រកពេលអានព្រះគម្ពីរ សម្រាប់ម្ដាយដែលរវល់

«ជម្រាបសួរលោកគ្រូ! ខ្ញុំជាម្ដាយម្នាក់ដែលរវល់ ដោយសារខ្ញុំមានកូនបីនាក់នៅផ្ទះ។ តើខ្ញុំអាចរកពេលអានព្រះគម្ពីរបានដោយរបៀបណា?…

៣០ កក្កដា ២០២៣អានរយៈពេល ៩ នាទី

មើល១២៤ដង

«ជម្រាបសួរលោកគ្រូ! ខ្ញុំជាម្ដាយម្នាក់ដែលរវល់ ដោយសារខ្ញុំមានកូនបីនាក់នៅផ្ទះ។ តើខ្ញុំអាចរកពេលអានព្រះគម្ពីរបានដោយរបៀបណា?

នេះគឺជារបៀបដែលខ្ញុំចង់ឆ្លើយតប៖ ប្រសិនបើអ្នកជាប្រពន្ធក្នុងស្ថានភាពដូចនេះ មិនមែនម្ដាយដែលមេម៉ាយ—ដែលនោះជាចំណុចលំបាកមួយទៀតដែលខ្ញុំនឹងចែកចាយ—ប៉ុន្តែ បើអ្នកជាប្រពន្ធដែលមានប្ដីរស់នៅជាមួយក្នុងផ្ទះ សូមស្ដាប់ ឬក៏អានអត្ថបទនេះជាមួយនឹងប្ដី។ ពីព្រោះខ្ញុំក៏នឹងចង់ស្នើឲ្យគាត់មានទំនួលខុសត្រូវលើសំណួរនេះផងដែរ។ ប្ដីក៏មានទំនួលខុសត្រូវដែរ។ ពិតណាស់ ប្ដីមាន។ ហើយខ្ញុំក៏នឹងចែកចាយខ្លះៗអំពីទំនួលខុសត្រូវនេះចំពោះប្ដីដែរ។ គោលគំនិតរបស់ព្រះជាម្ចាស់សម្រាប់ជីវិតអាពាហ៍ពិពាហ៍ និងការមើលកូនគឺសម្រាប់ឪពុកម្ដាយទាំងពីរនាក់។ នោះគឺជាអ្វីដែលព្រះអង្គបានរចនាឡើង។ ហើយមូលហេតុចម្បងមួយនៃគោលគំនិតនោះគឺ ដើម្បីឲ្យម្ដាយ ឬក៏ឪពុកអាចជំនួសវេនគ្នាមើលកូន ដើម្បីឲ្យអ្នកទាំងពីរអាចមានពេលចំណាយជាមួយនឹងព្រះជាម្ចាស់ តាមរយៈព្រះយេស៊ូវក្នុងព្រះបន្ទូលជាប្រចាំថ្ងៃ។

ទំនួលខុសត្រូវរបស់ប្ដី

ខ្ញុំចង់និយាយសំដៅទៅកាន់ប្ដី៖ ប្រពន្ធលោកចង់ដឹងថា តើគាត់អាចរកពេលអានព្រះគម្ពីរតែឯងបានដោយរបៀបណា ខណៈពេលដែលកូនៗត្រូវការចំណាប់អារម្មណ៍ពីគាត់គ្រប់ពេល? នេះគឺជាអ្វីដែលខ្ញុំគិតថា ប្ដីអាចធ្វើបាន ដើម្បីជួយដល់ប្រពន្ធ។

១. នាំកូនដាក់ក្រោមអំណាចរបស់ខ្លួន

ដាក់ច្បាប់ និងរបៀបរបបនៅក្នុងផ្ទះ ដើម្បីកុំឲ្យកូនរត់រញ៉េរញ៉ៃ ប៉ុន្តែឲ្យពួកគាត់មានការចុះចូល ការស្ដាប់បង្គាប់ និងចេះគ្រប់គ្រងលើខ្លួនឯង។ សូមសហការជាមួយនឹងប្រពន្ធក្នុងការឲ្យកូនៗចេះមានការគ្រប់គ្រងលើខ្លួនឯង។ ប្ដីត្រូវមានចំណែកក្នុងការសហការនេះ ចាប់តាំងពីពេលដែលកូនទើបតែកើតមក។ ប្ដីអាចចាប់ផ្ដើមបង្រៀនពួកគាត់កុំឲ្យធ្វើនេះ ឬធ្វើនោះ ឬក៏ថាយើងមិនអនុញ្ញាតឲ្យការដូចនេះមាននៅក្នុងផ្ទះយើងទេ។ ម៉ោងកូនគេង និងម៉ោងញ៉ាំបាយគឺជាពេលដែលប្ដីអាចពង្រឹងសណ្ដាប់ធ្នាប់បាន។

សព្វថ្ងៃនេះ ខ្ញុំយល់ឃើញថា មានឪពុកម្ដាយជាច្រើនបណ្ដោយតាមចិត្តកូនៗរបស់ខ្លួន។ នេះគឺជាកំហុសដ៏ធំមួយ ក្នុងច្រើនកម្រិត។ ដូច្នេះ ឪពុកត្រូវជួយទ្រទ្រង់ទំនួលខុសត្រូវ។ សូមសហការជាមួយនឹងប្រពន្ធក្នុងការបង្កើតសភាពធម្មតា ហើយរំពឹងឲ្យមានការស្ដាប់បង្គាប់—ចូររំពឹងឲ្យពួកគាត់ចុះចូលក្រោមអំណាចរបស់ខ្លួន និងអំណាចរបស់ម្ដាយ។ នេះគឺជាចំណុចទីមួយ៖ ឪពុកម្ដាយត្រូវតែគ្រប់គ្រងលើគ្រប់ផ្នែកនៃបរិយាកាសនៅក្នុងផ្ទះ ដោយមានសណ្ដាប់ធ្នាប់។

២. សូមចំណាយពេលលេងជាមួយកូនជារៀងរាល់ថ្ងៃ

សូមបង្កើតពេល ដើម្បីចំណាយពេលលេងជាមួយកូនជារៀងរាល់ថ្ងៃ។ របៀបលេងនឹងមានការផ្លាស់ប្រែ អាស្រ័យទៅលើអាយុរបស់កូន ប៉ុន្តែសូមផ្ដោតចំណាប់អារម្មណ៍ទាំងអស់របស់លោកអ្នកទៅកាន់កូនៗជារៀងរាល់ថ្ងៃ ដែលការធ្វើបែបនោះនឹងឲ្យប្រពន្ធមានពេលទំនេរ។

សម្រាប់គ្រួសារខ្ញុំផ្ទាល់ ខ្ញុំបានចំណាយពេលលេងជាមួយកូនៗក្រោយម៉ោងបាយ ហើយយើងបានធ្វើបែបនោះជាច្រើនឆ្នាំ។ យើងញ៉ាំបាយល្ងាចនៅម៉ោង ៥:៣០ ហើយចប់នៅម៉ោង ៦:០០។ ចាប់ពីម៉ោង ៦:០០-៧:០០ ខ្ញុំចំណាយពេលលេងជាមួយនឹងកូនៗរបស់ខ្ញុំទាំងអស់ ដោយខ្ញុំជាអ្នកមើលគាត់—ព្រោះប្រពន្ធខ្ញុំបានមើលកូនពេញមួយថ្ងៃហើយ។ ខ្ញុំអាចមើលកូនបានមួយម៉ោង ហើយប្រពន្ធខ្ញុំអាចធ្វើអ្វីដែលគាត់ចង់ធ្វើក៏បានដែរ នៅពេលនោះ។ ហើយប្រសិនបើនោះជាពេលដែលគាត់ត្រូវអានព្រះគម្ពីរ ឥឡូវគាត់មានពេលហើយ។

៣. សូមញែកពេលឲ្យបានញឹកញាប់ ដើម្បីឲ្យឪពុក ឬក៏ម្ដាយមានពេលចេញដើរលេង

សូមញែកពេលដើរលេងក្នុងជីវិតលោកអ្នក និងប្រពន្ធ ដើម្បីឲ្យគាត់អាចមានពេលសម្រាកកន្លះថ្ងៃ ឬក៏មួយថ្ងៃពេញម្ដងម្កាលដែរ។ ប្ដីត្រូវមានទំនួលខុសត្រូវក្នុងចំណែកនៃការចំណាយពេលឆ្លាស់គ្នាជាមួយប្រពន្ធ។ ឧទាហរណ៍៖ ប្ដីអាចមើលកូននៅព្រឹកថ្ងៃសៅរ៍ ឬក៏រកអ្នកឲ្យជួយមើល ដែលទាំងពីរនាក់ត្រូវឆ្លាស់គ្នាដូចនេះជានិច្ចជាកាល ដោយយកពេលចំណាយជាមួយនឹងព្រះជាម្ចាស់ឲ្យបានច្រើន។

៤. សង្វាតដេញតាមព្រះជាម្ចាស់ក្នុងព្រះបន្ទូលរបស់ទ្រង់

សូមដឹកនាំប្រពន្ធដោយចំណាយពេលក្នុងព្រះបន្ទូល ដើម្បីកុំឲ្យសេចក្ដីប្រាថ្នារបស់គាត់មានការរេរា ដោយសារគំរូរបស់ប្ដីការសង្វាតដេញតាមទ្រព្យសម្បត្តិ និងភាពផ្អែមល្ហែមនៃព្រះបន្ទូលជាមួយនឹងគាត់។

៥. សូមញែកពេលនិយាយគ្នាអំពីរឿងរ៉ាវដែលមានប្រយោជន៍

ពេលសន្ទនា សូមនិយាយជាមួយនឹងប្រពន្ធ អំពីរឿងសំខាន់ៗ ដែលមានរួមទាំងអ្វីដែលមានចែងនៅក្នុងព្រះបន្ទូល ដើម្បីកុំឲ្យគាត់បាត់បង់ទស្សនៈនៅពេលដែលគាត់ចំណាយពេលជាមួយនឹងកូនៗ។

៦. សូមអធិស្ឋានឲ្យប្រពន្ធ
ហើយជាចុងក្រោយ សូមអធិស្ឋានឲ្យប្រពន្ធ—អធិស្ឋានឲ្យគាត់មានកត្តាជំរុញចិត្ត មានការដាក់វិន័យ និងការសប្បាយចិត្តក្នុងការចំណាយពេលក្នុងព្រះបន្ទូល។

ពេលវេលាជាមួយព្រះជាម្ចាស់

ឥឡូវ ខ្ញុំចង់បញ្ចប់ពេលយើង ដោយលើកឡើងសំដៅទៅកាន់អ្នកម្ដាយម្ដង។ អ្នកទំនងជាមិនមានប្ដីដែលមានចិត្តដូចនោះ។ បើដូចនោះមែន សូមព្យាយាមធ្វើដោយខ្លួនឯងចុះ ហើយព្រះជាម្ចាស់ក៏នឹងជួយអ្នកដែរ។ ពិតណាស់ ព្រះអង្គនឹងជួយ។ មិនមានសេចក្ដីល្បួង ឬក៏សេចក្ដីល្បងលណាដែលនឹងកើតឡើងចំពោះអ្នក ដែលព្រះជាម្ចាស់នឹងមិនប្រទានព្រះគុណដល់អ្នកក្នុងការទ្រទ្រង់ទេ (សូមអាននៅក្នុងកណ្ឌគម្ពីរ ១កូរិនថូស ១០:១៣)។ ដូច្នេះ អ្នកអាចមើលគំរូរបស់លោកស្រី សូសាណា វែសលី (Susannah Wesley) ដែលជាម្ដាយរបស់លោក ឆាលស៍ (Charles) និងលោក ចន វែសលី (John Wesley)។ គាត់មានកូន១៩នាក់។ ប្រាំបួននាក់បានស្លាប់កាលនៅជាទារក ដែលនេះមានន័យថា គាត់នៅសល់កូន១០នាក់។ គាត់បានសន្យាទៅកាន់ព្រះអម្ចាស់ថា គាត់នឹងចំណាយពេលអធិស្ឋាន និងអានព្រះបន្ទូលជារៀងរាល់ថ្ងៃ ហើយមានពេលមួយ យុទ្ធសាស្ត្ររបស់គាត់គឺដូចនេះ៖ គាត់បានបង្រៀនកូនបងៗថា ពួកគាត់មានទំនួលខុសត្រូវជាមួយនឹងកូនប្អូនៗ។ ហើយនៅពេលដែលកូនៗឃើញម្ដាយយកអៀមចំអិនម្ហូបមកគ្របលើក្បាលនៅតុញ៉ាំបាយ នោះមានន័យថា កូនៗមិនត្រូវមកឆាឆៅគាត់ឡើយ។ កូនបងៗត្រូវកុំឲ្យប្អូនៗមានការរញ៉េរញ៉ៃ ព្រោះនោះគឺជាពេលដែលគាត់កំពុងចំណាយពេលជាមួយនឹងព្រះជាម្ចាស់។

ដូច្នេះ សូមបង្រៀនកូនៗរបស់លោកអ្នកឲ្យមានទំនួលខុសត្រូវដូចនេះដែរចុះ។ ចូររំពឹងឲ្យពួកគាត់ចេះស្ដាប់បង្គាប់។ ម្ដាយអាចត្រាប់តាមលោកស្រី សូសាណា វែសលី ឬក៏រកកន្លែងស្ងាត់ណាមួយបាន។ ហើយប្ដីត្រូវមានការទ្រាំទ្រ និងការសហការយ៉ាងខ្លាំងជាមួយនឹងប្រពន្ធដែរ។

ប្រសិនបើយើងចង់ធ្វើជាឪពុកម្ដាយល្អ ពេលដែលគ្រួសារមានបញ្ហា ជាដំបូងយើងត្រូវតែទទួលស្គាល់ថា អំពើបាបរបស់យើងគឺជាបញ្ហាដ៏អាក្រក់បំផុត។ ហើយជាបន្ទាប់យើងត្រូវតែទទួលស្គាល់ថា ព្រះលោហិតរបស់ព្រះយេស៊ូវគ្របបាំងលើវាទាំងអស់។

និពន្ធដោយ៖ អ្នកគ្រូ John Piper
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ, លោកស្រី ឡូញ ស្រីរដ្ឋ, លោក ខែម បូឡុង, លោក ឯក សត្យា និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

៤៣៦

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៦៣៤៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១១

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

អត្ថបទបន្ថែមពី កំណត់ហេតុបណ្ដាញ

៨០

កំណត់ហេតុបណ្ដាញ១៨ សីហា ២០២៦

រូបភាពអាសអាភាស និងការទប់ទល់នឹងអំណាចនៃសេចក្ដីល្បួង

នៅថ្ងៃទី០១ ខែមេសា ឆ្នាំ២០០១ លោកគ្រូបានអធិប្បាយនៅព្រះវិហារមួយនៅកណ្ឌគម្ពីរ រ៉ូម:៧។ អត្ថបទនោះមានចំណងជើងថា «សារៈសំខាន់នៃការស្គាល់អំពើបាប…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៩៥

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៧៥

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម