របៀបថ្វាយសិរីល្អដល់ព្រះនៅកន្លែងធ្វើការ

ចូរឱបក្រសោបអំណោយទាននោះ ហើយធ្វើជាអ្នកគ្រប់គ្រងដ៏ល្អលើជំនាញទាំងនោះចុះ។ ការពឹងពាក់ និងភាពស្មោះត្រង់ គឺជាមូលដ្ឋានគ្រឹះនៃការលូតលាស់ខាងឯជំនាញ។

២៦ មេសា ២០១៧អានរយៈពេល ៩ នាទី

មើល២១៨០ដង

មា

នគេសួរខ្ញុំថា តើការដែលយើងត្រូវបង្ហាត់បង្រៀនយុវជនជំនាន់ក្រោយអំពីរបៀបធ្វើការ គឺជាការល្អដែរឬទេ? ខ្ញុំបានឆ្លើយថា ល្អណាស់ ព្រោះកណ្ឌគម្ពីរ ១កូរិនថូស ១០:៣១ បានលើកឡើងថា «ដូច្នេះ ទោះបើអ្នកបរិភោគ ឬផឹក ឬធ្វើអ្វីក៏ដោយ ចូរធ្វើអ្វីៗទាំងអស់សម្រាប់ជាសិរីល្អដល់ព្រះចុះ» (គកស)។

ហើយគេក៏បន្តសួរខ្ញុំថា៖ តើយុវជនជំនាន់ថ្មីអាចថ្វាយសិរីល្អដល់ព្រះជាម្ចាស់បានដោយរបៀបណា?

ខាងក្រោមនេះជាចម្លើយដែលខ្ញុំបានប្រាប់ពួកគាត់៖

ចូរមានការពឹងពាក់

ចូរទៅធ្វើការដោយពឹងលើព្រះជាម្ចាស់ទាំងស្រុង។ «ចូរទីពឹងដល់ព្រះយេហូវ៉ាឲ្យអស់អំពីចិត្ត កុំឲ្យពឹងផ្អែកលើយោបល់របស់ខ្លួនឡើយ ត្រូវឲ្យទទួលស្គាល់ទ្រង់នៅគ្រប់ទាំងផ្លូវឯងចុះ នោះទ្រង់នឹងដំរង់អស់ទាំងផ្លូវច្រករបស់ឯង» (សុភាសិត ៣:៥-៦)។ «ខ្ញុំជាគល់ អ្នករាល់គ្នាជាខ្នែង អ្នកណាដែលនៅជាប់នឹងខ្ញុំ ហើយខ្ញុំជាប់នឹងអ្នកនោះ នោះទើបនឹងបង្កើតផលឡើងជាច្រើន ដ្បិតបើដាច់ពីខ្ញុំចេញ នោះអ្នករាល់គ្នាពុំអាចនឹងធ្វើអ្វីបានទេ» (យ៉ូហាន ១៥:៥)។ ប្រសិនបើលោកអ្នកគ្មានព្រះជាម្ចាស់ នោះលោកអ្នកនឹងមិនអាចដកដង្ហើម កម្រើក គិតពិចារណា មានអារម្មណ៍ ឬក៏និយាយបានឡើយ។ នេះខ្ញុំមិនទាន់បានលើកឡើងអំពីតម្រូវការខាងព្រលឹងវិញ្ញាណរបស់លោកអ្នកនៅឡើយផង។ ចូរភ្ញាក់ឡើងនៅពេលព្រឹក ហើយប្រាប់ព្រះជាម្ចាស់ថា លោកអ្នកត្រូវការទ្រង់យ៉ាងខ្លាំង។ ចូរអធិស្ឋានសូមជំនួយពីព្រះអង្គ។

ចូរមានភាពស្មោះត្រង់

ចូរបង្ហាញភាពស្មោះត្រង់ឲ្យអស់ពីសមត្ថភាពដែលលោកអ្នកអាចធ្វើបាននៅកន្លែងធ្វើការ និងធ្វើជាមនុស្សម្នាក់ដែលអ្នកដទៃអាចទុកចិត្តបាន។ ចូរទៅធ្វើការឲ្យទៀងទាត់ម៉ោង ហើយធ្វើការឲ្យដល់ម៉ោងកំណត់។ «កុំឲ្យលួចប្លន់ឲ្យសោះ» (និក្ខមនំ ២០:១៥)។ មានមនុស្សជាច្រើនបានលួចលុយពីកន្លែងធ្វើការរបស់ខ្លួនតាមរយៈការខ្ជះខ្ជាយពេលវេលានៅកន្លែងធ្វើការ គឺច្រើនជាងចោរឆក់កាបូបទៅទៀត។

ចូរប្រើជំនាញ

ចូរខំប្រឹងធ្វើការឲ្យបានល្អ! ព្រះជាម្ចាស់មិនគ្រាន់តែប្រទានព្រះគុណឲ្យលោកអ្នកអាចមានភាពស្មោះត្រង់ប៉ុណ្ណោះទេ ប៉ុន្តែទ្រង់ថែមទាំងប្រទានជំនាញជាអំណោយទានដល់លោកអ្នកទៀតផង។ ចូរឱបក្រសោបអំណោយទាននោះ ហើយធ្វើជាអ្នកគ្រប់គ្រងដ៏ល្អលើជំនាញទាំងនោះចុះ។ ការពឹងពាក់ និងភាពស្មោះត្រង់ គឺជាមូលដ្ឋានគ្រឹះនៃការលូតលាស់ខាងឯជំនាញ។

ចូរបង្កើតឧត្តមភាព

នៅពេលដែលលោកអ្នកកាន់តែមានឥទ្ធិពល និងឱកាស នោះចូរព្យាយាមបង្កើតសីលធម៌នៅកន្លែងធ្វើការ ដើម្បីឲ្យរចនាសម្ព័ន្ធ គោលនយោបាយ ក្ដីរំពឹង និងគោលបំណងនៅកន្លែងនោះ ឲ្យកាន់តែក្លាយទៅជាអ្វីដែលព្រះគ្រីស្ទសព្វព្រះហឫទ័យ។ ចូរចាំ បំណងព្រះហឫទ័យរបស់ព្រះជាម្ចាស់សម្រាប់យើង គឺឲ្យយើងថ្វាយសិរីល្អដល់ទ្រង់ ហើយឲ្យយើងមានអំណរក្នុងទ្រង់ (ទំនុកតម្កើង ១៤៥)។ នោះឯងជាឧត្តមភាពមួយដែលយើងគួរមានក្នុងជីវិតផ្ទាល់ខ្លួន។

ចូរជះឥទ្ធិពល

ចូរព្យាយាមជះឥទ្ធិពលនៅកន្លែងធ្វើការរបស់លោកអ្នក ដើម្បីឲ្យក្លាយទៅជាកន្លែងមួយដែលជួយជីវិតអ្នកដទៃ ដោយមិនបំផ្លាញព្រលឹងវិញ្ញាណរបស់ពួកគេ។ មានកន្លែងធ្វើការខ្លះ ជាកន្លែងដែលជះឥទ្ធិពលដល់អ្នកដទៃ ប៉ុន្តែក៏ជាកន្លែងដែលបំផ្លាញពួកគេផងដែរ ឧទាហរណ៍៖ ការបង្កើតរូបអាសអាភាស វីដេអូហ្គេម កន្លែងយកកូនចេញ ការឆបោកអ្នកដទៃ។ល។ ប៉ុន្តែក៏នៅមានកន្លែងធ្វើការមួយចំនួនផ្សេងទៀត ដែលអាចជួយបង្កើតការជះឥទ្ធិពលដែរ ជាកន្លែងដែលផ្ដល់ជីវិតដោយមិនបំផ្លាញព្រលឹងអ្នកដទៃ។ នៅពេលដែលលោកអ្នកមានឱកាស ចូរព្យាយាមជះឥទ្ធិពល ដែលជាប្រភពនៃជីវិតដល់អ្នកដទៃ។

ចូរចេះទាក់ទងគ្នា

កន្លែងធ្វើការ គឺជាកន្លែងមួយសម្រាប់បង្កើតទំនាក់ទំនង។ យើងអាចមានទំនាក់ទំនង នៅពេលដែលយើងចេះទាក់ទងគ្នា។ ចូរបញ្ចេញទស្សនៈជាគ្រីស្ទបរិស័ទរបស់លោកអ្នកនៅក្នុងទំនាក់ទំនងប្រចាំថ្ងៃរបស់លោកអ្នក។ ចូរកុំលាក់ពន្លឺរបស់លោកអ្នកក្រោមកញ្ជើឡើយ តែចូរដាក់នៅកន្លែងដែលអ្នកដទៃអាចមើលឃើញ។ ចូរធ្វើការក្នុងលក្ខណៈដែលគួរឲ្យអ្នកដទៃស្រឡាញ់។ ចូរធ្វើដោយធម្មតា។ ចូរធ្វើដោយអំណរអរ។ ចូរឲ្យអស់អ្នកដែលស្រឡាញ់សេចក្ដីសង្គ្រោះរបស់ខ្លួនលើកឡើងម្ដងហើយម្ដងទៀតថា៖ ព្រះអម្ចាស់ ទ្រង់ល្អអស្ចារ្យណាស់! «ចំណែកពួកអស់អ្នកដែលស្វែងរកទ្រង់ នោះសូមឲ្យគេបានរីករាយសប្បាយក្នុងទ្រង់ចុះ សូមឲ្យអស់អ្នកដែលស្រឡាញ់សេចក្ដីសង្គ្រោះនៃទ្រង់ បានពោលជានិច្ចថា សូមឲ្យព្រះយេហូវ៉ាបានថ្កើងឡើង»
(ទំនុកតម្កើង ៤០:១៦)។

ចូរស្រឡាញ់

ចូរបម្រើអ្នកដទៃ។ ចូរធ្វើជាអ្នកស្ម័គ្រចិត្តក្នុងការទៅទិញគុយទាវ ឬក៏ឌុបអ្នកដទៃ។ ចូរធ្វើជាអ្នករៀបចំកម្មវិធី។ ចូរយកចិត្តទុកដាក់ជាមួយអ្នកនៅកន្លែងធ្វើការ។ ចូររស់នៅដោយបង្ហាញឲ្យអ្នកដទៃឃើញថា លោកអ្នកជាមនុស្សដែលយកចិត្តទុកដាក់ចំពោះពួកគេ។ ចូរកុំគ្រាន់តែធ្វើជាអ្នកដែលបង្កើតភាពអរសប្បាយនៅចុងសប្ដាហ៍ឡើយ តែចូរធ្វើជាអ្នកដែលយកអាសាចំពោះការលំបាកដ៏ធ្ងន់ធ្ងររបស់ពួកគេនៅថ្ងៃដើមសប្ដាហ៍ដែរ។ ចូរស្រឡាញ់មនុស្សគ្រប់គ្នាដែលលោកអ្នកធ្វើការជាមួយ ហើយណែនាំឲ្យពួកគេស្គាល់ព្រះយេស៊ូវគ្រីស្ទ ដែលជាអ្នកយកអាសាចំពោះការលំបាកដ៏ធ្ងន់ធ្ងររបស់អ្នកដទៃ។

លុយកាក់

កន្លែងធ្វើការ គឺជាកន្លែងដែលលោកអ្នករកលុយ ហើយក៏ជាកន្លែងដែលលោកអ្នកចាយលុយផងដែរ។ លុយកាក់ទាំងនោះជារបស់ព្រះជាម្ចាស់ មិនមែនជារបស់លោកអ្នកនោះទេ។ ព្រះជាម្ចាស់គ្រាន់តែឲ្យលោកអ្នកកាន់លុយកាក់នោះទេតើ។ ចូរប្រើលុយកាក់ទាំងនោះដោយចិត្តសប្បុរស ដើម្បីបង្ហាញអំពីរបៀបដែលលោកអ្នកគ្រប់គ្រងលុយកាក់ដែលព្រះជាម្ចាស់បានប្រទានឲ្យលោកអ្នក។ ចូរកុំធ្វើការដើម្បីលុយ ប្រយោជន៍នឹងក្លាយជាអ្នកមានឡើយ! តែចូរធ្វើការដើម្បីឲ្យមានលុយចែកដល់អ្នកដទៃ និងដើម្បីវិនិយោគទៅលើព័ន្ធកិច្ចដែលថ្វាយសិរីល្អដល់ព្រះគ្រីស្ទ។ ចូរប្រើលុយកាក់របស់លោកអ្នក ដើម្បីប្រកាសអំពីព្រះគ្រីស្ទក្នុងលក្ខណៈដែលបង្ហាញថា ទ្រង់គឺជាសម្បត្តិដ៏ធំបំផុតសម្រាប់ជីវិតរបស់លោកអ្នក។

ចូរចេះអរគុណ

ចូរអរព្រះគុណព្រះជាម្ចាស់ ព្រោះទ្រង់បានប្រទានជីវិត ខ្យល់ដង្ហើម ការងារ និងព្រះយេស៊ូវគ្រីស្ទដល់លោកអ្នក។ ចូរធ្វើជាមនុស្សដែលចេះអរគុណនៅកន្លែងធ្វើការ។ ចូរកុំធ្វើជាមនុស្សម្នាក់នៅក្នុងចំណោមអ្នកដែលត្អូញត្អែរឡើយ។ ចូរសម្ដែងការអរព្រះគុណដល់ព្រះជាម្ចាស់តាមរយៈការបន្ទាបខ្លួនចំពោះអ្នកដទៃដោយមានអំណរគុណ។ ចូររស់នៅដោយបង្ហាញថា ខ្លួនមានពេញដោយក្ដីសង្ឃឹម ចេះបន្ទាបខ្លួន និងចេះអរគុណនៅកន្លែងធ្វើការ។

មានចំណុចជាច្រើនទៀតដែលយើងអាចលើកឡើង អំពីការដែលយើងថ្វាយសិរីល្អដល់ព្រះជាម្ចាស់នៅកន្លែងធ្វើការ។ ចំណុចខាងលើនេះ គឺគ្រាន់តែជាការចាប់ផ្ដើមប៉ុណ្ណោះ។ ចូរកត់សម្គាល់នូវចំណុចផ្សេងៗទៀត នៅពេលដែលព្រះជាម្ចាស់បើកសម្ដែងឲ្យលោកអ្នកឃើញ។ ចំណុចស្នូលគឺ៖ មិនថាលោកអ្នកធ្វើអ្វីក៏ដោយ ទោះបើញ៉ាំ ឬក៏ផឹកក្ដី ចូរធ្វើទាំងអស់ដោយបង្ហាញអំពីភាពអស្ចារ្យរបស់ព្រះជាម្ចាស់។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ John Piper
បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់, លោក ទេព រ៉ូ និងលោក អ៊ុន ជ័យរិទ្ធ
ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

២ពិន្ទុ

តើលោកអ្នកយល់យ៉ាងណាដែរ?

៤៣៦

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៦៣៤៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៤

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

៧៥

កំណត់ហេតុបណ្ដាញ១៨ សីហា ២០២៦

រូបភាពអាសអាភាស និងការទប់ទល់នឹងអំណាចនៃសេចក្ដីល្បួង

នៅថ្ងៃទី០១ ខែមេសា ឆ្នាំ២០០១ លោកគ្រូបានអធិប្បាយនៅព្រះវិហារមួយនៅកណ្ឌគម្ពីរ រ៉ូម:៧។ អត្ថបទនោះមានចំណងជើងថា «សារៈសំខាន់នៃការស្គាល់អំពើបាប…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៩៥

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៧៥

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម