មនុស្សដែលមានបាបយ៉ាងខ្លាំង និងព្រះសង្គ្រោះ

តើលោកអ្នកដឹងទេថា ខ្លួនគឺជាមនុស្សដែលមានបាបយ៉ាងខ្លាំង? តើលោកអ្នកដឹងទេថា ព្រះយើងគឺជាព្រះដែលអត់ទោសអំពើបាប? តើលោកអ្នកឃើញថា…

១៣ សីហា ២០២៣អានរយៈពេល ៥ នាទី

មើល២៣៧ដង

តើលោកអ្នកដឹងទេថា ខ្លួនគឺជាមនុស្សដែលមានបាបយ៉ាងខ្លាំង? តើលោកអ្នកដឹងទេថា ព្រះយើងគឺជាព្រះដែលអត់ទោសអំពើបាប?

តើលោកអ្នកឃើញថា ចំណុចទាំងពីរនេះមានភាពស៊ីគ្នាដោយរបៀបណាដែរឬទេ? នេះគឺជាចំណុចដ៏សំខាន់ណាស់។ ដាច់ខាត! លោកអ្នកត្រូវតែយល់ថា ខ្ញុំជាមនុស្សមានបាប ជាមនុស្សដែលប្រព្រឹត្តអំពើបាប ទោះបីមានគេប្រព្រឹត្តអំពើបាបទាស់ប្រឆាំងនឹងខ្ញុំក៏ដោយ។ ខ្ញុំយល់អំពីបរាជ័យរបស់ខ្លួន។ ហើយខ្ញុំក៏មានការបន្ទាបខ្លួន ដោយសារបរាជ័យនោះដែរ។ នេះគឺជាការអស្ចារ្យ។ ហើយនៅម្ខាងទៀតគឺជាចំណុចដ៏ធំ ខ្លាំង មិនអាចរង្គើបាន៖ ព្រះដែលគ្រប់គ្រងលើផែនដីនេះក៏ជាព្រះដែលអត់ទោសអំពើបាបដែរ។

តើលោកអ្នកឃើញថា ចំណុចទាំងពីរនេះមានភាពស៊ីគ្នាដោយរបៀបណាដែរឬទេ? ចំណុចដំបូងបណ្ដាលឲ្យខ្ញុំមានការភ្ញាក់ផ្អើល ទាក់ទងនឹងការអត់ទោស ប៉ុន្តែលុះត្រាតែខ្ញុំមានទំនុកចិត្តក្នុងការអត់ទោសនេះ នោះខ្ញុំនឹងប្រាកដជាកុហកខ្លួនឯងហើយ។ ខ្ញុំនឹងកាត់ផ្ដាច់ជំនឿស៊ុបនេះ។ ខ្ញុំនឹងមិនអនុញ្ញាតឲ្យវាធ្លាក់ដល់បាតទេ—ខ្ញុំមិនអាចអនុញ្ញាតបាន ពីព្រោះវានឹងបំផ្លាញអ្វីៗទាំងអស់ចោល។ វានឹងនាំឲ្យមានការបំផ្លិចបំផ្លាញខ្លាំងពេក លុះត្រាតែខ្ញុំដោះស្រាយវាសិន។ តើលោកអ្នកឃើញទេអំពីរបៀបដែលវាមានភាពស៊ីគ្នា? វានឹងមិនអាចដំណើរការបានឡើយ។ យើងមិនអាចមានព្រះដែលធ្វើឲ្យយើងមានពេញទៅដោយអំណរ ពីព្រោះព្រះអង្គអត់ទោសអំពើបាបយើង ប្រសិនបើយើងមិនរាប់ខ្លួនឯងថាជាមនុស្សដែលមានពេញទៅដោយអំពើបាប។ ហើយយើងក៏មិនអាចទៅទីនោះបានដែរ លុះត្រាតែយើងមានព្រះដែលពេញទៅដោយអំណរ ក្នុងការដែលព្រះអង្គអត់ទោសអំពើបាប។

លោកអ្នកទំនងជាលើកឡើងថា វាមិនអាចដំណើរការបានទេ។ ប៉ុន្តែ ខ្ញុំនឹងជំទាស់ដោយថា នេះគឺជាការអស្ចារ្យ។ វាគឺជាការអស្ចារ្យ។ ខ្ញុំមិនអាចពន្យល់អំពីជីវិតជាគ្រីស្ទបរិស័ទបានទេ។ ខ្ញុំក៏មិនអាចពន្យល់អំពីការកើតជាថ្មីបានដែរ។ ខ្ញុំមិនអាចពន្យល់អំពីការដែលយើងយល់អំពីអំពើបាបបានដែរ។ ខ្ញុំមិនអាចពន្យល់អំពីរបៀបដែលព្រះជាម្ចាស់បានមានវត្តមាន ហើយសម្រេចការទាំងពីរនោះដោយអាស្រ័យលើគ្នា ក្នុងពេលតែមួយបានដែរ។ ប៉ុន្តែ ព្រះអង្គពិតជាបានធ្វើការនោះមែន។ មានមនុស្សជាច្រើននាក់ ក្នុងចំណោមយើង ដែលបានភ្លក់រសជាតិនេះ។ លោកអ្នកបានភ្លក់។ លោកអ្នកត្រូវតែចូលឲ្យបានស៊ីជម្រៅទៀត។ ប៉ុន្តែ ខ្ញុំគិតថា ស្ទើរតែគ្រប់គ្នាដែលកំពុងតែអានអត្ថបទនេះ សុទ្ធតែធ្លាប់ភ្លក់រសជាតិដែលខ្ញុំកំពុងតែលើកឡើងហើយ។

សរុបសេចក្ដីទៅ យើងគឺជាមនុស្សដែលពេញទៅដោយអំពើបាប ប៉ុន្តែព្រះជាម្ចាស់គឺជាព្រះដែលអត់ទោសអំពើបាប។ តើលោកអ្នកបានទទួលយកការអត់ទោសរបស់ព្រះជាម្ចាស់ហើយឬនៅ? ប្រសិនបើមិនទាន់ទេ សូមបើកចិត្តទទួលជឿលើព្រះអង្គឥឡូវនេះចុះ។ «បើមាត់អ្នកនឹងទទួលថ្លែងប្រាប់ពីព្រះអម្ចាស់យេស៊ូវ ហើយអ្នកជឿក្នុងចិត្តថា ព្រះបានប្រោសឲ្យទ្រង់រស់ពីស្លាប់ឡើងវិញ នោះអ្នកនឹងបានសង្គ្រោះពិត ដ្បិតយើងបានសុចរិត ដោយមានចិត្តជឿ ហើយក៏បានសង្គ្រោះដោយមាត់ទទួលថ្លែងប្រាប់» (រ៉ូម ១០:៩-១០)។

ប្រសិនបើយើងចង់ធ្វើជាឪពុកម្ដាយល្អ ពេលដែលគ្រួសារមានបញ្ហា ជាដំបូងយើងត្រូវតែទទួលស្គាល់ថា អំពើបាបរបស់យើងគឺជាបញ្ហាដ៏អាក្រក់បំផុត។ ហើយជាបន្ទាប់យើងត្រូវតែទទួលស្គាល់ថា ព្រះលោហិតរបស់ព្រះយេស៊ូវគ្របបាំងលើវាទាំងអស់។

និពន្ធដោយ៖ លោកគ្រូ John Piper
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ឯក សត្យា និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

៤៤០

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៦៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៧

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១

កំណត់ហេតុបណ្ដាញ៨ កញ្ញា ២០២៦

ការតយុទ្ធនឹងសេចក្តីច្រណែនឈ្នានីស

ប្អូនស្រី ដាលីស បានសរសេរមកយើង ដើម្បីសួរថា«លោកគ្រូ តើនាង ខ្ញុំត្រូវដោះស្រាយយ៉ាងណាចំពោះការច្រណែនឈ្នានីស និងការប្រច័ណ្ឌ ដែលកំពុងលេបត្របាក់នាងខ្ញុំទៅហើយនោះ…

អានបន្ថែម