ប្រាំពីរនាទីដែលនាំការផ្លាស់ប្ដូរដល់ជីវិតរបស់លោកអ្នក

៨ សីហា ២០២៣អានរយៈពេល ៧ នាទី

មើល១៦៤ដង

លោកអ្នកមិនចាំបាច់ទាល់តែស្គាល់ ឬចេះច្រើន ដើម្បីធ្វើឲ្យជីវិតរបស់ខ្លួនបំផ្លាស់បំប្រែផែនដីនេះឡើយ។ ប៉ុន្តែ លោកអ្នកត្រូវការដឹងចំណុចពិសេសមួយចំនួនដែលមានសារៈសំខាន់ ហើយត្រូវត្រៀមក្នុងការហ៊ានលះបង់រស់នៅ និងស្លាប់សម្រាប់ការនោះ។ មនុស្សដែលធ្វើឲ្យមានការផ្លាស់ប្ដូរយូរអង្វែងនៅក្នុងពិភពលោកនេះមិនមែនជាមនុស្សដែលចេះដឹងច្រើននោះទេ ប៉ុន្តែជាអ្នកដែលចេះដឹងចំណុចមួយចំនួនយ៉ាងច្បាស់លាស់វិញ។

ប្រសិនបើលោកអ្នកចង់ឲ្យជីវិតលោកអ្នកមានការរាប់បញ្ចូល ប្រសិនបើលោកអ្នកចង់ឲ្យរង្វង់ឥទ្ធិពលនៃដុំថ្មដែលលោកអ្នកបានទម្លាក់ក្លាយទៅជារលកដែលអាចលាតសន្ធឹងទៅដល់ចុងបំផុតនៃផែនដី ហើយឆ្លងដល់រាប់សតវត្សរ៍ និងដល់អស់កល្ប នោះអ្នកមិនចាំបាច់ទាល់តែមានកម្រិត IQ ខ្ពស់ ឬកម្រិត EQ ខ្ពស់នោះឡើយ។ លោកអ្នកមិនចាំបាច់មានរូបសម្រស់ល្អ ឬក៏ជាអ្នកមានទេ។ លោកអ្នកមិនចាំបាច់ទាល់តែកើតមកពីគ្រួសារល្អ ឬរៀនចេញមកពីសាលាដែលល្អនោះដែរ។ លោកអ្នកគ្រាន់តែត្រូវការដឹងអំពីអ្វីដែលអស្ចារ្យ ធំធេង មិនអាចផ្លាស់ប្រែបាន ច្បាស់លាស់ សាមញ្ញ និងរុងរឿង ហើយត្រូវផ្ដោតឆ្ពោះការទាំងនោះ។

ប៉ុន្តែ ខ្ញុំដឹងថា មិនមែនគ្រប់គ្នាដែលនៅក្នុងចំណោមមនុស្សទាំងនេះចង់ធ្វើឲ្យជីវិតខ្លួននាំឲ្យមានការផ្លាស់ប្ដូរនោះទេ។ មានមនុស្សជាច្រើនរយនាក់ក្នុងចំណោមអ្នករាល់គ្នាមិនខ្វល់ថា ខ្លួននឹងនាំឲ្យមានការផ្លាស់ប្ដូរនោះដ៏អស្ចារ្យនោះទេ តែគ្រាន់តែចង់ឲ្យមានអ្នកដទៃចូលចិត្តអ្នកតែប៉ុណ្ណោះ។ បើមានមនុស្សចូលចិត្តលោកអ្នក នោះលោកអ្នកនឹងស្ងប់ចិត្តហើយ។ ឬប្រសិនបើលោកអ្នកគ្រាន់តែមានការងារល្អ រួមទាំងមានប្រពន្ធល្អ ហើយមានកូនល្អពីរឬបីនាក់ ព្រមទាំងមានឡានទំនើប មានពេលលំហែចុងសប្ដាហ៍យូរ និងមានមិត្តល្អប៉ុន្មាននាក់ មានពេលវេលាសប្បាយពេលចូលនិវត្តន៍ ហើយមានការស្លាប់ដែលងាយស្រួល និងឆាប់រហ័ស ព្រមទាំងមិនធ្លាក់នរក—ប្រសិនបើលោកអ្នកអាចមានការទាំងនោះបាន នោះលោកអ្នកនឹងស្ងប់ចិត្តទោះបីលោកអ្នកមិនមានព្រះក៏ដោយ។

ការសម្រេចបែបនេះគឺជាសោកនាដកម្មមួយ។

កាលពីបីសប្ដាហ៍មុន យើងទទួលបានដំណឹងនៅក្រុមជំនុំរបស់យើងថា លោកស្រី រូប៊ី អេលាសិន និងលោកស្រី ឡូរ៉ា អេតវ័ដ (Ruby Eliason and Laura Edwards) ទាំងពីរនាក់ត្រូវបានគេសម្លាប់នៅឯប្រទេសកាមេរ៉ូន (Cameroon)។ លោកស្រី រូប៊ី មានអាយុប្រហែលជាជាង៨០ឆ្នាំ។ គាត់នៅលីវពេញមួយជីវិតរបស់គាត់ ហើយក៏បានរស់នៅសម្រាប់កិច្ចការដ៏អស្ចារ្យមួយ៖ នាំឲ្យគេស្គាល់ព្រះនាមព្រះយេស៊ូវក្នុងចំណោមមនុស្សបាត់បង់ មនុស្សក្រីក្រ និងមនុស្សមានជំងឺ។ លោកស្រី ឡូរ៉ា គឺជាស្ត្រីមេម៉ាយ និងជាវេជ្ជបណ្ឌិត ហើយបានប្រើប្រាស់ជីវិតនៅក្នុងវ័យជិត៨០ឆ្នាំក្នុងការបម្រើព័ន្ធកិច្ចជាមួយលោកស្រី រូប៊ី នៅក្នុងប្រទេសកាមេរ៉ូន។

ហ្វ្រាំងបានដាច់ហើយធ្វើឲ្យពួកគេធ្លាក់ជ្រោះ ហើយពួកគេក៏បានស្លាប់ភ្លាមៗ។

ហើយខ្ញុំបានសួរក្រុមជំនុំរបស់ខ្ញុំថា៖ តើនោះជាសោកនាដកម្មឬ? ជីវិតពីរដែលជំរុញដោយនិមិត្តមួយដ៏អស្ចារ្យ បានចំណាយពេលបម្រើមនុស្សក្រីក្រដែលកំពុងតែត្រូវហិនវិនាសសម្រាប់សិរីល្អរបស់ព្រះយេស៊ូវគ្រីស្ទ—រយៈពេលពីរទសវត្សបន្ទាប់សមភាគីអាមេរិករបស់ពួកគាត់បានចូលនិវត្តន៍ ហើយបានចំណាយពេលវេលានៃជីវិតរបស់ខ្លួនលំហែកាយនៅរដ្ឋហ្ល័រីដា ( Florida) ឬនៅរដ្ឋ ញូមិស៊ិកកូ (New Mexico)។ ទេ! នោះមិនមែនជារឿងសោកនាដកម្មទេ។ នោះគឺជាសិរិរុងរឿងវិញ។

សូមឲ្យខ្ញុំប្រាប់លោកអ្នកថា សោកនាដកម្មគឺជាអ្វី។ ខ្ញុំនឹងអានជូនលោកអ្នកចេញពីសំណេររបស់អ្នកអាន ឌីហ្កេស (Reader's Digest) អំពីអ្វីទៅជាសោកនាដកម្ម។ «លោក បប (Bob) និងលោកស្រី ផេននី (Penny)...បានចូលនិវត្តន៍ពីការងាររបស់ពួកគេនៅភាគឦសានទាំងវ័យក្មេងកាលពីប្រាំឆ្នាំមុន។ កាលនោះគាត់មានអាយុ៥៩ឆ្នាំ ហើយលោកស្រី ផេននី អាយុ៥១ឆ្នាំ។ សព្វថ្ងៃនេះ ពួកគេរស់នៅ ផុនតា ហ្កូដា (Punta Gorda) ក្នុងរដ្ឋហ្ល័រីដា ជាកន្លែងដែលពួកគេចំណាយពេលជិះនាវាប្រវែង ៩ ម៉ែត្រ កំសាន្ត លេងបាល់គប់ ព្រមទាំងរើសសម្បកខ្យងតាមឆ្នេរសមុទ្រ»។

នោះគឺជាសោកនាដកម្ម។ ហើយសព្វថ្ងៃនេះ មានមនុស្សចំណាយរាប់ពាន់លានដុល្លារ ដើម្បីអូសទាញលោកអ្នកឲ្យឈោងចាប់តាមក្ដីស្រមៃដែលជាសោកនាដកម្មនោះ។ ខ្ញុំមានពេលតែបន្តិចក្នុងការអង្វរលោកអ្នក៖ សូមកុំដេញតាមវាឡើយ។ ខ្ញុំអង្វរលោកអ្នកដោយអស់ពីដួងចិត្តរបស់ខ្ញុំថា៖ សូមកុំដេញតាមក្តីស្រមៃបែបនេះឡើយ។ ក្តីស្រមៃដែលថា៖ មានផ្ទះទំនើប មានឡានទំនើប មានការងារល្អ មានគ្រួសារល្អ មានការចូលនិវត្តន៍ដ៏ល្អប្រសើរ ជាការដើររើសសម្បកខ្យងនៅពេលវេលាចុងក្រោយ មុនដែលលោកអ្នកត្រូវឈរនៅចំពោះមុនព្រះអាទិករដែលបង្កើតចក្រវាឡ ដើម្បីរៀបរាប់ពីអ្វីដែលលោកអ្នកបានធ្វើ៖ «ឱព្រះអម្ចាស់អើយ នេះជាសម្បកខ្យងដែលទូលបង្គំរើសបាន! ហើយទូលបង្គំយើងខ្ញុំក៏មានទោងយ៉ាងស្រស់ស្អាត ហើយសូមទ្រង់ទតមើលទូករបស់ទូលបង្គំផង»។

សូមកុំឲ្យខាតជីវិតឥតប្រយោជន៍ឡើយ។ កុំខ្ជះខ្ជាយវាឲ្យសោះ។

និពន្ធដោយ៖ John Piper
បកប្រែដោយ៖ លោក វេន ប៉ុក
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូធេ, លោកឈាង បូរ៉ា និងលោក សឹម រក្សា
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៣១០៥

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៣

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៤

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២០

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥២

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម