ទេ! ខ្ញុំនឹងមិនអធិស្ឋានឲ្យអ្នកទេ

វាគឺជារឿងងាយបំផុតក្នុងលោកនេះដែលនិយាយថា៖ «បាទ! ខ្ញុំនឹងអធិស្ឋានសម្រាប់រឿងហ្នឹង»។ ហើយវាក៏ជារឿងដ៏ងាយនឹងធ្វេសប្រហែសជាងគេបំផុតដែរ។ ពេលខ្លះយើងត្រូវតែនិយាយថា «ទេ ខ្ញុំនឹងមិនអធិស្ឋានសម្រាប់អ្នកទេ»។

២២ សីហា ២០២៣អានរយៈពេល ៧ នាទី

មើល១៣៥ដង

វាគឺជារឿងងាយបំផុតក្នុងលោកនេះដែលនិយាយថា៖ «បាទ! ខ្ញុំនឹងអធិស្ឋានសម្រាប់រឿងហ្នឹង»។ ហើយវាក៏ជារឿងដ៏ងាយនឹងធ្វេសប្រហែសជាងគេបំផុតដែរ។ បញ្ជីនៃសំណូមពរអធិស្ឋានដែលខ្ញុំបាននិយាយថា ខ្ញុំនឹងអធិស្ឋានឲ្យនរណាម្នាក់ ហើយបែរជាភ្លេចអធិស្ឋានវិញ នោះវានឹងគរកាន់តែច្រើនឡើងពីពេលនេះរហូតដល់ឆ្នាំក្រោយ។ ដូច្នេះ ចាប់ពីពេលនេះទៅ ខ្ញុំបាននិយាយថា «ទេ! ខ្ញុំនឹងមិនអធិស្ឋានសម្រាប់អ្នកទេ»។ ខ្ញុំនៅមិនទាន់មានអារម្មណ៍ស្រួលបួលទាំងស្រុងជាមួយនឹងឃ្លានេះទេ ប៉ុន្តែខ្ញុំគិតថា វាគឺជារឿងត្រឹមត្រូវដែលត្រូវធ្វើ។

ថ្មីៗកន្លងទៅនេះមានមនុស្ស—ដែលយើងមិនស្គាល់ម្នាក់—បានទូរស័ព្ទមកក្រុមជំនុំរបស់យើង ដើម្បីសុំឲ្យជួយអធិស្ឋានឲ្យគាត់។ គាត់បានទូរស័ព្ទចេញពីកន្លែងដ៏ឆ្ងាយមួយដែលមិនគួរឲ្យជឿ។ គាត់បាននិយាយថា គាត់គឺកំពុងតែមានជម្ងឺ ហើយគាត់ត្រូវការមនុស្សមួយចំនួន ដើម្បីជួយអធិស្ឋានឲ្យ។ គាត់សួរខ្ញុំថា «តើខ្ញុំអាចពឹងអ្នកជួយអធិស្ឋានឲ្យខ្ញុំរៀងរាល់ថ្ងៃរយៈពេលប្រាំមួយខែទៅមុខនេះបានដែរឬទេ?”

ជាលើកដំបូងហើយក្នុងជីវិតរបស់ខ្ញុំដែលខ្ញុំមានអារម្មណ៍ថា ខ្លួនមានសេរីភាពពេញលេញ។ ខ្ញុំបានតបថា «ខ្ញុំនឹងអធិស្ឋានឲ្យអ្នកបានតែម្តងនេះប៉ុណ្ណោះ ខ្ញុំមិនអាចអធិស្ឋានឲ្យអ្នករាល់ថ្ងៃបានទេ។ ខ្ញុំក៏នឹងមិនអធិស្ឋានឲ្យអ្នករយៈពេលប្រាំមួយខែបានដែរ»។ ខ្ញុំបានពន្យល់ថា ខ្ញុំមានក្រុមជំនុំផ្ទាល់ខ្លួនរបស់ខ្ញុំ ដើម្បីមើលថែ ហើយថាខ្ញុំក៏ត្រូវអធិស្ឋានសម្រាប់ពួកគាត់ទាំងនោះផងដែរ។ ខ្ញុំបានសួរគាត់អំពីព្រះវិហារដែលគាត់ចូលរួមថ្វាយបង្គំ ហើយគាត់ក៏បានប្រាប់ខ្ញុំ។ ខ្ញុំដឹងថា នោះគឺជាព្រះវិហារដ៏ល្អមួយ ដែលសម្បូរទៅដោយអ្នកដែលអធិស្ឋានច្រើន និងមានគ្រូគង្វាលដែលមើលថែក្រុមជំនុំបានល្អទៀតផង។ ខ្ញុំបានពន្យល់គាត់ទៀតថា ព្រះជាម្ចាស់រំពឹងឲ្យក្រុមជំនុំរបស់គាត់មើលថែគាត់ ហើយឲ្យក្រុមជំនុំរបស់គាត់ត្រូវអធិស្ឋានឲ្យគាត់ ហើយថាការដែលទូរស័ព្ទទៅក្រុមជំនុំទាំងអស់នៅទីក្រុងភ្នំពេញមកប្រជុំគ្នាអធិស្ឋានសម្រាប់នរណាម្នាក់ដូចគាត់ដែលពួកគេមិនដែលស្គាល់ នោះអាចជារឿងសង្ស័យ។

ខ្ញុំគិតថា គាត់បានយល់អំពីចំណុចនោះ។ ប៉ុន្តែ បានតែមួយសប្ដាហ៍ប៉ុណ្ណោះ ស្រាប់តែទូរស័ព្ទក៏រោទ៍ម្ដងទៀត ហើយវាជាស្ត្រីដដែលនោះ។ គាត់ច្បាស់ជាមិនបានលុបឈ្មោះក្រុមជំនុំរបស់យើងចេញពីសៀវភៅរបស់គាត់ទេ។ ខ្ញុំបានរម្លឹកគាត់អំពីអ្វីដែលខ្ញុំបាននិយាយកាលពីលើកមុន ហើយបានប្រាប់គាត់ថា ខ្ញុំមិនអធិស្ឋានឲ្យគាត់ទៀតទេ។ គាត់ក៏បានដាក់ទូរស័ព្ទចុះមុននឹងខ្ញុំនិយាយចប់។

មានម្តងនោះ ខ្ញុំបានចំណាយពេលពីរទៅបីម៉ោងជាមួយក្រុមតូចមួយ និងជាមួយគ្រូគង្វាលដ៏ល្បីម្នាក់ដែលសម្លេងរបស់គាត់ត្រូវបានចាក់ផ្សាយតាមវិទ្យុ ហើយក៏មានអ្នកស្តាប់ជុំវិញពិភពលោកដែរ។ គាត់គឺជាបុរសដែលអធិស្ឋានម្នាក់ ហើយជាអ្នកទាស់ប្រឆាំងនឹងការសុំដោយងាយស្រួលថា «សូមអធិស្ឋានឲ្យខ្ញុំផង»។ គាត់យល់ថា មនុស្សមួយចំនួនគិតថា ការអធិស្ឋានរបស់គាត់មានអំណាចពិសេសដោយសារតែគាត់ជាគ្រូល្បីម្នាក់ ហើយក៏យល់ថាមានមនុស្សមួយចំនួនបានឃ្លាតឆ្ងាយពីក្រុមជំនុំតាមតំបន់ដោយមិនស្ដាប់បង្គាប់ ហើយឥឡូវនេះកំពុងស្វែងរកនរណាម្នាក់ ដើម្បីអធិស្ឋានឲ្យពួកគេ។ មានមនុស្សមួយចំនួនមានអបិយជំនឿពីរឿងអធិស្ឋាន។ ដូច្នេះ គាត់បានប្រាប់ខ្ញុំអំពីរបៀបនិយាយថា «ទេ»។ ហើយកាន់តែប្រសើរទៀតបើចេះរៀននិយាយថា «ខ្ញុំនឹងអធិស្ឋានឲ្យអ្នកឥឡូវនេះ ហើយបន្ទាប់ពីហ្នឹងខ្ញុំសង្ឃឹមថា អ្នកនឹងទៅក្រុមជំនុំរបស់អ្នក ហើយសុំឲ្យពួកគេអធិស្ឋានឲ្យអ្នកវិញ»។ គាត់ក៏អធិស្ឋានឲ្យភ្លាម ហើយគាត់អធិស្ឋានតែម្តងប៉ុណ្ណោះ មិនមែនរហូតឡើយ។

ខ្ញុំបានរៀនអំពីរឿងនេះពីគាត់ ហើយខ្ញុំមានអារម្មណ៍ថា មានសេរីភាពដោយមិនអធិស្ឋានឲ្យ។ ខ្ញុំមានសេរីភាពដោយមិនអធិស្ឋានឲ្យ ពីព្រោះខ្ញុំមិនអាចអធិស្ឋានឲ្យមនុស្សគ្រប់គ្នា និងគ្រប់រឿងបានទេ។ ព្រះជាម្ចាស់បានប្រទានឲ្យខ្ញុំនូវចំណុចដែលខ្ញុំមានទំនួលខុសត្រូវ និងចំណែកនៃពេលវេលាដែលមានកំណត់។ ខ្ញុំត្រូវប្រើពេលវេលាដ៏ល្អបំផុត និងភាគច្រើនរបស់ខ្ញុំ ដើម្បីមើលថែមនុស្សដែលនៅជិតខ្ញុំបំផុត ពោលគឺគ្រួសាររបស់ខ្ញុំ មិត្តរបស់ខ្ញុំ អ្នកជិតខាងរបស់ខ្ញុំ និងព្រះវិហាររបស់ខ្ញុំជាដើម។ វិធីមួយក្នុងចំណោមវិធីជាច្រើនដែលបង្ហាញថា ខ្ញុំយកចិត្តទុកដាក់ចំពោះពួកគេគឺតាមរយៈការអធិស្ឋានសម្រាប់ពួកគេ។ ប៉ុន្តែ ដោយសារជីវិតរបស់ខ្ញុំមានការជាច្រើនទៀតលើសពីការអធិស្ឋាន ដូច្នេះខ្ញុំត្រូវប្រើប្រាស់ពេលវេលាអធិស្ឋានឲ្យបានល្អបំផុត ដោយផ្ដោតទៅលើរឿងទាំងនោះ និងមនុស្សដែលខ្ញុំមានទំនួលខុសត្រូវ។ ហើយវាក៏ជាអ្វីដែលខ្ញុំព្យាយាមធ្វើ ដើម្បីអធិស្ឋានឲ្យអស់ពីចិត្ត និងអធិស្ឋានម្តងហើយម្តងទៀតសម្រាប់មនុស្សដែលខ្ញុំមានទំនួលខុសត្រូវ ហើយអនុញ្ញាតឲ្យអ្នកដទៃអធិស្ឋានសម្រាប់មនុស្សដែលពួកគេមានទំនួលខុសត្រូវផងដែរ។

ខ្ញុំជឿប្រាកដថា វានឹងប្រសើរជាងនេះ បើយើងធ្វើតាមវិធីខាងលើ។ វាផ្តល់ឲ្យខ្ញុំមាននូវឱកាសមួយ ដើម្បីបង្រៀនមនុស្សជាច្រើននាក់ទៀតអំពីការអធិស្ឋាន ហើយវាក៏ផ្តល់ឲ្យខ្ញុំនូវឱកាសមួយ ដើម្បីធ្វើជាគំរូនៃការអធិស្ឋានផ្សេងទៀត ហើយការនេះក៏ជួយរារាំងខ្ញុំមិនឲ្យនិយាយសន្យានូវអ្វីមួយដែលខ្ញុំថានឹងធ្វើ តែបែរជាធ្វើមិនអាចបាន។

និពន្ធដោយ៖ Tim Challies
បកប្រែដោយ៖ លោក ថៃ វណ្ណៈ
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក ឯក ធីម៉ូធេ, លោក សឹម រក្សា និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.challies.com ដោយមានការអនុញ្ញាត។ Plovpit.com

តើអ្នកគិតយ៉ាងណា?

៦ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៣

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៥

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១២២០៨

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥០

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៥

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៦

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម