ការមើលប្រធានបទធំៗនៅក្នុងព្រះគម្ពីរ៖ គ្រាស្ងៀមស្ងាត់៤០០ឆ្នាំ

២៨ មករា ២០២៤អានរយៈពេល ៥ នាទី

មើល១៥២ដង

ហើយបន្ទាប់មកទៀត អ្វីដែលបានកើតឡើងនៅសម័យកាលរវាងព្រះគម្ពីរសញ្ញាចាស់ និងព្រះគម្ពីរសញ្ញាថ្មី គឺជាពេលវេលារាប់រយឆ្នាំដែលពួករាស្ត្រស្ថិតក្រោមអំណាចដ៏ធំមួយនៅតំបន់នោះ។ ដូចដែលយើងបានលើកឡើង បន្ទាប់ពីពួកអាសស៊ើរ នោះក៏មានពួកបាប៊ីឡូន។ ហើយបន្ទាប់ពីពួកបាប៊ីឡូន នោះក៏មានពួកពើស៊ី។ ក្រោមចក្រភពរបស់ពួកពើស៊ី នោះពួកយូដាក៏ទទួលបានការអនុញ្ញាតឲ្យត្រឡប់ទៅក្នុងទឹកដីសន្យាវិញ។ នៅពេលនោះមានការចេញច្បាប់ចក្រភពទាំងមូល ហើយមនុស្សជាច្រើនដែលគេបាននាំទៅទឹកដីនោះ ក្នុងនាមជាឈ្លើយ ក៏ទទួលបានការអនុញ្ញាតឲ្យវិលត្រឡប់ទៅទឹកដីខ្លួនវិញ ឧទាហរណ៍៖ ពួកម៉ូអាប់។ គឺមិនមែនគ្រាន់តែពួកយូដាទេ។ ហើយក្នុងសេចក្ដីស្មោះត្រង់របស់ព្រះជាម្ចាស់ នោះព្រះអង្គក៏បាននាំរាស្ត្ររបស់ទ្រង់ត្រឡប់ទៅទឹកដីពួកគេវិញដែរ។

ប៉ុន្តែ មិនយូរមិនឆាប់ សាសន៍ក្រិកក៏វាយយកទឹកដីរបស់ពួកពើស៊ី។ ហើយបន្ទាប់មក នៅពេលដែល អាឡិកហ្សានឌើរ (Alexander the Great) ស្លាប់ នោះចក្រភពរបស់សាសន៍ក្រិកក៏បានដួលរលំនៅចុងសតវត្សទី៤មុនគ.ស. ហើយគេក៏បានចែកទឹកដីគាត់ទៅជាបួនតំបន់ ក្រោមការដឹកនាំរបស់មេទ័ពបួនពីមុន។ ព័ត៌មាននៃប្រវត្តិសាស្ត្រទាំងនេះមិនមានសរសេរចុះនៅក្នុងព្រះគម្ពីរសញ្ញាចាស់ទេ ប៉ុន្តែហោរា ដានីយ៉ែល បានទាយទុកនូវព្រឹត្តិការណ៍មួយចំនួនក្នុងសុបិនរបស់គាត់។

ហើយមិនយូរមិនឆាប់ សាសន៍អ៊ីស្រាអែលក៏ស្ថិតក្រោមការជិះជាន់រវាងមេទ័ព២៖ មួយនៅខាងត្បូងនៃទឹកដីស្រុកអេស៊ីព្ទ និងមួយទៀតនៅខាងជើងនៃទឹកដីរបស់ពួកស៊ីរី។ ហើយពួកគាត់ក៏តយុទ្ធឥតឈប់ឈរ ព្រោះស្ថិតនៅក្នុងចំណុចកណ្ដាល។ ហើយមិនយូរប៉ុន្មាន មេទ័ពដ៏អាក្រក់មួយនៅខាងជើង ក្នុងអំឡុងសតវត្សរ៍ទី២មុនគ.ស. ដែលមានឈ្មោះថា អន់ទីយូគូស ទី៤ អេពីផាន (Antiochus IV Epiphanes) បានសម្រេចដាក់ច្បាប់ថ្វាយបង្គំរូបព្រះក្លែងក្លាយនៅទីក្រុងយេរូសាឡឹម។ គាត់បានធ្វើយញ្ញបូជាក្នុងព្រះវិហារថ្វាយទៅព្រះយេហូវ៉ា ដែលការធ្វើបែបនោះ ចំពោះព្រះជាម្ចាស់គឺជាឧក្រិដ្ឋកម្មមូលធន។ ការមានផ្នែកណាមួយនៃព្រះគម្ពីរបញ្ចកណ្ឌគឺជាឧក្រិដ្ឋកម្មមូលធន។ ការរក្សាថ្ងៃឈប់សម្រាកគឺជាឧក្រិដ្ឋកម្មមូលធន។ ហើយតាមរយៈភាពភិតភ័យ គាត់ចង់បង្ខំពួករាស្ត្រឲ្យថ្វាយបង្គំរូបព្រះក្លែងក្លាយ។

ហើយជាលទ្ធផល អ្វីដែលបានកើតឡើងនោះគឺថា គាត់បានផ្ដើមសង្គ្រាមស៊ីវិលដ៏កាចសាហាវមួយ ដោយមានពេញទៅដោយការច្បាំងឥតឈប់ឈរបែបទ័ពព្រៃ។ លោកអ្នកអាចអានបានថែមទៀតអំពីព័ត៌មាននេះនៅក្នុងការសរសេររបស់លោក យ៉ូសែបហ្វឹស (Josephus) ដែលជាប្រវត្តិសាស្ត្រវិទូម្នាក់នៅសតវត្សរ៍ទី១នៃគ.ស.។ ហើយសង្គ្រាមដ៏ខ្លាំងបំផុតបានកើតឡើងនៅឆ្នាំ១៦៧-១៦៤មុនគ.ស.។ ហើយមិនយូរមិនឆាប់ ពួកសាសន៍យូដាក៏ខ្លាំងល្មមក្នុងសង្គ្រាមនៅក្បែរទន្លេអ័រតុន (Orontes River) ហើយក្រោមមេទ័ព អន់ទីយូគូស ទី៤ អេពីផាន នោះពួកសាសន៍ស៊ីរីក៏ចាញ់ចម្បាំង។

ហើយក្នុងលើកដំបូងនៃពាក់កណ្ដាលសហស្សវត្សរ៍ សាសន៍យូដាក៏មានសិទ្ធិតាំងជាថ្មីនូវរាជវង្សស្ដេច ដាវីឌ។ ប៉ុន្តែ តើពួកគាត់បានធ្វើដូច្នោះមែនឬ? ទេ! ផ្ទុយទៅវិញ ពួកមេទ័ពដឹកនាំទ័ពព្រៃផ្ទាល់បានឡើងសោយរាជ្យ ដូច្នេះនៅពេលដែលពួកគាត់មានសិទ្ធិតាំងជាថ្មីនូវរាជវង្សស្ដេច ដាវីឌ ពួកគាត់មិនបានតាំងឡើយ។ ហើយមួយសតវត្សរ៍ក្រោយមកនៅឆ្នាំ៦៣មុនគ.ស. នោះពួករ៉ូមក៏មកសោយរាជ្យ។ ដែលជាលទ្ធផល ពួកសាសន៍យូដាក៏ស្ថិតក្រោមការជិះជាន់របស់ពួករ៉ូម គឺចក្រភពរ៉ូម។ ហើយនោះក៏ជារបៀបនៃអ្វីដែលបានកើតឡើងក្នុងតំបន់ ក្រោមស្ដេចអាយ៉ងដែលមានឈ្មោះថា ហេរ៉ូឌ ដែលកំពុងត្រួតត្រាដោយមានការគាំទ្រពីចក្រភពរ៉ូម។ ហើយនោះគឺជាពេលដែលព្រះយេស៊ូវបានប្រសូតនៅភូមិ បេថ្លេហិមនៃស្រុកយូដា ក្នុងការបំពេញទំនាយរបស់ហោរា មីកា។

និពន្ធដោយ៖ លោកគ្រូ D.A. Carson
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ឯក សត្យា, លោក សឹម រក្សា និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

៤៤៨

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៧៧

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម