គន្លឹះនៃសេចក្ដីជំនឿ៖ ការទទួលបាននូវភាពប្រសើរឡើងក្នុងការសញ្ជឹងគិត

ថ្ងៃនេះ ខ្ញុំចង់និយាយបន្តិចអំពី «គន្លឹះនៃសេចក្តីជំនឿ» ដើម្បីស្វែងរក និងចែករំលែកនូវរបៀបជាក់ស្ដែង ឬក៏បច្ចេកទេសសម្រាប់ការរស់នៅជីវិតជាគ្រីស្ទបរិស័ទ។

៥ ធ្នូ ២០២៣អានរយៈពេល ៦ នាទី

មើល២៤៦ដង

ថ្ងៃនេះ ខ្ញុំចង់និយាយបន្តិចអំពី «គន្លឹះនៃសេចក្តីជំនឿ» ដើម្បីស្វែងរក និងចែករំលែកនូវរបៀបជាក់ស្ដែង ឬក៏បច្ចេកទេសសម្រាប់ការរស់នៅជីវិតជាគ្រីស្ទបរិស័ទ។ នៅពេលខ្ញុំអាន នៅពេលខ្ញុំស្តាប់ការអធិប្បាយព្រះបន្ទូល នៅពេលខ្ញុំនិយាយទៅកាន់មនុស្សម្នា ខ្ញុំតែងតែស្វែងរកការយល់ដឹងអំពីរបៀបដែលគ្រីស្ទបរិស័ទផ្សេងទៀតរស់នៅក្នុងភាពជាក់ស្ដែងក្នុងសេចក្ដីជំនឿរបស់ពួកគាត់។ ហើយថ្ងៃនេះខ្ញុំចង់ប្រាប់លោកអ្នកអំពីការណែនាំដ៏អស្ចារ្យមួយ ក្នុងរបៀបនៃការសញ្ជឹងគិតអំពីអត្ថបទគម្ពីរ ដែលធ្វើឲ្យអ្នកកាន់តែប្រសើរឡើង។
ប្រសិនបើអ្នកដូចជារូបខ្ញុំដែរ នោះលោកអ្នកដឹងហើយថាការសញ្ជឹងគិតគឺជាការអនុវត្តដ៏លំបាកមួយ។ លោកអ្នកចូលចិត្តគំនិតនោះ ប៉ុន្តែពិបាកអនុវត្តណាស់។ នៅក្នុងគំនិតរបស់ខ្ញុំ «ការសញ្ជឹងគិត» ហាក់បីដូចជារៀងស្រាលណាស់ ជាគំនិតដ៏ល្អមួយប៉ុន្តែមិនមានរចនាបថច្បាស់លាស់។ ខ្ញុំមានការលំបាកជាមួយវា។

នៅក្នុងសៀវភៅ «ភាពងាយស្រួលក្នុងជីវិតខាងវិញ្ញាណ» “Simplifying Your Spiritual Life” របស់ លោក ដូណាល់ វីឌនី (Donald Whitney) គាត់បាននិយាយថា «នៅពេលយើងសញ្ជឹងគិតលើខគម្ពីរណាមួយ ជាធម្មតាវាងាយស្រួលជាងក្នុងការឆ្លើយសំណួរជាក់លាក់អំពីវាជាជាងការគិតអំពីអត្ថបទ ដោយគ្មានសេចក្ដីណែនាំ ឬការបង្ហាញទិសដៅអ្វីទាំងអស់»។ ខ្ញុំគិតថា សម្រង់សម្ដីនេះជាអ្វីដែលពន្យល់បានយ៉ាងច្បាស់ៗអំពីអារម្មណ៍តានតឹងរបស់ខ្ញុំ។ គាត់បានរៀបរាប់អំពីការសញ្ជឹងគិតលើកណ្ឌគម្ពីរ ភីលីព ៤:៨ ហើយឃើញថា ខគម្ពីរនេះបានផ្តល់នូវការណែនាំដ៏មានប្រយោជន៍លើគ្រប់ចំណុចដែលគាត់អាចសញ្ជឹងគិតលើបាន សម្រាប់អត្ថបទគម្ពីរណាមួយនៅក្នុងព្រះគម្ពីរទាំងមូលក៏បាន។

កណ្ឌគម្ពីរ ភីលីព ៤:៨ ដែលលោកអ្នកប្រហែលជាបានទន្ទេញចាំនៅពេលណាមួយហើយ៖ «មួយទៀត បងប្អូនអើយ ឯសេចក្តីណាដែលពិត សេចក្តីណាដែលគួររាប់អាន សេចក្តីណាដែលសុចរិត សេចក្តីណាដែលបរិសុទ្ធ សេចក្តីណាដែលគួរស្រឡាញ់ សេចក្តីណាដែលមានឈ្មោះល្អ បើមានសគុណណា ឬជាសេចក្តីសរសើរណា នោះចូរពិចារណាពីសេចក្តីទាំងនោះចុះ។» លោក វីឌនី បានសិក្សាខគម្ពីរអស់មួយរយៈ ហើយបានបង្កើតនូវកម្រងសំណួរដែលអាចមានប្រយោជន៍សម្រាប់ការសញ្ជឹងគិតស្ទើរតែគ្រប់អ្វីៗទាំងអស់នៅក្នុងជីវិតរបស់លោកអ្នក ប៉ុន្តែអ្វីដែលពិសេសនោះគឺអំពីបទគម្ពីរទាំងមូល។ ខាងក្រោមនេះគឺជាកម្រងសំណួរ៖

- តើអ្វីជាសេចក្ដីពិតអំពីការនេះ ឬតើការនេះលើកឡើងអំពីសេចក្តីពិតដោយរបៀបណា?

-តើការនេះគួរឲ្យរាប់អានដោយរបៀបណា?

-តើអ្វីទៅជាភាពត្រឹមត្រូវអំពីការនេះ?

-តើអ្វីជាភាពបរិសុទ្ធអំពីការនេះ ឬតើការនេះលើកឡើងអំពីភាពបរិសុទ្ធដោយរបៀបណា?

-តើអ្វីដែលគួរឲ្យស្រឡាញ់អំពីការនេះ?

-តើអ្វីទៅដែលគួរឲ្យស្ងើច កោតសរសើរ ឬជាការពង្រឹងកេរ្តិ៍ឈ្មោះអំពីការនេះ?

-តើអ្វីដែលជាការល្អឥតខ្ចោះអំពីការនេះ (និយាយម្យ៉ាងទៀត លើកលែងអំពីចំណុចផ្សេងនៃប្រភេទនេះ)?

-តើអ្វីដែលគួរឲ្យសរសើរអំពីការនេះ?

ទាំងនេះហើយគឺជាកម្រងសំណួរទាំងប្រាំបីដែលអាចជួយណែនាំលោកអ្នកអំពីការសញ្ជឹងគិត។

តើលោកអ្នកមានសំណួរផ្សេងទៀត ដើម្បីណែនាំក្នុងការសញ្ជឹងគិតដែរឬទេ? តើលោកអ្នកធ្វើយ៉ាងណាឲ្យប្រាកដថា លោកអ្នកនឹងមិនត្រឹមតែអានព្រះគម្ពីរប៉ុណ្ណោះទេ ប៉ុន្តែក៏នឹងសញ្ជឹងគិត ព្រមទាំងអនុវត្តផងដែរ?

លោកអ្នកអាចចូលទៅសិក្សាបន្ថែមនូវគន្លឹះនៃសេចក្តីជំនឿផ្សេងៗទៀត ដែលខ្ញុំធ្លាប់បានចែករំលែក៖
- គន្លឹះនៃសេចក្ដីជំនឿ៖ ការបង្ហាញពីភាពជាអ្នកដឹកនាំដែលចេះបម្រើ
- គន្លឹះនៃសេចក្ដីជំនឿ៖ វិធីសាស្ត្រដ៏សាមញ្ញមួយក្នុងការរៀបចំការអធិស្ឋានរបស់លោកអ្នក
- គន្លឹះនៃសេចក្ដីជំនឿ៖ ការឃ្វាលកូនៗផ្ទាល់ខ្លួនរបស់លោកអ្នក

និពន្ធដោយ៖ Tim Challies
បកប្រែដោយ៖ លោកស្រី វង ស្រីល័ក្ខ
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក សឹម រក្សា, កញ្ញា ហុង រស្មី និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.challies.com ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៨៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៧

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម