អ្វីមួយសំខាន់ជាងគេបំផុតដែលឪពុកម្ដាយខ្ញុំបានធ្វើ

៣០ មករា ២០២៤អានរយៈពេល ៨ នាទី

មើល១៦១ដង

ខ្ញុំបានរីកចម្រើនធំធាត់ឡើងនៅក្នុងវប្បធម៌ក្រុមជំនុំ វប្បធម៌នៃការបង្រៀនបែបសំណួរ-ចម្លើយ និងវប្បធម៌ថ្វាយបង្គំតាមផ្ទះ។ ខ្ញុំដឹងច្បាស់ថាទាំងអស់នេះ ពិតជាអស្ចារ្យ និងជាព្រះពរដែលមិនអាចកាត់ថ្លៃបានឡើយ។ ខ្ញុំបានចូលរួមថ្វាយបង្គំពីរវេនរៀងរាល់ថ្ងៃអាទិត្យ ហើយចាំសំណួរ-ចម្លើយនៃសេចក្ដីបង្រៀន និងការថ្វាយបង្គំនៅផ្ទះ ការទាំងនោះបានជះឥទ្ធិពលលើខ្ញុំយ៉ាងខ្លាំង។ ខ្ញុំគិតថា ខ្ញុំនឹងមិនដែលភ្លេចអំពីភាពកក់ក្ដៅនេះឡើយគឺថា ទោះស្លាប់ ឬក៏រស់នៅក្ដី គឺខ្ញុំមិនមែនរបស់ខ្លួនឯងទេ ប៉ុន្តែទោះបីជាស្លាប់ ឬក៏រស់ក្ដី ទាំងព្រលឹង និងរូបកាយខ្ញុំ វាគឺជាកម្មសិទ្ធិរបស់ព្រះអង្គសង្គ្រោះដ៏ស្មោះត្រង់គឺព្រះយេស៊ូវគ្រីស្ទ។ ឬក៍ថាទីបញ្ចប់របស់មនុស្សគ្រប់គ្នាគឺ ដើម្បីថ្វាយសិរីល្អ ហើយនឹងរីករាយជាមួយព្រះអង្គជារៀងដរាប។ ខ្ញុំនៅចេះច្រៀងបទទំនុកតម្កើង និងកំណាព្យជាច្រើនកាលពីយុវវ័យ ខ្ញុំក៏នៅមានអនុស្សាវរីយ៍ដែលគួរឲ្យចងចាំជាច្រើនបានអំពីក្រុមគ្រួសាររបស់ខ្ញុំនៅពេលដែលយើងអធិស្ឋាននៅជុំវិញតុក្នុងផ្ទះបាយជាមួយគ្នា។

អ្វីដែលជាការពិតក្នុងគ្រួសារខ្ញុំក៏ជាការពិតក្នុងគ្រួសាររបស់មិត្តភក្តិខ្ញុំជាច្រើននាក់ដែរ។ ពួកគាត់ក៏បានចម្រើនវ័យធំធាត់ឡើងនៅក្នុងក្រុមជំនុំ និងវប្បធម៌នៃការបង្រៀនបែបសំណួរ-ចម្លើយ ព្រមទាំងការជួបជុំគ្នាថ្វាយបង្គំតាមផ្ទះជាប់មិនដាច់។ ជាក់ស្ដែង ជារៀងរាល់ពេលដែលខ្ញុំទៅលេងផ្ទះពួកគាត់ ខ្ញុំអាចធ្វើសាក្សីថា ពួកគាត់មិនដែលខកខានចូលរួមប្រជុំថ្វាយបង្គំនៅផ្ទះពួកគាត់ឡើយ។ វាជាទម្លាប់ ជាការរំពឹង ចង់បាន ហើយវាក៏ជាការល្អប្រពៃដែរ។ ក្រុមជំនុំរបស់យើងមានវត្តមានអ្នកចូលរួមស្ទើរតែ១០០ភាគរយ នៅវេនថ្វាយបង្គំព្រឹកថ្ងៃអាទិត្យ ហើយស្ទើរតែ១០០ភាគរយនៅវេនថ្វាយបង្គំល្ងាចថ្ងៃអាទិត្យ។ វាជាទម្លាប់របស់យើង។

ប៉ុន្តែ ទោះបីជាមាននូវគុណសម្បត្តិអស់ទាំងនេះក្ដីក៏មិត្តភ័ក្ដិតាំងពីកុមារភាពរបស់ខ្ញុំជាច្រើននាក់បានដើរចេញពីសេចក្ដីជំនឿ។ មានមួយចំនួនបានរសាត់បាត់ទៅយ៉ាងលឿន តែមួយចំនួនទៀតរស់នៅតាមយថាហេតុធម្មតាៗ ដូច្នេះហើយពេលខ្លះការខកខានមិនបានទៅចូលរួមថ្ងៃអាទិត្យជារឿយៗក៏ក្លាយទៅជាខែ ហើយពេលខ្លះទៅជាឆ្នាំក៏មានដែរ។ ជាការពិតណាស់ មិនមែនទាំងអស់គ្នានោះទេ។ ពួកគាត់ជាច្រើននាក់ ខ្លះក៏នៅជាអ្នកជឿធម្មតា ខ្លះជាអ្នកដែលបម្រើនៅក្នុងក្រុមជំនុំរបស់ខ្លួន និងខ្លះទៀតបានទាំងក្លាយជាអ្នកដឹកនាំក៏មាន។ ប៉ុន្តែ មានច្រើនណាស់ដែលបានបាត់មុខអស់ទៅហើយ។

ហេតុអ្វី? ខ្ញុំសួរសំណួរនេះម្តងហើយម្តងទៀត ហេតុអ្វីបានជាកូនប្រុសស្រីរបស់ឪពុកម្ដាយខ្ញុំ នៅបន្តដើរតាមព្រះអម្ចាស់ ខណៈដែលមិត្តភក្តិខ្ញុំ និងក្រុមគ្រួសាររបស់គេជាច្រើនលែងបន្ត? មែនទែនទៅ ខ្ញុំគ្មានលទ្ធភាពដើម្បីនឹងអាចយល់ ហើយអាចដាក់ជាសេចក្ដីសន្និដ្ឋានលើអ្វីដែលព្រះជាម្ចាស់ទ្រង់សម្រេចនោះឡើយ។ ប៉ុន្តែ នៅពេលដែលខ្ញុំក្រឡេកមើលមកខាងក្រោយ ខ្ញុំអាចមើលឃើញពីអ្វីមួយដែលខុសប្លែកគ្នាខ្លាំងរវាងគ្រួសាររបស់ខ្ញុំ ហើយនឹងគ្រួសាររបស់មិត្តភក្តិខ្ញុំ—គឺយ៉ាងហោចណាស់ គ្រួសាររបស់មិត្តខ្ញុំដែលបានដើរចេញពីព្រះជាម្ចាស់ និងក្រុមជំនុំរបស់ព្រះអង្គតាំងពីពេលនោះមកម្ល៉េះ។ ទោះបីជាវាមិនពិតជាលក្ខណៈសកលក្ដី តែវាការពិតទូទៅមួយដែរ។ នេះឯងជាភាពខុសប្លែកគ្នា៖ សូម្បីតែមិនចង់មើលក្ដី ខ្ញុំបានឃើញឪពុកម្ដាយរបស់ខ្ញុំរស់នៅស្ដែងចេញនូវសេចក្ដីជំនឿរបស់ពួកគាត់។

ពេលខ្ញុំចុះពីជណ្ដើរនៅពេលព្រឹកដោយថ្នមជើង ខ្ញុំមុខជាឃើញលោកពុករបស់ខ្ញុំអង្គុយនៅក្នុងបន្ទប់ជួបជុំគ្រួសារ ដោយមានព្រះគម្ពីរបើកហើយដាក់លើភ្លៅគាត់។ គ្រប់ពេលខ្ញុំបើកព្រះគម្ពីរសិក្សារបស់ម្ដាយខ្ញុំ វាហាក់ដូចជាសឹកជាងកាលពីលើកមុនៗ ខ្ញុំឃើញថាមានដានពណ៌ទឹកប៊ិចច្រើនជាងមុនលើទំព័រ ហើយមានបិទស្តុកជាច្រើន ដើម្បីឲ្យវានៅជាប់គ្នា។ នៅពេលជីវិតយើងជួបការលំបាក ខ្ញុំឮឪពុកម្ដាយលើកវែកញែកប្រឹក្សាគ្នាពីព្រះបន្ទូល ហើយខ្ញុំក៏ឃើញទៀតថាឪពុកម្ដាយខ្ញុំអធិស្ឋានជាមួយគ្នាដែរ។ ពួកគាត់ពុំបានធ្វើការទាំងអស់នេះសម្រាប់ពួកយើងទេ។ ពួកគាត់ក៏មិនធ្វើ ដើម្បីគ្រាន់តែឲ្យយើងមើលដែរ។ ពួកគាត់បានធ្វើកិច្ចការអស់ទាំងនេះ ដោយសារតែពួកគាត់ស្រឡាញ់ព្រះជាម្ចាស់ ហើយស្រឡាញ់ និងពេញចិត្តចំណាយពេលជាមួយនឹងទ្រង់ ហើយការនេះបានក្លាយជាគំរូល្អដល់ខ្ញុំ។ ខ្ញុំអាចធ្វើការបញ្ជាក់យ៉ាងមុតមាំថា ឪពុកម្តាយខ្ញុំពិតជាបានជឿ និងអនុវត្តអ្វីដែលពួកគាត់បានអធិប្បាយដែរ។ ខ្ញុំដឹងថា ពួកគាត់ជឿជាក់ថា ព្រះបន្ទូលស័ក្ដិសមគួរឲ្យទុកចិត្តមែន ដោយសារតែពួកគាត់ចាប់ផ្ដើមថ្ងៃរបស់គាត់ទាំងអស់ជាមួយនឹងព្រះបន្ទូល។ ខ្ញុំដឹងថា ពួកគាត់ជឿថា ព្រះជាម្ចាស់ពិតជាគង់នៅ ហើយទ្រង់ព្រះសណ្ដាប់ឮមែន ដោយសារពួកគាត់ចំណាយពេលជារៀងរាល់ព្រឹកជាមួយនឹងព្រះអង្គ ដើម្បីអធិស្ឋានសម្រាប់ពួកគាត់ផ្ទាល់ និងសម្រាប់កូនៗ។ ខ្ញុំបានមើលឃើញថា ជំនឿរបស់ពួកគាត់មិនមែនសម្រាប់តែផ្លូវការ និងសាធារណៈនោះឡើយ ប៉ុន្តែវាមានភាពជិតស្និទ្ធ និងមានភាពឯកជន។

នេះគឺជាអ្វីមួយដែលខ្ញុំរៀនបានពីឪពុកម្តាយខ្ញុំ៖ គ្មានអ្វីអាចជំនួសការរស់នៅជាគ្រីស្ទបរិស័ទក្រោមក្រសែភ្នែកកូនៗរបស់ខ្ញុំសោះឡើយ។ គ្មានចំនួននៃការហ្វឹកហ្វឺនផ្នែកទេវសាស្ត្រ ចំនួននៃការចូលរួមក្រុមជំនុំ ឬក៏ការចូលរួមថ្វាយបង្គំតាមផ្ទះដែលអាចនឹងបង្កើតការមិនចាប់អារម្មណ៍លើព្រះជាម្ចាស់បានឡើយ។ ខ្ញុំអាចបង្រៀនកូនៗខ្ញុំបែបសំណួរ-ចម្លើយពេញមួយថ្ងៃ ជារៀងរាល់ថ្ងៃ តែប្រសិនបើខ្ញុំមិនរីករាយ និងត្រេកអរនឹងព្រះជាម្ចាស់ ហើយប្រសិនបើខ្ញុំមិនរស់នៅដោយបង្ហាញសេចក្ដីជំនឿទេ នោះកូនៗរបស់ខ្ញុំនឹងប្រាកដជាឃើញ ហើយពួកគាត់ដឹងជាមិនខាន។

សម្រាប់កិច្ចការល្អទាំងអស់ដែលឪពុកម្តាយរបស់ខ្ញុំបានធ្វើ អ្វីមួយដែលខ្ញុំគិតថាសំខាន់ជាងគេគឺ ការរស់នៅជាគ្រីស្ទបរិស័ទដោយសាមញ្ញនៅចំពោះមុខខ្ញុំ។ ខ្ញុំគិតថា មិនមានអ្វីផ្សេងទៀតដែលប៉ះពាល់ និងជំរុញចិត្តខ្ញុំជាងការនេះនោះឡើយ។

និពន្ធដោយ៖ Tim Challies
បកប្រែដោយ៖ លោក ស៊ូ ទិត្យ
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោក សឹម រក្សា, កញ្ញា ហុង រស្មី និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.challies.com ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៣១០៥

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៣

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៤

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤៤

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២០

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥២

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម