ប្រសូត ដើម្បីសុគត

សូមអាន «ប៉ុន្តែ ឥឡូវនេះ ក្រៅពីក្រិត្យវិន័យ សេចក្ដីសុចរិតផងព្រះដែលមានទាំងក្រិត្យវិន័យ នឹងពួកហោរាធ្វើបន្ទាល់ឲ្យផង នោះបានលេចចេញមកហើយ…

១០ ធ្នូ ២០២៣អានរយៈពេល ៨ នាទី

មើល២០៨ដង

សូមអាន

«ប៉ុន្តែ ឥឡូវនេះ ក្រៅពីក្រិត្យវិន័យ សេចក្ដីសុចរិតផងព្រះដែលមានទាំងក្រិត្យវិន័យ នឹងពួកហោរាធ្វើបន្ទាល់ឲ្យផង នោះបានលេចចេញមកហើយ គឺជាសេចក្ដីសុចរិតរបស់ព្រះ ដែលបាន ដោយសារសេចក្ដីជំនឿជឿដល់ព្រះយេស៊ូវគ្រីស្ទ ក៏សំរាប់គ្រប់អស់អ្នកណាដែលជឿផង ដ្បិតគ្មានខុសអំពីគ្នាទេពីព្រោះគ្រប់គ្នាបានធ្វើបាប ហើយខ្វះមិនដល់សិរីល្អនៃព្រះដោយពឹងដល់ព្រះគុណទ្រង់ នោះបានរាប់ជាសុចរិតទទេ ដោយសារសេចក្ដីប្រោសលោះ ដែលនៅក្នុងព្រះគ្រីស្ទយេស៊ូវដែលព្រះបានតាំងទ្រង់ទុកជាទីសន្ដោសប្រោស ដោយសារសេចក្ដីជំនឿដល់ព្រះលោហិតទ្រង់ សំរាប់នឹងសំដែងឲ្យឃើញសេចក្ដីសុចរិតរបស់ព្រះ ចំពោះការដែលទ្រង់មិនប្រកាន់អំពើបាប ដែលគេប្រព្រឹត្តពីដើម ដោយទ្រង់មានព្រះហឫទ័យអត់ធ្មត់ ដើម្បីនឹងសំដែងឲ្យឃើញសេចក្ដីសុចរិតរបស់ព្រះ នៅជាន់ឥឡូវនេះ ប្រយោជន៍ឲ្យទ្រង់បានសុចរិត ព្រមទាំងរាប់ពួកអ្នកដែលមានសេចក្ដីជំនឿ ជឿដល់ព្រះយេស៊ូវ ថាជាសុចរិតដែរ » (រ៉ូម ៣:២១-២៦)។

ការសញ្ជឹងគិត

ហេតុអ្វីបានជាព្រះយេស៊ូវយាងមកគង់ក្នុងចំណោមយើង? លោកអ្នកដឹងហើយថា ព្រះអង្គមិនចាំបាច់ធ្វើដូច្នោះទេ។ ព្រះអង្គអាចទុកយើងចោលក្នុងអំពើបាបរបស់យើង ហើយព្រះអង្គក៏មានភាពយុត្តិធម៌ក្នុងការថ្កោលទោសយើងដែរ។ យើងទាំងអស់គ្នាសុទ្ធតែបានប្រព្រឹត្តអំពើបាប ហើយខ្វះមិនដល់សេរីល្អនៃព្រះអាទិកររបស់យើង។ ប្រសិនបើព្រះអង្គគ្រាន់តែមក ដើម្បីបង្រៀនយើងអំពីសេចក្ដីពិតផ្នែកសីលធម៌ខ្លះៗ នោះព្រះអង្គមិនចាំបាច់យាងទៅឯឈើឆ្កាងទេ។ ក្រឹត្យវិន័យបានបើកសម្ដែងអំពីលក្ខណសម្បត្តិរបស់ព្រះជាម្ចាស់ ក្នុងភាពបរិសុទ្ធ យុត្តិធម៌ និងសប្បុរសធម៌ដ៏អស្ចារ្យរបស់ទ្រង់។

ហេតុអ្វីបានជាទ្រង់យាងមក? ព្រះអង្គបានយាងមក ដើម្បីបំពេញក្រឹត្យវិន័យ តាមរយៈការរស់នៅក្នុងការស្ដាប់បង្គាប់ព្រះវរបិតារបស់ទ្រង់យ៉ាងល្អឥតខ្ចោះ និងស្រឡាញ់អស់អ្នកដែលទ្រង់បានជួបយ៉ាងពេញលេញ។ ព្រះអង្គបានយាងមក ដើម្បីដើរក្នុងជំនឿក្នុងចំណុចដែលសាសន៍អ៊‌ីស្រាអែលបរាជ័យ។ ព្រះអង្គបានយាងមក ដើម្បីបង្រៀនយើងអំពីអត្ថន័យនៃព្រះជន្មរបស់ទ្រង់—និងការសុគត។ ព្រះអង្គបានប្រសូត ដើម្បីសុគត ដើម្បីឲ្យយើងដែលទទួលជឿបានរស់នៅយ៉ាងអស់កល្បជានិច្ច។

តាមរយៈការប្រសូតរបស់ព្រះយេស៊ូវ នៅយប់ដ៏បរិសុទ្ធនោះ ព្រះគុណនៃការប្រោសលោះក៏បានមកដល់ផងដែរ។ សូមកុំមើលរំលងពាក្យ «ការប្រោសលោះ» ឡើយ។ តើការប្រោសលោះមានន័យយ៉ាងដូចម្ដេច? វាមានន័យថា ព្រះអង្គបានទិញយើងក្នុងតម្លៃណាមួយ។ យើងនាំមកនូវបំណុលចំពោះអំពើបាប ដោយសារយើងបានបះបោរទាស់ប្រឆាំងនឹងក្រឹត្យវិន័យរបស់ព្រះជាម្ចាស់។ ហើយព្រះយេស៊ូវបានរំដោះយើងឲ្យមានសេរីភាព។ ព្រះអង្គបានប្រោសលោះយើង។ ប៉ុន្តែ តើទ្រង់បានធ្វើដោយរបៀបណា? ក្នុងរបៀបតែមួយដែលទ្រង់អាចធ្វើបាន ដើម្បីឲ្យព្រះជាម្ចាស់មានភាពយុត្តិធម៌ និងជាអង្គដែលនាំឲ្យមានភាពយុត្តិធម៌ក្នុងពេលតែមួយបាន។ ព្រះយេស៊ូវបានប្រគល់រូបអង្គទ្រង់ជាយញ្ញបូជាជំនួសអំពើបាបរបស់យើង។ ព្រះអង្គបានសុគតសម្រាប់សេចក្ដីស្លាប់ដែលយើងស័ក្តិសមនឹងទទួល ដើម្បីឲ្យព្រះដ៏យុត្តិធម៌អាចមានការស្កប់ព្រះទ័យបាន។

តើនៅមានសល់អ្វីសម្រាប់ឲ្យយើងធ្វើ? គឺទទួលយកអំណោយទានដ៏ល្អអស្ចារ្យបំផុត—ការរាប់ជាសុចរិត។ ព្រះយេស៊ូវបានមកយកអំពើបាបរបស់យើង ហើយយើងទទួលបានសេចក្ដីសុចរិតរបស់ទ្រង់។ តើយើងអាចទទួលបានអំណោយទាននេះដោយរបៀបណា? គឺតាមរយៈជំនឿ។ យើងនឹងមិនអាចរកបានអ្វីដែលល្អប្រសើរជាងនេះនោះទេ។ ប៉ុន្តែ គ្រាន់តែសម្រាប់អស់អ្នកដែលមានការបន្ទាបខ្លួនប៉ុណ្ណោះ។ សម្រាប់តែអស់អ្នកដែលបាក់បែក។ សម្រាប់អស់អ្នកដែលទទួលស្គាល់ថា ខ្លួនមិនមានជម្រើសណាផ្សេងទៀតឡើយ។ អំណោយទាននេះមិនមែនសម្រាប់អស់អ្នកណាដែលគិតថា ខ្លួនស័ក្តិសមក្នុងការទទួលបាននោះទេ។

អ្នកដែលព្រះជាម្ចាស់បានរាប់ជាសុចរិតនឹងទទួលស្គាល់ថា ព្រះជាម្ចាស់មានភាពយុត្តិធម៌ក្នុងការដាក់ទោសពួកគាត់។ ពួកគាត់ដឹងថា ការខិតខំប្រឹងប្រែងដ៏ល្អប្រសើរបំផុតរបស់ខ្លួន ក្នុងការត្រាប់តាមក្រឹត្យវិន័យ និងនៅតែខ្វះមិនដល់សិរីល្អរបស់ទ្រង់ទាល់តែសោះ។ វាហាក់បីដូចជាថា អំណោយទានដ៏ធំបំផុតនារដូវកាលណូអែលគឺជាកម្មសិទ្ធិរបស់កូនៗដែលដឹងថា ខ្លួនស័ក្ដិសមទទួលបានតែសំរាមជាកាដូ។ ព្រះយេស៊ូវមានការជំទាស់នឹងលោកតាសាន់តា ក្លាស៍ (Santa Clause)។ ព្រះអង្គជ្រាបរួចហើយថា យើងស័ក្ដិសមនៅក្នុងបញ្ជីឈ្មោះមនុស្សខិលខូច។ នេះហើយជាមូលហេតុដែលទ្រង់បានយើងមក ដើម្បីសង្គ្រោះយើង។ នេះឯងជាមូលហេតុដែលទ្រង់បានលះបង់សិរីល្អនៃស្ថានសួគ៌ ដើម្បីមកផ្ទំនៅក្នុងផ្ទៃនាង ម៉ារា ដែលជាមាតារបស់ទ្រង់។ ព្រះអង្គបានប្រសូត ដើម្បីសុគត។ ហើយប្រសើរជាងនោះទៅទៀត បន្ទាប់ពីគេបានចាប់ទ្រង់សម្រាប់អំពើល្មើសរបស់យើង នោះព្រះអង្គក៏បានមានព្រះជន្មរស់ឡើងវិញសម្រាប់ជាការរាប់ជាសុចរិតរបស់យើងដែរ (រ៉ូម ៤:២៥)។

នារដូវកាលបុណ្យណូអែលនេះ សូមប្រាកដឲ្យច្បាស់ថា លោកអ្នកនឹងទទួលយកអំណោយទាននេះ។ សូមចូលមកដោយមានជំនឿ ហើយចេញទៅវិញដោយទទួលបានការរាប់ជាសុចរិតចុះ។

ការឆ្លើយតប

តើព្រះជាម្ចាស់អាចមានភាពយុត្តិធម៌ ហើយក៏អាចជាអ្នកនាំឲ្យមានភាពយុត្តិធម៌ក្នុងពេលតែមួយបានដោយរបៀបណា? តើចំណេះដឹងរបស់លោកអ្នកអំពីអំពើបាបរបស់ខ្លួនអាចនាំឲ្យលោកអ្នកកាន់តែស្រឡាញ់ព្រះជាម្ចាស់បានដោយរបៀបណា?

ការមានអំណរ

«យប់សុខសាន្តយប់វិសុទ្ធ
ព្រះបុត្រព្រះបរិសុទ្ធ
ដោយមានរស្មីភ្លឺពីព្រះភក្ត្រ
ឲ្យបានឃើញព្រះគុណទ្រង់ជាយ៉ាងជាក់
ក្នុងកាលទ្រង់ប្រសូតនោះ»។

–និពន្ធដោយលោក៖ Joseph Mohr
(បកប្រែជាភាសាអង់គ្លេសដោយលោក៖ John Freeman Young),
«យប់សុខសាន្ត» (“Silent Night”)។

និពន្ធដោយលោកគ្រូ៖ Collin Hansen
បកប្រែដោយ៖ លោក ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង,លោក ឯក សត្យា និងលោក ឯក ធីម៉ូថេ
ដកស្រង់ និងកែសម្រួលចេញពី www.thegospelcoalition.org ដោយមានការអនុញ្ញាត។

តើអ្នកគិតយ៉ាងណា?

២ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២១

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៨

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម