អំពើបាប

អំពើបាប៖ ខ្ញុំមិនអាចរស់នៅជាមួយវាបានទេ ប៉ុន្តែម្ដងហើយម្ដងទៀតខ្ញុំនៅតែឃើញថា ខ្ញុំមិនអាចរស់នៅដោយគ្មានវាបានដែរ។

២៩ សីហា ២០២៣អានរយៈពេល ៦ នាទី

មើល៣៣១ដង

អំពើបាប៖ ខ្ញុំមិនអាចរស់នៅជាមួយវាបានទេ ប៉ុន្តែម្ដងហើយម្ដងទៀតខ្ញុំនៅតែឃើញថា ខ្ញុំមិនអាចរស់នៅដោយគ្មានវាបានដែរ។ ខ្ញុំដឹងថា ខ្ញុំបានមានសេរីភាពចេញពីអំពើបាបហើយ ពោលគឺមានសេរីភាពពីអំណាចនៃអំពើបាប ប៉ុន្តែខ្ញុំនៅតែបន្តធ្វើបាប។ ព្រះបន្ទូលបានប្រាប់ខ្ញុំថា មិនឲ្យអំពើបាបសោយរាជ្យលើខ្ញុំ ហើយក៏ប្រាប់ថា បើខ្ញុំពិតជាកូនរបស់ព្រះយ៉ាងពិតប្រាកដមែន នោះខ្ញុំនឹងមិនបន្តប្រព្រឹត្តបាបទៀតទេ (រ៉ូម៦:១២, ១យ៉ូហាន ៣:៩)។ ប៉ុន្តែ ខ្ញុំនៅតែបន្តធ្វើបាប។ ទោះបីនៅពេលដែលខ្ញុំខិតខំផ្ដោតលើអំពើបាបជាក់លាក់ណាមួយក៏ខ្ញុំឃើញថា ខ្ញុំមិនអាចបញ្ឈប់វាបាន នៅមិនអាចសម្លាប់វាទាំងស្រុងចោលបាន។ គំនិតរបស់ខ្ញុំមិនអាចធ្វើបាន ចិត្តរបស់ខ្ញុំក៏មិនអាចធ្វើបាន ឆន្ទៈរបស់ខ្ញុំមិនអាចធ្វើបាន ហើយដៃរបស់ខ្ញុំក៏មិនអាចធ្វើបានដែរ។ អំពើបាបនោះទំនងមិនអាចសោយរាជ្យជាស្ដេចបានមែន ប៉ុន្តែវានៅតែបន្តកើតឡើងជាការល្បងល និងសេចក្ដីល្បួងស្ថិតស្ថេរមួយដដែល។

នៅក្នុងសៀវភៅ ជីវិតគ្រីស្ទបរិស័ទ៖ សេចក្ដីណែនាំគោលលទ្ធិ លោកគ្រូ សិនឃ្លែរ ហ្វឺហ្គូសិន (The Christian Life: A Doctrinal Introduction Sinclair Ferguson) បានសរសេរអំពីទំនាក់ទំនងដ៏ពិបាកយល់នៃអំពើបាបនេះដល់គ្រីស្ទបរិស័ទ ហើយផ្ដល់នូវពាក្យនៃការដឹងប្រាកដច្បាស់ថា «យើងមិនមែនជាយើងទៀតទេ យើងមិនមានទំនាក់ទំនងជាមួយនឹងអំពើបាបដូចពីមុនទៀតទេ»។ នេះសំខាន់ណាស់សម្រាប់ខ្ញុំ ដើម្បីឲ្យយល់ និងចងចាំក្នុងចិត្ត នៅពេលខ្ញុំតស៊ូនឹងអំពើបាប មិនថាអំពើបាបណាក៏ដោយ។ ខ្ញុំមិនមែនជាអ្វីដូចពីមុនទេ។ ខ្ញុំមិនមែនជាបុគ្គលដូចពីមុនទៀតដែរ។ ពីមុនខ្ញុំជាបាវបម្រើនៃអំពើបាប វាគ្រប់គ្រងលើខ្ញុំ ដោយប្រទាញខ្ញុំមិនអាចឲ្យខ្ញុំឈប់បាន។ ប៉ុន្តែ ឥឡូវនេះ ខ្ញុំជាបាវបម្រើរបស់ចៅហ្វាយមួយផ្សេងទៀត។ ខ្ញុំជារបស់ផងព្រះ ហើយចុះចូលចំពោះទ្រង់។ ទំនាក់ទំនងរបស់ខ្ញុំជាមួយនឹងអំពើបាបមានការផ្លាស់ប្ដូរទាំងស្រុង។

ប៉ុន្តែ ខ្ញុំនៅតែខឹង។ ខ្ញុំនៅតែបញ្ចេញអាការៈខឹងសម្បារ។ ខ្ញុំនៅតែក្ដៅក្រហាយក្នុងកំហឹង។ ខ្ញុំនៅតែការប៉ងប្រាថ្នាដែលកើតចេញពីសេចក្ដីកំហឹង ហើយរងទុក្ខការឈឺចាប់នឹងលទ្ធផលនៃកំហឹងរបស់ខ្ញុំ។ ហើយនោះគ្រាន់តែជាអំពើបាបមួយប៉ុណ្ណោះ។ ខ្ញុំនៅតែមានចិត្តស្រើបស្រាល ចិត្តច្រណែន រមិលគុណ ហើយនៅធ្វើបាបក្នុងរបៀបជាច្រើនទៀត។ ខ្ញុំបានស្លាប់ខាងឯអំពើបាប ប៉ុន្តែអំពើបាបមិនបានស្លាប់នៅខាងក្នុងខ្ញុំនៅឡើយទេ។ ប៉ុន្តែ មានភាពផ្សេងខុសពីគ្នា ហើយភាពផ្លាស់ប្ដូរនោះគឺ៖ អំពើបាបមិនមានអំណាចជាស្ដេចគ្រប់គ្រងលើខ្ញុំទៀតទេ។ ហើយជាក់ស្ដែង ខ្ញុំក៏មិនមានទំនាក់ទំនងជាមួយវា ហាក់បីដូចជាថាវាមានអំណាចគ្រប់គ្រងលើខ្ញុំទៀតឡើយ។ ខ្ញុំត្រូវតែប្រាកដឲ្យច្បាស់ថា បទពិសោធន៍នៃអំពើបាបរបស់ខ្ញុំត្រូវតែស្របតាមការទេវវិទ្យារបស់ខ្ញុំ ទាក់ទងនឹងអំពើបាប។

កំហឹងមិនមែនជាម្ចាស់ខ្ញុំទៀតទេ។ ព្រះគ្រីស្ទជាម្ចាស់របស់ខ្ញុំ។ ភាពស្រើបស្រាលមិនជំរុញចិត្តខ្ញុំទេ។ ព្រះគ្រីស្ទជំរុញចិត្តខ្ញុំ។ ការច្រណែនមិនមានជ័យជម្នះចុងក្រោយទេ។ ព្រះគ្រីស្ទទទួលបានជ័យជម្នះចុងក្រោយ។ ឈើឆ្កាងឈរនៅទីនោះ ទុកជាតំណាងនៃការដឹងប្រាកដច្បាស់ថា ខ្ញុំទទួលបានការសង្គ្រោះចេញពីអំណាចនៃអំពើបាបនោះ ហើយនៅទីបំផុតនៅថ្ងៃណាមួយ នោះខ្ញុំនឹងបានប្រោសឲ្យរួចចេញពីវត្តមានរបស់វាទាំងស្រុង។ អំពើបាបនៅក្នុងខ្ញុំ ប៉ុន្តែខ្ញុំនៅក្នុងព្រះគ្រីស្ទ។ ហើយអ្វីដែលមាននៅក្នុងខ្ញុំគឺត្រូវបានដាក់លើទ្រង់នៅលើឈើឆ្កាង។ នៅពេលនោះ ទ្រង់បានយកជ័យជម្នះលើវា។ ទ្រង់បានបំបាក់អំណាចរបស់វា។ ហើយឥឡូវនេះ ខ្ញុំគ្រាន់តែត្រូវរង់ចាំ ដោយតយុទ្ធ គឺរង់ចាំឲ្យទ្រង់មានព្រះបន្ទូលហើយបញ្ចប់វា ម្ដងជាសម្រេចសម្រាប់ទាំងអស់។

និពន្ធដោយ៖ Tim Challies
បកប្រែដោយ៖ លោក លោក អ៊ុច អភិរិន
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូធេ, លោក សឹម រក្សា និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.challies.com ដោយមានការអនុញ្ញាត។ Plovpit.com

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៧

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២១៦

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥១

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៨

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៦

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម