ការមើលប្រធានបទធំៗនៅក្នុងព្រះគម្ពីរ៖ បញ្ជីកណ្ឌគម្ពីរ និងដំណាក់កាល

លោកគ្រូដែលឆ្លើយសំណួររបស់យើងនៅថ្ងៃនេះគឺជាលោកគ្រូម្នាក់ដែលមានជំនាញខាងឯប្រធានទេវវិទ្យាព្រះគម្ពីរ ដែលពិនិត្យមើលដំណើររឿងព្រះគម្ពីរចាប់ពីកណ្ឌគម្ពីរលោកុប្បត្ដិរហូតដល់វិវរណៈ។

៧ មករា ២០២៤អានរយៈពេល ៨ នាទី

មើល២២៣ដង

«ជម្រាបសួរលោកគ្រូ! ខ្ញុំសូមអរគុណលោកគ្រូដែលបានញែកពេល ដើម្បីជួយឆ្លើយសំណួររបស់យើង ជាពិសេសទាក់ទងទៅនឹងប្រធានបទធំៗនៅក្នុងព្រះគម្ពីរ ចាប់ពីកណ្ឌគម្ពីរលោកុប្បត្ដិរហូតដល់វិវរណៈ។ ថ្ងៃនេះ យើងនឹងមើលប្រធានបទធំលើព្រះគម្ពីរទាំងមូល។ សូមលោកគ្រូជួយសង្ខេបព្រះគម្ពីរទាំងមូលសម្រាប់យើង»។

បញ្ជីកណ្ឌគម្ពីរ និងដំណាក់កាល

ដើម្បីនិយាយអំពីដំណើររឿងសង្ខេបនៃព្រះគម្ពីរ គឺយើងត្រូវមើលលើចំណុចខុសៗគ្នាពីរយ៉ាង។

ការរៀបរៀងកណ្ឌគម្ពីរ

មួយវិញសោត គឺយើងមានព្រះគម្ពីរដែលយើងហៅថាព្រះគម្ពីរសញ្ញាចាស់ និងព្រះគម្ពីរសញ្ញាថ្មី និងការរៀបរៀងកណ្ឌនីមួយៗឲ្យកាន់តែច្បាស់។ ពេលខ្លះ កណ្ឌនីមួយៗទាំងនោះមានលក្ខណៈខុសៗគ្នាពីភាសាខ្មែរ ក្នុងការសិក្សាព្រះគម្ពីរសញ្ញាចាស់ជាភាសាហេព្រើរ។

ឧទាហរណ៍៖ យើងលើកឡើងអំពីហោរាធំ និងហោរាតូច ប៉ុន្តែនោះមិនមែនជាការរៀបរៀងកណ្ឌនីមួយៗនោះទេក្នុងភាសាដើម។ ទោះជាយ៉ាងណាក៏ដោយក៏យើងនៅអាចញែកកណ្ឌគម្ពីរទៅជាបញ្ចកណ្ឌ (កណ្ឌ៥ដំបូង) កណ្ឌប្រវត្តិសាស្ត្រ កណ្ឌប្រាជ្ញា (កណ្ឌគម្ពីរសុភាសិត និងសាស្ដា។ល។) និងកណ្ឌហោរា (ហោរាធំ និងហោរាតូច ទោះបើនេះមិនមែនជាការរៀបរៀងតាមស្តង់ដារក៏ដោយ)។

ហើយនៅក្នុងព្រះគម្ពីរសញ្ញាចាស់ យើងអាចគិតអំពីកណ្ឌដំណឹងល្អ កណ្ឌកិច្ចការ កណ្ឌសំបុត្រទាំងអស់ និងកណ្ឌនៃគ្រាចុងក្រោយ។ ហើយយើងក៏ថែមទាំងអាចរៀបរៀងកណ្ឌគម្ពីរសំបុត្រទៅជាសំបុត្រទៅកាន់ក្រុមជំនុំ និងសំបុត្រទៅកាន់បុគ្គលនីមួយៗបានដែរដូចជា កណ្ឌគម្ពីរ ១ធីម៉ូថេ កណ្ឌគម្ពីរ ២ធីម៉ូថេ កណ្ឌគម្ពីរ ទីតុស និងកណ្ឌគម្ពីរ ភីលេម៉ូន ជាដើម។ ទាំងនេះគឺជាការរៀបរៀងដែលអាចជាជំនួយដល់យើងបាន។

តាមរយៈការធ្វើបែបនេះ អ្វីដែលយើងមិនអាចបង្ហាញបានគឺអំពីដំណាក់កាលនៃដំណើររឿងដែលបានសរសេរចុះដែរ។ ហើយនេះគឺជាអ្វីដែលយើងចង់ផ្ដោតលើក្នុងឯកសារនេះ។ សំណួរសួរថា តើអ្វីទៅជាដំណើររឿងព្រះគម្ពីរដែលភ្ជាប់កណ្ឌទាំងនោះជាមួយនឹងទម្រង់នៃអក្សរសាស្ត្រ និងអក្សរសិល្ប ការរៀបរៀងឡើងខុសៗគ្នា និងភាសាខុសៗគ្នាឲ្យមានភាពស៊ីគ្នា។ល។?

ការតាមដានដំណើររឿង

ចំណុចបន្ទាប់ដែលយើងត្រូវសង្កេតមើលគឺថា យើងអាចរៀបរាប់ដំណើររឿងនោះក្នុងរបៀបត្រួសៗ ឬក៏យើងអាចលើកឡើងដោយចំណាយពេលរាប់ម៉ោង។ ក្នុងការរៀបរាប់ត្រួសៗ យើងអាចសង្ខេបដូចតទៅ៖ ការបង្កើត ការធ្លាក់ក្នុងអំពើបាប ការប្រោសលោះ និងការសម្រេចទាំងស្រុង។ ការធ្វើបែបនេះនាំឲ្យយើងឃើញអំពីដំណើរដើមចម និងទីបញ្ចប់ ហើយក្នុងចន្លោះចំណុចទាំងពីរនេះ គឺយើងមានការធ្លាក់ក្នុងអំពើបាប—បញ្ហាដែលបានលើកឡើង—ហើយបន្ទាប់មកគឺការប្រោសលោះ—ដែលនេះជាដំណោះស្រាយដែលព្រះជាម្ចាស់បានប្រទានដល់យើង។ សរុបសេចក្ដីទៅ នេះគឺជារបៀបសង្ខេបដំណើររឿងព្រះគម្ពីរត្រួសៗ។ ហើយបន្ទាប់មក យើងក៏អាចបន្ថែមព័ត៌មានបន្តិចទៀត ដើម្បីសង្ខេបក្នុងពេលពីរទៅបីនាទី។ ឬក៏ថា របៀបមួយទៀតដែលយើងអាចធ្វើបានគឺ ចំណាយពេលជាច្រើនក្នុងការលើកឡើងអំពីព័ត៌មានលម្អិត ដើម្បីពិភាក្សាគ្នា ដោយលើកឡើងជាតារាង និងរបៀបដែលកណ្ឌគម្ពីរទាំងអស់មានភាពស៊ីគ្នា ដើម្បីជាលទ្ធផលអាចនាំឲ្យលោកអ្នកឃើញបានយ៉ាងច្បាស់លាស់អំពីការដែលវាមានភាពស៊ីគ្នានៅក្នុងដំណើររឿង។

លើសពីនោះទៅទៀត មានកណ្ឌគម្ពីរមួយចំនួនគឺជាកណ្ឌដែលសញ្ជឹងគិតអំពីព្រឹត្តិការណ៍ណាមួយ ពេលវេលាណាមួយ សម័យកាលសោយរាជ្យរបស់ស្ដេចណាមួយ ឬក៏អំពីអំឡុងពេលណាមួយ។ ឧទាហរណ៍៖ យើងអាចគិតអំពីកណ្ឌគម្ពីរនាងអេសធើរ។ កណ្ឌនេះរៀបរាប់អំពីម្ចាស់ក្សត្រីម្នាក់ និងអំពីអភិរាជម្នាក់ នឹងតែងអំពីផ្នែកខ្លះៗនៃព្រះជន្មរបស់អង្គទាំងពីរនោះ។ ខណៈពេលដែលយើងមានកណ្ឌគម្ពីរដូចជា ១សាំយ៉ូអែល ២សាំយ៉ូអែល ហើយបន្ទាប់មក ១ពង្សាវតារក្សត្រ ២ពង្សាវតារក្សត្រ ១របាក្សត្រ និង២របាក្សត្រ។ល។ ដែលរៀបរាប់អំពីការសោយរាជ្យរបស់ស្ដេចជាច្រើនអង្គ។ ដែលនេះមានន័យថា អ្នកនិពន្ធបានប្រមូលផ្តុំការសោយរាជ្យនៅជាច្រើនក្នុងអំឡុងពេលនោះ ដែលរៀបរាប់អំពីរយៈពេលរាប់រយឆ្នាំ។ ប្រសិនបើយើងអានកណ្ឌគម្ពីរ ១សាំយ៉ូអែល រហូតដល់ចុងបញ្ចប់នៃកណ្ឌគម្ពីរ ២ពង្សាវតារក្សត្រ នោះមានន័យថា យើងកំពុងតែមើលពេលវេលាក្នុងអំឡុងពេលមុនស្ដេច សូល—ដែលនេះមានន័យថា យើងពុងតែអានក្នុងដំណើររឿងនៃអំឡុងពេល១១សតវត្សរ៍មុនគ.ស.—ត្រឡប់ទៅវិញរហូតដល់ពេលនៃការបំផ្លាញទីក្រុង យេរូសាឡឹម នៅឆ្នាំ ៥៨៦-៥៨៧មុនគ.ស.។ នេះស្ទើរតែពាក់កណ្ដាលនៃសហស្សវត្សរ៍។ ដែលនេះមានន័យថា ចាប់ផ្ដើមមានការសរសេរចុះអំពីដំណើររឿងតាំងពីពេលនោះមកម៉្លេះ។ ប៉ុន្តែ ដំណើររឿងមានការរចនាឡើងចេញពីរឿងតូចៗដូចនោះ ក្នុងអំឡុងពេលនោះ។

ហើយផ្នែកមួយនៃការព្យាយាមយល់ដំណើររឿងគឺលើចំណុចពិតដែលថា ដំណើររឿងនៃសាច់រឿងចុងក្រោយ នៅក្នុងព្រះគម្ពីរសញ្ញាចាស់ គឺកណ្ឌគម្ពីរ នេហេមា ដែលនៅក្នុងកណ្ឌគម្ពីរនេះ អ្នកនិពន្ធនៅលើកឡើងអំពីព្រឹត្តិការណ៍ដែលកំពុងតែបានកើតឡើងប្រមាណជា៤០០ឆ្នាំមុនព្រះគ្រីស្ទបានយាងមក។ ដូច្នេះ ដើម្បីឲ្យយើងអាចឃើញដំណើររឿងនៃកណ្ឌគម្ពីរប្រវត្តិសាស្ត្រទាំងមូល គឺយើងត្រូវតែដាក់បញ្ចូលដំណើររឿងតូចៗទាំងនោះ ដែលទូទៅគេហៅថា អំឡុងពេលចន្លោះព្រះគម្ពីរ—ដែលនេះមានន័យថា អំឡុងពេលរវាងព្រះគម្ពីរសញ្ញាចាស់និងព្រះគម្ពីរសញ្ញាថ្មី ដែលយើងហៅថា អំឡុងពេលចន្លោះព្រះគម្ពីរ ឬក៏ពេលខ្លះគេហៅពេលនោះថា ព្រះវិហារទី២របស់សាសនាយូដា—ដែលនេះកំពុងសំដៅទៅលើអំឡុងពេលនៃការសាងសង់ព្រះវិហារទី២ (បញ្ជាក់៖ មិនមែនព្រះវិហារដែលស្ដេច សាឡូម៉ូន បានសាងសង់ទេ ប៉ុន្តែជាព្រះវិហារដែលលោក នេហេមា បានសាងសង់ឡើងវិញ បន្ទាប់ពីពួកគាត់បានត្រឡប់មកវិញពីភាពជាឈ្លើយ) ហើយព្រះវិហារនោះក៏នៅមានរហូតដល់ពេលពួកសាសន៍រ៉ូមបានបំផ្លាញចោលនៅក្នុងឆ្នាំ៧០នៃគ.ស.។ ពិតណាស់ ព្រឹត្តិការណ៍នេះក៏មានការជាន់គ្នាជាមួយនឹងសម័យកាលដែលជំនឿគ្រីស្ទបរិស័ទបានចាប់ផ្ដើមឡើងផងដែរ។

និពន្ធដោយ៖ លោកគ្រូ D.A. Carson
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ឯក សត្យា, លោក សឹម រក្សា និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣០០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២២

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៩

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម