តើជាការខុសឆ្គងឬទេដែលមនុស្សប្រុសស្ដាប់ការអធិប្បាយរបស់មនុស្សស្រី?

យើងខ្ញុំក៏ចង់រៀនសូត្រពីប្រពន្ធរបស់យើងខ្ញុំដែរ។ ហើយយើងខ្ញុំក៏សប្បាយចិត្តណាស់ក្នុងការរៀនសូត្រពីការនិយាយស្ដីរបស់មនុស្សស្រីដែរ។ ប៉ុន្តែ យើងខ្ញុំមិនចង់មានទំនាក់ទំនងនៃការស្ដាប់ ឬក៏ការទៅចូលរួមនៅក្រុមជំនុំណាមួយ ដែលមានមនុស្សស្រីជាគ្រូគង្វាល ឬក៏អ្នកមានអំណាចលើយើងខ្ញុំនោះទេ។ នេះគឺជាចំណុចគ្រោះថ្នាក់សម្រាប់មនុស្សប្រុស។ យើងខ្ញុំអាចពន្យល់អំពីមូលហេតុនេះចេញពីព្រះគម្ពីរ ចេញពីបទពិសោធន៍ និងចេញពីផ្លូវចិត្តបាន ប៉ុន្តែយើងខ្ញុំទើបតែបានលើកឡើងនូវការសង្ខេបត្រួសៗសម្រាប់លោកអ្នក។

៨ វិច្ឆិកា ២០២១អានរយៈពេល ៥ នាទី

មើល២៧៥ដង

«ខ្ញុំជាមនុស្សប្រុស។ តើជាការខុសឆ្គងឬទេដែលខ្ញុំស្តាប់ការអធិប្បាយរបស់មនុស្សស្រីដែលជាគ្រីស្ទបរិស័ទ?

ទេ! វាមិនខុសឆ្គងទេ លុះត្រាតែលោកអ្នកចាប់ផ្ដើមរំពឹងលើគាត់ថាជាគ្រូគង្វាលរបស់ខ្លួន។

នេះគឺជាអារម្មណ៍របស់យើងខ្ញុំ នៅពេលដែលមានមនុស្សស្រីមួយចំនួនឡើងនិយាយពេលខ្លះនៅសាលាថ្ងៃអាទិត្យ។ យើងមិនចាំបាច់រើសអើងពេកទេ។ ព្រះគម្ពីរបានលើកឡើងយ៉ាងច្បាស់លាស់ហើយថា «មិនបើកឲ្យស្ត្រីណាបង្រៀន ឬឲ្យមានអំណាចលើបុរសទេ» (១ធីម៉ូថេ ២:១២)។ ក្នុងបរិបទនេះ នេះមានន័យថា ស្ត្រីមិនគួរមានអំណាចបែបជាគ្រូបង្រៀនក្នុងក្រុមជំនុំនោះទេ។ ហើយពួកគាត់ក៏មិនគួរធ្វើជាអ្នកចាស់ទុំនៅក្នុងក្រុមជំនុំដែរ។ គ្រូគង្វាលជាច្រើនយល់ស្របអំពីចំណុចនេះក្នុងរបៀបនេះ។

តើនេះមិនមែនមានន័យថា លោកអ្នកមិនអាចរៀនសូត្រពីមនុស្សស្រីនោះទេ។ នេះមិនមែនមានន័យថា មនុស្សស្រីល្ងង់ ឬក៏មិនមានសមត្ថភាពក្នុងការគិតគូរនោះទេ។ នេះគ្រាន់តែមានន័យថា មានទំនាក់ទំនងពិសេសរវាងមនុស្សប្រុស និងមនុស្សស្រី។ ប្រសិនបើស្ត្រីណាម្នាក់ចាប់ផ្ដើមមានអំណាចក្នុងឋានៈនៃការបង្រៀនក្នុងជីវិតរបស់លោកអ្នក នោះមានន័យថា ភាពជាបុរសនៃមនុស្សប្រុស និងភាពជាស្ត្រីនៃមនុស្សស្រីបានទទួលការខូចខាតហើយ។

នេះគឺជាចំណុចខ្វែងគំនិតគ្នាយ៉ាងខ្លាំង។ មានមនុស្សរាប់ពាន់នាក់ ឬក៏ប្រហែលរាប់លាននាក់ ដែលគិតថាគំនិតនេះគឺឆ្កួត ១០០% ហើយ។ នៅពេលដែលយើងខ្ញុំកំពុងតែប្រយុទ្ធក្នុងសង្គ្រាមនៃឋានៈសម្រាប់មនុស្សប្រុស និងមនុស្សស្រីមានគេបានលើកឡើងជាច្រើនឆ្នាំមុនថា យើងខ្ញុំឆ្កួត។ យើងខ្ញុំមិនឆ្កួតទេ។ នៅសព្វថ្ងៃនេះ មានទាំងមនុស្សវ័យចំណាស់ និងវ័យក្មេងជាច្រើននាក់បានឯកភាព ១០០% ជាមួយនឹងយើងខ្ញុំ។

តើមនុស្សប្រុសគួរស្តាប់ស្ត្រីដូចជាលោកស្រី អេលីសាបិត អេលាត (Elisabeth Elliot) ដែរឬទេ? គាត់មានភាពល្បីល្បាញក្នុងជំនាន់យើងខ្ញុំ។ លោកស្រី អេលីសាបិត អេលាត ជំរុញឲ្យមនុស្សវ័យក្មេងធ្វើជាបេសកជនដែលស្ម័គ្រចិត្តស្លាប់សម្រាប់ព្រះគ្រីស្ទ។ យើងខ្ញុំពិតជាស្រឡាញ់ចំណុចនេះណាស់! សូមលោកស្រី អេលីសាបិត បន្តប្រាប់គេចុះ! គាត់មានភាពក្លាហានយ៉ាងខ្លាំងអំពីការលះបង់ជីវិតរបស់ខ្លួន ហើយពិតជាស្ដាប់បង្គាប់ ហើយមានការប្រាជ្ញាចិត្ត ១០០% ក្នុងការបម្រើព្រះ។ គាត់មិនមែនជាគ្រូគង្វាល ហើយគាត់ក៏មិនបានអធិប្បាយនៅព្រឹកថ្ងៃអាទិត្យដែរ។ គាត់គឺជាប្រភេទនៃស្ត្រីដែលយើងខ្ញុំពេញចិត្តយ៉ាងខ្លាំង។ យើងខ្ញុំអាចរៀនបានចំណុចជាច្រើនពីគាត់។

យើងខ្ញុំគិតថា មានមនុស្សស្រីជាច្រើននាក់ដែលជាគ្រូអធិប្បាយនឹងមានចិត្តរីករាយជាមួយនឹងចម្លើយរបស់យើងខ្ញុំ។ ប៉ុន្តែ វាអាចក្លាយជាការខុសឆ្គងបាន ដូច្នេះលោកអ្នកត្រូវតែមានការប្រុងប្រយ័ត្ន។

លោកគ្រូបានបញ្ជាក់ថា វាមិនមែនជារឿងខុសឆ្គងទេដែលមនុស្សប្រុសស្ដាប់ការនិយាយរបស់ លុះត្រាតែគាត់ចាប់ផ្ដើមស្ដាប់មនុស្សស្រីនោះក្នុងលក្ខណៈបែបថាជាគ្រូគង្វាលរបស់គាត់។

និពន្ធដោយ៖ John Piper
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ឯក សត្យា, លោក សឹម រក្សា, លោក Jeff Lai និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

៤៤៥

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៧៤

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម