យ៉ូហាន-បាទីស្ទ & អេលីយ៉ា

និយាយម្យ៉ាងវិញទៀត អត្តសញ្ញាណរបស់លោក យ៉ូហាន-បាទីស្ទ ជាហោរា អេលីយ៉ា គឺមិនមែនជាអ្វីដែលបានទាយទុកទាក់ទងទៅនឹងការដែលថាគាត់មានសាច់ឈាមរបស់ហោរា អេលីយ៉ា ផ្ទាល់នោះទេ ប៉ុន្តែទាក់ទងទៅនឹងតួនាទីនៃការឆ្លើយតបរបស់មនុស្សម្នាទេតើ។

១៧ មីនា ២០២០អានរយៈពេល ៧ នាទី

មើល៧៨៣ដង

ក

ណ្ឌគម្ពីរ ម៉ាថាយ ១១:៧-១៤ បានប្រកាសថា «ពេលពួកសិស្សទាំងនោះចេញផុតទៅ ព្រះយេស៊ូវក៏ចាប់ផ្តើមមានព្រះបន្ទូលទៅកាន់មហាជន អំពីលោក យ៉ូហាន ថា៖ “តើអ្នករាល់គ្នាបានចេញទៅមើលអ្វីនៅទីរហោស្ថាន? ទៅមើលដើមត្រែងរញ្ជួយដោយខ្យល់ឬ? តើអ្នករាល់គ្នាបានចេញទៅមើលអ្វី? ទៅមើលមនុស្សស្លៀកពាក់រុងរឿងឬ? មើល៍! អស់អ្នកដែលស្លៀកពាក់រុងរឿងគេនៅក្នុងដំណាក់ស្តេចទេ។ ដូច្នេះ តើអ្នករាល់គ្នាបានទៅមើលអ្វី? ទៅមើលហោរាឬ? មែនហើយ ខ្ញុំប្រាប់អ្នករាល់គ្នាថា លោកលើសជាងហោរាទៅទៀត។ លោកនេះហើយដែលមានសេចក្តីចែងទុកពីលោកថា 'មើល៍! យើងចាត់ទូតរបស់យើងឲ្យទៅមុនអ្នក អ្នកនោះនឹងទៅមុនអ្នក ដើម្បីរៀបចំផ្លូវរបស់អ្នក'។ ខ្ញុំប្រាប់អ្នករាល់គ្នាជាប្រាកដថា ក្នុងចំណោមអស់អ្នកដែលកើតពីស្ត្រី គ្មានអ្នកណាធំជាងលោក យ៉ូហាន-បាទីស្ទឡើយ ប៉ុន្តែ អ្នកដែលតូចជាងគេក្នុងព្រះរាជ្យនៃស្ថានសួគ៌ អ្នកនោះធំជាងលោកទៅទៀត។ តាំងពីគ្រារបស់លោក យ៉ូហាន-បាទីស្ទ រហូតមកទល់ពេលនេះ ព្រះរាជ្យនៃស្ថានសួគ៌បានទទួលរងអំពើឃោរឃៅ ហើយមនុស្សឃោរឃៅចាប់យកបានព្រះរាជ្យនៃស្ថានសួគ៌ដោយកម្លាំង ដ្បិតអស់ទាំងគម្ពីរហោរា និងគម្ពីរក្រឹត្យវិន័យសុទ្ធតែបានថ្លែងទុក រហូតមកដល់គ្រារបស់លោក យ៉ូហាន ហើយបើអ្នករាល់គ្នាព្រមទទួលសេចក្ដីនេះ នោះគឺលោក យ៉ូហាន ហ្នឹងហើយ ជាអេលីយ៉ាដែលត្រូវមក”»។ ត្រង់នេះព្រះយេស៊ូវកំពុងតែលើកសម្រង់សម្ដីចេញពីកណ្ឌគម្ពីរ ម៉ាឡាគី ៣:១ ដែលថាអ្នកនាំសារហាក់បីដូចជាមានតួនាទីជាហោរា ដែលនឹងត្រូវលេចឡើងមក។ យោងតាមកណ្ឌគម្ពីរ ម៉ាឡាគី ៤:៥ អ្នកនាំសារគឺជាហោរា អេលីយ៉ា ដែលព្រះយេស៊ូវបានផ្ដល់អត្តសញ្ញាណថាជាលោក យ៉ូហាន-បាទីស្ទ។ តើនេះមានន័យថាលោក យ៉ូហាន-បាទីស្ទ ជាហោរា អេលីយ៉ា មកចាប់កំណើតមែនឬ។ ទេ! មិនមែនមានន័យដូច្នោះទេ!

ទី១ អ្នកស្ដាប់ដំបូងរបស់ព្រះយេស៊ូវ (ក៏ដូចជាអ្នកស្ដាប់ដំបូងរបស់សាវ័ក ម៉ាថាយ) នឹងមិនសន្មតថាព្រះបន្ទូលរបស់ព្រះយេស៊ូវកំពុងតែសំដៅទៅលើការចាប់ជាតិនោះឡើយ។ លើសពីនោះទៅទៀតហោរា អេលីយ៉ា មិនបានស្លាប់ទេ។ ព្រះជាម្ចាស់បានប្រើប្រាស់រថជាភ្លើង និងសេះជាភ្លើង ហើយយកហោរា អេលីយ៉ា ទៅឯស្ថានសួគ៌ ដោយខ្យល់កួច (២ពង្សាវតារក្សត្រ ២:១១)។ ការអះអាងរកមូលហេតុទាក់ទងនឹងការចាប់ជាតិ ឬក៏ការរស់ឡើងវិញសម្រាប់ហោរា អេលីយ៉ា បញ្ជាក់ថាលោកអ្នកកំពុងតែមើលរំលងចំណុចស្នូលហើយ។ តាមពិតទៅ គេបានយល់ទំនាយនៃការដែលហោរា អេលីយ៉ា នឹងត្រឡប់មកវិញថាគាត់នឹងត្រឡប់មកវិញក្នុងសាច់ឈាមលើផែនដីនេះពីស្ថានសួគ៌។

ទី២ ព្រះគម្ពីរបានលើកឡើងយ៉ាងច្បាស់ថាលោក យ៉ូហាន-បាទីស្ទ គឺត្រូវបានគេហៅថាជាហោរា អេលីយ៉ា ព្រោះគាត់បានមក «ដោយវិញ្ញាណ និងអំណាចរបស់...អេលី‌យ៉ា» (លូកា ១:១៧) តែគាត់មិនមែនជាហោរា អេលីយ៉ា ក្នុងសាច់ឈាមផ្ទាល់នោះទេ។ លោក យ៉ូហាន-បាទីស្ទ គឺជាអ្នកមុនគេក្នុងព្រះគម្ពីរសញ្ញាថ្មីដែលចង្អុលផ្លូវសម្រាប់ការយាងមកដល់របស់ព្រះអម្ចាស់ ដូចដែលហោរា អេលីយ៉ា បានបំពេញតួនាទីនៅក្នុងព្រះគម្ពីរសញ្ញាចាស់ (ហើយក៏ទំនងជាអាចនឹងធ្វើការនេះម្ដងទៀតនៅឯអនាគតផងដែរ—សូមអានកណ្ឌគម្ពីរវិវរណៈជំពូក១១)។

ទី៣ ហោរា អេលីយ៉ា ផ្ទាល់ក៏បានលេចឡើងជាមួយនឹងលោក ម៉ូសេ នៅពេលដែលព្រះយេស៊ូវបំផ្លាស់បំប្រែរូបកាយបន្ទាប់ពីលោក យ៉ូហាន-បាទីស្ទ បានស្លាប់ហើយ។ ការនេះនឹងមិនអាចកើតឡើងបានទេ ប្រសិនបើហោរា អេលីយ៉ា បានប្ដូរអត្តសញ្ញាណរបស់គាត់ទៅជាលោក យ៉ូហាន (ម៉ាថាយ ១៧:១១-១២)។

ទី៤ កណ្ឌគម្ពីរ ម៉ាកុស ៦:១៤-១៦ និង ៨:២៨ បង្ហាញថាទាំងពួកមនុស្សម្នា និងស្ដេច ហេរ៉ូឌ បានវែកញែកយ៉ាងច្បាស់លាស់រវាងលោក យ៉ូហាន-បាទីស្ទ និងហោរា អេលីយ៉ា។

ជាចុងក្រោយ លោក យ៉ូហាន ផ្ទាល់គឺជាភស្តុតាងដែលថា គាត់មិនមែនជាហោរា អេលីយ៉ា ដែលបានមកយកកំណើតជាថ្មីនោះទេ។ ក្នុងជំពូកដំបូងនៃកណ្ឌគម្ពីរដំណឹងល្អនិពន្ធដោយសាវ័ក យ៉ូហាន យើងឃើញថាលោក យ៉ូហាន-បាទីស្ទ បានរាប់ខ្លួនថាជាអ្នកនាំសារក្នុងកណ្ឌគម្ពីរ អេសាយ ៤០:៣ មិនមែនជាហោរា អេលីយ៉ា ក្នុងកណ្ឌគម្ពីរ ម៉ាឡាគី ៣:១ នោះទេ។ លោក យ៉ូហាន-បាទីស្ទ ថែមទាំងបដិសេធយ៉ាងច្បាស់លាស់ថា គាត់មិនមែនជាហោរា អេលីយ៉ា ដែរ (យ៉ូហាន ១:១៩-២៣)។

លោក យ៉ូហាន បានធ្វើនូវអ្វីសម្រាប់ព្រះយេស៊ូវដែលហោរា អេលីយ៉ា នឹងប្រាកដជាបានធ្វើសម្រាប់ការយាងមករបស់ព្រះអម្ចាស់ដែរ ប៉ុន្តែគាត់មិនមែនជាហោរា អេលីយ៉ា មកចាប់កំណើតឡើយ។ ព្រះយេស៊ូវបានរាប់លោក យ៉ូហាន-បាទីស្ទ ថាជាហោរា អេលីយ៉ា ហើយស្របគ្នានោះដែរលោក យ៉ូហាន-បាទីស្ទ បានបដិសេធអត្តសញ្ញាណមួយនោះ។ តើឲ្យយើងអាចយល់បានយ៉ាងត្រឹមត្រូវបានយ៉ាងដូចម្ដេចទៅទាក់ទងនឹងសេចក្ដីបង្រៀនទាំងពីរនេះ? មានឃ្លាគន្លឹះមួយក្នុងការរាប់របស់ព្រះយេស៊ូវទាក់ទងនឹងលោក យ៉ូហាន-បាទីស្ទ ដែលដាច់ខាតយើងមិនត្រូវមើលរំលងសោះ។ ព្រះអង្គបានលើកឡើងថា «ហើយបើអ្នករាល់គ្នាព្រមទទួលសេចក្ដីនេះ នោះគឺលោក យ៉ូហាន ហ្នឹងហើយ ជាអេលីយ៉ាដែលត្រូវមក»។ និយាយម្យ៉ាងវិញទៀត អត្តសញ្ញាណរបស់លោក យ៉ូហាន-បាទីស្ទ ជាហោរា អេលីយ៉ា គឺមិនមែនជាអ្វីដែលបានទាយទុកទាក់ទងទៅនឹងការដែលថាគាត់មានសាច់ឈាមរបស់ហោរា អេលីយ៉ា ផ្ទាល់នោះទេ ប៉ុន្តែទាក់ទងទៅនឹងតួនាទីនៃការឆ្លើយតបរបស់មនុស្សម្នាទេតើ។ ចំពោះអស់អ្នកដែលស្ម័គ្រចិត្តទទួលជឿលើព្រះយេស៊ូវ នោះពួកគាត់ក៏នឹងទទួលស្គាល់ផងដែរថាលោក យ៉ូហាន-បាទីស្ទ មានតួនាទីជាហោរា អេលីយ៉ា ដ្បិតពួកគាត់ទទួលជឿថា ព្រះយេស៊ូវគឺជាព្រះអម្ចាស់។ ចំពោះអ្នកដឹកនាំថ្នាក់សាសនាដែលបានបដិសេធព្រះយេស៊ូវ នោះពួកគេមិនបានទទួលស្គាល់ថាលោក យ៉ូហាន-បាទីស្ទ មានតួនាទីដូចដែលគាត់បានធ្វើនោះទេ។

និពន្ធដោយ៖ ក្រុម GotQuestions
លោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ និងលោក ខែម បូឡុង
ដកស្រង់ខ្លះៗចេញពី www.gotquestions.org ដោយមានការអនុញ្ញាត។

តើអ្នកគិតយ៉ាងណា?

២ពិន្ទុ

តើលោកអ្នកយល់យ៉ាងណាដែរ?

១៨៣

កំណត់ហេតុបណ្ដាញ៥ ឧសភា ២០២៥

តើលោកអ្នកចាំបាច់ត្រូវតែជឿលើអ្វី ដើម្បីឲ្យអាចទទួលបានសេចក្តីសង្គ្រោះ?

អ្នកបើកបរយន្តហោះបានប្រកាសថា មានហ្វូងចាបមួយហ្វូងបានហើរចូលស្លាបយន្តហោះម្ខាង ហើយយន្តហោះក៏កំពុងតែចាកចុះក្នុងល្បឿនដ៏លឿន…

អានបន្ថែម

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

២៩៦

កំណត់ហេតុបណ្ដាញ២៧ មេសា ២០២៥

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

អានបន្ថែម

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

៥៧៦

កំណត់ហេតុបណ្ដាញ២០ មេសា ២០២៥

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

ក្នុងនាមជាឪពុកម្ដាយ យើងគិតអំពីការចិញ្ចឹមបីបាច់កូនៗហាក់បីដូចជាការគូរគំនូរ។ ពីមួយថ្ងៃទៅមួយថ្ងៃ យើងបន្តផាត់ពណ៌។ យើងសង្ឃឹមថា…

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៤

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤៤

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម