សំណួរ៖ បើខ្ញុំជឿលើព្រះយេស៊ូវ តើខ្ញុំអាចស្តាប់ធម៌បានទេ? តើខ្ញុំអាចប្រគេនចង្ហាន់បានទេ?

នេះគឺជាសំណួរដ៏ល្អ និងសំខាន់មួយនៅក្នុងបរិបទស្រុកខ្មែរ។ សម្រាប់បងប្អូនដែលជាគ្រីស្ទបរិស័ទតែម្នាក់ឯងនៅក្នុងក្រុមគ្រួសារដែលមិនមែនជាគ្រីស្ទបរិស័ទ ពួកគេយល់ច្បាស់អំពីការលំបាកទាក់ទងទៅនឹងប្រធានបទខាងលើ។ ក្រោមសម្ពាធគ្រួសារ និងសង្គមនៅជុំវិញ គ្រីស្ទបរិស័ទខ្លះបានស្តាប់ធម៌ និងប្រគេនចង្ហាន់ដោយបង្ខំ ដោយស្ទាក់ស្ទើរ ដើម្បីបំពេញមុខ ឬជាទីបំពេញកិច្ច។

២៤ សីហា ២០២៣អានរយៈពេល ៧ នាទី

មើល៣៦៩ដង

បើតាមខ្ញុំយល់ ការស្តាប់ធម៌ និងការប្រគេនចង្ហាន់ គឺដើម្បីបានបុណ្យ។ ជនជាតិខ្មែរជឿថាបុណ្យគឺជាយានដឹកនាំមនុស្សចេញផុតពីសេចក្តីវិនាសឆ្ពោះទៅរកសេចក្តីសុខសាន្តទាំងនៅជាតិនេះ និងអនាគតជាតិ។ ការសន្សំបុណ្យកាន់តែច្រើន កាន់តែល្អប្រសើរ។ ត្រង់ចំណុចនេះ វាផ្ទុយស្រឡះពីសេចក្តីបង្រៀនរបស់ព្រះបន្ទូលរបស់ព្រះជាម្ចាស់។ វាប្រឆាំងទៅនឹងសេចក្តីពិត។ បើផ្អែកលើព្រះបន្ទូលរបស់ព្រះជាម្ចាស់ គ្មានជាតិក្រោយទេ។ មនុស្សទាំងអស់តម្រូវឲ្យរស់ ហើយស្លាប់តែម្តងគត់ រួចក៏ជាប់ជំនុំជម្រះពីសំណាក់ព្រះជាម្ចាស់ (ហេព្រើរ ៩:២៧)។ មួយវិញទៀត ព្រះបន្ទូលរបស់ព្រះជាម្ចាស់បានគូសវាសបញ្ជាក់ទៀតថា ព្រះយេស៊ូវគ្រីស្ទ គឺជាផ្លូវតែមួយគត់ដែលព្រះជាម្ចាស់បានប្រោសប្រទានមក ដើម្បីលុបលាងសម្អាត និងអត់ទោសបាបមនុស្ស (រ៉ូម ៨:៣-៤, យ៉ូហាន ៣:១៦-១៨, ១ធីម៉ូថេទី ១:១៥)។ ក្រៅពីព្រះយេស៊ូវគ្រីស្ទ គ្មានអំណាចណាមួយដែលអាចជួយសង្គ្រោះមនុស្សពីអំពើបាបឡើយ (អេសាយ ៦៤:៦, យេរេមា ២:២២, ម៉ាថាយ ២៣:២៧-២៨, កិច្ចការ ៤:១២)។ យើងបានជ្រះស្អាតពីអំពើបាប ហើយគ្មានទោស ល្គឹកណាយើងជឿលើព្រះយេស៊ូវគ្រីស្ទ (រ៉ូម ៨:១ អេភេសូរ ២:៨-៩)។ ទន្ទឹមនឹងនេះដែរ កិច្ចការដែលព្រះយេស៊ូវគ្រីស្ទបានសម្រេចសម្រាប់យើង ដើម្បីជួយសង្គ្រោះយើង នោះគ្រប់គ្រាន់ហើយ។ យើងមិនចាំបាច់បន្ថែមអ្វីមួយពីលើនេះ ដើម្បីទទួលបានសេចក្តីសង្គ្រោះឡើយ។

សរុបមក ប្រសិនបើយើងស្តាប់ធម៌ ឬប្រគេនចង្ហាន់ក្នុងគោលបំណងជួយសង្គ្រោះខ្លួនឯងពីសេចក្តីវិនាស និងដើម្បីបានសុខសាន្តទាំងនៅជាតិនេះ និងអនាគតជាតិនោះ មិនត្រឹមត្រូវទេ។ វាជារបៀបរកជំនួយ និងផ្លូវសង្គ្រោះផ្សេងទៀត ក្រៅពីព្រះយេស៊ូវគ្រីស្ទ។ ទង្វើនេះធៀបទៅនឹងការបដិសេធ ហើយមិនទុកចិត្តព្រះយេស៊ូវគ្រីស្ទជាព្រះអង្គសង្គ្រោះ។

ដោយឡែក គ្រីស្ទបរិស័ទមួយចំនួនដឹងថាការស្តាប់ធម៌ និងការប្រគេនចង្ហាន់មិនត្រឹមត្រូវ។ ថ្វីបើយ៉ាងដូច្នោះក្តី គេនៅតែប្រព្រឹត្តិ ក្រោមសម្ពាធគ្រួសារ និងមនុស្សនៅជុំវិញ។ ពេលខ្លះទៀត គេធ្វើដើម្បីផ្គាប់ចិត្តមនុស្ស។ បងប្អូនអើយ បើការនេះប្រឆាំងជាមួយនឹងព្រះបន្ទូលរបស់ព្រះជាម្ចាស់នោះ វាមិនត្រឹមត្រូវទេ។ ម្យ៉ាងទៀត យើងត្រូវតែស្តាប់បង្គាប់ព្រះជាជាងមនុស្ស (កិច្ចការ ៥:២៩)។ យើងរស់នៅមិនមែនដើម្បីផ្គាប់ចិត្តមនុស្ស ប៉ុន្តែដើម្បីផ្គាប់ព្រះហឫទ័យព្រះ (ថេស្សាឡូនីចទី១ ២:៤)។ នេះមិនមែនជាការងាយស្រួលទេ។ យើងត្រូវអធិស្ឋានសូមប្រាជ្ញាពីព្រះជាម្ចាស់ ដើម្បីរស់នៅជាពន្លឺ សម្រាប់សិរីល្អរបស់ទ្រង់ នៅក្នុងសហគមន៍របស់យើង។

ទោះបីជាយ៉ាងណាក៏ដោយ គ្រីស្ទបរិស័ទមិនគួរគប្បីមើលរំលងបញ្ញត្តិរបស់ព្រះយេស៊ូវគ្រីស្ទថា «…ត្រូវឲ្យស្រឡាញ់អ្នកជិតខាងដូចខ្លួនឯង... » (ម៉ាកុស ១២:៣០ សូមមើល យ៉ាកុប ២:១៥-១៧)។ ក្នុងរូបភាពនៃសេចក្តីស្រឡាញ់ គ្រីស្ទបរិស័ទជូនជាចំណីអាហារ និងជួយយកអាសារដល់មនុស្សផងទាំងឡាយដែលកំពុងតែខ្វះខាត និងត្រូវការជំនួយដោយរាប់បញ្ចូលទាំងលោកសង្ឃផងដែរ។ ត្រង់នេះ ខ្ញុំមិននិយាយចំពោះការប្រគេនចង្ហាន់ ឬដាក់បាត្រ ដើម្បីបានបុណ្យជាផលតបស្នងត្រឡប់មកវិញឡើយ។ ប៉ុន្តែ ក្នុងករណីលោកសង្ឃដែលពិតប្រាកដជាត្រូវការចង្ហាន់ជាទីបំផុត។ យ៉ាងណាក៏ដោយ គប្បីយើងបានពន្យល់ប្រាប់ហេតុផលរបស់យើងឲ្យបានច្បាស់លាស់ដល់ទាំងបងប្អូនរួមជំនឿ និងអ្នកមិនជឿ ប្រយោជន៍ជៀសវាសការយល់ច្រលំ ឬគិតខុស។ ដើម្បីសិរីល្អរបស់ព្រះជាម្ចាស់តាមរយៈជំនួយរបស់យើងនោះ យើងត្រូវតែប្រុងប្រយ័ត្នចំពោះការនេះ។ គ្រីស្ទបរិស័ទជួយមិនមែន ដើម្បីបានបុណ្យកុសលអ្វីឡើយ។ ផ្ទុយទៅវិញ នេះជាសេចក្តីបង្គាប់របស់ព្រះយេស៊ូវគ្រីស្ទទាក់ទងទៅនឹងសេចក្តីស្រឡាញ់។

មួយវិញទៀត ទាក់ទងទៅនឹងការស្តាប់ធម៌។ ជាការពិតណាស់ ធម៌ខ្លះអាចមានតម្លៃអប់រំ។ តម្លៃអប់រំខ្លះស៊ីគ្នាទៅនឹងព្រះបន្ទូលរបស់ព្រះជាម្ចាស់។ ខ្លះថា ស្តាប់ធម៌ដើម្បីសិក្សាស្វែងយល់ពីអ្វីមួយ ដើម្បីដឹងពីរបៀបឆ្លើយតបទៅនឹងបញ្ហាណាមួយ ដើម្បីបានធូរស្រាលចិត្ត។ល។ បើទោះបីជាក្រោមហេតុផលណាក៏ដោយ ព្រះបន្ទូលរបស់ព្រះជាម្ចាស់តែមួយគត់ គឺជាស្តង់ដារនៃការរស់នៅរបស់គ្រីស្ទបរិស័ទអស់កល្បជានិច្ច។ ព្រះជាម្ចាស់មានព្រះបន្ទូលថា «…ឲ្យឯងរាល់គ្នាមើល ដើម្បីឲ្យនឹកចាំពីអស់ទាំងបញ្ញត្តិនៃព្រះយេហូវ៉ា ព្រមទាំងប្រព្រឹត្តិតាមផង ប្រយោជន៍កុំឲ្យឯងរាល់គ្នារកតាមតែចិត្តនឹងភ្នែកឯងដែលនាំឲ្យឯងផិតទៅតាមនោះឡើយ គឺឲ្យរាល់គ្នាបាននឹកចាំ ព្រមទាំងប្រព្រឹត្តិតាមអស់ទាំងបញ្ញត្តិរបស់អញ ហើយឲ្យបានបរិសុទ្ធសម្រាប់ព្រះនៃឯងវិញ» (ជនគណនា ១៥:៣៩ សូមមើល ហេព្រើរ ៤:១២ ២ធីម៉ូថេ ៣:១៦-១៧ ទំនុកតម្កើង ១១៩:១០៥ លូកា ១១:២៨ ម៉ាថាយ ៧:២៤ ម៉ាថាយ ៤:៤ អេសាយ ៤០:៨ ម៉ាថាយ ២៤:៣៥)។ ក្នុងន័យនេះផងដែរ សាវ័ក ប៉ុល បានអធិស្ឋានឲ្យអ្នកជឿនៅទីក្រុងភីលីព និងក្រុងកូឡូសរីកចម្រើនក្នុងព្រះបន្ទូលរបស់ព្រះជាម្ចាស់ ប្រយោជន៍ឲ្យពួកគេបានរស់នៅដោយត្រឹមត្រូវក្នុងមាគ៌ារបស់ព្រះអង្គ សម្រាប់សិរីល្អរបស់ទ្រង់ (ភីលីព ១:៩-១១, កូឡូស ១:៩-១១)។ មួយវិញទៀត ព្រះគឺជាប្រភពនៃជំនួយដ៏មាំមួន មិនចេះប្រួលប្រែ និងអស់កល្បជានិច្ចរបស់យើង។ អ្នកនិពន្ធកណ្ឌទំនុកតម្កើងបានលើកឡើងថា «ខ្ញុំនឹងងើបភ្នែកមើលទៅឯភ្នំ តើសេចក្តីជំនួយជួយដល់ខ្ញុំមកពីណា សេចក្តីជំនួយរបស់ខ្ញុំមកតែពីព្រះយេហូវ៉ាទេ គឺជាព្រះដែលបង្កើតផ្ទៃមេឃ និងផែនដី» (ទំនុកតម្កើង ១២១:១-២)។ ជំនួយ និងប្រាជ្ញាដែលយើងត្រូវការ ដើម្បីរស់នៅដោយគាប់ព្រះហឫទ័យរបស់ព្រះជាម្ចាស់មាននៅក្នុងព្រះបន្ទូលរបស់ទ្រង់តែមួយគត់។ ដូច្នោះ តើគ្រីស្ទបរិស័ទស្តាប់ធម៌ដើម្បីអ្វី?

និពន្ធដោយ៖ លោក ញឹមវ៉ាន់ សុខណាល់
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោក សឹម រក្សា, និងលោក ឈាង បូរ៉ា Plovpit.com

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣៣២

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១១

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣២

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១៧

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧៥

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៧០

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម