ព្រះយេស៊ូវសុគតដើម្បីផ្គាប់ព្រះហឫទ័យព្រះវរបិតា

ព្រះយេស៊ូវមិនបានតយុទ្ធនឹងសេចក្ដីខ្ញាល់របស់ព្រះវរបិតានៃទ្រង់នៅទីលាននគរស្ថានសួគ៌នោះទេ ហើយទ្រង់ក៏មិនបានដកយកខ្សែតីចេញពីព្រះហស្ដរបស់ព្រះវរបិតាដែរ។ ទ្រង់ក៏មិនបានបង្ខំព្រះវរបិតាឲ្យមេត្តាដល់មនុស្សដែរ។

១៨ មេសា ២០១៦អានរយៈពេល ៦ នាទី

មើល១៦៤៧ដង

ព្រះ

យេស៊ូវមិនបានតយុទ្ធនឹងសេចក្ដីខ្ញាល់របស់ព្រះវរបិតានៃទ្រង់នៅទីលាននគរស្ថានសួគ៌នោះទេ ហើយទ្រង់ក៏មិនបានដកយកខ្សែតីចេញពីព្រះហស្ដរបស់ព្រះវរបិតាដែរ។ ទ្រង់ក៏មិនបានបង្ខំព្រះវរបិតាឲ្យមេត្តាដល់មនុស្សដែរ។ ហើយការសុគតរបស់ព្រះយេស៊ូវមិនមែនជាការចុះចូលដោយជូរចត់នឹងព្រះវរបិតា ដើម្បីសុំឲ្យទ្រង់មេត្តាដល់អ្នកមានបាបនោះទេ។ ព្រះយេស៊ូវមិនបានធ្វើដូច្នោះទេ តែអ្វីដែលទ្រង់បានធ្វើក្នុងគ្រាដែលទ្រង់ត្រូវរងទុក្ខ ហើយសុគតនោះគឺជាគម្រោងរបស់ព្រះវរបិតារបស់ទ្រង់ទៅវិញទេ។ នោះគឺជាយុទ្ធសាស្ត្រដ៏អស្ចារ្យមួយដែលមានតាំងតែពីមុនការបង្កើតលោកទៅទៀត នៅខណៈពេលដែលព្រះជាម្ចាស់ទតមើល ហើយរៀបចំប្រវត្តិសាស្ត្រពិភពលោកនេះ។ ហេតុដូច្នេះហើយបានជាព្រះគម្ពីរចែងអំពី «...បំណង និងព្រះគុណរបស់ព្រះអង្គ ដែលបានប្រទានមកយើងក្នុងព្រះគ្រីស្ទយេស៊ូវ មុនសម័យកាលទាំងអស់មកម៉្លេះ» (២ធីម៉ូថេ ១:៩ គកស)។

លើសពីនេះទៅទៀត ព្រះគម្ពីរសញ្ញាចាស់បានបង្ហាញឲ្យឃើញពីផែនការរបស់ព្រះជាម្ចាស់រួចទៅហើយ។ ដូចដែរហោរា អេសាយ បានទាយពីការរងទុក្ខរបស់ព្រះម៊ែស៊ីដែលត្រូវយាងមកទទួលទោសជំនួសមនុស្សមានបាបតាំងពីមុនមកម្ល៉េះ។ លោកបានមានប្រសាសន៍ថា ព្រះគ្រីស្ទនឹងធ្វើ «ជាអ្នកដែលព្រះបានវាយ» ជំនួសយើង។

ទ្រង់បានទ្រាំទ្រ រងអស់ទាំងសេចក្ដីឈឺចាប់របស់យើង ហើយបានទទួលផ្ទុកអស់ទាំងសេចក្ដីទុក្ខព្រួយរបស់យើងពិត ប៉ុន្តែយើងរាល់គ្នាបានរាប់ទ្រង់ទុកជាអ្នកមានទោសវិញ គឺជាអ្នកដែលព្រះបានវាយ ជាអ្នកដែលរងវេទនា តែទ្រង់ត្រូវរបួស ដោយព្រោះអំពើរំលងរបស់យើង ក៏ត្រូវវាយជាំ ដោយព្រោះអំពើទុច្ចរិតរបស់យើងទេ ឯការវាយផ្ចាលដែលនាំឲ្យយើងបានជាមេត្រី នោះបានធ្លាក់ទៅលើទ្រង់ ហើយយើងរាល់គ្នាបានប្រោសឲ្យជា ដោយសារស្នាមរំពាត់នៅអង្គទ្រង់ យើងទាំងអស់គ្នាបានទាសចេញដូចជាចៀម គឺយើងបានបែរចេញទៅតាមផ្លូវយើងរៀងខ្លួន ហើយព្រះយេហូវ៉ាបានទំលាក់អំពើទុច្ចរិតរបស់យើងទាំងអស់គ្នាទៅលើទ្រង់ (អេសាយ ៥៣:៤-៦)។

ប៉ុន្តែអ្វីដែលគួរឲ្យភ្ញាក់ផ្អើលបំផុតអំពីការជំនួសរបស់ព្រះគ្រីស្ទសម្រាប់អ្នកមានបាបនោះ គឺថាវាជាគម្រោងរបស់ព្រះវរបិតា។ ព្រះគ្រីស្ទមិនបានបំពានលើផែនការរបស់ព្រះជាម្ចាស់ក្នុងការដាក់ទោសអ្នកមានបាបនោះទេ ប៉ុន្តែព្រះជាម្ចាស់បានមានផែនការជាមុនក្នុងការឲ្យព្រះយេស៊ូវទទួលសេចក្តីក្រោធជំនួសយើង។ ហោរានៅសម័យសញ្ញាចាស់ម្នាក់បានមានប្រសាសន៍ថា «ទោះបើយ៉ាងនោះ គង់តែព្រះយេហូវ៉ាបានសព្វព្រះហឫទ័យនឹងវាយទ្រង់ឲ្យជាំ ហើយឲ្យឈឺចាប់...» (អេសាយ ៥៣:១០)។

កថាខណ្ឌខាងលើនេះពន្យល់ពីហេតុផលខគម្ពីរខ្លះៗនៅក្នុងសញ្ញាថ្មីដែលមើលទៅហាក់ដូចជា មិនស៊ីគ្នាទៅនឹងខគម្ពីរផ្សេងៗ តែតាមពិតគ្មានខគម្ពីរណាដែលមិនស៊ីគ្នានោះទេ។ ម្យ៉ាង ការរងទុក្ខរបស់ព្រះគ្រីស្ទ គឺជាភស្តុតាងដែលបង្ហាញពីការដែលព្រះជាម្ចាស់ចាក់សេចក្ដីក្រោធរបស់ទ្រង់លើព្រះយេស៊ូវ ដោយព្រោះតែអំពើបាបរបស់មនុស្សលោក។ ប៉ុន្តែម្យ៉ាងវិញទៀត ការរងទុក្ខរបស់ព្រះគ្រីស្ទគឺជាការចុះចូល និងជាការស្ដាប់បង្គាប់តាមព្រះហឫទ័យរបស់ព្រះវរបិតាយ៉ាងអស់ពីចិត្ត។ ដូច្នេះហើយបានជាព្រះគ្រីស្ទបន្លឺសំឡេងពីលើឈើឆ្កាងយ៉ាងខ្លាំងថា «...ឱព្រះនៃទូលបង្គំ ព្រះនៃទូលបង្គំអើយ ហេតុអ្វីបានជាព្រះអង្គបោះបង់ទូលបង្គំចោលដូច្នេះ?» (ម៉ាថាយ ២៧:៤៦ គខប)។ ហើយមិនតែប៉ុណ្ណោះ ព្រះគម្ពីរក៏បានចែងដែរថា ការរងទុក្ខរបស់ព្រះគ្រីស្ទគឺជាក្លិនឈ្ងុយថ្វាយដល់ព្រះជាម្ចាស់។ «...ព្រះគ្រីស្ទបានស្រឡាញ់យើង ព្រមទាំងប្រគល់ព្រះអង្គទ្រង់ជំនួសយើង ទុកជាតង្វាយ និងជាយញ្ញបូជាដ៏មានក្លិនក្រអូបចំពោះព្រះ» (អេភេសូរ ៥:២ គកស)។

ចូរយើងនាំគ្នាថ្វាយបង្គំដល់ព្រះដែលស្រឡាញ់យើងយ៉ាងខ្លាំងអស្ចារ្យចុះ! ការថ្វាយបង្គំដ៏ពិតមិនមែនគ្រាន់តែតាមអារម្មណ៍របស់យើងនោះទេ។ ហើយការថ្វាយបង្គំដ៏ពិតក៏មិនគួរកើតចេញពីភាពល្ងីល្ងើរបស់យើងនោះដែរ។ ព្រះជាម្ចាស់បានធ្វើនូវការដែលយើងគិតថាទ្រង់មិនគួរធ្វើ ដើម្បីជាប្រយោជន៍ដល់យើង៖ គឺទ្រង់បានចាក់សេចក្ដីក្រោធរបស់ទ្រង់ទៅលើព្រះរាជបុត្រាទ្រង់ផ្ទាល់ ជាអង្គតែមួយគត់ដែលបានចុះចូលដោយស្ដាប់បង្គាប់ ដើម្បីនឹងទទួលយកសេចក្ដីក្រោធដែលទ្រង់មិនសមជាអ្នកទទួល។ ប៉ុន្តែ ការស្ម័គ្រព្រះហឫទ័យរបស់ព្រះរាជបុត្រា ដើម្បីនឹងទទួលយកការនោះ គឺមានតម្លៃខ្លាំងណាស់នៅក្នុងព្រះនេត្ររបស់ព្រះជាម្ចាស់។ ព្រះជាម្ចាស់បានប្រទានសេចក្ដីស្រឡាញ់យ៉ាងធំធេងដល់ព្រះយេស៊ូវដែលជាអ្នកទ្រាំទ្រសេចក្ដីក្រោធជំនួស។

ទោះបើយ៉ាងនោះ គង់តែព្រះយេហូវ៉ាបានសព្វព្រះហឫទ័យនឹងវាយទ្រង់ឲ្យជាំ...
អេសាយ ៥៣:១០

...ព្រះគ្រីស្ទបានស្រឡាញ់យើង ព្រមទាំងប្រគល់ព្រះអង្គទ្រង់ជំនួសយើង ទុកជាតង្វាយ និងជាយញ្ញបូជាដ៏មានក្លិនក្រអូបចំពោះព្រះ។
អេភេសូរ ៥:២ គកស

ដកស្រង់ចេញពីសៀវភៅ «ហេតុផលហាសិបដែលព្រះគ្រីស្ទយាងមកសុគត» និពន្ធដោយ៖ លោកគ្រូ ចន ផាភ័រ រក្សាសិទ្ធិគ្រប់យ៉ាង © ដោយលោកគ្រូ ចន ផាភ័រ ប្រើដោយការអនុញ្ញាត

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៣១០៥

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

១៤៦

កំណត់ហេតុបណ្ដាញ៧ តុលា ២០២៥

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

នៅទីបំផុត ដោយសារកណ្ឌនៃព្រះគម្ពីរត្រូវបានកាត់ស្រាយ ហើយគោលលទ្ធិដ៏មានសិរីល្អដែលមាននៅក្នុងបទគម្ពីរត្រូវបានបង្ហាញឲ្យឃើញជាសាធារណៈ នោះការសម្រេចចិត្តមួយនឹងកើតឡើងដោយជៀសមិនរួច

អានបន្ថែម

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

២១៦១

កំណត់ហេតុបណ្ដាញ២ កញ្ញា ២០២៥

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

គណនេយ្យករសាជីវកម្ម អ្នកគ្រប់គ្រងសិទ្ធផ្តាច់មុខ ឬនាយកប្រតិបត្តិទីផ្សារប្រហែលជាត្រូវធ្វើការយ៉ាងម៉ត់ចត់ជាមួយម៉ោងការងារដោយសារមានមនុស្សជាច្រើនកំពុងមើលខុសត្រូវលើគាត់...ក្នុងនាមជាគ្រីស្ទបរិស័ទ នៅពេលដែលនិយាយអំពីការយល់ខុសត្រូវ វាមិនមែនជាសំណួរអំពីអ្វីដែលត្រូវបានអនុញ្ញាតឬក៏អត់នោះទេ ប៉ុន្តែគឺអំពីអ្វីតាមព្រះគម្ពីរវិញ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៤

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤៤

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២០

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

កំណត់ហេតុបណ្ដាញ

ព្រះយេស៊ូវសុគតដើម្បីផ្គាប់ព្រះហឫទ័យព្រះវរបិតា

១៨ មេសា ២០១៦អានរយៈពេល ៦ នាទី

មើល១៦៤៧ដង

ព្រះ

ទោះបើយ៉ាងនោះ គង់តែព្រះយេហូវ៉ាបានសព្វព្រះហឫទ័យនឹងវាយទ្រង់ឲ្យជាំ...
អេសាយ ៥៣:១០

...ព្រះគ្រីស្ទបានស្រឡាញ់យើង ព្រមទាំងប្រគល់ព្រះអង្គទ្រង់ជំនួសយើង ទុកជាតង្វាយ និងជាយញ្ញបូជាដ៏មានក្លិនក្រអូបចំពោះព្រះ។
អេភេសូរ ៥:២ គកស