ប្រសិនបើមនុស្សម្នាក់ផឹកស្រា ឬជក់បារី តើគាត់មិនមែនគ្រីស្ទបរិស័ទ?

ខ្ញុំមិនលើកទឹកចិត្តឲ្យមានការជក់បារី ឬផឹកស្រានោះទេ ប៉ុន្តែមិត្តភក្ដិមួយចំនួនជាទូទៅគិតថា…

២៧ សីហា ២០២៣អានរយៈពេល ៤ នាទី

មើល៩៥២ដង

ខ្ញុំមិនលើកទឹកចិត្តឲ្យមានការជក់បារី ឬផឹកស្រានោះទេ ប៉ុន្តែមិត្តភក្ដិមួយចំនួនជាទូទៅគិតថា ការប្រព្រឹត្តិទង្វើទាំងនោះមានន័យថាអ្នកដែលប្រព្រឹត្តិនោះមិនមែនជាគ្រីស្ទបរិស័ទ។ តើយើងគួរគិតដូចម្ដេចដែរ?

ជាការពិតណាស់ លោកអ្នកមិនអាចវិនិច្ឆ័យ បុគ្គលដែលជក់បារី និងផឹកស្រាថាមិនមែនជាគ្រីស្ទបរិស័ទនោះទេ ដោយសារយើងមិនទទួលបានសេចក្ដីសង្គ្រោះតាមរយៈការមិនជក់បារី ឬតាមរយៈការមិនផឹកស្រាឡើយ។ យើងទទួលបានសេចក្ដីសង្គ្រោះតាមរយៈការជឿទុកចិត្តលើព្រះយេស៊ូវគ្រីស្ទ។

នោះមិនមែនមានន័យថា យើងមិនគួរខ្វល់ខ្វាយចំពោះជីវិតអ្នកដទៃនោះទេ។ មានផលប៉ះពាល់ខ្លាំងចំពោះការជក់បារី ហើយក៏មានផលប៉ះពាល់ខ្លាំងចំពោះការផឹកស្រាដែរ។ ផលប៉ះពាល់ទាំងនោះមិនដូចគ្នាទាំងស្រុងទេ ប៉ុន្តែក៏មានមួយចំនួនដែលដូចគ្នាដែរ។ ហើយប្រសិនបើលោកអ្នកពិតជាស្រឡាញ់អស់អ្នកដែលលោកអ្នកស្រឡាញ់មែន នោះមិនថាពួកគាត់ងាយ ឬក៏មិនងាយរងគ្រោះនោះទេ នោះលោកអ្នកនឹងប្រាកដជានិយាយជាមួយពួកគាត់អំពីគ្រោះថ្នាក់ទាំងនោះជាមិនខាន។

ដូច្នេះ វាមិនមែនសាមញ្ញដោយគ្រាន់តែលើកឡើងថា «ចូរឲ្យពួកគាត់ធ្វើអ្វីដែលពួកគាត់ចង់ធ្វើចុះ ព្រោះនោះមិនមែនជារបៀបដែលពួកគាត់ទទួលបានសង្គ្រោះនោះទេ» ជាគោលគំនិតដែលថា យើងទាំងអស់គ្នាទទួលបានសេរីភាពចេញពីព្រះគុណ ដូច្នេះយើងអាចបន្តធ្វើអ្វីក៏បាន។ ផ្ទុយទៅវិញ ផលផ្លែនៃដំណឹងល្អអាចផ្លាស់ប្ដូរមនុស្សបាន។ វាបានផ្លាស់ប្ដូររបៀបដែលពួកគាត់គ្រប់គ្រងគ្រឿងស្រវឹង ហើយវាក៏ផ្លាស់ប្ដូររបៀបដែលពួកគាត់គ្រប់គ្រងសារធាតុញៀនរបស់គាត់ផងដែរ។ វាពិតជាចម្លែកមែនដែលមនុស្សម្នាក់រាប់សារធាតុញៀនថាជាផលផ្លែមួយនៃព្រះវិញ្ញាណបរិសុទ្ធ។

ប៉ុន្តែ ខ្ញុំចង់ឲ្យពួកគាត់មានពេលវេលា ក្នុងការយកជ័យជម្នះលើទម្លាប់មួយ ជាពិសេសនៅក្នុងការចាប់ផ្ដើមបន្ទាប់ពីបានទទួលជឿ ប្រសិនបើគាត់ត្រូវការពេល ដើម្បីផ្លាស់ប្រែ និងទទួលស្គាល់ថា អ្វីធ្វើឲ្យពួកគាត់ឈឺចាប់។

«ខ្ញុំមានច្បាប់នឹងធ្វើគ្រប់ការទាំងអស់បាន ប៉ុន្តែមិនមែនការទាំងនោះមានប្រយោជន៍ទាំងអស់ទេ» (១កូរិនថូស ៦:១២)។ ហើយគ្រីស្ទបរិស័ទដែលមិនទាន់មានភាពចាស់ទុំមិនទាន់ដឹងអំពីអ្វីដែលមានប្រយោជន៍ និងអ្វីដែលបង្កឲ្យមានគ្រោះថ្នាក់ ព្រមទាំងអំពីអ្វីដែលមានផលប៉ះពាល់ក្នុងរយៈពេលយូរនោះទេ។

ប៉ុន្តែ ចម្លើយដ៏ខ្លី និងចម្លើយដ៏សំខាន់គឺថា លោកអ្នកមិនគួរវិនិច្ឆ័យ ឬសន្និដ្ឋានភ្លាមៗថា ប្រសិនបើបុគ្គលណាម្នាក់ផឹកស្រា ឬជក់បារី នោះបុគ្គលម្នាក់នោះមិនមែនជាគ្រីស្ទបរិស័ទនោះទេ។

លោកគ្រូបានលើកឡើងថាយើងមិនអាចគូសបន្ទាត់ត្រង់រវាងការពិសាគ្រឿង និងការប្រើថ្នាំជក់ជាមួយនឹងជីវិតគ្រីស្ទបរិស័ទបានឡើយ។

និពន្ធដោយ៖ លោកគ្រូ John Piper
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោកស្រី កែវ សិរីវុឌ្ឍី, លោក សឹម រក្សា និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

៤៥៦

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៨៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម