ការរួមដំណេកនៅឯស្ថានសួគ៌

យើងខ្ញុំគិតថា ផ្នែកនានានៃភេទរបស់យើងដែលធ្វើឲ្យយើងមានភាពខុសគ្នារវាងមនុស្សប្រុស និងមនុស្សស្រីគឺជាអ្វីដែលគួរធ្វើឲ្យយើងមានគ្រប់ហេតុផលក្នុងការជឿជាក់ថា វានឹងបន្តមាននៅក្នុងរូបកាយថ្មីរបស់យើងផងដែរ។ យើងខ្ញុំគិតថា ចំណុចដែលថាយើងនឹងបរិភោគនៅស្ថានសួគ៌ក៏ផ្ដល់ជាសំណើថាយើងក៏នឹងមានពោះ និងប្រព័ន្ធរម្លាយអាហារដែរ។ ដូចគ្នាផងដែល ដូចយើងមានពោះវៀនពោះតាំងដែលជួយឲ្យរូបកាយរបស់យើងដំណើរការក្នុងរបៀបច្បាស់លាស់បាន នោះយើងក៏អាចនៅមានប្រដាប់ភេទដោយមិនមានសេចក្ដីប្រាថ្នាចង់រួមដំណេកបានដែរ ប៉ុន្តែនៅនៅមានជីវៈសាស្ត្រភេទដែលផ្ដល់អត្ថន័យដល់យើងថាជាមនុស្សប្រុស និងមនុស្សស្រី។

១ វិច្ឆិកា ២០២១អានរយៈពេល ៩ នាទី

មើល៤៦៨ដង

លោ

កគ្រូ រិនឌី អ័លខូន (Randy Alcorn) បានមកចូលរួមជាមួយនឹងយើងជាថ្មីម្ដងទៀតជំនួសលោកគ្រូ ចន ផាបភ័រ។ លោកគ្រូ រិនឌី ក្នុងព្រះគម្ពីរយើងដឹងថា មិនមានជីវិតអាពាហ៍ពិពាហ៍នៅឯស្ថានសួគ៌ទេ ហើយក៏មិនមានការបង្កើតកូនចៅដែរ។ ប៉ុន្តែ មើលទៅហាក់បីដូចជាថា រូបកាយដែលរស់ឡើងវិញនឹងនៅមានជីវៈសាស្ត្រភេទ ដើម្បីចែកឲ្យដាច់រវាងភេទប្រុស និងភេទស្រី។ ដូច្នេះ សំណួរសួរថា តើរូបកាយដែលនឹងរស់ឡើងវិញគឺជារូបកាយដែលមានសមត្ថភាពក្នុងការរួមដំណេកដែរឬទេ? បើដូច្នោះមែន តើស្ថានសួគ៌គឺជាកន្លែងដែលយើងនៅលីវជាអចិន្ត្រៃយ៍ ឬក៏ថាយើងនឹងមានសកម្មភាពនៃការរួមភេទដែរ? តើលោកគ្រូមានយោបល់យ៉ាងដូចម្ដេច?

ជីវៈសាស្ត្រភេទ និងភេទ

យើងខ្ញុំជឿជាក់ថា មានភេទនៅឯស្ថានសួគ៌—ភេទនៅផែនដីថ្មីក្នុងលក្ខណៈនៃជីវៈសាស្ត្រភេទ និងភេទ។ ប៉ុន្តែ ក្នុងលក្ខណៈនៃទំនាក់ទំនងនៃការរួមភេទផ្ទាល់ ឬក៏ការទទួលបទពិសោធន៍ក្នុងការរួមភេទរវាងមនុស្ស នោះព្រះយេស៊ូវបានមានព្រះបន្ទូលហើយថានឹងមិនមានជីវិតអាពាហ៍ពិពាហ៍នៅឯស្ថានសួគ៌ទេ—ក្នុងអត្ថន័យនេះគឺថា យើងនៅមានលក្ខណៈដូចជាពួកទេវតាដែរ។ ហើយយើងក៏ត្រូវតែទទួលស្គាល់ផងដែរថា វាមានកម្រិតយ៉ាងខ្លាំងណាស់ទាក់ទងទៅនឹងចំណុចដែលថាយើងមានលក្ខណៈដូចជាពួកទេវតា។ នេះមិនមែនមានន័យថា យើងនឹងមានលក្ខណៈជាច្រើនដូចទេវតានោះទេ ប៉ុន្តែនេះគឺជាចំណុចមួយដ៏ជាក់លាក់ដែលព្រះគម្ពីរបានប្រាប់យើង។ ហេតុដូច្នេះហើយបានជាយើងខ្ញុំនឹងមិនរំពឹងថា នឹងមានទំនាក់ទំនងក្នុងការរួមភេទខាងឯសាច់ឈាមឡើយ។

ហើយនៅពេលដែលព្រះយេស៊ូវបានមានព្រះបន្ទូលអំពីអ្វីដែលទ្រង់បានលើកឡើងនៅក្នុងកណ្ឌគម្ពីរ ម៉ាថាយ ២២:៣០ នោះខ្ញុំគិតថា (ក្នុងគំនិតរបស់យើងខ្ញុំ) វានឹងមិនមានការរួមដំណេកទេ។ ទោះជាយ៉ាងណាក៏ដោយក៏យើងខ្ញុំបានអានសៀវភៅរបស់លោក ភិធ័រ ខ្រិហ្វត (Peter Kreeft) និងបុគ្គលជាច្រើននាក់ទៀតដែលបានវែកញែកថា នឹងមានការរួមដំណេកនៅឯឋានសួគ៌។

ប្រសើរជាងការរួមភេទ

ប៉ុន្តែ យើងខ្ញុំគិតថាទស្សនៈរបស់លោកគ្រូ ស៊ី. អេស. លូវ៉ីស (C. S. Lewis) គឺពិតជាល្អមែន នៅពេលដែលគាត់បានលើកឡើងអំពីក្មេងប្រុសម្នាក់ដែលបានឮគេនិយាយអំពីការរួមដំណេក និងអំពីអ្វីដែលអ្នករួមភេទបាននិយាយ «បើអញ្ចឹង តើពួកគាត់ញ៉ាំស្ករសូកូឡាខណៈពេលដែលពួកគាត់កំពុងតែរួមដំណេកដែរមែនឬ?»—ពីព្រោះគេបានប្រាប់គាត់ថា ការរួមភេទគឺជាបទពិសោធន៍ដ៏ល្អអស្ចារ្យណាស់។ តែចំពោះគាត់ គ្មានអ្វីល្អប្រសើរជាងការញ៉ាំស្ករសូកូឡានោះទេ។ ហើយបន្ទាប់មកលោកគ្រូ លូវ៉ីស បានលើកឡើងអំពីចំណុចនៃរបស់គាត់ថា ទំនងគំនិតរបស់យើងទាក់ទងនឹងការលែងមានការរួមដំណេកបានគឺដូចជាក្មេងប្រុសម្នាក់នោះដែលគិតអំពីស្ករសូកូឡាថាគឺជាអំណរដ៏ក្រៃលែង ហើយថាគ្មានអ្វីល្អប្រសើរជាងអំណរនោះទេដែលកំពុងតែរង់ចាំយើង។

ប៉ុន្តែ ចំណុចមួយនៃចំណុចនានាដែលយើងខ្ញុំតែងតែផ្ដោតលើនៅពេលដែលនិយាយជាមួយអ្នកដទៃគឺថាយើងខ្ញុំពិតជាគិតថា យើងបានមើលរំលងអ្វីមួយហើយនៅពេលដែលយើងលើកឡើងថា «គ្មានជីវិតអាពាហ៍ពិពាហ៍នៅឯស្ថានសួគ៌»។ ព្រះគម្ពីរមិនបានបង្រៀនថា គ្មានជីវិតអាពាហ៍ពិពាហ៍នៅឯស្ថានសួគ៌នោះទេ។ តែព្រះគម្ពីរបានបង្រៀនថា មានជីវិតអាពាហ៍ពិពាហ៍មួយទៅស្ថានសួគ៌៖ ជីវិតអាពាហ៍ពិពាហ៍របស់ព្រះគ្រីស្ទជាមួយនឹងកូនក្រមុំរបស់ទ្រង់ គឺក្រុមជំនុំ។ យើងខ្ញុំចង់ចាំអំពីចំណុចនេះនៅពេលដែលយើងខ្ញុំយល់អំពីវាប្រមាណឆ្នាំមុន ហើយយើងខ្ញុំក៏បាននិយាយទៅកាន់ ណានស៊ី ដែលជាប្រពន្ធរបស់យើងខ្ញុំថា «តើអូនដឹងអំពីចំណុចនេះដែរឬទេ? យោងតាមព្រះគម្ពីរ យើងមានចំណែកក្នុងជីវិតអាពាហ៍ពិពាហ៍ដូចគ្នាយ៉ាងអស់កល្បជានិច្ច។ យើងទាំងពីរនាក់គឺជាចំណែកនៃកូនក្រមុំរបស់ព្រះគ្រីស្ទ ហើយយើងដែលមានកូនកំលោះតែមួយគត់ដែលល្អឥតខ្ចោះទាំងស្រុង និងពេញទៅដោយព្រះគុណក្នុងប្រវត្តិសាស្ត្រទាំងអស់នៃចក្រវាឡទាំងមូល។ ហើយនោះគឺជាអ្វីដែលយើងមាន ដើម្បីរំពឹងទទួល ហើយយើងក៏នឹងមានអំណរជាមួយគ្នាផងដែរ។»។

បាត់បង់ដៃគូជីវិតយើង?

ជាការឆ្លើយតបចំពោះមនុស្សមួយចំនួនដែលបានលើកឡើងថា «ខ្ញុំនឹងបាត់បង់ទំនាក់ទំនងជាមួយនឹងមិត្តភក្ដិដ៏ស្និទ្ធស្នាលបំផុតរបស់ខ្ញុំហើយ» យើងខ្ញុំចង់ឆ្លើយតបវិញថា៖ ទេ មិនដូច្នោះទេ។ នៅមានការបន្តទៅមុខទៀតពីជីវិតនេះនៅក្នុងជីវិតបន្ទាប់។ យើងនឹងសម្លឹងមើលក្រោយលើបទពិសោធន៍ដែលយើងមានចំណែកជាមួយគ្នានៅទីនេះ ដូចដែលពួកទាហានមាននៅក្នុងទីលានចម្បាំងជាមួយគ្នាអញ្ចឹង—យើងមានពេលវេលាល្អ ហើយយើងក៏មានពេលវេលាពិបាកៗដែរ។ ហើយយើងក៏គួររំពឹងអំពីទំនាក់ទំនងទាំងនោះជាមួយនឹងគ្រួសារថាពិសេស ហើយក៏នឹងបន្តយ៉ាងអស់កល្បជានិច្ចទៅមុខផងដែរ។ ប៉ុន្តែ ទាក់ទងនឹងដៃគូមួយចំនួនដែលមិនមានជីវិតអាពាហ៍ពិពាហ៍ នោះចំពោះយើងខ្ញុំ វាហាក់បីដូចជាថាទំនាក់ទំនងខាងឯផ្លូវភេទគឺមិនមែនជាអ្វីមួយដែលយើងគួររំពឹងថានឹងមានផងដែរ។

សម្រង់សម្ដីរបស់លោកគ្រូ ស៊ី. អេស. លូវ៉ីស នៅក្នុងសៀវភៅរបស់គាត់ដែលមានចំណងជើងជាភាសាអង់គ្លេសថា “Miracles” (ដែលប្រែទៅជាភាសាខ្មែរថា «ការអស្ចារ្យ»)៖ «អក្សរ និងខ្លឹមសារនៃព្រះបន្ទូល និងរាល់សេចក្ដីបង្រៀននៃគ្រីស្ទបរិស័ទទាំងអស់បានហាមប្រាមយើងមិនឲ្យសន្មតថា ជីវិតនៅក្នុងការបង្កើតថ្មីគឺជាជីវិតនៃការរួមភេទទេ ហើយការនេះបន្ថយការនឹកស្រមៃផ្ទុយរបស់យើងដែលថាពិបាកស្គាល់រូបកាយមនុស្សទាល់តែសោះ ឬក៏នឹងត្រូវតមការរួមដំណេកអស់កល្បជានិច្ច។ ហើយទាក់ទងនឹងការតម យើងខ្ញុំគិតថាអ្វីដែលយើងកំពុងតែមើលគឺដូចជាក្មេងប្រុសដ៏តូចម្នាក់ដែលគេបានប្រាប់គាត់ថាសកម្មភាពនៃការរួមភេទគឺជាការអរសប្បាយដែលខ្ពស់បំផុតខាងឯសាច់ឈាម ភ្លាមៗនោះយើងក៏គួរសួរថា តើពួកគាត់បរិភោគស្ករសូកូឡាក្នុងពេលនោះដែរមែនឬ។ ទាក់ទងនឹងការទទួលចម្លើយថា «ទេ» គាត់ទំនងនឹងរាប់ការគ្មានស្ករសូកូឡាថាជាលក្ខណៈចម្បងនៃការរួមភេទហើយ។ ជាអសារការ លោកអ្នកនឹងទំនងជាប្រាប់គាត់មូលហេតុដែលអ្នកស្រឡាញ់គ្នាមិនគិតអំពីស្ករសូកូឡា ក្នុងគ្រាឆក់យក គឺដោយសារពួកគាត់មានអ្វីល្អប្រសើរជាងដើម្បីគិតអំពី។ កុមារប្រុសវ័យក្មេងម្នាក់នោះស្គាល់ស្ករសូកូឡា៖ គាត់មិនស្គាល់អ្វីដែលប្រសើរជាងស្ករសូកូឡានោះទេ។ យើងក៏ស្ថិតក្នុងជំហរដូចគ្នាដែរ។ យើងស្គាល់អំពីជីវិតនៃការរួមដំណេក តែយើងមិនស្គាល់ លើកលែងតែក្នុងការមើលតែមួយភ្លែត ចំណុចផ្សេងៗទៀតនៅឯស្ថានសួគ៌ ដែលមិនរក្សាចំណុចខ្លះៗសម្រាប់វា»។

ប្រសិនបើគ្មានការរួមដំណេកនៅឯស្ថានសួគ៌ តើលោកអ្នកនៅចង់មានចិត្តទៅដែរឬទេ? អត្ថបទនេះពន្យល់អំពីរបៀបដែលជីវិតអាពាហ៍ពិពាហ៍របស់យើងជាមួយនឹងព្រះយេស៊ូវនឹងកាន់តែធ្វើឲ្យទំនាក់ទំនងរបស់យើងនៅលើផែនដីនេះកាន់តែល្អប្រសើរ មិនមែនធ្វើឲ្យវាបាត់បង់តម្លៃនោះទេ។

និពន្ធដោយ៖ Randy Alcorn
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោក សឹម រក្សា និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

៩សំណួរពិចារណា ដែលគ្រីស្ទបរិស័ទនៅលីវគួរតែសួរខ្លួនឯង

៥១០៦

កំណត់ហេតុបណ្ដាញ១២ សីហា ២០២៥

៩សំណួរពិចារណា ដែលគ្រីស្ទបរិស័ទនៅលីវគួរតែសួរខ្លួនឯង

យើងក៏បានជឿសូម្បីតែផ្នែកមួយនៃដំណឹងល្អដែលសន្យាភាពចម្រុងចម្រើន។ យើងគិតថា ដោយសារយើងបានដាក់ការទុកចិត្តរបស់យើងលើព្រះគ្រីស្ទ នោះយើងសមនឹងទទួលបានជីវិតអាពាហ៍ពិពាហ៍ ជោគជ័យ លុយកាក់ និងអ្វីៗទាំងអស់ដែលចិត្តយើងប្រាថ្នាចង់បាន។ ប៉ុន្តែ យើងមិនអាចបាននោះទេ។ វាជាការពិតដែរថា ព្រះជាម្ចាស់សព្វព្រះហឫទ័យប្រទានពរដល់កូនៗរបស់ទ្រង់ ដោយឲ្យអំណោយទានល្អៗ។ ប៉ុន្តែ ចំណុចស្នូលនៃដំណឹងល្អគឺថា យើងមកព្រះយេស៊ូវ ដើម្បីទទួលបានព្រះយេស៊ូវ មិនមែនរបស់របរផ្សេងៗទ្រង់នោះទេ។

អានបន្ថែម

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

៣១៨៨

កំណត់ហេតុបណ្ដាញ១៩ មេសា ២០២៥

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

ប្រសិនបើព្រះជាម្ចាស់មិនបានប្រោសព្រះគ្រីស្ទឲ្យបានមានព្រះជន្មរស់ឡើងវិញ នោះដំណឹងល្អរបស់យើងគឺជាការឥតអំពើ ជំនឿរបស់យើងគឺជាការឥតអំពើ ដែលនេះមានន័យថា យើងកំពុងតែប្រកាសដំណឹងក្លែងក្លាយ។ បើដូច្នោះមែន នោះយើងគួរតែស៊ីផឹក ហើយអរសប្បាយចុះ ដ្បិតថ្ងៃស្អែកយើងនឹងស្លាប់។

អានបន្ថែម

អត្ថបទលេខ១៥–តើស្ត្រីអាចធ្វើជាគ្រូគង្វាលបានទេ ប្រសិនបើពួកគេទទួលបានការអប់រំដូចពេលបច្ចុប្បន្ននេះ?

២១០៤

កំណត់ហេតុបណ្ដាញ២៨ មករា ២០២៥

អត្ថបទលេខ១៥–តើស្ត្រីអាចធ្វើជាគ្រូគង្វាលបានទេ ប្រសិនបើពួកគេទទួលបានការអប់រំដូចពេលបច្ចុប្បន្ននេះ?

មូលហេតុ គឺមិនមែនជាការខ្វះការអប់រំនោះទេ ប៉ុន្តែជាសេចក្ដីបង្គាប់នៃការបង្កើតរបស់ព្រះជាម្ចាស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៦១៨៥

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤៥

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម