ហេតុអ្វីត្រូវមានបេសកកម្ម?

ការប្រាប់អ្នកដទៃអំពីព្រះយេស៊ូវ គឺជាផ្នែកមួយនៃចម្លើយចំពោះភាពអាម៉ាស់ និងទោសកំហុសរបស់មនុស្សលោកយើង។ តែនេះក៏ជាការប្រកាសដំណឹងល្អដែលថា ព្រះបានរៀបផ្លូវមួយសម្រាប់មនុស្សជាតិឲ្យរួចផុតពីសេចក្ដីក្រោធរបស់ទ្រង់ដែរ។

៣១ សីហា ២០២៣អានរយៈពេល ៨ នាទី

មើល២៣០ដង

នៅដើមដំបូង មិនចាំបាច់ត្រូវប្រាប់អ្នកដទៃអំពីព្រះយេស៊ូវទេ។ លោក អ័ដាម និងនាង អេវ៉ា គឺជាមនុស្សដំបូងដែលព្រះបានបង្កើតមក។ ពួកគាត់មានសេចក្ដីសុខសាន្តជាមួយទ្រង់។ ប៉ុន្តែ ការកុហករបស់សាតាំងបានបញ្ឆោតមនុស្សដំបូងនោះ។ ព្រះបានបណ្ដេញពួកគាត់ចេញពីវត្តមានរបស់ទ្រង់ ហើយផ្ដន្ទាទោសពួកគាត់ឲ្យត្រូវស្លាប់។ នៅពេលលោក អ័ដាម និងនាង អេវ៉ា បានជ្រើសរើសជឿតាមការកុហករបស់សាតាំង ពួកគាត់ក៏បានបំពានច្បាប់របស់ព្រះ។ ពួកគាត់បានធ្វើឲ្យខ្លួនអាម៉ាស់ ហើយមានទោសនៅចំពោះព្រះជាម្ចាស់។ ព្រះទ្រង់មានសេចក្ដីក្រោធ។

ព្រះជាម្ចាស់បានមានបន្ទូលជាមួយលោក អ័ប្រាហាំ។ ទ្រង់បានមានបន្ទូលប្រាប់លោក អ័ប្រាហាំ ថាទ្រង់នឹងធ្វើឲ្យគាត់ក្លាយជាទីបញ្ចេញពរដល់ប្រជាជាតិនានានៅក្នុងកណ្ឌគម្ពីរលោកុប្បត្ដិជំពូក១២។ នៅក្នុងកណ្ឌគម្ពីរ លោកុប្បត្តិ ១៥:៦ លោក អ័ប្រាហាំ បានជឿលើព្រះអង្គ។ ព្រះគម្ពីរចែងថា ព្រះជាម្ចាស់បានរាប់លោក អ័ប្រាហាំ ថាជាមនុស្សសុចរិតដោយសារជំនឿរបស់គាត់។ ជំនឿគឺចាំបាច់ណាស់សម្រាប់ព័ន្ធកិច្ចរបស់ព្រះ។ កូនចៅរបស់លោក អ័ប្រាហាំ ក៏បានធ្វើជាទីបញ្ចេញពរមែន។ ម្នាក់ដែលជាទីបញ្ចេញពរដ៏ល្បីល្បាញបំផុតនោះគឺ ព្រះយេស៊ូវ។ ព្រះគម្ពីរបញ្ជាក់យ៉ាងច្បាស់ថា ព្រះយេស៊ូវជាកូនចៅរបស់លោក អ័ប្រាហាំ (ម៉ាថាយ ១:១–១៧) និងជាកូនចៅរបស់លោក អ័ដាម ដែរ (លូកា ៣:២៣–៣៨)។

គ្រីស្ទបរិស័ទដឹងអំពីរបៀបដែលព្រះយេស៊ូវជាទីបញ្ចេញពរនេះ។ ទ្រង់បានសុគតជំនួសយើង សម្រាប់អំពើបាបរបស់យើង។ ដូចជាលោក អ័ប្រាហាំ បានជឿលើព្រះ យើងក៏ត្រូវជឿលើព្រះយេស៊ូវយ៉ាងដូច្នេះដែរ។ លោក លូកា បានកត់ត្រាការចែកចាយរបស់សាវ័ក ប៉ុល អំពីសេចក្ដីពិតនេះនៅក្នុងកណ្ឌគម្ពីរ កិច្ចការ ១៦:៣១ «ចូរជឿដល់ព្រះអម្ចាស់យេស៊ូវគ្រីស្ទទៅ នោះនឹងបានសង្គ្រោះហើយ ព្រមទាំងពួកគ្រួសារលោកផង»។ នៅពេលដែលសាវ័ក ប៉ុល បាននិយាយដូច្នេះ គាត់កំពុងឈរនៅក្នុងគុកមួយក្នុងទីក្រុងភីលីព ដែលមានចម្ងាយប្រហែល ១៣០០ គីឡូម៉ែត្រពីក្រុងយេរូសាឡឹម។ ចម្ងាយនោះឆ្ងាយជាងពីភ្នំពេញទៅសិង្ហបុរីបន្តិច ឬច្រើនជាង៤ដងពីទីក្រុងភ្នំពេញមកខេត្តសៀមរាប។ តើហេតុអ្វីប៉ុលនៅឆ្ងាយពីផ្ទះម្ល៉េះ?

សាវ័ក ប៉ុល បានចេញពីទីក្រុងយេរូសាឡឹមទៅទីក្រុងភីលីព ដោយសារព្រះជាម្ចាស់បានមានបន្ទូលប្រាប់គាត់ឲ្យទៅ (កិច្ចការ ៩)។ តើយើងត្រូវធ្វើដូចសាវ័ក ប៉ុល ដែរមែនឬ? ព្រះយេស៊ូវបានបញ្ជាក់យ៉ាងច្បាស់ថា ចម្លើយគឺ «មែន»។ នៅក្នុងកណ្ឌគម្ពីរ ម៉ាថាយ ២៨:១៩-២០ ព្រះយេស៊ូវបានមានបន្ទូលប្រាប់ពួកសិស្សទ្រង់ថា «ដូច្នេះ ចូរទៅបង្កើតឲ្យមានសិស្សនៅគ្រប់ទាំងសាសន៍ ព្រមទាំងធ្វើពិធីជ្រមុជទឹកឲ្យគេ ក្នុងព្រះ‌នាមព្រះ‌វរបិតា ព្រះ‌រាជបុត្រា និងព្រះ‌វិញ្ញាណបរិសុទ្ធ ហើយបង្រៀនឲ្យគេកាន់តាមគ្រប់ទាំងសេចក្តីដែលខ្ញុំបានបង្គាប់អ្នករាល់គ្នា ហើយមើល៍ ខ្ញុំក៏នៅជាមួយអ្នករាល់គ្នាជារៀងរាល់ថ្ងៃ រហូតដល់គ្រាចុងបំផុត។ អាម៉ែន។» (គកស)។ ពួកជំនុំនៅសម័យដើមបានគោរពតាមបទបញ្ជានេះជាយូរមកហើយ មុនពេលដែលសាវ័ក ប៉ុល បានមកជឿលើព្រះយេស៊ូវទៅទៀត។ កិច្ចការ ៥:៤២ បានកត់ត្រាថា «ហើយអ្នកទាំងនោះចេះតែបង្រៀន ព្រមទាំងប្រាប់ដំណឹងល្អពីព្រះយេស៊ូវគ្រីស្ទ នៅក្នុងព្រះវិហារ ហើយនៅអស់ទាំងផ្ទះរាល់តែថ្ងៃជានិច្ច»។ ការផ្លាស់ប្រែរបស់សាវ័ក ប៉ុល មានន័យថា គាត់បានចូលរួមក្រុមជំនុំមួយ ដើម្បីប្រាប់អ្នកផ្សេងទៀតថា ព្រះយេស៊ូវជានរណា ហើយទ្រង់បានបង្រៀនអ្វីខ្លះ។

នៅពេលដែលព្រះយេស៊ូវបានបង្គាប់យើងឲ្យទៅបង្កើតសិស្សនៅក្នុងកណ្ឌគម្ពីរ ម៉ាថាយ ២៨:១៩ ទ្រង់ក៏បានបញ្ជាក់ថាឲ្យយើងប្រាប់មនុស្សគ្រប់ជាតិសាសន៍ផងដែរ។ ទ្រង់មិនគ្រាន់តែបានមានបន្ទូលថា ឲ្យយើងគ្រាន់តែប្រាប់ដល់ជាតិសាសន៍យើងប៉ុណ្ណោះនោះទេ។ នេះហើយជាមូលហេតុដែលសាវ័ក ប៉ុល បានទៅទីក្រុងភីលីព។ នេះគឺដោយសារព្រះសព្វព្រះហឫទ័យឲ្យគាត់នៅទីនោះ។ នេះមិនមែនដោយសារគាត់ជាសាវ័ក ប៉ុល នោះទេប៉ុន្តែសំខាន់ជាងនេះទៅទៀតគឺថា សាវ័ក ប៉ុល កំពុងតែស្មោះត្រង់នឹងសេចក្តីបង្គាប់របស់ព្រះយេស៊ូវសម្រាប់គ្រីស្ទបរិស័ទទាំងអស់។

ព្រះសព្វព្រះហឫទ័យនឹងមានការផ្សះផ្សាជាមួយគ្រប់ជាតិសាសន៍ និងគ្រប់មនុស្សជាតិ។ នៅក្នុងកណ្ឌគម្ពីរ កិច្ចការ ១:៨ ព្រះយេស៊ូវមានបន្ទូលប្រាប់ពួកសិស្សរបស់ទ្រង់ថា ពួកគាត់នឹងធ្វើជាស្មរបន្ទាល់នៅក្នុងភូមិសាស្ត្របួនគឺ៖ ក្រុងយេរូសាឡឹម ស្រុកយូដា ស្រុកសាម៉ារី និងដល់ចុងផែនដី។ ទីក្រុងយេរូសាឡឹមគឺជាទីក្រុងដែលពួកគាត់កំពុងនៅ។ ស្រុកយូដាគឺជាខេត្តដែលក្រុងយេរូសាឡឹមស្ថិតនៅ។ ស្រុកសាម៉ារីជាតំបន់នៅភាគខាងជើង។ អ្នករស់នៅក្នុងស្រុកយូដាមិនចូលចិត្តប្រជាជនដែលរស់នៅស្រុកសាម៉ារីឡើយ។ ព្រះយេស៊ូវប្រាប់ឲ្យពួកគាត់ទៅរកមនុស្សទាំងនោះ។ ចុងបញ្ចប់នៃផែនដីគឺសំដៅទៅលើកន្លែងដែលហួសពីតំបន់ទាំងនោះ។ នៅក្នុងកណ្ឌគម្ពីរ កិច្ចការ ១:៨ ព្រះយេស៊ូវបានលើកឡើងនូវផែនការមួយសម្រាប់ការឈានទៅដល់ «គ្រប់ទាំងសាសន៍» (ម៉ាថាយ ២៨:១៩)។ គ្រីស្ទបរិស័ទជាច្រើនសតវត្សរ៍បានព្យាយាមធ្វើតាមបញ្ជានេះ។ ប្រាប់អ្នកជិតខាងជាមុនសិន រួចធ្វើការជាមួយគ្នា ដើម្បីប្រាប់អ្នកដែលរស់នៅក្រៅទីក្រុងរបស់ខ្លួន។ នៅក្នុងកណ្ឌគម្ពីរកិច្ចការជំពូក១៣ក្រុមជំនុំនៅក្រុងអាន់ទីយ៉ូកបានបញ្ជូន សាវ័ក ប៉ុល និងលោក បាណាបាស ឲ្យចេញដើម្បីចែកចាយដំណឹងល្អតំណាងឲ្យក្រុមជំនុំនោះ ទៅកាន់តំបន់ឆ្ងាយៗពីពួកគាត់។

សេចក្ដីក្រោធរបស់ព្រះជាម្ចាស់ចំពោះអំពើបាបរបស់មនុស្សនឹងទទួលបានដំណោះស្រាយ តាមរយៈសេចក្ដីជំនឿនៅក្នុងកិច្ចការរបស់ព្រះយេស៊ូវ នៅលើឈើឆ្កាងតែប៉ុណ្ណោះ។ ព្រះបានចាត់ព្រះរាជបុត្រារបស់ទ្រង់មកសង្គ្រោះមនុស្សលោក។ ផែនការរបស់ព្រះនឹងដំណើរការបាន។ កណ្ឌគម្ពីរ វិវរណៈ ៥:៩-១០ បានចែងថា មនុស្សមកពីគ្រប់កុលសម្ព័ន្ធ គ្រប់ភាសា និងគ្រប់ជាតិសាសន៍នឹងថ្វាយបង្គំព្រះអង្គនៅស្ថានសួគ៌នៅថ្ងៃមួយ។ ដូចដែលយើងបានឃើញហើយ ក្រុមជំនុំបានទទួលតួនាទីនេះ ក្នុងការធ្វើឲ្យរឿងនេះកើតឡើង។ តើលោកអ្នកកំពុងតែដើរតួនាទីផ្នែកអ្វីនៅក្នុងផែនការរបស់ព្រះ?

និពន្ធដោយ៖ Craig Alford
បកប្រែដោយ៖ លោក អ៊ុច អភិរិន
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ លោក សឹម រក្សា, លោកស្រី ឡូញ ស្រីរដ្ឋ និងលោក ឈាង បូរ៉ា Plovpit.com

តើអ្នកគិតយ៉ាងណា?

២ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៩

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២១

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៩

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម