គន្លឹះនៃសេចក្ដីជំនឿ៖ ការបង្ហាញពីភាពជាអ្នកដឹកនាំដែលចេះបម្រើ

១៤ វិច្ឆិកា ២០២៣អានរយៈពេល ៦ នាទី

មើល២៤០ដង

ប្រព័ន្ធអ៊ីនធឺណិតលើកឡើងអំពីវិធីសាស្ត្រ «គន្លឹះនៃជីវិត» ជាច្រើន—របៀប និងជាបច្ចេកទេសដ៏សម្បូរបែបមួយចំនួនសម្រាប់ជាជំនួយ ដើម្បីបង្កើននូវប្រសិទ្ធភាព និងប្រសិទ្ធផលដល់ជីវិតរស់នៅ។ វាមានភាពសាមញ្ញៗ ដើម្បីប្រើប្រាស់ក្នុងការបំពេញកិច្ចការប្រចាំថ្ងៃអស់ទាំងនេះ ដែលជួយឲ្យមានជីវិតប្រកបដោយភាពងាយស្រួល។ ថ្វីបើមានគន្លឹះនៃជីវិតជាច្រើនវាប្លែកៗ និងគួរឲ្យអស់សំណើចក្ដី ក៏នៅមានមួយចំនួនបង្ហាញថា វាទាំងមានអត្ថន័យ និងជួយ ហើយខ្ញុំក៏បានយកមកអនុវត្តជាច្រើននៅក្នុងជីវិតខ្ញុំផ្ទាល់ដែរ។

ខ្ញុំក៏ចូលចិត្តស្វែងរក «គន្លឹះសម្រាប់សេចក្ដីជំនឿ» ថ្មីៗដែរ—របៀបអនុវត្តន៍ជាក់ស្ដែង ឬបច្ចេកទេស ដើម្បីរស់នៅជីវិតជាគ្រីស្ទបរិស័ទ។ នេះមិនមែនមានន័យថា ខ្ញុំចង់រស់នៅបែបជាគ្រីស្ទបរិស័ទប្រកបដោយភាពងាយស្រួល និងមានប្រសិទ្ធភាពខ្លាំងអ្វីនោះទេ ប៉ុន្តែមានន័យថាខ្ញុំគ្រាន់តែចង់ទទួលបានការយល់ដឹងថ្មីៗពីអ្នកដ៏ទៃទៀត ខណៈពេលដែលពួកគាត់ធ្វើការចែករំលែកអំពីរបៀបដែលពួកគាត់រស់នៅក្នុងជីវិតជាគ្រីស្ទបរិស័ទ។ ខ្ញុំនឹងចែករំលែកនូវកិច្ចការមួយចំនួនទៀតជាមួយនឹងលោកអ្នក(គន្លឹះនៃសេចក្ដីជំនឿ៖ ការបង្ហាញពីភាពជាអ្នកដឹកនាំដែលចេះបម្រើ គន្លឹះនៃសេចក្ដីជំនឿ៖ វិធីសាស្ត្រដ៏សាមញ្ញមួយក្នុងការរៀបចំការអធិស្ឋានរបស់លោកអ្នក គន្លឹះនៃសេចក្ដីជំនឿ៖ ការឃ្វាលកូនៗផ្ទាល់ខ្លួនរបស់លោកអ្នក និងគន្លឹះនៃសេចក្ដីជំនឿ៖ ការទទួលបាននូវភាពប្រសើរឡើងក្នុងការសញ្ជឹងគិត)។

ខ្ញុំនឹងចាប់ផ្ដើមដោយការនេះ៖ របៀបដ៏សាមញ្ញមួយក្នុងការបង្ហាញភាពជាអ្នកដឹកនាំដែលចេះបម្រើ ប្រកបដោយការបន្ទាបខ្លួន។ ទោះបីជាចំណុចនេះសំដៅភាគច្រើនទៅលើអ្នកដឹកនាំក្រុមជំនុំក៏ដោយ ប៉ុន្តែវាក៏ជាចំណុចអនុវត្តសម្រាប់គ្រីស្ទបរិស័ទគ្រប់ៗរូបផងដែរ។

លោកគ្រូគង្វាល ឌើវីន ហ្ក្រេ (Derwin Gray) ជាគ្រូគង្វាលនៃក្រុមជំនុំកំណែទម្រង់ (Transformation Church) នៅឆាឡត (Challote) នៅភាគខាងជើងនៃ ខារ៉ូលីនា (Carolina) លោកចង់ឲ្យក្រុមជំនុំរបស់ខ្លួនក្លាយទៅជាសហគមន៍នៃអ្នកដឹកនាំដែលចេះបម្រើ។ លើសជាងនេះទៅទៀត «ភាពជាអ្នកដែលបម្រើ ត្រូវបានកំណត់នូវលក្ខណៈនៃភាពជាអ្នកដឹកនាំ ហើយជាតម្លៃស្នូលនៃអត្ថន័យនៃភាពជាអ្នកតំណាងរបស់ព្រះយេស៊ូវ»។ គាត់ជឿថា «ភាពជាអ្នកដឹកនាំគឺជាការដាក់បញ្ចូលលក្ខណៈនូវអ្វីដែលលោកអ្នកចង់ឲ្យអ្នកដទៃទៀតក្លាយទៅជា»។ ដើម្បីឲ្យក្លាយជាក្រុមជំនុំមានភាពជាអ្នកដឹកនាំដែលចេះបម្រើ អ្នកដឹកនាំគួរតែជាអ្នកនាំផ្លូវ។

តើលោក ហ្ក្រេ អាចបង្ហាញបានយ៉ាងដូចម្ដេចអំពីអ្វីដែលគាត់ចង់ឲ្យអ្នកដទៃទៀតធ្វើដែរ? គឺដោយសាមញ្ញ៖ លោក និងអ្នករួមការបម្រើចតឡាននៅទីឆ្ងាយជាងគេពីអគារក្រុមជំនុំ។ ជាជាងយកកន្លែងចតល្អៗ ពួកគាត់បានទុកកន្លែងនោះសម្រាប់អ្នកដទៃ ហើយចាប់យកកន្លែងដែលអន់ជាងគេ។ ការដើរពីកន្លែងចំណតមកអគារក្រុមជំនុំ និងការដើរពីអគារក្រុមជំនុំទៅចំណតយានយន្តរបស់ពួកគាត់ គឺជាការបង្ហាញយ៉ាងច្បាស់ថា ពួកគាត់កំពុងតែបង្ហាញក្នុងរបៀបដែលអាចមើលឃើញអំពីអ្វីដែលពួកគាត់ចង់ឲ្យក្រុមជំនុំធ្វើតាម។

ខ្ញុំគិតថា មានអ្វីដែលបន្ថែមលើសពីនោះទៅទៀត៖ គឺពួកគាត់ជួបមនុស្សបានច្រើនជាងដែលពួកគាត់ចតនៅចំណត ហើយដើរប្រញាប់ប្រញាល់ចូលទៅក្នុងអគារពីកន្លែងដែលបម្រុងទុកសម្រាប់គាត់។

តើលោកអ្នកចង់អនុវត្តអំពីចំណុចនៃការមានដួងចិត្តនៃភាពជាអ្នកបម្រើ ហើយអាចជួបមនុស្សកាន់តែច្រើនជាងមុនក្នុងអំឡុងពេលជាមួយគ្នានោះដែរឬទេ? សូមជ្រើសយកកន្លែងចតយានយន្តដែលនៅឆ្ងាយជាងគេ។

និពន្ធដោយ៖ Tim Challies
បកប្រែដោយ៖ លោក ស៊ូ ទិត្យ
កែសម្រួលដោយ៖ លោក ខែម បូឡុង, កញ្ញា ហុង រស្មី, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោក សឹម រក្សា, និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.challies.com ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៧៧

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៧

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម