របៀបដែលភាពនៅលីវល្អ

ជីវិតអាពាហ៍ពិពាហ៍មានតែសម្រាប់លើផែនដីនេះតែប៉ុណ្ណោះ ប៉ុន្តែទំនាក់ទំនងដែលគ្រីស្ទបរិស័ទកសាងជាមួយគ្នានឹងមានអស់កល្បជានិច្ច។

១២ មិថុនា ២០២២អានរយៈពេល ៥ នាទី

មើល៣៧៩ដង

ភា

ពនៅលីវរបស់ អ័ដាម មិនមែនជារឿងល្អនោះទេ ហេតុដូច្នេះហើយបានជាព្រះជាម្ចាស់បានប្រទានប្រពន្ធមួយដល់គាត់។ សំណួរមួយទៀតថាគឺ «តាមផ្នត់គំនិត តើភាពនៅលីវគឺជាអំពើបាបដែរឬទេ? តើលោកអ្នកនឹងនិយាយយ៉ាងដូចម្ដេចទៅកាន់អ្នកនៅលីវ? ជាពិសេស តើលោកអ្នកនឹងនិយាយយ៉ាងដូចម្ដេចទៅកាន់អស់អ្នកដែលអាចនឹងនៅលីវអស់មួយជីវិត»?

នៅពេលដែលយើងចូលរួមក្នុងពិធីអាពាហ៍ពិពាហ៍ ទំនងជាអ្នកនៅលីវគិតក្នុងរបៀបនេះ «អាពាហ៍ពិពាហ៍គឺជាជីវិតដ៏ល្អប្រសើរ។ ហើយខ្ញុំទទួលបានជីវិតដែលមិនសូវល្អជាងនេះសោះ»។ យើងខ្ញុំចង់ឲ្យអស់អ្នកនៅលីវដឹងថា ជីវិតអាពាហ៍ពិពាហ៍ និងភាពនៅលីវមានអំណរក្នុងរបៀបខុសៗគ្នា។ មានអំណរមួយចំនួនបានបង្ហាញនៅក្នុងជីវិតអាពាហ៍ពិពាហ៍ ហើយក៏មិនបានបង្ហាញនៅក្នុងជីវិតនៅលីវនោះទេ។ ប៉ុន្តែ ក៏មានអំណរមួយចំនួនបានបង្ហាញនៅក្នុងជីវិតនៅលីវ ដែលមិនបានបង្ហាញនៅក្នុងជីវិតអាពាហ៍ពិពាហ៍ដែរ។

ចូរលើកតម្កើងព្រះគ្រីស្ទក្នុងភាពនៅលីវ

តើព្រះជាម្ចាស់បានត្រាស់ហៅលោកអ្នកឲ្យមានជីវិតនៅលីវមែនឬ? ប្រសិនបើដូច្នោះមែន នោះមានរបៀបជាច្រើនក្នុងការបង្ហាញអំពីសិរីល្អរបស់ព្រះជាម្ចាស់ ដែលអ្នករៀបការហើយមិនអាចធ្វើបាន។ ប៉ុន្តែ លោកអ្នកក៏ត្រូវមានអ្នកដទៃមកចូលរួមជាមួយផងដែរ។ ព្រះជាម្ចាស់បានបង្កើតយើងមកជាមួយនឹងអ្នកដទៃ និងសម្រាប់អ្នកដទៃ។ អ្នកដទៃផ្សេងទៀតគឺមិនមែនគ្រាន់តែជាប្រពន្ធ ឬក៏ប្ដីនោះទេ។ ពួកគាត់ក៏ជាមនុស្សដែរ។ ហើយព្រះជាម្ចាស់ក៏បានត្រាស់ហៅឲ្យអ្នកនៅលីវមកធ្វើជាគ្រីស្ទបរិស័ទដែរ។ ព្រះជាម្ចាស់មានព្រះបន្ទូលថា «ចូរទទួលគ្នាទៅវិញទៅមក ដូចជាព្រះគ្រីស្ទបានទទួលយើងដែរ»។ បន្ទាប់មក «ព្រមព្រៀងមូលមាត់តែមួយនឹងសរសើរតម្កើង ដល់ព្រះដ៏ជាព្រះវរបិតានៃព្រះយេស៊ូវគ្រីស្ទ ជាព្រះអម្ចាស់នៃយើងរាល់គ្នា» (រ៉ូម ១៥:៥-៦)។ យើងខ្ញុំកំពុងតែនិយាយអំពីគ្រួសារដ៏នៅអស់កល្បជានិច្ចដ៏ពិត។ ចំណុចមួយដែលយើងខ្ញុំចង់សង្កត់ធ្ងន់លើគឺថា៖ ជីវិតអាពាហ៍ពិពាហ៍គឺគ្រាន់តែជាការបណ្ដោះអាសន្នតែប៉ុណ្ណោះ។ ប៉ុន្តែ ក្រុមជំនុំស្ថិតនៅអស់កល្បជានិច្ច។

ទំនាក់ទំនងដែលបានសង់ឡើងជាមួយនឹងបងប្អូនប្រុសស្រីនៅក្នុងក្រុមជំនុំគឺស្ថិតនៅអស់កល្បជានិច្ច។ ទំនាក់ទំនងរវាងមនុស្សប្រុស និងមនុស្សស្រីនៅក្នុងជីវិតអាពាហ៍ពិពាហ៍គឺមិនស្ថិតនៅអស់កល្បជានិច្ចនោះទេ។ ព្រះយេស៊ូវបានប្រាប់យើងយ៉ាងច្បាស់លាស់ថា មិនមានជីវិតអាពាហ៍ពិពាហ៍នៅគ្រារស់ឡើងវិញនោះទេ (ម៉ាថាយ ២២:៣០)។ នេះគឺជាមូលហេតុដែលឪពុករបស់យើងខ្ញុំនឹងមិនមានប្រពន្ធពីរនាក់នៅឯស្ថានសួគ៌ទេ ទោះបើថានៅផែនដីនេះគាត់មានប្រពន្ធពីរនាក់ក៏ដោយ។ ឪពុករបស់ខ្ញុំបានចំណាយពេល៣៦ឆ្នាំជាមួយម្ដាយរបស់យើងខ្ញុំ ហើយបន្ទាប់មកបានចំណាយពេល២៥ឆ្នាំជាមួយម្ដាយចុងរបស់ខ្ញុំ បន្ទាប់ពីអ្នកម្ដាយរបស់យើងខ្ញុំបានស្លាប់។ ព្រះយេស៊ូវបានបង្រៀនយើងថា «នោះគេមិនយកគ្នាជាប្តីប្រពន្ធទៀតទេ»។

ដូច្នេះហើយបានជាការនៅលីវមិនមែនមានន័យថា លោកអ្នកទទួលបានជីវិតដែលទាបជាងអ្នកដទៃនោះទេ។ លោកអ្នកក៏អាចបង្ហាញអំពីសិរីល្អនៃសហគមន៍ក្រុមជំនុំនៅក្នុងរបៀបពិសេសៗជាច្រើនបានដែរ។ លោកអ្នកអាចបង្ហាញអំពីសិរីល្អនៃការពឹងផ្អែកលើព្រះជាម្ចាស់បាននៅក្នុងរបៀបពិសេសៗជាច្រើន។ ហើយទាំងនេះគឺជាអំណរដ៏ពិសេសដែលមិនមានសម្រាប់អ្នកដែលរៀបការហើយនោះទេ។

និពន្ធដោយ៖ លោកគ្រូ John Piper
បកប្រែដោយ៖ លោក ខែម បូឡុង
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោក សឹម រក្សា និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

៤៥៦

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

៤១១១

កំណត់ហេតុបណ្ដាញ២៧ មេសា ២០២៥

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

អានបន្ថែម

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

៤១៩៧

កំណត់ហេតុបណ្ដាញ១៩ មេសា ២០២៥

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

ប្រសិនបើព្រះជាម្ចាស់មិនបានប្រោសព្រះគ្រីស្ទឲ្យបានមានព្រះជន្មរស់ឡើងវិញ នោះដំណឹងល្អរបស់យើងគឺជាការឥតអំពើ ជំនឿរបស់យើងគឺជាការឥតអំពើ ដែលនេះមានន័យថា យើងកំពុងតែប្រកាសដំណឹងក្លែងក្លាយ។ បើដូច្នោះមែន នោះយើងគួរតែស៊ីផឹក ហើយអរសប្បាយចុះ ដ្បិតថ្ងៃស្អែកយើងនឹងស្លាប់។

អានបន្ថែម