ព្រះវិហារ

កាលយើងខ្ញុំអាយុ១៨ឆ្នាំ យើងខ្ញុំបានទទួលជឿលើព្រះយេស៊ូវ ហើយកាលនោះយើងខ្ញុំគ្រាន់តែទៅព្រះវិហារឲ្យតែមានមុខប៉ុណ្ណោះ។

១២ មិថុនា ២០១៨អានរយៈពេល ១២ នាទី

មើល៣៧៩ដង

ឥ

ឡូវនេះ មកដល់យប់ថ្ងៃសៅរ៍ទៀតហើយ។ ជាទូទៅ ប្រសិនបើលោកអ្នកមិនទៅព្រះវិហារនៅថ្ងៃចុងសប្ដាហ៍ នោះទេ លោកអ្នកទំនងជាគិតថា៖ តើហេតុអ្វីបានជាខ្ញុំគួរព្យាយាមចាំបាច់ទៅព្រះវិហារនៅថ្ងៃអាទិត្យ? ខ្ញុំមិនស្គាល់ ហើយក៏មិនចូលចិត្តអ្នកទាំងអស់នោះផងហ្នឹង។ តើខ្ញុំនឹងទទួលបានប្រយោជន៍អ្វីខ្លះចេញពីការទៅព្រះវិហារដែលចំណាយពេលអង្គុយស្ដាប់អស់រយៈពេលពីរបីម៉ោង? ទំនងខ្ញុំនឹងមានភាពអរសប្បាយជាង បើខ្ញុំចំណាយពេលជាមួយមិត្តភក្ដិខ្ញុំមើលគេលេងកីឡា ឬទៅជួយនរណាគេម្នាក់ដែលមានបន្ទុក ឬក៏ស្ម័គ្រចិត្តបម្រើក្នុងអង្គការមនុស្សធម៌?

ប្រាកដណាស់! ការភ្ជាប់ទំនាក់ទំនងជាមួយនឹងអ្នកដទៃ ការជួយអស់អ្នកដែលមានបន្ទុក ការប្រឆាំងនឹងភាពអយុត្តិធម៌ និងការចំណាយពេលសម្រាក គឺសុទ្ធតែជាចំណុចសំខាន់ៗ ប៉ុន្តែដាច់ខាតយើងមិនគួរលើកចំណុចទាំងនោះឲ្យខ្ពស់ជាងព្រះជាម្ចាស់ឡើយ។ មានតែព្រះអង្គមួយគត់ដែលល្អប្រសើរ (កូឡូស ១:១៨)។ ទង្វើទាំងអស់នោះគួរតែកើតចេញពីការមានទំនាក់ទំនងជាមួយនឹងព្រះគ្រីស្ទដែលជាប្រភពនៃជីវិត និងពីរាស្ត្ររបស់ព្រះអង្គ។ នៅពេលដែលយើងយកចំណុចល្អៗមកធ្វើជាចំណុចស្នូល នោះមានន័យថា យើងផ្ដល់ឋានៈលើវាខ្ពស់ជំនួសព្រះជាម្ចាស់ ហើយការទាំងអស់នោះបានក្លាយជារូបព្រះដ៏ក្លែងក្លាយក្នុងជីវិតយើងទៀតផង។

ហេតុផល៥យ៉ាងក្នុងការទៅព្រះវិហារនៅថ្ងៃអាទិត្យ

ជារឿយៗ ទស្សនៈរបស់យើងលើព្រះយេស៊ូវ និងក្រុមជំនុំរបស់ទ្រង់ គឺកើតចេញពីប្រវត្តិសាស្ត្រ នយោបាយ និងវប្បធម៌ទំនើបៗដែលនៅមានជុំវិញយើង។ មនុស្សជាច្រើនចាត់ទុកក្រុមជំនុំដូចជាទីកន្លែងមួយដែលបង្កបង្កើតមនុស្សដែលគ្រាន់តែដើរតាមប្រព័ន្ធអំណាចដែលខ្លាំងក្លា ជាជាងរស់នៅដូចជាពួកសិស្ស និងជះឥទ្ធិពលទៅកាន់សង្គមដែលនៅជុំវិញ។

ប៉ុន្តែ តើហេតុអ្វីបានជាលោកអ្នកគួរទៅ? ខាងក្រោមនេះជាមូលហេតុប្រាំយ៉ាងទាក់ទងនឹងការជួបជុំគ្នាជាមួយនឹងអ្នកជឿផ្សេងៗនាចុងសប្ដាហ៍នេះ៖

១.

ដើម្បីរម្លឹកគ្នាថា តើយើងជាអ្នកណា ហើយជាកម្មសិទ្ធិរបស់អ្នកណា

យើងកំពុងតែរស់នៅក្នុងសម័យកាលដែលមានផ្ដល់ជូននូវទស្សនៈជាច្រើន ប៉ុន្តែមានទីកន្លែងមួយដែលយើងអាចរកសេចក្ដីពិតឃើញ (យ៉ូហាន ៨:២៦)។ ក្រុមជំនុំគឺជាទីកន្លែងមួយសម្រាប់ជះពន្លឺក្នុងសង្គមដែលមានភាពអាប់អួរខាងផ្នែកសីលធម៌ (ម៉ាថាយ ៥:១៤-១៦)។

តើអ្នកណាជាអ្នកដែលជួយលោកអ្នកក្នុងការស្វែងរកផ្លូវ នៅពេលដែលលោកអ្នកមិនដឹងថា គួរជ្រើសរើសផ្លូវមួយណានៅពេលដែលលោកអ្នកវង្វេង ខណៈពេលដែលលោកអ្នកប្រឈមមុខនឹងផែនដីដ៏ស្មុកស្មាញមួយនេះ? តើលោកអ្នកកំពុងរស់នៅដោយមានភាពហីអើៗ ឬក៏លោកអ្នកមានត្រីវិស័យដែលមានទិសដៅច្បាស់លាស់ និងយុថ្កាសម្រាប់ព្រលឹងវិញ្ញាណលោកអ្នក (ហេព្រើរ ៦:១៩)? យើងជួបជុំគ្នាជាមួយនឹងពួកបរិសុទ្ធផ្សេងៗ ដើម្បីអភិវឌ្ឍន៍ភាពជាសិស្ស ហើយបន្ទាប់មកចេញទៅ ដើម្បីធ្វើជាអំបិល និងពន្លឺក្នុងលោកីយ៍ក្នុងនាមជាបេសកជននៅទីកន្លែងដែលយើងរស់នៅ (ម៉ាថាយ ៥:១៣-១៦; ២៨:១៨-២០)។

២.

ដើម្បីរម្លឹកគ្នាថា ការល្បងលនៅបច្ចុប្បន្នកាលដែលយើងកំពុងប្រឈមមុខនឹងឈានដល់ទីបញ្ចប់ដែលមាននូវអំណរ

មានការចូលរួមពិធីបុណ្យសពមួយ ដែលបានជះឥទ្ធិពលលើយើងខ្ញុំយ៉ាងខ្លាំង៖ គឺការចូលរួមរំលែកទុក្ខបងប្រុសម្នាក់ដែលនៅសុខៗ ស្រាប់តែអ្នកម្ដាយគាត់បានទទួលមរណភាពភ្លាមៗ។ គ្រូគង្វាលរបស់យើងបានអធិប្បាយចេញពីកណ្ឌគម្ពីរ សាស្ដា ៧:១-២៖

«នាមឈ្មោះល្អ នោះវិសេសជាងប្រេងក្រអូបដ៏មានដំឡៃ
ហើយថ្ងៃមរណៈក៏វិសេសជាងថ្ងៃកើតដែរ
ស៊ូទៅឯផ្ទះដែលមានការកាន់ទុក្ខ
ជាជាងទៅឯផ្ទះដែលមានការជប់លៀង
ដ្បិតមរណភាពជាចុងបំផុតរបស់មនុស្សទាំងឡាយ ហើយមនុស្សដែលនៅរស់
នឹងយកចិត្តទុកដាក់ចំពោះសេចក្ដីនោះ។»

ក្នុងពេលវេលាដ៏ស្រងូតស្រងាត់បែបនេះក្នុងការសញ្ជឹងគិតលើព្រះបន្ទូលព្រះជាម្ចាស់ យើងក៏ត្រូវបានទទួលការរម្លឹកអំពីភាពងាយនឹងពុកផុយរបស់យើង៖ យើងទាំងអស់គ្នានឹងប្រាកដជាស្លាប់ជាមិនខាន ហើយការនោះអាចនឹងកើតឡើងលឿនជាងយើងអាចរំពឹងទុកទៅទៀត។ ប៉ុន្តែ ទោះជាយ៉ាងណាក្ដី ក៏ក្នុងការសញ្ជឹងគិតដ៏ផ្អែមល្ហែម ហើយមានពេញទៅដោយព្រះគុណ យើងក៏ទទួលបានការលើកទឹកចិត្តឲ្យរស់នៅដោយមានគោលបំណងជាក់លាក់ និងមានភាពស្មោះត្រង់ ដោយរំពឹងគិតអំពីសេចក្ដីពិតនៅចុងបញ្ចប់។ ព្រះជាម្ចាស់មិនបានត្រាស់ហៅយើងឲ្យរស់នៅដោយមានពេញទៅដោយជីវិតដ៏ល្អបំផុតឥឡូវនេះនោះឡើយ (ដូចដែលពួកអ្នកប្រកាសដំណឹងល្អថា បើលោកអ្នកទទួលជឿលើព្រះយេស៊ូវ នោះលោកអ្នកនឹងក្លាយជាអ្នកមាន) ប៉ុន្តែ យើងគួររស់នៅដោយមានគំនិតនឹងធឹង ហើយនិងព្យាយាមរស់នៅលើផែនដីនេះដោយពោរពេញទៅដោយប្រាជ្ញា ដល់កម្រិតដ៏ខ្ពស់បំផុតដែលយើងអាចធ្វើបាន (ទំនុកតម្កើង ៩០:១២; អេភេសូរ ៥:១៦)។

ចំពោះគ្រីស្ទបរិស័ទ យើងនឹងមានជីវិតដ៏ល្អប្រសើរនៅពេលយើងទៅនៅឯស្ថានសួគ៌ (ទំនុកតម្កើង ១៦:១១)។

៣.

ដើម្បីលើកទឹកចិត្តគ្នាឲ្យលូតលាស់ ហើយឲ្យតយុទ្ធនឹងភាពក្រិនដោយពុំរីកចម្រើន

យើងខ្ញុំមិនងាយមើលឃើញភាពខ្វាក់របស់យើងខ្ញុំទេ ហើយយើងខ្ញុំត្រូវការជំនួយពីទស្សនៈនានារបស់អ្នកដទៃដែលគាត់បានធ្វើដំណើរយួរជាងយើងខ្ញុំក្នុងការដើរតាមព្រះយេស៊ូវ។ យើងតែងតែចាត់ទុកកំហុសរបស់យើងថា វាមិនសូវធំដុំប៉ុន្មានទេ ហើយផ្ដោតតែលើកំហុសរបស់អ្នកដទៃ (ម៉ាថាយ ៧:៣-៥)។ ការមានភាពស្និទ្ធស្នាលក្នុងសង្គមគ្រីស្ទបរិស័ទនឹងនាំឲ្យយើងចេះលើកទឹកចិត្តគ្នាដោយមានពេញទៅដោយក្ដីស្រឡាញ់ក្នុងការឲ្យមានភាពពេញវ័យក្នុងព្រះគ្រីស្ទ (អេភេសូរ ៤:១៣-២៤; យ៉ូហាន ៨:៣១-៣២)។

៤.

ដើម្បីចំណាយពេលវេលាជាមួយនឹងក្រុមគ្រួសារ

ការមានជាអាគារ កម្មវិធីផ្សេងៗ ឬក៏យុទ្ធសាស្ត្រធ្វើនេះធ្វើនោះ មិនមែនជាតួនាទីចម្បងរបស់ក្រុមជំនុំឡើយ។ ក្រុមជំនុំគឺជាគ្រួសារ ដែលមានទាំងឪពុកនានា និងកូនប្រុសៗខាងឯព្រលឹងវិញ្ញាណ (១កូរិនថូស ៤:១៤-១៧; ទីតុស ២:១-២, ៦-៨; ១ធីម៉ូថេ ១:១-២) ហើយនិងម្ដាយនានា និងកូនស្រីៗ (ទីតុស ២:៣-៥)។ ក្រុមជំនុំគឺជារូបរាងកាយ (១កូរិនថូស ១២, អេភេសូរ ៤) ដែលជាទីកន្លែងសម្រាប់ឲ្យអ្នកដែលមានតម្រូវការយ៉ាងខ្លាំងទៅទទួលជំនួយ (កិច្ចការ ២:៤២-៤៧; កិច្ចការ ៦:១-៦; ១ធីម៉ូថេ ៥:៩-១៦) ហើយក៏ជាទីកន្លែងនៃការផ្គត់ផ្គង់ដោយចិត្តសប្បុរសផងដែរ (២កូរិនថូស ៨, ភីលីព ៤:១០, ១៥-១៨)។ នៅក្នុងគ្រួសារមួយនេះ អវយវៈនីមួយៗមានការរួបរួមគ្នា ហើយរាល់អំណោយទានទាំងអស់មានសារៈសំខាន់ណាស់សម្រាប់ឲ្យរូបរាងកាយទាំងមូលមានសុខភាពល្អ (រ៉ូម ១២:៤-៨; អេភេសូរ ៤:១១-១៦)។

កាលយើងខ្ញុំអាយុ១៨ឆ្នាំ យើងខ្ញុំបានទទួលជឿលើព្រះយេស៊ូវ ហើយកាលនោះយើងខ្ញុំគ្រាន់តែទៅព្រះវិហារឲ្យតែមានមុខប៉ុណ្ណោះ។ ក្រោយពេលយើងខ្ញុំរៀនចប់នៅមហាវិទ្យាល័យ យើងខ្ញុំផ្ដោតយ៉ាងខ្លាំងទៅលើការងារថ្មីរបស់យើងខ្ញុំ ហើយនិងការចំណាយពេលជាមួយនឹងឪពុកម្ដាយរបស់យើងខ្ញុំ ដែលកាលនោះអ្នកម្ដាយរបស់យើងខ្ញុំបានធ្លាក់ខ្លួនឈឺយ៉ាងខ្លាំងដោយជំងឺមហារីក។ នៅពេលដែលអ្នកម្ដាយយើងខ្ញុំបានទទួលមរណភាព មានអ្នករួមការងារជាមួយយើងខ្ញុំម្នាក់ (ហើយគាត់ក៏ត្រូវជាប្រពន្ធរបស់គ្រូគង្វាលយើងខ្ញុំផងដែរ) គាត់បានលើកទឹកចិត្តយើងខ្ញុំដោយប្រើប្រាស់ពាក្យពេចន៍យ៉ាងថ្នាក់ថ្នមក្នុងស្ថានភាពនោះ៖ «ធិហ្វហ្វានី (Tiffany) អើយ! ប្អូនត្រូវការក្រុមជំនុំដែលជាផ្ទះ។ ប្អូនត្រូវការមីង និងពូ ហើយនិងឪពុកម្ដាយជាច្រើន។» ពាក្យពេចន៍ទាំងនេះពិតជាបានធ្វើឲ្យព្រលឹងវិញ្ញាណយើងខ្ញុំមានការពេញចិត្តយ៉ាងខ្លាំងមែន។

ប្រមាណពីរបីខែក្រោយមក យើងខ្ញុំក៏ទទួលពិធីជ្រមុជទឹក ហើយចូលជាសមាជិកក្នុងក្រុមជំនុំតាមតំបន់មួយនោះ។ ពួកគេបានស្វាគមន៍យើងខ្ញុំដោយម្រាមដៃដប់ ដោយទទួលយកទាំងលក្ខណសម្បត្តិល្អ និងមិនល្អរបស់យើងខ្ញុំទាំងអស់។ គ្រួសារក្នុងក្រុមជំនុំរបស់យើងខ្ញុំបានបង្កើតឲ្យយើងខ្ញុំមានអនុស្សាវរីយល្អៗ មានតម្លៃ ហើយរួមទាំងភាពឈឺចាប់ខ្លោចផ្សាមួយចំនួនទៀតផង។ កាលយើងខ្ញុំនៅវ័យក្មេង យើងខ្ញុំមិនបានរស់នៅជិតបងប្អូនសាច់ញាតិទេ ប៉ុន្តែឥឡូវនេះយើងខ្ញុំមានក្រុមជំនុំជាគ្រួសារ។

៥.

ដើម្បីរម្លឹកគ្នាពីក្ដីសង្ឃឹមដ៏រស់រវើករបស់យើង

វាជាការពិតណាស់ ដែលក្រុមជំនុំមួយចំនួនធ្លាក់ក្នុងចំណងនៃការគ្រាន់តែរស់នៅក្នុងការបំពេញតួនាទីរបស់ខ្លួនក្នុងសង្គមនានា ជាជាងព្យាយាមរស់នៅសម្រាប់ព្រះយេស៊ូវ ដែលជាតួឯកដែលបានទទួលយកនូវភាពជាមនុស្សដោយផ្ទាល់ក្នុងប្រវត្តិសាស្ត្រ (ទំនុកតម្កើង ៩០:១; យ៉ូហាន ១:១៤)។ ទោះជាយ៉ាងណាក្ដី ក៏ការធ្វើបែបនោះមិនមែនជារបៀបដែលនាំឲ្យក្រុមជំនុំមានសុខភាពល្អទេ។ គ្រួសារក្នុងក្រុមជំនុំដែលកំពុងព្យាយាមបម្រើព័ន្ធកិច្ចរបស់ព្រះយេស៊ូវ ពួកគាត់នឹងទុកចិត្តលើព្រះវត្តមាន អំណាច និងការផ្គត់ផ្គង់របស់ព្រះជាម្ចាស់ (ម៉ាថាយ ២៨:១៨-២០)។ ក្រុមជំនុំគឺជាទីកន្លែងមួយនៃការរម្លឹកគ្នាទៅវិញទៅមកត្រង់ថា៖ លុះត្រាតែយើងរំពឹងលើព្រះជាម្ចាស់ទាំងស្រុង ហើយទទួលយកអ្វីៗដែលយើងត្រូវការពីព្រះអង្គដែលជាដើមទំពាំងបាយជូរដ៏ពិត នោះទើបយើងអាចមើលឃើញផលផ្លែក្នុងព័ន្ធកិច្ចរបស់យើងបាន (យ៉ូហាន ១៥)។

តាមពិតទៅ យើងអាចធ្វើនូវអ្វីៗដែលល្អជាច្រើន ដែលធាតុពិតការនោះនឹងរារាំងយើងមិនឲ្យទៅចាប់ដៃគ្នាជាមួយនឹងរាស្ត្ររបស់ព្រះជាម្ចាស់បានឡើយ។ ប្រសិនបើលោកអ្នកមិនទាន់បានសម្រេចចិត្តថា ទៅឬក៏មិនទៅព្រះវិហារនៅឡើយទេ៖ តើលោកអ្នកហ៊ានដាក់ម៉ោងរោទ៍ ដោយមានគោលបំណងថានឹងទៅថ្វាយបង្គំព្រះជាម្ចាស់ជាមួយក្រុមជំនុំតាមតំបន់នៅចុងសប្ដាហ៍នេះដែរឬទេ? យើងខ្ញុំហ៊ានសន្យាចំពោះលោកអ្នកថា មិនថាលោកអ្នកមានមូលហេតុជាច្រើនប៉ុន្មានក៏ដោយក្នុងការមិនចង់ទៅព្រះវិហារ ក៏តាមពិតលោកអ្នកនៅមានមូលហេតុច្រើនជាងនោះទៅទៀតក្នុងការដែលលោកអ្នកគួរតែទុកចិត្តព្រះជាម្ចាស់ មានការប្ដេជ្ញាចិត្ត ក្នុងការទៅព្រះវិហារជារៀងរាល់អាទិត្យផងដែរ។

និពន្ធដោយ៖ លោកស្រី Tiffany Johnson
បកប្រែដោយ និងកែសម្រួលដោយ៖ លោក ឈាង បូរ៉ា, លោក ទេព រ៉ូ និងកញ្ញា យ៉ុន សាឯម
ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៦៣៤៤

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៤

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១១៣

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

៤៣៥

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៩៣

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៧៤

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៤០

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

ព្រះវិហារ

១២ មិថុនា ២០១៨អានរយៈពេល ១២ នាទី

មើល៣៧៩ដង

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

សំ​ណួរ​ដែល​បណ្តាល​ចិត្ត​៖ វិ​ធី​សាស្ត្រ​ថ្មី ​ក្នុង​ការ​ពិភាក្សា​នៅ​ក្នុង​ក្រុម​តូច

តើ​ស្ត្រី​នឹង​​បាន​សង្គ្រោះ​ក្នុង​កាលដែល​បង្កើត​កូន ​មាន​ន័យយ៉ាង​ដូច​ម្ដេច​? (១ធីម៉ូថេ ២)

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

សំ​ណួរ​ដែល​បណ្តាល​ចិត្ត​៖ វិ​ធី​សាស្ត្រ​ថ្មី ​ក្នុង​ការ​ពិភាក្សា​នៅ​ក្នុង​ក្រុម​តូច

តើ​ស្ត្រី​នឹង​​បាន​សង្គ្រោះ​ក្នុង​កាលដែល​បង្កើត​កូន ​មាន​ន័យយ៉ាង​ដូច​ម្ដេច​? (១ធីម៉ូថេ ២)

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)