជាក់ថា «អ្នកណាដែលរកបានប្រពន្ធ នោះឈ្មោះថាបានរបស់ល្អ...» (សុភាសិត ១៨:២២)។ គ្រូប្រដៅនៅក្នុងកណ្ឌគម្ពីរសាស្ដាបានលើកឡើងទាក់ទងនឹងអាពាហ៍ពិពាហ៍ថា «មានគ្នា២នាក់ នោះវិសេសជាងនៅតែឯង» (សាស្ដា ៤:៩) ជាពិសេស ប្រសិនបើអ្នកទាំងពីរនេះចាប់ដៃគ្នាបម្រើព្រះអម្ចាស់ជាមួយគ្នា។ កណ្ឌគម្ពីរ ចោទិយកថា ៣២:៣០ បានចែងពីប្រសិទ្ធភាពនៃការរីកចម្រើនក្នុងការសហការគ្នា ហើយក៏បានបង្ហាញឲ្យឃើញថា មនុស្សតែម្នាក់អាចដេញសត្រូវដល់មួយពាន់ ហើយពីរនាក់ក៏អាចធ្វើឲ្យមួយម៉ឺននាក់រត់ផាសក្រញាំដែរ។

ទោះបីជាអាពាហ៍ពិពាហ៍គឺជាបំណងព្រះហឫទ័យរបស់ព្រះជាម្ចាស់សម្រាប់ មនុស្សយើងជាទូទៅក្តី ក៏មិនមែនមានន័យថា ជាបំណងព្រះហឫទ័យសម្រាប់មនុស្សគ្រប់រូបនោះទេ។ ទោះបើវាមើលទៅដូចជាសិទ្ធិដែលមិនមានអ្នកណាម្នាក់អាចដកហូតចេញបានក្ដី ក៏សិស្សរបស់ព្រះអម្ចាស់យេស៊ូវអាចសម្រេចលើកសិទ្ធិនេះចេញ ដើម្បីឲ្យខ្លួនគាត់អាចបម្រើព្រះគ្រីស្ទយ៉ាងអស់ពីចិត្ត។

ព្រះអម្ចាស់យេស៊ូវបានកត់សម្គាល់ថា នៅក្នុងនគររបស់ទ្រង់នឹងមានអ្នកដែលប្រៀបបាននឹងអ្នកដែលក្រៀវខ្លួនឯងដើម្បីបម្រើទ្រង់ «ដ្បិតមនុស្សខ្លះជាមនុស្សកម្រៀវតាំងពីកំណើតមក និងអ្នកផ្សេងទៀត ជាមនុស្សកម្រៀវដោយសារគេក្រៀវ ហើយក៏មានមនុស្សកម្រៀវដែលក្រៀវខ្លួនឯងដោយព្រោះតែនគរស្ថានសួគ៌។ ដូច្នេះ អ្នកដែលអាចទទួលយកបាន ចូរទទួលយកចុះ» (ម៉ាថាយ ១៩:១២)។

ជម្រើសធ្វើជាអ្នកកម្រៀវកើតឡើងតាមរយៈការស្ម័គ្រចិត្តតែប៉ុណ្ណោះ ហើយគាត់សម្រេចចិត្តដោយសារ៖

១. គាត់ដឹងច្បាស់ក្នុងចិត្តថា ព្រះជាម្ចាស់សព្វព្រះហឫទ័យឲ្យគាត់
នៅលីវ។

២. គាត់មានបំណងប្រាថ្នាថ្វាយខ្លួនគាត់ទាំងស្រុង ដើម្បីបម្រើ ព័ន្ធកិច្ចរបស់ព្រះអម្ចាស់ដោយមិនមានការជំពាក់ជំពិននឹងការ ទទួលខុសត្រូវក្នុងជីវិតអាពាហ៍ពិពាហ៍។

ដូច្នេះបុគ្គលដែលចង់ធ្វើជាមនុស្សនៅលីវ គាត់ត្រូវតែដឹងឲ្យច្បាស់ថា នោះហើយជាព្រះហឫទ័យរបស់ព្រះជាម្ចាស់សម្រាប់គាត់ (១កូរិនថូស ៧:៧)។ មានតែតាមរយៈការនេះប៉ុណ្ណោះ ទើបសិស្សរបស់ព្រះយេស៊ូវដឹងយ៉ាងច្បាស់ថា ព្រះអម្ចាស់នឹងប្រទានព្រះគុណដែលពួកគេត្រូវការក្នុងជីវិតជាអ្នកនៅលីវ។

ហើយវាត្រូវតែធ្វើដោយស្ម័គ្រពីចិត្ត។ ទីណាដែលមានការបង្ខំឲ្យនៅលីវដើម្បីបម្រើព័ន្ធកិច្ចព្រះជាម្ចាស់ ទីនោះអាចប្រឈមមុខនឹងគ្រោះថ្នាក់នៃសេចក្តីស្មោកគ្រោក និងសេចក្តីកំផិតជាច្រើន។

សាវ័ក ប៉ុល បានបញ្ជាក់យ៉ាងច្បាស់ថា អ្នកដែលមិនរៀបការអាចបម្រើព័ន្ធកិច្ចរបស់ស្ដេចលើអស់ទាំងស្ដេចបានយ៉ាងច្រើន៖ «អ្នកដែលគ្មានប្រពន្ធ នោះតែងរវល់តែនឹងការរបស់ព្រះអម្ចាស់ដែលនឹងធ្វើដូចម្ដេចឲ្យទ្រង់សព្វព្រះហឫទ័យប៉ុណ្ណោះ តែអ្នកណាដែលមានប្រពន្ធ នោះតែងរវល់នឹងការនៅលោកីយ៍នេះវិញ ដែលនឹងធ្វើដូចម្ដេចឲ្យប្រពន្ធបានពេញចិត្ត» (១កូរិនថូស ៧:៣២-៣៣)។

នោះហើយជាហេតុផលដែលបណ្ដាលឲ្យសាវ័ក ប៉ុល ប្រាថ្នាថា អ្នកមិនទាន់រៀបការ និងមេម៉ាយ ឬពោះម៉ាយក្ដី គួររស់នៅដូចគាត់ដោយមិនចាំបាច់រៀបការ (១កូរិនថូស ៧:៧-៨)។

សូម្បីតែអស់អ្នកដែលបានរៀបការរួចហើយក្តី ក៏សាវ័ក ប៉ុល បានប្រាប់ពួកគេថា ពេលវេលាចង្អៀតណាស់ ដូច្នេះពួកគេត្រូវប្រើអ្វីៗគ្រប់យ៉ាង ដើម្បីនាំមនុស្សឲ្យស្គាល់ព្រះគ្រីស្ទ៖

បងប្អូនអើយ ខ្ញុំប្រាប់សេចក្តីនេះថា ពេលវេលាចង្អៀតណាស់ហើយ ពីនេះទៅមុខ គួរតែឲ្យពួកអ្នកដែលមានប្រពន្ធ បាននៅដូចជាគ្មានវិញ ពួកដែលយំ ដូចជាមិនយំ ពួកដែលអរសប្បាយ ដូចជាមិនអរសប្បាយ ពួកដែលទិញ ដូចជាគ្មានអ្វីសោះ ហើយពួកអ្នកដែលប្រើប្រាស់លោកីយ៍នេះ ដូចជាមិនប្រើហួសខ្នាតទេ ដ្បិតគំរូនៃលោកីយ៍នេះតែងតែផ្លាស់ទៅ (១កូរិនថូស ៧:២៩-៣១)។

នេះមិនមែនចង់មានន័យថា មនុស្សប្រុសគួរតែលះអាល័យចោលទំនួលខុសត្រូវនៅផ្ទះរបស់ខ្លួន ឬបោះបង់ចោលប្រពន្ធនិងកូនរបស់ខ្លួន ហើយទៅធ្វើជាបេសកជននោះទេ។ ប៉ុន្តែ គាត់មិនគួរព្យាយាមរកការអរសប្បាយ និងការស្កប់ចិត្តចេញតែពីគ្រួសាររបស់គាត់នោះឡើយ។ គាត់មិនគួរយកលេសថា មកពីប្រពន្ធកូនរបស់គាត់ បានជាគាត់ដាក់ព្រះយេស៊ូវជាទីពីរទៅវិញ។

លោក ស៊ី. ធី. ស្ទឹដ (C. T. Studd) បារម្ភថា គូដណ្ដឹងរបស់គាត់គិតពីគាត់ច្រើនពេក ហើយការនោះនឹងធ្វើឲ្យនាងបែរជាយកព្រះអម្ចាស់យេស៊ូវជាទីពីរសម្រាប់ជីវិតរបស់នាងទៅវិញ។ ដើម្បីចៀសវាងកុំឲ្យមានរឿងនេះកើតឡើង គាត់ក៏បានតែងជាកំណាព្យខ្លីមួយទុកឲ្យនាងទន្ទេញជាប្រចាំថ្ងៃគឺ៖

ព្រះយេស៊ូវអើយ ទូលបង្គំស្រឡាញ់ទ្រង់ណាស់
ព្រះអង្គជាក់ច្បាស់សំខាន់ដល់ទូលបង្គំ
ភរិយាសំណព្វមិនស្មើដូចទ្រង់ ដួងចិត្តទូលបង្គំស្រឡាញ់ទ្រង់ពន់ពេក។

ពួកអ្នកកាន់លទ្ធិកុម្មុយនីស្ទប្រកាន់យកគោលការណ៍ឈ្នះពិភពលោក សំខាន់ជាងទំនាក់ទំនងជាមួយគ្រួសាររបស់ពួកគេទៅទៀត។ លោក ហ្គោដឹន អនណល ឡន់ស្ដេល (Gordon Arnold Lonsdale) បានធ្វើគំរូស្រាប់ហើយ។ បន្ទាប់ពីប៉ូលិសបានចាប់ខ្លួនគាត់នៅក្នុងប្រទេសអង់គ្លេស ថាគាត់ជាគិញមកពីរុស្សីក្នុងឆ្នាំ ១៩៦០ ពួកប៉ូលិសបានរកឃើញសំបុត្រមួយច្បាប់ពីប្រពន្ធរបស់គាត់រួមជាមួយនឹងចម្លើយតបប្រមាណជាជិត៦ទំព័រ។ ប្រពន្ធគាត់បានសរសេរថា៖

ជីវិតនេះអីក៏អយុត្តិធម៌ម៉្លេះ! អូនយល់ច្បាស់ហើយថាបងធ្វើការ ហើយវាគឺជាកិច្ចការរបស់បង បងស្រឡាញ់ការងារបង ហើយព្យាយាមធ្វើគ្រប់បែបយ៉ាងដោយយកចិត្តទុកដាក់។ ទោះបីជាយ៉ាងនេះក្តី ហេតុផលរបស់អូនស្តាប់ទៅដូចជាមានលក្ខណៈចង្អៀតចង្អល់ក្នុងបែបបទនៃការនិយមរបស់ស្ត្រី ហើយអូនមានការឈឺចាប់ខ្លាំងណាស់។ សូមឆ្លើយតបមកអូនផងថាបងស្រឡាញ់អូនប៉ុណ្ណា ហើយប្រហែលជាអូននឹងបានធូរចិត្ត។

លោក ឡន់ស្ដេល (Lonsdale) បានឆ្លើយតបដូចតទៅ៖

ការដែលបងចង់លើកឡើងនោះគឺថា សូម្បីតែរូបបងផ្ទាល់ក៏មានជីវិតតែមួយ ហើយក៏មិនមានភាពសុខស្រួលយ៉ាងដូច្នោះដែរ។ អ្វីដែលបងចង់ធ្វើនោះគឺ រស់នៅដើម្បីកុំឲ្យបងមានភាពអាម៉ាស់ នៅពេលដែលបងក្រឡេកមើលក្រោយ...ពេលនេះបងមានអាយុ៣៩ឆ្នាំទៅហើយ តើវាមាននៅសល់ពេលច្រើនទៀតទេ?១

សាវ័ក ប៉ុលបានលើកឡើងថា «...ពេលវេលាចង្អៀតណាស់ហើយ ពីនេះទៅមុខគួរតែឲ្យពួកអ្នកដែលមានប្រពន្ធ បាននៅដូចជាគ្មានវិញ» (១កូរិនថូស ៧:២៩)។

អារក្សសាតាំងតែងតែប្រើអាពាហ៍ពិពាហ៍ដែលមានលក្ខណៈឆាប់រហ័ស ឬការយល់ពីអត្ថន័យនៃអាពាហ៍ពិពាហ៍មិនបានត្រឹមត្រូវ មករារាំងសិស្សដ៏ក្មេងខ្ចីរបស់ព្រះយេស៊ូវមិនឲ្យបម្រើព័ន្ធកិច្ចរបស់ទ្រង់យ៉ាងពេញទី។ មានអ្នកត្រួសត្រាយដ៏ឆេះឆួលរបស់ព្រះជាម្ចាស់ជាច្រើនបានលះបង់ព័ន្ធកិច្ចដែលទ្រង់បានដាក់ឲ្យគាត់ធ្វើចោលចេញ ដើម្បីទៅរៀបការវិញ។

ពេលខ្លះអាពាហ៍ពិពាហ៍អាចជាសត្រូវដ៏ធំមួយដែលរារាំងយើងមិនឲ្យបំពេញបំណងព្រះហឫទ័យរបស់ព្រះគ្រីស្ទដែលថា មនុស្សគ្រប់រូបគួរតែឮដំណឹងល្អពីទ្រង់។

អាពាហ៍ពិពាហ៍គឺជាការប្រទានមកពីព្រះជាម្ចាស់ ប៉ុន្តែនៅពេលដែលវាក្លាយជារនាំងទាស់នឹងព្រះហឫទ័យរបស់ទ្រង់ នោះមានន័យថាយើងកំពុងតែប្រើប្រាស់វាមិនបានត្រឹមត្រូវ។ យើងទាំងអស់គ្នាសុទ្ធតែអាចនឹងរៀបរាប់ឈ្មោះអ្នកដែលយើងស្គាល់ជាច្រើន គឺជាអ្នកដែលព្រះជាម្ចាស់បានត្រាស់ហៅឲ្យទៅធ្វើជាបេសកជន តែមិនដែលចេញទៅសោះ ព្រោះពួកគេរវល់តែជាប់ដៃជាប់ជើងជាមួយអ្នកជាទីស្រឡាញ់របស់ខ្លួនប៉ុណ្ណោះ។ មិនគួរឲ្យមានការណាមួយមកបង្អាក់បំណងព្រះហឫទ័យ ដែលព្រះជាម្ចាស់មានសម្រាប់អ្នកណាម្នាក់នោះឡើយ សូម្បីតែការដែលព្រះជាម្ចាស់ប្រទានគូជីវិតក៏ដោយ...សព្វថ្ងៃនេះមានមនុស្សជាច្រើនបានស្លាប់ទៅដោយគ្មានព្រះគ្រីស្ទ ព្រោះតែអ្នកដែលព្រះជាម្ចាស់បានត្រាស់ហៅឲ្យទៅផ្សាយដំណឹងល្អ បែរទៅជាលើកតម្កើងគ្រួសារជាទីមួយជាជាងការបំពេញតាមបំណងព្រះហឫទ័យរបស់ទ្រង់ទៅវិញ។២

អាពាហ៍ពិពាហ៍អាចក្លាយជាសត្រូវនឹងការបំពេញបេសកកម្មរបស់ព្រះគ្រីស្ទ ជាពិសេស ចំពោះអ្នកត្រួសត្រាយដែលផ្សាយដំណឹងល្អនៅកន្លែងពិបាក ហើយមិនទាន់បានឮដំណឹងល្អ។

មានបុរសស្ត្រីជាច្រើនដែលជាអ្នកនាំមុខប្រហែលជាត្រូវលះបង់ សូម្បីតែ តម្រូវការចាំបាច់ឬការល្អមួយចំនួនក្នុងជីវិតក៏ដោយ។ អ្នកនាំមុខត្រូវមានភាពរឹងប៉ឹង ត្រូវធ្វើជាទាហានដ៏ល្អដែលមិនជាប់ទាក់ទិននឹងរឿងផ្សេងៗក្នុងជីវិតនេះ និងធ្វើជាកីឡាករដែលចោលអស់ទាំងបន្ទុក ព្រះជាម្ចាស់បានត្រាស់ហៅពួកគេឲ្យមានមុខងារពិសេសសម្រាប់ទ្រង់។៣

សម្រាប់អស់អ្នកដែលបានឮការត្រាស់ហៅនេះ ហើយបានឆ្លើយតបវិញ អ្នកនោះនឹងមានរង្វាន់ជាទីគាប់ចិត្ត។ «ព្រះយេស៊ូវទ្រង់មានព្រះបន្ទូលថា ខ្ញុំប្រាប់អ្នករាល់គ្នាជាប្រាកដថា...អស់អ្នកណាដែលលះចោលផ្ទះសំបែង ឬបងប្អូនប្រុសស្រី ឪពុកម្តាយ ប្រពន្ធកូន ឬស្រែចំការ ដោយយល់ដល់ឈ្មោះខ្ញុំ នោះនឹងបានជា១រយភាគឡើងវិញ ហើយនឹងបានគ្រងជីវិតអស់កល្បជានិច្ចទុកជាមរដកដែរ» (ម៉ាថាយ ១៩:២៨-២៩)។

តើយើងត្រូវលះអាល័យអ្វីៗទាំងអស់ដើម្បីតាមព្រះយេស៊ូវ? ដកស្រង់ចេញពីសៀវភៅ «សិស្សដ៏ពិតរបស់ព្រះយេស៊ូវ» និពន្ធដោយ៖ លោកគ្រូ វិលាម មេកដានុល រក្សាសិទ្ធិគ្រប់យ៉ាង © ដោយលោកគ្រូ វិលាម មេកដានុល ប្រើដោយការអនុញ្ញាត

តើអ្នកគិតយ៉ាងណា?

១១ពិន្ទុ

តើលោកអ្នកយល់យ៉ាងណាដែរ?

៩សំណួរពិចារណា ដែលគ្រីស្ទបរិស័ទនៅលីវគួរតែសួរខ្លួនឯង

៥១០៦

កំណត់ហេតុបណ្ដាញ១២ សីហា ២០២៥

៩សំណួរពិចារណា ដែលគ្រីស្ទបរិស័ទនៅលីវគួរតែសួរខ្លួនឯង

យើងក៏បានជឿសូម្បីតែផ្នែកមួយនៃដំណឹងល្អដែលសន្យាភាពចម្រុងចម្រើន។ យើងគិតថា ដោយសារយើងបានដាក់ការទុកចិត្តរបស់យើងលើព្រះគ្រីស្ទ នោះយើងសមនឹងទទួលបានជីវិតអាពាហ៍ពិពាហ៍ ជោគជ័យ លុយកាក់ និងអ្វីៗទាំងអស់ដែលចិត្តយើងប្រាថ្នាចង់បាន។ ប៉ុន្តែ យើងមិនអាចបាននោះទេ។ វាជាការពិតដែរថា ព្រះជាម្ចាស់សព្វព្រះហឫទ័យប្រទានពរដល់កូនៗរបស់ទ្រង់ ដោយឲ្យអំណោយទានល្អៗ។ ប៉ុន្តែ ចំណុចស្នូលនៃដំណឹងល្អគឺថា យើងមកព្រះយេស៊ូវ ដើម្បីទទួលបានព្រះយេស៊ូវ មិនមែនរបស់របរផ្សេងៗទ្រង់នោះទេ។

អានបន្ថែម

១៥០៦

កំណត់ហេតុបណ្ដាញ៣១ ឧសភា ២០២១

ពេលកូនមិនស្ដាប់បង្គាប់

ចូរចងចាំថា រាល់អំពើបាបដែលកូនៗរបស់លោកអ្នកប្រព្រឹត្តមិនបានដកចេញនូវរាល់ការអភិវឌ្ឍដែលគាត់បានរីកចម្រើនរហូតមកដល់ពេលនេះបាននោះឡើយ។ ពេលដែលកូនរបស់លោកអ្នកសរសេរពាក្យខុស នោះមិនមែនមានន័យថា គាត់ត្រូវតែទៅរៀនព្យញ្ជនៈ និងស្រៈនិស្ស័យសារជាថ្មីនោះទេ ដូចគ្នាផងដែរនៅពេលដែលគាត់បង្ហាញពីការទាស់ប្រឆាំង នោះមិនមែនមានន័យថា រាល់គ្រប់ចំណុចនានាត្រូវបានបាត់បង់នោះទេ។

អានបន្ថែម

១៩២.៣K

ល្បីៗ

កំណត់ហេតុបណ្ដាញ២៣ វិច្ឆិកា ២០២០

ពេលបារម្ភ

លោកអ្នកអាចបារម្ភ បារម្ភ បារម្ភ បារម្ភ។ ប៉ុន្តែ អ្វីដែលព្រះអង្គបានត្រាស់ហៅឲ្យលោកអ្នកធ្វើគឺតូច គឺតូចខ្លាំងមែនទែន។ តែងតែមានអ្វីមួយដែលលោកអ្នកអាចប្រគល់ជីវិតរបស់លោកអ្នកចំពោះ [ក្នុងការជួយ] និងរបៀបណាមួយដែលលោកអ្នកអាចផ្គត់ផ្គង់ឲ្យបាន។ ព្រះយេស៊ូវបានលើកឡើងបន្ថែមទៀតអំពីចំណុចនេះក្នុងកណ្ឌគម្ពីរ ម៉ាថាយ ៦ ដែលជាខគម្ពីរស៊ីគ្នាចំពោះយើង៖ «ថ្ងៃស្អែកនឹងមានរឿងខ្វល់ខ្វាយរបស់ថ្ងៃនោះ រឿងរបស់ថ្ងៃណា ល្មមសម្រាប់ថ្ងៃនោះហើយ»។ សូមខ្វល់ខ្វាយតែអំពីបញ្ហាសម្រាប់ថ្ងៃនេះបានហើយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៣

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២១៨

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

រៀបការ និងការនៅលីវ

១ វិច្ឆិកា ២០១៨អានរយៈពេល ១៣ នាទី

មើល៣០៤១ដង

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

៩សំណួរ​ពិចារណា ដែល​គ្រីស្ទ​បរិស័ទ​នៅ​លីវ​គួរ​តែ​សួរ​ខ្លួន​ឯង

ពេល​កូន​មិន​ស្ដាប់​បង្គាប់

ពេល​បារម្ភ

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

៩សំណួរ​ពិចារណា ដែល​គ្រីស្ទ​បរិស័ទ​នៅ​លីវ​គួរ​តែ​សួរ​ខ្លួន​ឯង

ពេល​កូន​មិន​ស្ដាប់​បង្គាប់

ពេល​បារម្ភ

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

៩សំណួរពិចារណា ដែលគ្រីស្ទបរិស័ទនៅលីវគួរតែសួរខ្លួនឯង

ពេលកូនមិនស្ដាប់បង្គាប់

ពេលបារម្ភ

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៩សំណួរពិចារណា ដែលគ្រីស្ទបរិស័ទនៅលីវគួរតែសួរខ្លួនឯង

ពេលកូនមិនស្ដាប់បង្គាប់

ពេលបារម្ភ

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)