តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅតែមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

២៣ កក្កដា ២០២៣អានរយៈពេល ១០ នាទី

មើល២១៥ដង

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័ទ ហើយទទួលយកថាជាសេចក្ដីពិត១០០%—ក្នុងការចង់ស្រឡាញ់ព្រះយេស៊ូវ និងទទួលបានការសង្គ្រោះចេញពីសេចក្ដីក្រោធរបស់ព្រះជាម្ចាស់—ប៉ុន្តែនៅមិនមែនជាបុគ្គលដែលព្រះជាម្ចាស់បានជ្រើសរើស? តើការនេះអាចកើតឡើងបានដែរឬទេ?

ខ្ញុំចង់និយាយថា «ទេ»។ ប៉ុន្តែ ខ្ញុំចង់បង្ហាញអំពីមូលហេតុឲ្យច្បាស់ដែលខ្ញុំត្រូវការវែកញែកឲ្យស៊ីជម្រៅបន្តិចត្រង់ចំណុចដែលថា «ហើយទទួលយកថាជាសេចក្ដីពិត១០០%»។ នោះគឺជាចំណុចស្នូលនៃសំណួរ។ ខ្ញុំបានលើកឡើងជាញឹកញាប់ថា—ហើយប្រហែលនេះជាមូលហេតុដែលនាំឲ្យមានការលើកឡើងនូវសំណួរដូចនេះ—អារក្សសាតាំងស្គាល់សេចក្ដីពិតច្រើនជាងទេវវិទូទៅទៀត ហើយមូលហេតុដែលវាមិនទទួលបានសេចក្ដីសង្គ្រោះគឺដោយសារវាស្អប់សេចក្តីពិតនោះ។ សាវ័ក យ៉ាកុប បានមានប្រសាសន៍ថា «ទោះទាំងពួកអារក្សក៏ជឿដូច្នោះ ព្រមទាំងព្រឺខ្លាចដែរ» (យ៉ាកុប ២:១៩)។ ពួកវាជឿសេចក្ដីពិតជាច្រើនអំពីព្រះជាម្ចាស់ថាជាការពិត ប៉ុន្តែពួកវាមិនបានទទួលសេចក្ដីសង្គ្រោះទេ ពីព្រោះវាស្អប់សេចក្ដីពិតទាំងនោះ។

តម្រង់ជំនឿ និងតម្លៃទៅជាជួរ

ខ្ញុំមិនដឹងថា តើខ្ញុំអាចនិយាយថា បុគ្គលដែលអះអាងថារាល់ចំណុចនៃព្រះគម្ពីរជាសេចក្ដីពិត១០០% ហើយនៅអាចជាបុគ្គលដែលបាត់បង់—អាចនៅជាបុគ្គលដែលមិនទទួលបានសេចក្ដីសង្គ្រោះ ឬក៏អត់។ ហើយនេះជាមូលហេតុរបស់ខ្ញុំ៖ ព្រះគម្ពីរមានពេញទៅដោយប្រយោគ មិនមែនគ្រាន់តែសេចក្ដីពិត ប៉ុន្តែគឺប្រយោគអំពីតម្លៃ ភាពសេចក្តីល្អ និងការប្រាថ្នាចង់បានសេចក្ដីពិតទាំងនោះ។ ដូច្នេះ ព្រះគម្ពីរមិនគ្រាន់តែបានលើកឡើងថា ព្រះជាម្ចាស់មានពេញទៅដោយព្រះចេស្ដានោះទេ ប៉ុន្តែថាព្រះអង្គមានពេញទៅដោយសិរីល្អ ហើយអស្ចារ្យក្នុងសិរីរុងរឿង និងព្រះចេស្ដារបស់ព្រះអង្គក៏គ្មានព្រំដែនដែរ មានតម្លៃលើសគ្រប់អ្វីៗទាំងអស់ ហើយថាព្រះយេស៊ូវមិនគ្រាន់តែបានមានព្រះជន្មរស់ ប៉ុន្តែត្រង់ថាព្រះអង្គមានគ្រប់រាល់លក្ខណសម្បត្តិទាំងនោះដែលធ្វើឲ្យព្រះអង្គកាន់តែមានតម្លៃលើសជាងគ្រាប់ពេជ្រដ៏មានតម្លៃ ហើយថាទ្រង់មានតម្លៃលើសជាងទ្រព្យសម្បត្តិដ៏ស្តុកស្ដម្ភទៀតផង។ ហើយសូមចងចាំថាសាវ័ក ប៉ុល ក៏បានលើកឡើងផងដែរថា គាត់បានមានការស្កប់ស្កល់ចិត្តក្នុងការស្គាល់ព្រះគ្រីស្ទជាងអ្វីផ្សេងទៀតទាំងអស់ (សូមអានបន្ថែមនៅក្នុងកណ្ឌគម្ពីរ ភីលីព ៣:៨)។

ដូច្នេះ តើនេះមានន័យយ៉ាងដូចម្ដេចក្នុងការលើកឡើងថា លោកអ្នកក៏ជឿនៅចំណុចនេះដែរ ប៉ុន្តែមិនបានឱបក្រសោបទ្រង់ថាជាព្រះដ៏ល្អ មានពេញដោយតម្លៃ និងល្អប្រសើរជាងអ្វីៗទាំងអស់ផ្សេងទៀត? ខ្ញុំគិតថាមនុស្សជាច្រើននឹងលើកឡើងថា «លោកអ្នកមិនមានអត្ថន័យដូចនោះទេ។ លោកអ្នកបានលើកឡើងថា លោកអ្នកជឿថា ព្រះអង្គមានតម្លៃឥតផ្ទឹមបាន។ លោកអ្នកបានលើកឡើងថា លោកអ្នកជឿថា ព្រះអង្គមានតម្លៃលើសគ្រប់អ្វីៗទាំងអស់។ លោកអ្នកបានលើកឡើងថា លោកអ្នកជឿថាព្រះអង្គមានពេញទៅដោយការស្កប់ស្កល់ ប៉ុន្តែមិនបានឱបក្រសោបទ្រង់ថា ជាអង្គដែលបំពេញភាពស្កប់ស្កល់ទាំងអស់? លោកអ្នកមិនមានអត្ថន័យដូចអ្វីដែលលោកអ្នកនិយាយនោះទេ»។ ដូច្នេះ ខ្ញុំមិនអាចនាំឲ្យខ្លួនឯងនិយាយថា បុគ្គលណាម្នាក់ដែលពិតជាអះអាងគាំទ្រលើតម្លៃនៃរាល់ប្រយោគទាំងនោះនៃព្រះគម្ពីរ ហើយអាចនៅជាបុគ្គលដែលបាត់បង់បានទេ ពីព្រោះប្រសិនបើគាត់ពិតជាគាំទ្រតម្លៃនៃរាល់ប្រយោគទាំងនោះមែន នោះគាត់ក៏នឹងពិតជាឱបក្រសោបតម្លៃទាំងនោះមែនហើយ។

តាមពិតទៅ ទាក់ទងនឹងរបៀបដែលខួរក្បាលមនុស្សយើងដំណើរការ នៅពេលដែលចិត្តចង់ជ្រើសរើសអ្វីមួយជាជាងអ្វីមួយផ្សេងទៀត នោះខួរក្បាលនឹងព្យាយាមរករបៀបរួមចំណែកជាមួយនឹងដួងចិត្ត ក្នុងការរករបៀប ដើម្បីបង្ហាញថាជម្រើសរបស់ដួងចិត្តគឺជាជម្រើសដែលត្រឹមត្រូវ។ ដូច្នេះ វានឹងមិនអាចកើតឡើងបានទេ ក្នុងការដែលបុគ្គលណាម្នាក់លើកឡើងយ៉ាងស្មោះត្រង់ថា «ខ្ញុំជឿថា ព្រះគម្ពីរទាំងមូលគឺជាសេចក្ដីពិត១០០%» ប៉ុន្តែនៅបន្តបដិសេធថា ព្រះយេស៊ូវមានតម្លៃទាបជាងនោះ មិនសូវមានតម្លៃ មិនសូវល្អ ជាងទ្រព្យសម្បត្តិរបស់គាត់នៅលើផែនដីនេះបានទេ។ បើនិយាយម្យ៉ាងវិញទៀតទៅ ខួរក្បាលរបស់គាត់នឹងមិនអាចធ្វើដូច្នោះបានឡើយ។ ប្រសិនបើពួកគាត់ចង់ឲ្យតម្លៃលើលោកីយ៍នេះជាជាងព្រះជាម្ចាស់—តម្លៃលើរបស់សព្វសារពើជាជាងលើព្រះអាទិករ—ប្រសិនបើគាត់ចង់ជឿដូច្នោះយ៉ាងខ្លាំងមែន នោះខួរក្បាលរបស់គាត់នឹងមិនទំនងទៅរកព្រះគម្ពីរ ហើយនិយាយថា «នេះគឺជាការពិតមែន។ ឯងដឹងហើយថា ប្រយោគអំពីតម្លៃទាំងនេះក៏យ៉ាងហោចណាស់ពិតដែរ»។ ទេ! ខួរក្បាលនៅឆ្លើយតបថា «ទេ! ចំណុចនោះទំនងជារឿងព្រេងទេ ឬក៏វាទំនងជាមានចំណុចខុសឆ្គង ឬក៏អត្ថបទបានទទួលការកែបង្ខុស ឬក៏ថាមានចំណុចប្រឆាំងគ្នាគ្រប់ទីកន្លែងហើយ»។ នេះគឺជាអ្វីដែលខួរក្បាលនឹងធ្វើ ដើម្បីការពារទ្រព្យសម្បត្តិរបស់ដួងចិត្តក្នុងមនុស្សជាជាងក្នុងព្រះ។

នេះគឺជាមូលហេតុចម្បងរបស់ខ្ញុំក្នុងការឆ្លើយថា «ទេ»។ លោកអ្នកមិនអាចទទួលជឿថា ព្រះគម្ពីរគឺជាសេចក្ដីពិត១០០% ហើយនៅតែជាមនុស្សបាត់បង់នោះទេ ប្រសិនបើអ្វីដែលខ្ញុំកំពុងតែលើកឡើងគឺជាការពិតមែន។ ប្រសិនបើលោកអ្នកពិតជាជឿថា ព្រះយេស៊ូវមានតម្លៃលើសអ្វីៗទាំងអស់ ល្អលើសអ្វីៗទាំងអស់ ហើយជាសេចក្ដីពិតផ្ទាល់នៅក្នុងចក្រវាលនេះ នោះលោកអ្នកក៏នឹងឱបក្រសោបទ្រង់ នេះគឺជាអត្ថន័យថា ការទទួលជឿលើទ្រង់ថា ល្អលើសគ្រប់អ្វីៗទាំងអស់ និងមានពេញទៅដោយការស្កប់ស្កល់។

បបូរមាត់របស់អ្នកមានចិត្តរឹង

ដូច្នេះ ទំនងចំណុចចុងក្រោយដែលខ្ញុំនឹងសួរគឺថា «ចុះចំណែកអស់អ្នកនៅក្នុងកណ្ឌគម្ពីរម៉ាថាយជំពូក៧វិញ?»៖

«មិនមែនអស់អ្នកណាដែលគ្រាន់តែនិយាយមកខ្ញុំថា "ឱព្រះអម្ចាស់ៗអើយ" ដែលនឹងចូលទៅក្នុង នគរស្ថានសួគ៌នោះទេ គឺជាអស់អ្នកដែលធ្វើតាមព្រះហឫទ័យនៃព្រះវរបិតា ដែលគង់នៅស្ថានសួគ៌ វិញទេតើ នៅថ្ងៃនោះ នឹងមានមនុស្សជាច្រើននិយាយមកខ្ញុំថា "ឱព្រះអម្ចាស់ៗអើយ តើយើងខ្ញុំ មិនបានទាយ ដោយនូវព្រះនាមទ្រង់ ហើយដេញអារក្សដោយនូវព្រះនាមទ្រង់ ព្រមទាំងធ្វើការ ឫទ្ធិបារមីជាច្រើន ដោយនូវព្រះនាមទ្រង់ទេឬអី" នោះខ្ញុំនឹងនិយាយដោយត្រង់ថា អញមិនដែល បានស្គាល់ឯងរាល់គ្នាទេ នែ ពួកទទឹងច្បាប់អើយ ចូរថយចេញពីអញទៅ» (ម៉ាថាយ ៧:២១- ២៣)។

អ្នកនៅក្នុងកណ្ឌគម្ពីរម៉ាថាយបានលើកឡើងថា «ខ្ញុំជឿថា ព្រះយេស៊ូវគឺជាព្រះអម្ចាស់»។ នេះគឺជាអ្វីដែលពួកគាត់កំពុងតែហៅព្រះយេស៊ូវ—«ព្រះអម្ចាស់»។ ប៉ុន្តែ ពួកគាត់មិនបានទទួលសេចក្ដីសង្គ្រោះទេ។ ហេតុអ្វីបានជាពួកគាត់មិនបានទទួលសេចក្ដីសង្គ្រោះ? ហើយចម្លើយដែលព្រះយេស៊ូវបានប្រទានគឺថា ពួកគាត់គឺជាមនុស្សមានពុត។ ពួកគាត់គឺជាអ្នកប្រព្រឹត្តិល្មើសនឹងច្បាប់។ ពួកគាត់ហៅព្រះអង្គថា «ព្រះអម្ចាស់» ប៉ុន្តែពួកគាត់គឺជាអ្នកប្រព្រឹត្តិល្មើសនឹងច្បាប់វិញ។ ពួកគាត់ដូចជាពួកផារិស៊ី។ ចំពោះខ្ញុំ វាពិតជាអស្ចារ្យណាស់ ដែលនៅក្នុងកណ្ឌគម្ពីរ លូកា ១៦:១៤ ព្រះយេស៊ូវបានមានបន្ទូលថា «ឯពួកផារិស៊ី ដែលជាពួកអ្នកមានចិត្តលោភ» ព្រោះពួកគាត់បានអះអាងថា ខ្លួនជឿលើព្រះគម្ពីរសញ្ញាចាស់ទាំងមូល។ ព្រះមានតម្លៃលើគ្រប់អ្វីៗទាំងអស់។ យើងគួរតែស្រឡាញ់ព្រះអង្គឲ្យអស់ពីចិត្ត ព្រលឹង គំនិត និងកម្លាំងរបស់យើង។ ហើយព្រះយេស៊ូវក៏បានបន្ថែមថា៖ ពួកគាត់គឺជាមនុស្សមានពុត ពីព្រោះតាមពិតទៅ ពួកគាត់ជាមនុស្សដែលមានចិត្តលោភទេតើ។

ដូច្នេះ សេចក្ដីសន្និដ្ឋានរបស់ខ្ញុំគឺថា ការដែលពិតជាត្រូវជឿលើអ្វីដែលព្រះគម្ពីរបានចែងអំពីព្រះជាម្ចាស់ និងអំពីព្រះគ្រីស្ទ និងផ្លូវនៃសេចក្ដីសង្គ្រោះ—ការដែលពិតជាត្រូវជឿថា នោះគឺជាសេចក្ដីពិត—នឹងនាំឲ្យទទួលបានសេចក្ដីសង្គ្រោះជាមិនខាន ពីព្រោះព្រះគម្ពីរបានចែងថា «ហើយគ្រប់គ្នា គឺអស់អ្នកណាដែលអំពាវនាវដល់ព្រះនាមព្រះអម្ចាស់ នោះនឹងបានសង្គ្រោះ» (រ៉ូម ១០:១៣)។ ហើយលោកអ្នកទទួលជឿលើចំណុចនេះ និងប្រព្រឹត្តតាមចំណុចនេះ នោះលោកអ្នកនឹងឃើញថា វាគឺជាការពិត។ វាគឺជាការពិតចំពោះលោកអ្នក។ ប្រសិនបើលោកអ្នកអំពាវនាវដល់ព្រះនាមព្រះអម្ចាស់ នោះលោកអ្នកនឹងទទួលបានសេចក្ដីសង្គ្រោះជាមិនខាន។

និពន្ធដោយ៖ អ្នកគ្រូ John Piper
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ, លោកស្រី ឡូញ ស្រីរដ្ឋ, លោក ខែម បូឡុង, លោក ឯក សត្យា និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

៤៤០

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៦៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៧

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១

កំណត់ហេតុបណ្ដាញ៨ កញ្ញា ២០២៦

ការតយុទ្ធនឹងសេចក្តីច្រណែនឈ្នានីស

ប្អូនស្រី ដាលីស បានសរសេរមកយើង ដើម្បីសួរថា«លោកគ្រូ តើនាង ខ្ញុំត្រូវដោះស្រាយយ៉ាងណាចំពោះការច្រណែនឈ្នានីស និងការប្រច័ណ្ឌ ដែលកំពុងលេបត្របាក់នាងខ្ញុំទៅហើយនោះ…

អានបន្ថែម