កត្តាជំរុញដ៏ល្អក្នុងការចងចាំព្រះគម្ពីរ

ការទន្ទេញព្រះគម្ពីរឲ្យចាំមាត់គឺជាការពិបាកណាស់។ វាតម្រូវឲ្យមានពេលវេលា កម្លាំងឆន្ទៈ និងការផ្ដោតអារម្មណ៍ ហើយនេះមានន័យថា…

៦ សីហា ២០២៣អានរយៈពេល ៧ នាទី

មើល១៩០ដង

ការទន្ទេញព្រះគម្ពីរឲ្យចាំមាត់គឺជាការពិបាកណាស់។ វាតម្រូវឲ្យមានពេលវេលា កម្លាំងឆន្ទៈ និងការផ្ដោតអារម្មណ៍ ហើយនេះមានន័យថា យើងត្រូវមានកត្តាជំរុញដ៏ល្អៗក្នុងការជំរុញចិត្តឲ្យទន្ទេញព្រះគម្ពីរ នៅពេលយើងចាប់ផ្ដើម។ នេះគឺជាអ្វីដែលលោកគ្រូ ចន ផាបភ័រ ធ្វើសម្រាប់យើង នៅក្នុងសេចក្ដីអធិប្បាយរបស់គាត់ដែលមានចំណងជើងថា «បើពាក្យខ្ញុំនៅជាប់ក្នុងអ្នករាល់គ្នា» (“If My Words Abide in You”) ដែលគាត់បានអធិប្បាយនៅថ្ងៃទី៤ ខែមករា ឆ្នាំ២០០៩។ ខាងក្រោមនេះគឺជាអ្វីដែលគាត់បានចែកចាយ៖

មូលហេតុដែលខ្ញុំចាប់ផ្ដើមដោយសូត្រកណ្ឌគម្ពីរ ទំនុកតម្កើង១; ១៦; ១០៣; រ៉ូម ៥:១-៨; រ៉ូម ៨; ម៉ាថាយ ៦:១, ២៥-៣៤ និង១កូរិនថូស ១៣ គឺដោយសារខ្ញុំសង្ឃឹមថា—ហើយក៏អធិស្ឋានយ៉ាងខ្លាំងសម្រាប់លោកអ្នក—គឺឲ្យព្រះជាម្ចាស់ធ្វើការនៅក្នុងជីវិតរបស់លោកអ្នកដូចដែលកាលព្រះអង្គបានធ្វើការនៅក្នុងជីវិតខ្ញុំកាលពី៣១ឆ្នាំមុន។

កាលខ្ញុំមានអាយុ៣១ឆ្នាំ

កាលនោះខ្ញុំបានដើរចូលកន្លែងប្រជុំដែលខ្ញុំត្រូវបង្រៀន។ ហើយខ្ញុំក៏បានអង្គុយចាំ។ ពេលនោះ លោកបណ្ឌិត អាត លូវីស (Art Lewis) ដែលជាគ្រូបង្រៀនព្រះគម្ពីរសញ្ញាចាស់ បានងើបឡើងហើយសូត្រកណ្ឌគម្ពីរ ម៉ាថាយ ៦:២៥-៣៤។ ហើយគាត់បានធ្វើតែប៉ុណ្ណោះ។ គាត់គ្រាន់តែមើលមកកាន់យើង ហើយសូត្រយកតែម្ដង។ កាលនោះខ្ញុំមានការភ្ញាក់ផ្អើលណាស់។

កាលខ្ញុំមានអាយុ៣១ឆ្នាំ ហើយមិនដែលឃើញនរណាសូត្រព្រះគម្ពីរដូចនោះ នៅក្នុងព្រះវិហារឡើយ។ ខ្ញុំមានការភ្ញាក់ផ្អើលយ៉ាងខ្លាំង។ ការនោះបាននាំឲ្យខ្ញុំឈានចូលក្នុងដំណើរការនៃការទន្ទេញព្រះគម្ពីរឲ្យចាំមាត់។ ហើយអ្វីដែលខ្ញុំចង់លើកឡើងក្នុងអត្ថបទនេះ គឺលើកទីបន្ទាល់របស់ខ្ញុំលាយជាមួយទីបន្ទាល់របស់ព្រះយេស៊ូវ ទាក់ទងនឹងការឲ្យតម្លៃលើការទន្ទេញព្រះគម្ពីរឲ្យចាំមាត់។

គន្លឹះ៨យ៉ាងនៃការទន្ទេញព្រះគម្ពីរ

ខ្ញុំកំពុងតែសូមអង្វរបងប្អូន។ ហើយនេះគឺជាទីបន្ទាល់របស់ខ្ញុំ។ ខ្ញុំនឹងលើកឡើង៨ប្រយោគ ដោយមិនមានការបកស្រាយបន្ថែម៖

១. ការទន្ទេញព្រះគម្ពីរឲ្យចាំមាត់នាំឲ្យលោកអ្នកអាចសញ្ជឹងគិតលើព្រះគម្ពីរ ទោះបីលោកអ្នកមិនកំពុងអានព្រះគម្ពីរក៏ដោយ។ ហើយការសញ្ជឹងគិតគឺជាគន្លងផ្លូវនៃការឈានទៅដល់ការយល់ដឹងឲ្យកាន់តែជ្រៅជ្រះបន្ថែមទៀត។ ដូច្នេះ ប្រសិនបើលោកអ្នកនឹងរំពឹងគិតក្នុងក្រឹត្យវិន័យទ្រង់ទាំងយប់ទាំងថ្ងៃដែរ (សូមមើលនៅក្នុងកណ្ឌគម្ពីរ ទំនុកតម្កើង ១:២) នោះដាច់ខាតលោកអ្នកត្រូវតែមានខគម្ពីរចងចាំខ្លះៗនៅក្នុងចិត្តគំនិតរបស់លោកអ្នក។

២. ការទន្ទេញព្រះគម្ពីរឲ្យចាំមាត់ចម្រើនកម្លាំងដល់ជំនឿរបស់ខ្ញុំ ពីព្រោះ «សេចក្ដីជំនឿកើតឡើងដោយឮ ហើយដែលឮនោះ គឺដោយសារព្រះបន្ទូលនៃព្រះ» (រ៉ូម ១០:១៧)។ ហើយការនេះកើតឡើងនៅពេលដែលខ្ញុំឮព្រះបន្ទូលរបស់ព្រះអង្គនៅក្នុងខួរក្បាលរបស់ខ្ញុំ។

៣. ការទន្ទេញព្រះគម្ពីរឲ្យចាំមាត់រចនារបៀបដែលខ្ញុំសង្កេតមើលពិភពលោកនេះ តាមរយៈការនាំឲ្យចិត្តគំនិតរបស់ខ្ញុំត្រាប់តាមទស្សនៈរបស់ព្រះជាម្ចាស់លើគ្រប់អ្វីៗទាំងអស់។

៤. ការទន្ទេញព្រះគម្ពីរឲ្យចាំមាត់នាំឲ្យយើងមានព្រះបន្ទូលយ៉ាងងាយស្រួលក្នុងការយកឈ្នះលើសេចក្ដីល្បួងឲ្យប្រព្រឹត្តអំពើបាប ពីព្រោះការព្រមាន និងសេចក្ដីសន្យារបស់ព្រះជាម្ចាស់គឺជារបៀបដែលយើងយកឈ្នះលើការកុហកបាន—គឺការកុហកបោកបញ្ឆោតរបស់អារក្សសាតាំង។

៥. ការទន្ទេញព្រះគម្ពីរឲ្យចាំមាត់ការពារគំនិតរបស់ខ្ញុំ ដោយនាំឲ្យខ្ញុំមានភាពងាយស្រួលក្នុងការដឹងសេចក្ដីខុសឆ្គង។ លោកីយ៍នេះមានពេញទៅដោយសេចក្ដីខុសឆ្គង ព្រោះព្រះក្នុងលោកីយ៍នេះគឺជាព្រះដែលកុហក។

៦. ការទន្ទេញព្រះគម្ពីរឲ្យចាំមាត់នាំឲ្យខ្ញុំអាចច្បាំងជាមួយនឹងអារក្សបាន ដោយប្រើកម្លាំងដែលវាមិនអាចតយុទ្ធជាមួយបាន ដើម្បីការពារខ្លួនខ្ញុំផ្ទាល់ និងគ្រួសាររបស់ខ្ញុំដែលវាកំពុងតែវាយប្រហារ។ តើលោកអ្នកកំពុងតែប្រយុទ្ធជាមួយវាដោយប្រើអ្វី? វាខ្លាំងជាងយើងរាប់លានដង។ ហើយវាស្អប់លោកអ្នក និងគ្រួសាររបស់លោកអ្នក និងជីវិតអាពាហ៍ពិពាហ៍របស់លោកអ្នក និងក្រុមជំនុំ ក៏ដូចជាព្រះជាម្ចាស់ដែរ។ ការដែលមានអ្នករស់នៅលើផែនដីនេះ ដែលគ្រប់គ្រងដោយអារក្ស ដើរដោយមិនមានដាវនៅក្នុងដៃ គឺជារឿងដ៏ភ្ញាក់ផ្អើលណាស់ចំពោះខ្ញុំ។

៧. ការទន្ទេញព្រះគម្ពីរឲ្យចាំមាត់ផ្ដល់មកកាន់យើងនៅពាក្យពេចន៍ដ៏ខ្លាំង និងផ្អែមល្ហែមក្នុងការធ្វើព័ន្ធកិច្ចជាមួយនឹងអស់អ្នកដែលមានតម្រូវការ។ តើធ្លាប់មានពេលទេ ដែលលោកអ្នកមិនបានត្រៀមក្នុងការធ្វើការជាមួយនឹងអ្នកដែលមានតម្រូវការ? លោកអ្នកមិនចាំបាច់មាន «ការមិនបានត្រៀមទុកជាមុន» ដូចនោះទេ។

៨. ហើយជាចុងក្រោយ ការទន្ទេញព្រះគម្ពីរឲ្យចាំមាត់ប្រទាននូវរបៀបប្រកបគ្នាជាមួយនឹងព្រះយេស៊ូវ ពីព្រោះព្រះអង្គមានព្រះបន្ទូលមកកាន់ខ្ញុំនៅពេលដែលខ្ញុំសញ្ជឹងគិតលើព្រះបន្ទូលរបស់ទ្រង់—ដោយមានព្រះបន្ទូលមកកាន់ខ្ញុំផ្ទាល់យ៉ាងផ្អែមល្ហែម ពេញដោយអំណាច និងសេចក្ដីពិតមែន។ ហើយបន្ទាប់មក ខ្ញុំសន្ទនាជាមួយនឹងព្រះអង្គវិញ តាមរយៈការអធិស្ឋាន។ ហើយប្រសិនបើខ្ញុំមានព្រះបន្ទូលនៅក្នុងចិត្តគំនិតរបស់ខ្ញុំ នោះមានន័យថា យើងអាចមានការសន្ទនាជាមួយគ្នានៅទីណាក៏បានដែរ។ វាពិតជាផ្អែមល្ហែមណាស់។

និពន្ធដោយ៖ លោកគ្រូ John Piper
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ,លោកស្រី ឡូញ ស្រីរដ្ឋ, លោក ខែម បូឡុង, លោក ឯក សត្យា និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២១

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៩

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម