៩សំណួរពិចារណា ដែលគ្រីស្ទបរិស័ទនៅលីវគួរតែសួរខ្លួនឯង

យើងក៏បានជឿសូម្បីតែផ្នែកមួយនៃដំណឹងល្អដែលសន្យាភាពចម្រុងចម្រើន។ យើងគិតថា ដោយសារយើងបានដាក់ការទុកចិត្តរបស់យើងលើព្រះគ្រីស្ទ នោះយើងសមនឹងទទួលបានជីវិតអាពាហ៍ពិពាហ៍ ជោគជ័យ លុយកាក់ និងអ្វីៗទាំងអស់ដែលចិត្តយើងប្រាថ្នាចង់បាន។ ប៉ុន្តែ យើងមិនអាចបាននោះទេ។ វាជាការពិតដែរថា ព្រះជាម្ចាស់សព្វព្រះហឫទ័យប្រទានពរដល់កូនៗរបស់ទ្រង់ ដោយឲ្យអំណោយទានល្អៗ។ ប៉ុន្តែ ចំណុចស្នូលនៃដំណឹងល្អគឺថា យើងមកព្រះយេស៊ូវ ដើម្បីទទួលបានព្រះយេស៊ូវ មិនមែនរបស់របរផ្សេងៗទ្រង់នោះទេ។

១២ សីហា ២០២៥អានរយៈពេល ១១ នាទី

មើល១០៦ដង

ថ្មីៗនេះ ខ្ញុំបានសន្ទនាជាមួយមិត្តម្នាក់ដែលបាននិយាយថាការស្កប់ស្កល់ គឺជាមុខសញ្ញាល្អមួយសម្រាប់អ្នកនៅលីវដែលជាគ្រីស្ទបរិស័ទ។ នាងនិយាយបានត្រូវមែន។ វាជាមុខសញ្ញាល្អមួយ ហើយជាមុខសញ្ញាដែលយើងអាចរកឃើញបានចេញពីការសួរសំណួរត្រឹមត្រូវ។

តាមពិតទៅ មានសំណួរពិចារណាមួយចំនួនដែលយើងត្រូវសួរដែលនឹងឆ្លើយប្រាប់ថា ភាពនៅលីវរបស់លោកអ្នកដំណើរការបានល្អប៉ុណ្ណា។

តើវាមានអ្វីខ្លះ?

ទាំងនេះគឺជាសំណួរយ៉ាងហោចណាស់៩ ដើម្បីសួរ៖

១) តើលោកអ្នកបានបង្វែរជីវិតអាពាហ៍ពិពាហ៍ឲ្យទៅជារូបព្រះដែរឬទេ?

នេះជាបញ្ហា! គ្រីស្ទបរិស័ទដែលនៅលីវជាច្រើនបានលើកអាពាហ៍ពិពាហ៍ឲ្យខ្ពស់ជាងព្រះជាម្ចាស់ ដោយគិតថាការរួមភេទ ថ្ងៃណាត់ជួប និងស្នេហារ៉ូមែនទិចនឹងផ្តល់ឲ្យពួកគេនូវអ្វីដែលមានតែព្រះជាម្ចាស់ទេដែលអាចប្រទានឲ្យបាន។ វាមិនអាចទេ។ មានតែព្រះជាម្ចាស់ទេដែលអាចបំពេញបំណងប្រាថ្នាដ៏ជ្រៅបំផុតនៃដួងចិត្តរបស់លោកអ្នកបាន។

២) តើលោកអ្នកស្កប់ចិត្តឬទេ?

សាវ័ក ប៉ុល បានប្រាប់យើងថា គាត់បានរៀនចេះស្កប់ចិត្តក្នុងស្ថានភាពសណ្ឋានគ្រប់យ៉ាង (ភីលីព ៤:១១)។ វាជាអ្វីដែលគាត់ត្រូវរៀនបាន មិនមែនជាអ្វីដែលគាត់កើតមកដោយមានជាស្រេចហើយនោះទេ។

វាអាចថានៅក្នុងរដូវកាលនៃជីវិតនេះ ព្រះជាម្ចាស់កំពុងបង្រៀនលោកអ្នកឲ្យស្កប់ចិត្តក្នុងទ្រង់តែមួយអង្គគត់។

តើលោកអ្នកបានស្កប់ចិត្តហើយឬនៅ?

3) តើលោកអ្នកគ្រប់គ្រងពេលវេលានេះ ដោយប្រាជ្ញាដែរឬទេ?

លុយកាក់ ពេលវេលា កម្លាំង និងអំណោយទានខាងវិញ្ញាណ៖ ទាំងអស់នេះ ព្រះបានផ្ញើទុកមកឲ្យលោកអ្នក មិនមែនផ្តល់ឲ្យលោកអ្នកទេ។ ហើយមិត្តភក្ដិខ្ញុំដែលរៀបការហើយបានប្រាប់ខ្ញុំថា រដូវកាលនៅលីវផ្តល់ពេលឲ្យមានពេលទំនេរច្រើន គឺច្រើនជាងជីវិតរៀបការទៅទៀត។ ដូច្នេះ កុំខ្ជះខ្ជាយពេលវេលានេះ។ សូមរៀនប្រើរដូវកាលនេះដោយឈ្លាសវៃ ដើម្បីគ្រប់គ្រងពេលវេលា ទេពកោសល្យ និងទ្រព្យសម្បត្តិរបស់លោកអ្នក សម្រាប់សិរីល្អរបស់ព្រះជាម្ចាស់។

៤) តើមិត្តភក្តិគ្រីស្ទបរិស័ទដែលបានរៀបការរួចហើយ ដែលលោកអ្នកទុកចិត្តបាន ពួកគាត់គិតយ៉ាងណាចំពោះលោកអ្នក?

អ្នកនៅលីវភាគច្រើនចង់រៀបការ។ ឯអ្នកខ្លះក៏មិនចង់ដែរ (ខ្ញុំសូមសរសើរអ្នកនោះ)។

ប៉ុន្តែ សម្រាប់លោកអ្នកដែលចង់រៀបការ សូមឲ្យមិត្តភក្ដិជាគ្រីស្ទបរិស័ទរបស់លោកអ្នកដែលបានរៀបការហើយនិយាយមកកាន់ជីវិតរបស់លោកអ្នកចុះ។ ការធ្វើបែបនេះនឹងជួយប្រាប់នូវចំណុចដែលលោកអ្នកមើលមិនឃើញ ហើយផ្តល់ឲ្យលោកអ្នកមាននូវទស្សនៈថ្មីអំពីជីវិតអាពាហ៍ពិពាហ៍ដែលលោកអ្នកអាចមើលមិនឃើញ។ មានចំណុចតែមួយចំនួននៅក្នុងជីវិតនេះដែលប្រសើរជាងការមានមិត្តភក្តិជាគ្រីស្ទបរិស័ទដែលមានភាពចាស់ទុំ មានប្រាជ្ញា និងគួរឲ្យទុកចិត្តបាន។

ពួកប្រុស‍ៗអើយ

៥) តើនិយោជករបស់លោកអ្នកគិតយ៉ាងណាចំពោះលោកអ្នក?

ស្ត្រីម្នាក់ដែលចេញពីកន្លែងធ្វើការទើបតែបានចូលនិវត្តន៍ ហើយបានផ្ញើអ៊ីមែលទៅមនុស្សជាច្រើននាក់នៅថ្ងៃចុងក្រោយរបស់គាត់។ មានបន្ទាត់មួយដែលបានធ្វើឲ្យខ្ញុំភ្ញាក់ផ្អើល៖ «ខ្ញុំបានធ្វើការអស់រយៈពេលជាង៤៥ឆ្នាំជាប់ៗគ្នា ហើយឥឡូវនេះខ្ញុំបានឈប់ហើយ»។

៤៥ឆ្នាំជាប់ៗគ្នា។

លោកអ្នកប្រហែលជានឹងចំណាយពេល ១/៣ នៃជីវិតរបស់លោកអ្នកនៅកន្លែងធ្វើការ។ ដូច្នេះ លោកអ្នកគួរតែខំធ្វើឲ្យបានល្អនៅក្នុងអ្វីមួយចុះ។ ទោះបីជាលោកអ្នកមិននៅក្នុងកិច្ចបម្រើពេញពេលក៏ដោយ ក៏ព្រះជាម្ចាស់បានត្រាស់ហៅលោកអ្នកឲ្យលើកតម្កើងទ្រង់ក្នុងអ្វីៗគ្រប់យ៉ាងដែលលោកអ្នកធ្វើ ដែលនេះរួមទាំងការងារផងដែរ។

សាវ័ក ប៉ុល បានបង្គាប់យើងឲ្យធ្វើការអស់ពីចិត្តសម្រាប់ព្រះ (កូឡូស ៣:២៣)។ លោកអ្នកមិនចាំបាច់ក្លាយជាអ្នកពូកែបំផុតនោះទេ ប៉ុន្តែអ្វីដែលលោកអ្នកធ្វើគួរតែបង្ហាញឲ្យនិយោជកឃើញច្បាស់ថា លោកអ្នកជាមនុស្សឧស្សាហ៍ ព្យាយាម និងមានសមត្ថភាព។

៦) តើលោកអ្នកមានអំពើបាប ដែលលោកអ្នកលាក់ទេ?

ពេលខ្លះ អ្នកនៅលីវគិតថា ខ្លួនមិនអាចចាញ់បានទេ។ ប៉ុន្តែ យើងមិនមែនដូច្នោះទេ។ គ្រូគង្វាល និងសមាជិកគ្រួសាររបស់លោកអ្នកប្រហែលជាមិនបានដឹងអំពីរឿងអាសអាភាសដែលលោកអ្នកមើល ការដែលលោកអ្នកនិយាយដើមគេ និងបញ្ហានៃការញៀនរបស់លោកអ្នកទេ ប៉ុន្តែព្រះជាម្ចាស់ជ្រាប។

លោកអ្នកមិនអាចស្កប់ចិត្តនឹងអំពើបាបទាំងនេះបានទេ។

លោកអ្នកមិនអាចមើលរំលងអំពើបាបទាំងនេះបានទេ។

លោកអ្នកមិនអាចព្រងើយកន្តើយនឹងអំពើបាបទាំងនេះបានទេ។

លោកអ្នកត្រូវតែសម្លាប់វាចោល។

ប្រសិនបើលោកអ្នកមិនបានដោះស្រាយបញ្ហាទាំងនេះឥឡូវទេ គឺវានឹងធ្វើឲ្យលោកអ្នកកាន់តែឈឺចាប់ (និងអនាគតស្វាមីភរិយា) នៅពេលក្រោយជាមិនខាន។

៧) តើការចំណាយពេលជាមួយនឹងព្រះជាម្ចាស់ជាប្រចាំថ្ងៃរបស់លោកមានលក្ខណៈបែបណា?

គ្រីស្ទបរិស័ទដែលខ្ញុំកោតសរសើរបំផុតគឺ តែងតែជាអ្នកដែលមានការចំណាយពេលជាប់លាប់ជាមួយនឹងព្រះជាម្ចាស់ជាប្រចាំថ្ងៃ។ ការចំណាយពេលទៀងទាត់ជាមួយព្រះជាម្ចាស់ជាគន្លឹះនៃសេចក្តីអំណរ និងភាពមានប្រយោជន៍។ ដូចដែលលោកគ្រូ ប៉ូល វូសឆ័រ (Paul Washer) បានមានប្រសាសន៍ថា «កម្លាំងខាងឯវិញ្ញាណមិនមែនជារឿងអាថ៌កំបាំងទេ ប៉ុន្តែទាក់ទងផ្ទាល់ទៅនឹងការលះបង់របស់យើងជាមួយព្រះបន្ទូល និងការអធិស្ឋាន»។

៨) តើលោកអ្នកមានការប្រកបជាទៀងទាត់ជាមួយនឹងគ្រីស្ទបរិស័ទឯទៀតដែរឬទេ?

«ក្រុមជំនុំគឺដូចជាទូករបស់លោក ណូអេ។ វាមានក្លិនស្អុយ។ ប៉ុន្តែ នៅពេលដែលលោកអ្នកចេញ នោះលោកអ្នកនឹងលង់ទឹកស្លាប់»។

ខ្ញុំមិនប្រាកដថាអ្នកណានិយាយដូច្នោះនោះទេ ហើយខ្ញុំក៏មិនមែនជាអ្នកគាំទ្រខ្លាំងម្នាក់លើការលើកសម្រង់សម្ដីដែរ ប៉ុន្តែលោកអ្នកទទួលបានចំណុចសំខាន់៖ លោកអ្នកត្រូវការក្រុមជំនុំ។

ភាពឯកោមិនមែនជាផែនការរបស់ព្រះជាម្ចាស់សម្រាប់ជីវិតរបស់លោកអ្នកឡើយ។ អ្នកដើរម្នាក់ឯងគឺជាអ្នកស្លាប់។ លោកអ្នក ហើយនិងខ្ញុំត្រូវការសហគមន៍យើង។ សូមស្វែងរកក្រុមជំនុំល្អៗ ហើយទៅចូលរួមជាមួយក្រុមនោះ មិនថាតូចក៏ដោយ ហើយបន្តមានទំនាក់ទំនងជាមួយនឹងរាស្ដ្ររបស់ព្រះជាម្ចាស់។

៩) តើលោកអ្នកនឹងមិនអីទេ បើលោកអ្នកមិនបានរៀបការ?

ខ្ញុំស្រឡាញ់បំណងប្រាថ្នារបស់លោកអ្នកក្នុងការចង់រៀបការ មានកូន និងរស់នៅប្រកបដោយសុភមង្គល។ ប៉ុន្តែ ចុះបើវាមិនបានកើតឡើង តើលោកអ្នកនឹងមានអារម្មណ៍ដូចម្ដេច?

ប្រាកដណាស់! វាជាសំណួរដ៏លំបាកមួយមែន។ ប៉ុន្តែ វាជាសំណួរមួយដែលលោកអ្នកគួរគិតពិចារណាលើ។

យើងខ្លះៗក៏បានជឿសូម្បីតែផ្នែកមួយនៃដំណឹងល្អដែលសន្យាភាពចម្រុងចម្រើន។ យើងគិតថា ដោយសារយើងបានដាក់ការទុកចិត្តរបស់យើងលើព្រះគ្រីស្ទ នោះយើងសមនឹងទទួលបានជីវិតអាពាហ៍ពិពាហ៍ ជោគជ័យ លុយកាក់ និងអ្វីៗទាំងអស់ដែលចិត្តយើងប្រាថ្នាចង់បាន។ ប៉ុន្តែ យើងមិនអាចបាននោះទេ។ វាជាការពិតដែរថា ព្រះជាម្ចាស់សព្វព្រះហឫទ័យប្រទានពរដល់កូនៗរបស់ទ្រង់ ដោយឲ្យអំណោយទានល្អៗ។ ប៉ុន្តែ ចំណុចស្នូលនៃដំណឹងល្អគឺថា យើងមកព្រះយេស៊ូវ ដើម្បីទទួលបានព្រះយេស៊ូវ មិនមែនរបស់របរផ្សេងៗទ្រង់នោះទេ។

ការនៅលីវអាចជាគ្រារង់ចាំ ប៉ុន្តែវាមិនចាំបាច់ត្រូវតែជាគ្រាដែលខ្ជះខ្ជាយនោះទេ។ សូមសួរខ្លួនឯងនូវសំណួរទាំងនេះដោយមានចិត្តម៉ឺងម៉ាត់ ដើម្បីស្វែងយល់អំពីស្ថានភាពរបស់លោកអ្នក។ ប្រាកដណាស់ នៅមានសំណួរជាច្រើនទៀតដែលត្រូវសួរ។ ប៉ុន្តែ នេះគឺជាការចាប់ផ្ដើមមួយ។ ប្រហែលជាត្រូវជួបជាមួយអ្នកនៅលីវផ្សេងទៀត ហើយធ្វើការពិភាក្សាជាក្រុម។ ខ្ញុំជឿថា ការសន្ទនាអំពីរឿងនេះនឹងជួយដល់គ្រីស្ទបរិស័ទគ្រប់រូបដែលនៅលីវ។

លោកអ្នកក៏ប្រហែលជាចូលចិត្ត៖

រៀបការ និងការនៅលីវ
ការនៅលីវ
ប្រាំពីរនាទីដែលនាំការផ្លាស់ប្ដូរដល់ជីវិតរបស់លោកអ្នក
របៀបដែលភាពនៅលីវល្អ
ការរួមដំណេកនៅឯស្ថានសួគ៌
ម្ចាស់ស្នេហ៍

និពន្ធដោយ៖ David Kaywood
បកប្រែដោយ៖ កញ្ញា គឹម បូព្រឹក
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា,
លោក ហុង សម្ភស, ស៊ូ ទិត្យ, លោក ឡង់ គីមឡុង, និងលោកឈាង បូរ៉ា
ដកស្រង់ខ្លះៗ និងកែសម្រួលចេញពី gospelrelevance.com ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

៩៤០៣

កំណត់ហេតុបណ្ដាញ៣ ធ្នូ ២០២៤

របៀបប្រកាសដំណឹងល្អដល់អ្នកដែលមិនជឿ

ខ្ញុំមិនមានន័យថា នេះជាការហៅនរណាមកឯអាសនា ឬក៏អញ្ជើញនរណាម្នាក់ឲ្យមកខាងមុខ ដើម្បីអធិស្ឋានយាងព្រះអង្គឲ្យចូលក្នុងចិត្តរបស់គេនោះទេ (ទោះបីជាក្នុងបរិបទខ្លះ គេធ្វើក៏ដោយ) តែផ្ទុយទៅវិញ នេះគឺជាការជំរុញអ្នកស្តាប់បើកចិត្តជឿលើព្រះអម្ចាស់យេស៊ូវគ្រីស្ទ ដោយទុកចិត្តថា ព្រះវិញ្ញាណបរិសុទ្ធនឹងធ្វើការនៃការបង្កើតជាថ្មី នៅក្នុងចិត្តរបស់បុគ្គលនោះជាមិនខាន (ឬនៅក្នុងចិត្តរបស់មនុស្សជាច្រើន) ប្រសិនបើទ្រង់សព្វព្រះហឫទ័យធ្វើដូច្នោះ។

អានបន្ថែម

លោកអ្នករៀបចំមេរៀនអធិប្បាយយ៉ាងមិចក៏មិនចប់ដែរ

៧៧

កំណត់ហេតុបណ្ដាញ២០ វិច្ឆិកា ២០២៤

លោកអ្នករៀបចំមេរៀនអធិប្បាយយ៉ាងមិចក៏មិនចប់ដែរ

នៅក្នុងសៀវភៅ «ធ្វើម្ដងទៀត» (Reset) លោក ដាវីឌ មើរេ (David Murray) បានលើកឡើងអំពីអតីតសិស្សរបស់គាត់ម្នាក់ ដែលចូលចិត្តរៀបចំមេរៀនអធិប្បាយរបស់គាត់ទាល់តែល្អឥតខ្ចោះទើបឈប់ថា «យុវជនវ័យក្មេងនៃសាលាព្រះគម្ពីររបស់ខ្ញុំម្នាក់ គាត់មិនដែលចំណាយពេលតិចជាងសាមសិបម៉ោង ដើម្បីរៀបចំមេរៀនអធិប្បាយរបស់គាត់នោះទេ ដោយថែមថយ ថែមថយទាល់តែថាវា “ល្អឥតខ្ចោះ” នោះទើបឈប់»។ លោក មើរ៉េ បានបន្តប្រាប់ទៀតថា «មិនមានអ្វីចម្លែកទេ ព្រោះបានតែមួយឆ្នាំប៉ុណ្ណោះ យុវជនម្នាក់នោះក៏លាឈប់ ហើយរត់ចោលព័ន្ធកិច្ចបាត់»។

អានបន្ថែម

ចំណុច១១យ៉ាងដែលគ្រីស្ទបរិស័ទនៅលីវគ្រប់គ្នាគួរតែដឹង

៥១៧៣

កំណត់ហេតុបណ្ដាញ២៣ កក្កដា ២០២៤

ចំណុច១១យ៉ាងដែលគ្រីស្ទបរិស័ទនៅលីវគ្រប់គ្នាគួរតែដឹង

ខ្ញុំប្រាកដថា មនុស្សជាច្រើនក្នុងចំណោមយើងដែលនៅលីវចង់ប្រើប្រាស់ហេតុផលនេះដោយប្រាជ្ញា—ប៉ុន្តែតើដោយរបៀបណា? តើយើងអាចមានអំណរជាមួយភាពនៅលីវ ដោយមិនខ្ជះខ្ជាយពេលនេះបានយ៉ាងដូចម្ដេច? អស់រយៈពេលជាច្រើនឆ្នាំ ខ្ញុំបានឃើញថា មានចំណុច១១យ៉ាងដែលគ្រីស្ទបរិស័ទនៅលីវគ្រប់គ្នាគួរតែដឹង៖

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២២

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣០០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម