ព្រះតម្រូវទុកជាមុន

យើងខ្ញុំសូមមិនធ្វើការបកស្រាយច្រើន អំពីបទគម្ពីរនេះទេ។ ផ្អែកលើបទគម្ពីរនេះ យើងខ្ញុំសូមឆ្លើយថា ព្រះទ្រង់ពិតជាបានតម្រូវទុកឲ្យអ្នកខ្លះធ្លាក់នរកមែន។ ព្រះទ្រង់ពិតជាបានកំណត់ទុកជាមុន តាំងពីអស់កល្បជានិច្ច ឲ្យអ្នកខ្លះបានសង្គ្រោះ ហើយខ្លះទៀតត្រូវបាត់បង់។ តែទ្រង់បានធ្វើកិច្ចការនេះ តាមរបៀបដែលអាថ៌កំបាំងចំពោះយើង ដើម្បីកុំឲ្យនរណាម្នាក់អាចចោទប្រកាន់ព្រះអង្គ នៅថ្ងៃនោះឡើយ។ ពួកអ្នកដែលបានទទួលការប្រោសលោះនឹងបានដឹងថា យើងបានសង្គ្រោះដោយសារព្រះគុណព្រះអង្គ ខណៈពេលដែលយើងសមនឹងធ្លាក់នរក ហើយអ្នកដែលមិនបានសង្គ្រោះ មិនបានស្គាល់ព្រះគុណព្រះអង្គ ហើយពួកគេក៏សមនឹងវិនាសផងដែរ។

១៧ មករា ២០២២អានរយៈពេល ១០ នាទី

មើល១៨២ដង

មា

នអ្នកស្តាប់ការបង្រៀនជាសំឡេងម្នាក់ ឈ្មោះ សុខា បានផ្ញើសារមក សួរត្រង់ៗថា៖ «លោកគ្រូ តើព្រះបានតម្រូវទុកជាមុន ឲ្យអ្នកខ្លះធ្លាក់នរកឬ?»

មុននឹងខ្ញុំផ្តល់ឲ្យនូវចម្លើយច្បាស់លាស់ សម្រាប់សំណួរនេះ យើងខ្ញុំចាំបាច់ត្រូវនិយាយអំពីមូលដ្ឋាននៃសេចក្ដីពិតខ្លះៗ ដែលយើងត្រូវយល់សិន ដើម្បីកុំឲ្យយើងមានការយល់ច្រឡំ។ ខាងក្រោមនេះ យើងខ្ញុំនឹងនិយាយអំពីចំណុចមូលដ្ឋានគ្រឹះមួយចំនួន បន្ទាប់មក យើងខ្ញុំនឹងលើកឡើងនូវខគម្ពីរខ្លះៗ ហើយបន្ទាប់មកផ្តល់ឲ្យនូវចម្លើយសម្រាប់សំណួរនេះ។

ការបកស្រាយ អំពីសេចក្តីពិតជាមូលដ្ឋាន

មានមនុស្សជាច្រើននាក់យល់ឃើញថា បើព្រះទ្រង់បានតម្រូវទុកជាមុនឲ្យអ្នកខ្លះធ្លាក់នរក នោះមានន័យថា ព្រះអង្គមានភាពអយុត្តិធម៌ ហើយព្រះអង្គមិនមែនជាព្រះល្អទេ។ ដូចនេះ ពួកគេមិនអាចទទួលយកចម្លើយវិជ្ជមាន សម្រាប់សំណួរនេះបានឡើយ។ តាមពិត យើងខ្ញុំសូមនិយាយថា បើលោកអ្នកយល់ឃើញដូចនេះដែរថា ព្រះអង្គមិនសុចរិត ឬមិនយុត្តិធម៌ ឬក៏មិនល្អ បើសិនជាព្រះអង្គបានតម្រូវទុកជាមុន ឲ្យអ្នកខ្លះបានសង្គ្រោះ ហើយអ្នកខ្លះវិនាស នោះលោកអ្នកមិនគួរជឿដូចនេះឡើយ ទោះបើព្រះអង្គពិតជាបានតម្រូវទុកជាមុនឬអត់ក៏ដោយ ។ យើងខ្ញុំដឹងថា អ្វីដែលយើងខ្ញុំនិយាយនេះហាក់ដូចជាចម្លែក។ សូមជឿចុះ បើសិនជាព្រះគម្ពីរពិតជាបានបង្រៀនដូចនេះមែន ហើយបើវាមិនផ្ទុយនឹងសេចក្តីពិត និងសេចក្តីដ៏សំខាន់ ដែលយើងបានរៀនអំពីព្រះ ក្នុងព្រះគម្ពីរ។ ហើយយើងខ្ញុំដឹងថា អ្នកខ្លះប្រហែលជាខឹងនឹងយើងខ្ញុំ ពេលយើងខ្ញុំប្រាប់ពួកគេមិនឲ្យជឿថា ព្រះអង្គអយុត្តិធម៌ និងមិនល្អ ទោះព្រះអង្គពិតជាបានតម្រូវទុកជាមុនឬអត់ក៏ដោយ។ ប៉ុន្តែ យើងខ្ញុំក៏មិនចង់ឲ្យនរណាម្នាក់ឈប់ជឿលើសេចក្តីល្អ និងភាពយុត្តិធម៌របស់ព្រះឡើយ។ ហើយយើងខ្ញុំដឹងអំពីបញ្ហាដែលនឹងកើតមាន ពេលដែលយើងទទួលយកចម្លើយ សម្រាប់សំណួរនេះ ដោយមិនបានយល់អំពីភាពយុត្តិធម៌ និងសេចក្តីល្អរបស់ព្រះជាមុនសិន។ យើងខ្ញុំធ្លាប់ទួញយំ កាលយើងខ្ញុំទើបតែចូលវ័យ២០ឆ្នាំ ជារដូវកាលដែលផ្លូវចិត្ត និងផ្លូវអារម្មណ៍របស់យើងខ្ញុំបានទទួលទារុណកម្មយ៉ាងខ្លាំង ដោយសារបញ្ហាវេទសាស្ត្រដូចនេះ។ យើងខ្ញុំធ្លាប់ភ្លក់រស់ជាតិ នៃការយកដៃច្រត់ទៅលើតុ ហើយគ្របពីលើមុខខ្លួនឯង ហើយស្រែកយំទៅរកព្រះថា៖ «ព្រះអង្គអើយ ទូលបង្គំមិនយល់ទេ»។

ដូចនេះ យើងខ្ញុំចង់មានចិត្តអត់ធ្មត់ចំពោះអ្នកដែលមិនយល់បញ្ហានេះ។ យើងខ្ញុំមិនចង់ឲ្យនរណាម្នាក់ឈប់មានការជឿជាក់ លើសេចក្តីសុចរិត និងសេចក្តីល្អរបស់ព្រះនោះឡើយ។ នេះជាសេចក្តីពិតដែលជាមូលដ្ឋានទីមួយ សម្រាប់យើងខ្ញុំ។

សេចក្តីពិតដែលជាមូលដ្ឋានទី២ ដែលយើងត្រូវយល់នោះគឺថា ព្រះទ្រង់នឹងមិនដែលឲ្យនរណាម្នាក់ធ្លាក់នរក ដោយអយុត្តិធម៌នោះឡើយ។ គ្មាននរណាម្នាក់ដែលនឹងធ្លាក់នរក ខណៈពេលដែលពួកគេមិនសមនឹងធ្លាក់នរកនោះទេ។ ហើយនៅថ្ងៃនោះ ព្រះទ្រង់នឹងបើកបង្ហាញ ក្នុងចក្រវាលទាំងមូល ឲ្យគេដឹងច្បាស់ថា ពួកគេពិតជាសមនឹងទទួលទោសនេះមែន។

សេចក្តីពិតទី៣៖ ការនេះមានន័យថា បើព្រះទ្រង់បានតម្រូវទុកជាមុន ឲ្យនរណាម្នាក់ត្រូវវិនាស នោះមានន័យថា ទ្រង់បានតម្រូវគេទុកជាមុន តាមរបៀប ដែលប្រហែលជាហួសសមត្ថភាពដែលយើងអាចយល់បាន។ ព្រះអង្គតម្រូវអ្នកនោះទុកជាមុនឲ្យត្រូវវិនាស ដោយសារអ្នកនោះពិតជាត្រូវទទួលខុសត្រូវ ចំពោះការសម្រេចចិត្តរបស់ខ្លួន គឺពិតជាមានកំហុស និងពិតជាសមនឹងទទួលទោសមែន។ នេះជារឿងដែលពិបាកយល់បំផុត។ តែយើងចាំបាច់ត្រូវជឿបទគម្ពីរទាំងអស់ក្នុងព្រះគម្ពីរ។ មនុស្សដែលត្រូវវិនាសគឺសុទ្ធតែបានសម្រេចចិត្តជ្រើសរើសយកអំពើបាប តាមរបៀបដែលខ្លួនពិតជាត្រូវទទួលខុសត្រូវចំពោះការសម្រេចចិត្ត ពិតជាមានទោស និងពិតជាសមនឹងទទួលការជំនុំជម្រះ។ នេះជាសេចក្តីពិតដែលជាមូលដ្ឋានទី៣។

សេចក្តីពិតដែលជាមូលដ្ឋានចុងក្រោយ ដែលយើងខ្ញុំចង់លើកមកនិយាយនោះគឺថា យើងកំពុងរស់នៅក្នុងសម័យដែលមនុស្សហាក់ដូចជាមិនចង់ឲ្យព្រះទ្រង់បំពេញតួនាទីជាព្រះឡើយ។ មនុស្សសម័យទំនើបថែមទាំង ស្ទើរតែមិនអាចយល់ឃើញថា មានព្រះមួយអង្គ ដែលមានអំណាចច្រើនយ៉ាងនេះ មានលក្ខណៈដែលពិបាកយល់យ៉ាងនេះ មានព្រះចេស្ដាខ្លាំងយ៉ាងនេះ។ ចូរប្រយ័ត្នដោយកុំឲ្យផ្នត់គំនិតសម័យនេះរារាំងមិនឲ្យយើងជឿព្រះគម្ពីរនោះឡើយ។

ព្រះអង្គឆ្លើយថា «ព្រះអង្គពិតជាបានតម្រូវទុកជាមុនមែន»

ឥឡូវនេះ យើងខ្ញុំសូមលើកយកខគម្ពីរខ្លះមកបង្ហាញ ដើម្បីធ្វើការសន្និដ្ឋាន៖

អេភេសូរ ១:១១៖ «ឲ្យរួមគ្នាមកក្នុងទ្រង់ ដែលយើងរាល់គ្នាបានកេរអាករក្នុងទ្រង់ដែរ ដោយទ្រង់បានតម្រូវយើងទុកជាមុន តាមតម្រិះសម្រេចរបស់ព្រះ ដែលទ្រង់ធ្វើគ្រប់ការទាំងអស់ តាមដែលគាប់ព្រះហឫទ័យទ្រង់»។ គ្រប់ការទាំងអស់។ ឥឡូវនេះ សំណួរគឺសួរថា តើគ្រប់ការទាំងអស់បានសម្រេចតាមបំណងព្រះទ័យទ្រង់ ដោយរាប់បញ្ចូលទាំងការសម្រេចជោគវាសនាចុងក្រោយ របស់បុគ្គលម្នាក់ៗដែរឬទេ? យើងខ្ញុំយល់ថា ព្រះអង្គពិតជាបានសម្រេចជោគវាសនារបស់ពួកគេមែន។
សុភាសិត ១៦:៤៖ «ព្រះយេហូវ៉ាទ្រង់បានធ្វើគ្រប់របស់ទាំងអស់ ឲ្យសមនឹងប្រយោជន៍នៃរបស់នោះឯង អើ ទោះទាំងមនុស្សអាក្រក់ក៏បានកើតមកសម្រាប់ថ្ងៃនៃសេចក្ដីអាក្រក់ដែរ»។ ដូចនេះ ព្រះបានឲ្យមនុស្សអាក្រក់កើតមក សម្រាប់ថ្ងៃនៃសេចក្តីអាក្រក់។
១ពេត្រុស ២:៧-៨៖ «“ថ្មដែលពួកជាងសង់ផ្ទះបានចោលចេញ បានត្រឡប់ជាថ្មជ្រុងយ៉ាងឯក” “ជាថ្មជំពប់ ហើយជាថ្មដាដែលនាំឲ្យរវាតចិត្ត”» គេជំពប់នឹងព្រះបន្ទូលដោយព្រោះតែមិនជឿ ហើយគេក៏ត្រូវតម្រូវទុកសម្រាប់ការនោះឯង» ។ ដូចនេះ ពួកគេមិនស្តាប់បង្គាប់ ដោយសារទ្រង់បានតម្រូវពួកគេទុក សម្រាប់ការនោះឯង។
យូដាស ១:៤៖ «ដ្បិតមានមនុស្សខ្លះបានលួចចូល គឺជាពួកអ្នកដែលមានទោសកត់ទុក តាំងពីដើមមក ជាមនុស្សទមិឡល្មើស ដែលបំផ្លាស់ព្រះគុណរបស់ព្រះនៃយើងរាល់គ្នា ឲ្យទៅជាសេចក្ដីអាសអាភាស ហើយគេមិនព្រមទទួលព្រះអម្ចាស់យេស៊ូវនៃយើង ដែលទ្រង់ជាម្ចាស់តែ១ផងទេ»។
២ពេត្រុស ២:៣៖ «ហើយដោយគេមានចិត្តលោភ នោះគេនឹងប្រើអ្នករាល់គ្នាឲ្យបានចំណេញ ដោយពោលពាក្យបញ្ឆោតបំពោត តែតាំងពីយូរមកហើយ សេចក្ដីជំនុំជម្រះគេមិននៅស្ងៀមស្ងាត់ទេ ហើយសេចក្ដីហិនវិនាសរបស់គេក៏មិនងុយងោកដែរ»។
រ៉ូម ៩:១១-១២៖ [យ៉ាកុប និងអេសាវ] គ្រាដែលកូនមិនទាន់កើតមកនៅឡើយ ហើយមិនទាន់ធ្វើការល្អឬអាក្រក់អ្វី នោះព្រះទ្រង់មានព្រះបន្ទូលប្រាប់នាងថា «កូនច្បងនឹងត្រូវបំរើប្អូន»។ ដូចមានសេចក្តីចែងទុកមកថា «អញបានស្រឡាញ់យ៉ាកុប តែស្អប់អេសាវវិញ» គឺដើម្បីឲ្យព្រះដំរិះរបស់ព្រះ ខាងឯសេចក្តីរើសតាំងបានជាប់នៅ មិនមែនដោយអាងការប្រព្រឹត្តទេ គឺដោយអាងព្រះដែលទ្រង់ហៅវិញ។ ក្នុងកណ្ឌគម្ពីរ ម៉ាឡាគី ១:២-៣ យើងត្រូវតែអានខគម្ពីរនេះ ផ្អែកទៅលើបរិបទ ដែលក្នុងនោះ ខគម្ពីរនេះបានបង្ហាញច្បាស់ថា ព្រះទ្រង់មានអំណាចគ្រប់គ្រង ដោយការតម្រូវទុកជាមុន បានជាទ្រង់ជ្រើសរើសយ៉ាកុប ជាជាងរើសអេសាវ ប៉ុន្តែ ព្រះអង្គក៏បានបង្ហាញឲ្យយើងដឹងថា អេសាវក៏ពិតជាមានភាពទុច្ចរិត និងសមនឹងទទួលការស្តីបន្ទោស ហើយត្រូវទទួលខុសត្រូវពិតមែនដែរ។
រ៉ូម ៩:២២-២៣៖ «ចុះបើសិនជាព្រះទ្រង់ចង់សម្ដែងសេចក្ដីក្រោធ ព្រមទាំងបើកឲ្យស្គាល់ព្រះចេស្ដា ដល់គ្រឿងប្រដាប់គួរនឹងក្រោធ ដែលរៀបចំឡើងសម្រាប់តែត្រូវបំផ្លាញដូច្នេះ ដែលទ្រង់ទ្រាំទ្រដោយអំណត់ជាយូរមកហើយ។ ហើយបើទ្រង់ចង់បើកឲ្យគ្រឿងប្រដាប់ ដែលគួរនឹងសេចក្តីមេត្តាករុណា ដែលទ្រង់បានរៀបចំជាមុន បានស្គាល់សេចក្តីវិសេសនៃសិរីល្អដ៏បរិសុទ្ធរបស់ទ្រង់វិញ»។

និពន្ធដោយ៖ John Piper
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ប៊ុន ធីម៉ូថេ, និងលោក ឯក សត្យា
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

៤៣៨

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៧៣៥០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

អត្ថបទបន្ថែមពី កំណត់ហេតុបណ្ដាញ

១៤២

កំណត់ហេតុបណ្ដាញ២៥ សីហា ២០២៦

តើយើងដើរដោយព្រះវិញ្ញាណដោយរបៀបណា?

លោកគ្រូ តើសាវ័ក ប៉ុល ចង់មានន័យដូចម្ដេច នៅពេលដែលគាត់បានបង្គាប់ឲ្យគ្រីស្ទបរិស័ទ«ដើរដោយព្រះវិញ្ញាណ» ឬ«រក្សាជំហានក្នុងព្រះវិញ្ញាណ»? (រ៉ូម…

អានបន្ថែម

៩៣

កំណត់ហេតុបណ្ដាញ១៨ សីហា ២០២៦

រូបភាពអាសអាភាស និងការទប់ទល់នឹងអំណាចនៃសេចក្ដីល្បួង

នៅថ្ងៃទី០១ ខែមេសា ឆ្នាំ២០០១ លោកគ្រូបានអធិប្បាយនៅព្រះវិហារមួយនៅកណ្ឌគម្ពីរ រ៉ូម:៧។ អត្ថបទនោះមានចំណងជើងថា «សារៈសំខាន់នៃការស្គាល់អំពើបាប…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨៣០២

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៧៨

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

ព្រះតម្រូវទុកជាមុន

១៧ មករា ២០២២អានរយៈពេល ១០ នាទី

មើល១៨២ដង

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​៧០​អាទិត្យ ​ក្នុង​កណ្ឌ​គម្ពីរ​ដានីយ៉ែល​ជា​អ្វី? (ដានីយ៉ែល ៩)

អត្ថបទបន្ថែមពី កំណត់​ហេតុ​បណ្ដាញ

តើយើងដើរដោយព្រះវិញ្ញាណដោយរបៀបណា?

រូប​ភាព​អាសអាភាស និង​ការ​ទប់ទល់​នឹង​អំណាច​នៃ​សេចក្ដី​ល្បួង

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​៧០​អាទិត្យ ​ក្នុង​កណ្ឌ​គម្ពីរ​ដានីយ៉ែល​ជា​អ្វី? (ដានីយ៉ែល ៩)

អត្ថបទបន្ថែមពី កំណត់​ហេតុ​បណ្ដាញ

តើយើងដើរដោយព្រះវិញ្ញាណដោយរបៀបណា?

រូប​ភាព​អាសអាភាស និង​ការ​ទប់ទល់​នឹង​អំណាច​នៃ​សេចក្ដី​ល្បួង

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថបទបន្ថែមពី កំណត់ហេតុបណ្ដាញ

រូបភាពអាសអាភាស និងការទប់ទល់នឹងអំណាចនៃសេចក្ដីល្បួង

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថបទបន្ថែមពី កំណត់ហេតុបណ្ដាញ

រូបភាពអាសអាភាស និងការទប់ទល់នឹងអំណាចនៃសេចក្ដីល្បួង

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)