ណូអែលឆ្នាំនេះ

ចូរឱបក្រសោបភាពចម្លែក! សូមអធិប្បាយអំពី «ព្រះអម្ចាស់យេស៊ូវដ៏តូច» ដែលជាព្រះអង្គសង្គ្រោះនៅភូមិស្ដេច ដាវីឌ អេម៉ាញូអែលដ៏ជាព្រះរាជបុត្រាដែលព្រះជាម្ចាស់បានប្រទានមក «ដល់យើង» (អេសាយ ៩:៦)។ នេះគឺជាដំណឹងល្អដ៏ពិត។ សូមចំណាយពេលឲ្យបានយូរក្នុងចំណុចនៃការយាងមកយកកំណើត។ ចូរបង្កើតភាពសប្បាយអ៊ូអរក្នុងពិធីបុណ្យណូអែលផ្ទាល់—ដែលជាចំណុចដ៏ពិត។ នេះគឺជាអំណោយទានដ៏ធំធេងបំផុតក្នុងអត្ថន័យ។ ហើយបន្ទាប់មក អញ្ជើញមិត្តភក្ដិ និងអ្នកជិតខាងរបស់លោកអ្នកឲ្យមានអំណរក្នុងអំណោយទានមួយនេះផងដែរ។

៦ ធ្នូ ២០២១អានរយៈពេល ១២ នាទី

មើល២៩២ដង

សូ

មស្រមៃអំពីព្រឹត្តិការណ៍នៃការរៀបចំកម្មវិធីផ្សាយដំណឹងល្អដោយអញ្ជើញមនុស្សរាប់ពាន់នាក់មកចូលរួម—គឺមនុស្សរាប់ពាន់នាក់ដែលជាទូទៅយើងដឹងហើយថាគាត់នឹងមិនមកចូលរួមទេ។ សូមស្រមៃអំពីអ្វីៗដែលយើងត្រូវធ្វើ ដើម្បីឲ្យកម្មវិធីនេះអាចដំណើរការបាន។ សូមស្រមៃអំពីការប្រមូលផ្ដុំក្រុមជំនុំរាប់រយក្រុមឲ្យមកចូលរួមក្នុងកម្មវិធីតែមួយនេះ។ សូមនឹកស្រមៃអំពីការផ្សព្វផ្សាយ ការចំណូលចំណាយ និងជម្លោះទាំងក្នុង និងខាងក្រៅក្រុម!

ហើយឥឡូវនេះ សូមស្រមៃទៅមើលថា កម្មវិធីនេះពិតជាបានកើតឡើងមែន។ លើកលែងត្រង់ថា ផ្ទុយពីការចែកសំបុត្រទៅកាន់ភ្ញៀវរាប់ពាន់នាក់ ដើម្បីឲ្យមកបំពេញនៅក្នុងស្តាត។ ប៉ុន្តែ កម្មវិធីគឺបានប្ដូរមកជាការហៅអ្នកជិតខាងលោកអ្នកឲ្យមកចូលរួមពិធីថ្វាយបង្គំនៅឯក្រុមជំនុំរបស់លោកអ្នកទៅវិញ។

តាមពិតទៅ មិនចាំបាច់ស្រមៃទៀតទេ៖ នេះគឺជាឱកាសនៃការផ្សាយដំណឹងល្អដែលជាអំណោយទានសម្រាប់យើងជារៀងរាល់បុណ្យណូអែលហើយ។

ជុំវិញពិភពលោកមានគេចូលរួមពិធីបុណ្យណូអែលច្រើនណាស់។ ហើយជារៀងរាល់ឆ្នាំ យើងទទួលបានការផ្សព្វផ្សាយដោយឥតគិតថ្លៃ ដោយសារហាងលក់អីវ៉ាន់តុបតែង និងការចាក់បទចម្រៀងណូអែលក្នុងហាងរបស់ពួកគេដូចជា «យប់ដ៏សុខសាន្ត»។ ទោះបើបទចម្រៀងទាំងនោះមានន័យជាភាសាជាអង់គ្លេសក៏ដោយក៏មានអ្នកខ្លះយល់ពីអត្ថន័យនៃសារនៅក្នុងចម្រៀងនោះនឹងឮការអញ្ជើញឲ្យមកស្រឡាញ់ព្រះយេស៊ូវដែរ ហើយក៏មានមនុស្សជាច្រើនចាប់អារម្មណ៍ក្នុងការរៀនបន្ថែមទៀត ហើយថែមទាំងមកចូលរួមជាមួយក្រុមជំនុំ ដើម្បីស្តាប់ព្រះបន្ទូលរបស់ព្រះជាម្ចាស់ ក៏ដូចជាច្រៀងបទចម្រៀងសរសើរតម្កើងទ្រង់ផងដែរ។

រដូវកាលបុណ្យណូអែលគឺជាឱកាសដ៏ល្អណាស់ក្នុងការផ្សាយដំណឹងល្អ។ ខាងក្រោមនេះគឺជារបៀបពីរយ៉ាងដែលក្រុមជំនុំរបស់លោកអ្នកអាចឱបក្រសោបយកទៅប្រើប្រាស់បាន។

១. ឱបក្រសោបប្រជាប្រិយភាព

ដោយមិនអាចបដិសេធបាន រដូវកាលបុណ្យណូអែលគឺជាពេលវេលាដ៏ល្បីល្បាញមួយ។ ពិតណាស់! សារដែលគេផ្សព្វផ្សាយពេលបុណ្យណូអែលពាសពេញទីកន្លែងអាចឈានមិនដល់ចំណុចសម្គាល់នៃដំណឹងល្អដែរ។ ជាទូទៅ ថ្ងៃបុណ្យសម្រាកនេះមានការច្របូកច្របល់ជំពាក់ជំពិនក្នុងការទិញដូរសម្ភារៈនិយមយ៉ាងខ្លាំងដោយសារមានអីវ៉ាន់ចុះថោក ភាពមានមនោសញ្ចេតនានិយមជ្រុល និងពិធីជប់លៀងដែលអាចនាំឲ្យមានការស្រវឹងនៅថ្ងៃសម្រាកនេះ។ ប៉ុន្តែ ក៏នៅមានសល់ឱកាសល្អៗអស្ចារ្យផងដែរ។

ខ្ញុំពិតជាសប្បាយចិត្តមែន ពេលដែលខ្ញុំឮហាងលក់ដូរខ្លះមានបទច្រៀងដូចជា «អំណរដល់លោក» ចាក់នៅក្នុងហាងរបស់ពួកគេ។ ខ្ញុំពិតជាសប្បាយចិត្តណាស់នៅពេលដឹងថា មានមនុស្សរាប់លាននាក់ជុំវិញពិភពលោកចាប់អារម្មណ៍ក្នុងការចូលរួមពិធីថ្វាយបង្គំ ដើម្បីឮអំពីសេចក្ដីសង្ឃឹមសម្រាប់មនុស្សលោកនេះ ដែលអាចរកឃើញនៅក្នុងអេម៉ាញូអែល។ ទោះបើថា មានមនុស្សជាច្រើនច្រៀងបទចម្រៀងដោយមិនជឿសេចក្ដីពិតក៏ដោយ ក៏ខ្ញុំនៅតែគិតថានេះមិនមែនជាភាពបរាជ័យ ឬក៏ជាការសម្ដែងនៃការធ្វើពុតពីមនុស្សជាច្រើនទេ។

នេះគឺជារឿងនៃការប្រៀបធៀបអំពីអ្នកព្រោះគ្រាប់ពូជដែលកំពុងតែដំណើរការឡើង (ម៉ាថាយ ១៣:១-២៣)។ នៅរដូវណូអែល ព្រះបន្ទូលគឺត្រូវបានសាបព្រោះជាច្រើន និងគ្រប់ទីកន្លែង។ មានគ្រាប់ពូជដែលបានធ្លាក់លើផ្លូវជាច្រើន ហើយហាក់បីដូចជាមិនមានផលផ្លែ (ខ១៩); ហើយគ្រាប់ពូជខ្លះក៏បានទទួលដំណឹងល្អដោយមានអំណរ ប៉ុន្តែបានធ្លាក់ចុះក្រោមបញ្ហានៃឆ្នាំថ្មី (ខ២០-២១); ហើយគ្រាន់តែមានផ្នែកតូចមួយប៉ុណ្ណោះដែលបានដុះឡើងធំពេញវ័យរហូតដល់បង្កើតបានជាផលផ្លែ (ខ២៣)។ យើងមិនគួរមានការភ្ញាក់ផ្អើលទេនៅពេលដែលមានមនុស្សច្រើនប្រភេទមកចូលរួមក្រុមជំនុំយើង ហើយក៏បានបង្ហាញអំពីការឆ្លើយតបខុសៗគ្នាទៅកាន់ព្រះបន្ទូលដែរ។ ដូចអ្នកសាបព្រោះ យើងព្រោះគ្រាប់ពូជឲ្យបានច្រើន ហើយទុកចិត្តលើព្រះជាម្ចាស់ក្នុងការច្រូតកាត់ចុះ (១កូរិនថូស ៣:៧)។

ការឱបក្រសោបរដូវកាលដែលមានប្រជាប្រិយភាពនេះមានន័យថាយើងរាប់ពិធីបុណ្យណូអែលទុកជាឱកាសនៃការផ្សាយដំណឹងល្អ ដែលនោះឯងគឺជាអត្ថន័យ។ ចូរផ្ដោតលើការអានព្រះគម្ពីរ និងការអធិប្បាយដោយយកដំណឹងល្អធ្វើជាមូលដ្ឋាន។

សូមវិនិយោគលើការផ្សព្វផ្សាយខ្លះៗផងដែរ។ ចូរប្រើប្រាស់បណ្ដាញសង្គមរបស់លោកអ្នក ដើម្បីផ្សព្វផ្សាយអំពីប្រធានបទល្អៗនៃពិធីបុណ្យណូអែល។ ចែកក្រដាសផ្សព្វផ្សាយនៅតាមភូមិ។ ទៅលេងអ្នកជិតខាងរបស់លោកអ្នក ដើម្បីអញ្ជើញពួកគេផ្ទាល់តែម្ដង។

ខណៈពេលដែលលោកអ្នកអញ្ជើញមិត្តភក្ដិ និងក្រុមគ្រួសារ សូមប្រាកដថាធ្វើនូវចំណុចគន្លឹះពីរយ៉ាងនេះ៖ ដាក់ខ្លួនក្នុងការអញ្ជើញ ហើយនាំមិត្តភក្ដិរបស់លោកអ្នកមកចូលរួមកម្មវិធី។ ការដាក់ខ្លួនក្នុងការអញ្ជើញមានន័យថា លោកអ្នកចៀសចេញពីផ្លូវដែលថាពួកគេអាចមក ឬក៏មិនមកតាមតែចិត្តរបស់ពួកគេ។ កុំនិយាយមិនច្បាស់ ឬក៏មិនបង្ហាញចំណាប់អារម្មណ៍។ សូមប្រាប់ពួកគាត់ថា «កម្មវិធីនេះសំខាន់ណាស់ចំពោះខ្ញុំ ហើយវានឹងពិតជាមានន័យណាស់ ប្រសិនបើលោកអ្នកមកចូលរួម»។ នោះឯងគឺជាអត្ថន័យដែលថា ដាក់ខ្លួនឯងចូលក្នុងការអញ្ជើញ។

ប៉ុន្តែ កុំភ្លេចនាំមិត្តភក្ដិរបស់លោកអ្នកមកចូលរួមកម្មវិធីផង។ ជាដំបូង លោកអ្នកអាចអញ្ជើញពួកគាត់ទៅចូលរួមញ៉ាំបាយពេលល្ងាច ឬក៏ក្រោយមកពេលថ្ងៃ។ សូមទៅយកពួកគាត់ឲ្យមកចូលរួមកម្មវិធី។ សូមធ្វើឲ្យការអញ្ជើញនេះធំជាងមុន ដោយស្វាគមន៍ពួកគាត់ចូលមកក្នុងជីវិតរបស់លោកអ្នកផ្ទាល់ ដើម្បីរារាំងកុំឲ្យពួកគាត់គេចពីឱកាសនេះបាន!

ហើយនៅពេលដែលភ្ញៀវមកដល់ សូមមានអ្វីមួយដើម្បីឲ្យពួកគាត់ជាអំណោយដែរ។ លោកអ្នកអាចជូនកណ្ឌគម្ពីរដំណឹងល្អ ឬក៏កូនសៀវភៅមួយនិយាយអំពីពិធីបុណ្យណូអែលក្នុងលក្ខណៈជាកាដូដល់ពួកគាត់។ សូមរៀបចំផែនការបង្កើតកម្មវិធីអញ្ជើញពួកគាត់ឲ្យមកចូលរួមឆ្នាំថ្មីដែរ។ សូមធ្វើឲ្យក្រុមជំនុំរបស់លោកអ្នកក្លាយជាទីកន្លែងស្វាគមន៍តាមដែលលោកអ្នកអាចធ្វើបានចុះ។

សូមប្រឹងប្រែងឲ្យអស់ពីសមត្ថភាពក្នុងការធ្វើឲ្យពេលវេលានេះគឺជាពេលវេលានៃការផ្សាយដំណឹងល្អដ៏ធំបំផុតដែលមាននៅក្នុងការចងចាំ ព្រោះវាពិតជាធំមែន។

២. ចូរឱបក្រសោបភាពចម្លែក

ពិតណាស់! វាមិនល្មមគ្រប់គ្រាន់ទេក្នុងការផ្ដោតតែទៅលើរដូវកាលដែលមានប្រជាប្រិយភាពបែបនេះ។ តាមពិតទៅ វាពិតជាគ្រោះថ្នាក់ណាស់។ ប្រសិនបើយើងគ្រាន់តែចង់បង្កើនតួលេខនៃអ្នកចូលរួមការថ្វាយបង្គំ នោះយើងនឹងប្រឈមមុខក្នុងគ្រោះថ្នាក់នៃការបញ្ឈប់សារ ដោយផ្ដោតតែទៅលើភាពស្រស់ឆើតឆាយពីសម្បកក្រៅតែប៉ុណ្ណោះ។ យើងទំនងជាយកសត្វលាដែលនៅរស់មែនទែនមកចូលរួមការសម្ដែង ដើម្បីរម្លឹកខួបព្រះយេស៊ូវគ្រីស្ទ ប៉ុន្តែមិនបានប្រកាសដំណឹងល្អសោះ។ យើងទំនងជាផ្ដោតទៅលើការធ្វើឲ្យកម្មវិធីសប្បាយៗ ប៉ុន្តែមិនផ្ដោតទៅលើការប្រកាសដំណឹងល្អឲ្យបានច្បាស់លាស់ ព្រោះយើងគិតថាវាទំនងនឹងធ្វើឲ្យអ្នកមិនជឿអន់ចិត្ត។ នេះគឺជារឿងមិនត្រឹមត្រូវ។

ភាពចម្លែកនៃពិធីបុណ្យណូអែល—រឿងដ៏ចម្លែកនៃការដែលព្រះបានយាងមកយកសណ្ឋានជាមនុស្ស—គឺមិនមែនជាចំណុចមួយដែលយើងមើលរំលងនោះទេ។ មនុស្សមួយចំនួននិងមានទស្សនៈលើពិធីបុណ្យណូអែលថាជាថ្ងៃឈប់សម្រាកធម្មតា ផ្ដោតលំៗ និងបង្ហាញមិត្តភាពក្នុងគ្រួសារតែប៉ុណ្ណោះ។ ប៉ុន្តែ ការតុបតែងបុណ្យណូអែលដែលយើងស្រឡាញ់—គ្រួសារ ម្ហូបអាហារ ពិធីជប់លៀង—គឺគ្រាន់តែជាចំណុចពីខាងក្រៅទៅកាន់ខាងក្នុងប៉ុណ្ណោះ។ ព្រះគ្រីស្ទគឺជាចំណុចស្នូល។

ដូច្នេះ ដាច់ខាត យើងត្រូវតែចម្លែក។ ការយាងមកយកកំណើតមានន័យថា យើងមិនអាចរាប់ចំណុចនេះថាជាទូទៅពេលទាក់ទងជាមួយនឹងព្រះជាម្ចាស់ សាសនា ឬក៏អ្វីៗខាងឯព្រលឹងវិញ្ញាណទេ។ ចំណុចចម្លែកនៃពិធីបុណ្យណូអែលមានន័យថា ព្រះបានបង្ហាញរូបអង្គទ្រង់ក្នុងលក្ខណៈជាសាច់ឈាម ហើយព្រះអង្គក៏មានព្រះនាមដែរ។ ព្រះវិញ្ញាណរបស់ព្រះគ្រីស្ទគឺជា «វិញ្ញាណដ៏ពិតនៃពិធីបុណ្យណូអែល»។ ដាច់ខាត! យើងត្រូវតែផ្ដោតលើទ្រង់ដោយមិនមានការសោកស្ដាយ។

ការអធិប្បាយអំពីការផ្គាប់ចិត្តដ៏រុងរឿងរបស់ព្រះគ្រីស្ទក៏នឹងទាក់ទាញចំណាប់អារម្មណ៍ទាំងអ្នកជឿ និងអ្នកមិនជឿដូចគ្នា។ ការនេះក៏នឹងជួយឲ្យយើងគិតពីគ្រោះថ្នាក់នៃ «ការដាក់នុយ ហើយប្ដូរ» ត្រង់ថាយើងបានអញ្ជើញភ្ញៀវរបស់យើងឲ្យមកចូលរួមពិធីបុណ្យណូអែល ប៉ុន្តែក៏បានប្ដូរយ៉ាងលឿនមកនិយាយអំពីអ្វីផ្សេងទៀត។ តម្រូវការដ៏ធំបំផុតសម្រាប់មនុស្សលោកទាំងអស់គឺព្រះគ្រីស្ទ។ ពួកគេមិនត្រូវការបទចម្រៀងពិសេស ឬក៏ការរាំពិសេស ឬក៏ម្ហូបអាហារពិសេសនោះទេ (ទោះបើថាចំណុចទាំងអស់នោះក៏អាចប្រើប្រាស់បានសម្រាប់ជាការចង្អុលអ្នកចូលរួមទៅកាន់ព្រះគ្រីស្ទ)។ សូមជូនព្រះគ្រីស្ទទៅកាន់ពួកគេនៅពិធីបុណ្យណូអែលឆ្នាំនេះចុះ។

កម្មវិធីនៃការប្រកាសដំណឹងល្អដ៏ធំបំផុតឆ្នាំនេះកំពុងតែហៀបនឹងកើតឡើងហើយ។ តើលោកអ្នកបានត្រៀមខ្លួនហើយឬនៅ?

និពន្ធដោយ៖ លោកគ្រូ Glen Scrivener
បកប្រែដោយលោក៖ ឈាង បូរ៉ា

កែសម្រួលដោយ៖ លោក ទេព រ៉ូ, លោក ខែម បូឡុុង, លោក ប៊ុន ធីម៉ូថេ, លោក វែល ណាថាន, លោក នាង និត និងលោកស្រី ថា សំបូរ
ដកស្រង់ខ្លះៗ និងកែសម្រួលចេញពី www.thegospelcoalition.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

១៨៩

កំណត់ហេតុបណ្ដាញ៥ ឧសភា ២០២៥

តើលោកអ្នកចាំបាច់ត្រូវតែជឿលើអ្វី ដើម្បីឲ្យអាចទទួលបានសេចក្តីសង្គ្រោះ?

អ្នកបើកបរយន្តហោះបានប្រកាសថា មានហ្វូងចាបមួយហ្វូងបានហើរចូលស្លាបយន្តហោះម្ខាង ហើយយន្តហោះក៏កំពុងតែចាកចុះក្នុងល្បឿនដ៏លឿន…

អានបន្ថែម

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

២១០៣

កំណត់ហេតុបណ្ដាញ២៧ មេសា ២០២៥

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

អានបន្ថែម

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

៥៧៧

កំណត់ហេតុបណ្ដាញ២០ មេសា ២០២៥

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

ក្នុងនាមជាឪពុកម្ដាយ យើងគិតអំពីការចិញ្ចឹមបីបាច់កូនៗហាក់បីដូចជាការគូរគំនូរ។ ពីមួយថ្ងៃទៅមួយថ្ងៃ យើងបន្តផាត់ពណ៌។ យើងសង្ឃឹមថា…

អានបន្ថែម

អត្ថបទបន្ថែមពី កំណត់ហេតុបណ្ដាញ

៤

កំណត់ហេតុបណ្ដាញ៨ កញ្ញា ២០២៦

ការតយុទ្ធនឹងសេចក្តីច្រណែនឈ្នានីស

ប្អូនស្រី ដាលីស បានសរសេរមកយើង ដើម្បីសួរថា«លោកគ្រូ តើនាង ខ្ញុំត្រូវដោះស្រាយយ៉ាងណាចំពោះការច្រណែនឈ្នានីស និងការប្រច័ណ្ឌ ដែលកំពុងលេបត្របាក់នាងខ្ញុំទៅហើយនោះ…

អានបន្ថែម