តើព្រះគម្ពីរបង្រៀនថា គ្រីស្ទបរិស័ទពិត មិនចេះប្រព្រឹត្តអំពើបាបឬ?

ស្ដាប់ទៅ ហាក់បីដូចជាមានបញ្ហា—«គ្រីស្ទបរិស័ទដ៏ពិតមិនចេះប្រព្រឹត្តអំពើបាប»? ខ្ញុំធ្លាប់បានជួបស្ត្រីម្នាក់ដែលជឿថា នេះគឺជាការពិត។ គាត់បានប្រើប្រាស់កណ្ឌគម្ពីរ ១យ៉ូហាន ៥:១៨ និងកណ្ឌគម្ពីរ ១យ៉ូហាន ៣:៩...

២៥ មករា ២០២៤អានរយៈពេល ១១ នាទី

មើល១៤៩ដង

តើព្រះគម្ពីរបង្រៀនថា គ្រីស្ទបរិស័ទពិត មិនចេះប្រព្រឹត្តអំពើបាបឬ?

លោកគ្រូ តើកណ្ឌគម្ពីរ (១យ៉ូហាន ៥:១៨) មានន័យយ៉ាងដូចម្ដេច?

«យើងដឹងថា អ្នកណាដែលកើតពីព្រះមក នោះមិនចេះធ្វើបាបទេ អ្នកនោះឯងជាអ្នករក្សាខ្លួនវិញ ហើយមេកំណាចនឹងពាល់អ្នកនោះមិនបានឡើយ» (១យ៉ូហាន ៥:១៨)។

ខ្ញុំមិនប្រាកដថា អ្នកសួរកំពុងផ្ដោតលើផ្នែកណាមួយនៃខគម្ពីរនេះនោះទេ ទំនងជាគាត់កំពុងតែផ្ដោតលើទាំងបីចំណុច។

១. «អ្នកណាដែលកើតពីព្រះមក នោះមិនចេះធ្វើបាបទេ»—តើមានន័យយ៉ាងដូចម្ដេច?
២. «អ្នកណាដែលកើតពីព្រះមក អ្នកនោះឯងជាអ្នករក្សាខ្លួនវិញ»—តើមានន័យយ៉ាងដូចម្ដេច?
៣. «មេកំណាចនឹងពាល់អ្នកនោះមិនបានឡើយ»— តើមានន័យយ៉ាងដូចម្ដេច?

ដោយសារខ្ញុំមិនប្រាកដថា អ្នកសួរកំពុងតែផ្ដោតលើចំណុចមួយណា ដូច្នេះខ្ញុំនឹងឆ្លើយលើចំណុចទាំងបី។

អំពើបាបជាទម្លាប់

ខ្ញុំក៏មិនសូវច្បាស់ថា អ្នកសួរកំពុងតែអានការបកប្រែព្រះគម្ពីរនៅឆ្នាំណាដែរ ដូច្នេះខ្ញុំក៏នឹងកាន់តែមានការពិបាកបន្តិចក្នុងការឆ្លើយ។ ការបកប្រែចាស់មានចែងដូចតទៅ «អ្នកណាដែលកើតពីព្រះមក នោះមិនចេះធ្វើបាបទេ»។ នេះគឺជាការបកប្រែនៅឆ្នាំ១៩៥៤។ ឬក៏ការបកប្រែខ្មែរបច្ចុប្បន្ន នៅឆ្នាំ២០០៥៖ «អ្នកកើតមកពីព្រះជាម្ចាស់ មិនប្រព្រឹត្តអំពើបាបឡើយ»។ ដូច្នេះ គ្រីស្ទបរិស័ទដ៏ពិតមិនចេះប្រព្រឹត្តអំពើបាបមែនឬ?

ស្ដាប់ទៅ ហាក់បីដូចជាមានបញ្ហា—«គ្រីស្ទបរិស័ទដ៏ពិតមិនចេះប្រព្រឹត្តអំពើបាប»? ខ្ញុំធ្លាប់បានជួបស្ត្រីម្នាក់ដែលជឿថា នេះគឺជាការពិត។ គាត់បានប្រើប្រាស់កណ្ឌគម្ពីរ (១យ៉ូហាន ៥:១៨) និងកណ្ឌគម្ពីរ (១យ៉ូហាន ៣:៩)។ ហើយខ្ញុំក៏បានសួរគាត់វិញថា «តើប្អូនហៅអំពើបាបដែលប្អូនប្រព្រឹត្តថាយ៉ាងដូចម្ដេច?»។ ហើយគាត់បានប្ដូរឈ្មោះសម្រាប់អំពើបាបរបស់គាត់ជាច្រើន ដែលមានដូចជា៖ កំហុស គុណវិបត្តិ ភាពខ្វះមិនដល់ ភាពមិនល្អឥតខ្ចោះ ប៉ុន្តែគាត់នៅតែចចេសថា គាត់មិនប្រព្រឹត្តអំពើបាបទៀតឡើយ។

ជំនួយពីវេយ្យាករណ៍

ព្រះគម្ពីរកែសម្រួលឆ្នាំ២០១៦ បានបកប្រែថា «យើងដឹងថា អ្នកដែលកើតមកពីព្រះ»—ហើយបានបកប្រែកិរិយាសព្ទដូចតទៅ «មិនធ្វើបាបទៀតឡើយ» ដែលនេះបានជួយយើងបន្តិច។ កណ្ឌគម្ពីរ (១យ៉ូហាន ៣:៩) មានបញ្ហាដូចគ្នា៖ «អស់អ្នកណាដែលកើតពីព្រះ នោះមិនដែលប្រព្រឹត្តអំពើបាបទេ ពីព្រោះពូជព្រះនៅក្នុងអ្នកនោះឯង បានជាពុំអាចនឹងធ្វើបាបបានឡើយ ដ្បិតបានកើតពីព្រះមក»។

កិរិយាសព្ទក្នុងភាសាក្រិកក៏អាចជួយយើងបានបន្តិចដែរ ប៉ុន្តែមិនមែនជាចំណុចគោលគំនិតទេ។ គោលគំនិតក្នុងកិរិយាសព្ទបច្ចុប្បន្នកាលរបស់ភាសាក្រិក «ហាម៉ាថានី» «hamartanei» នៅក្នុងកណ្ឌគម្ពីរ (១យ៉ូហាន ៥:១៨) ដែលកំពុងមានការប្រើប្រាស់ គឺត្រង់ថា អស់អ្នកដែលបានកើតជាថ្មីហើយ ដែលបានទទួលព្រះវិញ្ញាណបរិសុទ្ធនៃព្រះមកគង់នៅក្នុងពួកគាត់គឺពួកគាត់មិនអាចមានសន្តិភាពជាមួយនឹងអំពើបាបបានទេ មិនអាចរស់នៅជាមួយនឹងអំពើបាប មិនអាចធ្វើជាមិត្តជាមួយនឹងអំពើបាប ហើយក៏មិនអាចនៅបន្តប្រព្រឹត្តអំពើបាបបានដែរ—ដោយបន្តប្រព្រឹត្តអំពើបាប ហាក់បីដូចជាមិនចាំបាច់ធ្វើសង្គ្រាមទាស់ប្រឆាំងនឹងអំពើបាបឡើយ ហើយក៏នឹងគ្មានអ្វីកើតឡើងដែរប្រសិនបើយើងមិនធ្វើសង្គ្រាម។ កិរិយាសព្ទបច្ចុប្បន្នកាលលើកឡើងដូចតទៅ៖ ទេ! យើងមិនអាចធ្វើដូច្នោះបានឡើយ។ យើងមិនអាចនៅបន្តប្រព្រឹត្តអំពើបាបដូច្នោះទៀតបានទេ។

តម្រុយពីបរិបទ

ប៉ុន្តែ ប្រសិនបើលោកអ្នកមិនចេះភាសាក្រិក លោកអ្នកក៏មិនចាំបាច់ត្រូវទុកចិត្តលើខ្ញុំក្នុងចំណុចនេះដែរ ដោយសារមានមូលហេតុមួយចំនួនដែលអស់អ្នកដែលមិនចេះភាសាក្រិកដឹងថា ខគម្ពីរនេះមិនមែនមានន័យថា គ្រីស្ទបរិស័ទមិនធ្វើអ្វីខុសនោះដែរ។

ពីរខមុនកណ្ឌគម្ពីរ (១យ៉ូហាន ៥:១៦) បានចែងដូចតទៅ៖ «បើអ្នកណាឃើញបងប្អូន [ជាគ្រីស្ទបរិស័ទ] កំពុងតែធ្វើបាប គឺជាបាបដែលមិនមានទោសដល់ស្លាប់ទេ»។ ដែលនេះមានន័យថា អ្នកនិពន្ធមិនអាចមានន័យថា គ្រីស្ទបរិស័ទមិនប្រព្រឹត្តអំពើបាបទៀតទេ ពីព្រោះគាត់ទើបតែផ្ដល់ជួននូវការណែនាំអំពីរបៀបនៃការជួយគ្រីស្ទបរិស័ទដែលប្រព្រឹត្តអំពើបាប។

ហើយចំណុចនេះក៏ពិតដែរនៅក្នុងកណ្ឌគម្ពីរ (១យ៉ូហាន ១:៨-១០)៖ «បើសិនជាយើងថា យើងគ្មានបាបសោះ នោះឈ្មោះថាយើងបញ្ឆោតដល់ខ្លួន ហើយសេចក្ដីពិតមិនស្ថិតនៅក្នុងយើងទេ បើយើងលន់តួបាបវិញ នោះទ្រង់មានព្រះហឫទ័យស្មោះត្រង់ ហើយសុចរិត ប្រយោជន៍នឹងអត់ទោសបាបឲ្យយើង ហើយនិងសម្អាតយើង ពីគ្រប់អំពើទុច្ចរិតទាំងអស់ផង បើយើងថា «យើងមិនដែលធ្វើបាបសោះ» នោះឈ្មោះថាយើងធ្វើឲ្យទ្រង់ទៅជាអ្នកកុហកវិញ ហើយព្រះបន្ទូលទ្រង់មិននៅក្នុងយើងទេ»។

ដូច្នេះ នៅក្នុងអត្ថន័យនៃកណ្ឌគម្ពីរ (១យ៉ូហាន ៥:១៨) ខ្ញុំគិតថានៅក្នុងបរិបទនេះ ចំណុចដំបូងដែលបញ្ជាក់យ៉ាងច្បាស់លាស់អំពីអត្ថន័យគឺថា៖ អស់អ្នកដែលបានកើតមកពីព្រះនឹងមិនបន្តប្រព្រឹត្តអំពើបាបដែលនាំឲ្យស្លាប់ ដែលនេះមានន័យថា យើងមិនមានសន្តិភាពជាមួយនឹងអំពើបាប យើងនឹងមិនមានទម្លាប់នៃការប្រព្រឹត្តអំពើបាប ដែលនឹងបំផ្លាញយើងចោលនៅទីបញ្ចប់។ យោងតាមកណ្ឌគម្ពីរ (១យ៉ូហាន ១:៨-១០) គ្រីស្ទបរិស័ទដើរក្នុងពន្លឺ ហើយការដើរក្នុងពន្លឺមិនមែនមានន័យថា គ្មានអំពើបាបទេ។ វាគឺជាការដើរក្នុងរបៀប ដែលលោកអ្នកមានភ្នែកមើលឃើញក្នុងពន្លឺ នូវអំពើអាក្រក់នៃអ្វីដែលលោកអ្នកទើបតែបានប្រព្រឹត្តិ ហើយលោកអ្នកក៏មានការខកចិត្តអំពីវា។ ដូច្នេះ លោកអ្នកក៏នឹងលន់តួបាប។ លោកអ្នកសូមឲ្យព្រះជាម្ចាស់អត់ទោសភ្លាមៗ ហើយបន្តរស់នៅទៅមុខទៀត។

ដូច្នេះ ខ្ញុំគិតថាឃ្លា «មិនចេះធ្វើបាបទេ» មានន័យថា៖
១) មិនប្រព្រឹត្តអំពើបាបដែលមានទោសដល់ស្លាប់
២) មិនបន្តមានទម្លាប់ប្រព្រឹត្តអំពើបាប ដែលបង្ហាញជាភស្តុតាងថា លោកអ្នកមិនមានជីវិតខាងឯវិញ្ញាណ នៅក្នុងខ្លួនឡើយ។

ព្រះគ្រីស្ទដែលជាអ្នកការពារថែរក្សាយើង

ចំណុចទី២៖ «អ្នកណាដែលកើតពីព្រះមក...អ្នកនោះឯងជាអ្នករក្សាខ្លួន» ខ្ញុំគិតថាឃ្លានេះមានន័យថា ព្រះគ្រីស្ទ—ដែលព្រះគម្ពីរបានហៅថា បានកើតពីព្រះជាម្ចាស់ ជាព្រះរាជបុត្រាទ្រង់តែមួយរបស់ព្រះ ជាវិញ្ញាណអស់កល្បជានិច្ចដែលបានកើតមកពីនាងក្រមុំព្រហ្មចារី ប៉ុន្តែបានប្រសូតមកក្នុងវិញ្ញាណនៃព្រះរាជបុត្រារបស់ព្រះ—ការពារយើងពីអារក្សសាតាំង។

ព្រះអង្គអង្វរកជំនួសយើង (ហេព្រើរ ៧:២៥) ហើយព្រះអង្គក៏គង់នៅជាមួយនឹងយើងរាល់គ្នាជារាល់ថ្ងៃ ដរាបដល់បំផុតកល្ប ដើម្បីជួយយើងដែរ (ម៉ាថាយ ២៨:២០) ហើយព្រះលោហិតរបស់ទ្រង់គ្របបាំងយើង (អេភេសូរ ២:១៣) ហើយការពារយើងឲ្យមានសុវត្ថិភាពពីការចោទប្រកាន់របស់សាតាំង ពីព្រោះការចោទប្រកាន់នោះមិនអាចមានប្រសិទ្ធភាពបាន ដោយសារព្រះគ្រីស្ទបានសុគតជំនួសយើង។

មានសុវត្ថិភាពពីសាតាំង

ចំណុចទី៣៖ «មេកំណាចនឹងពាល់អ្នកនោះមិនបានឡើយ»។ ការចោទប្រកាន់ សេចក្ដីល្បួង និងការរំខានរបស់សាតាំងអាចធ្វើឲ្យយើងមានការឈឺចាប់យ៉ាងខ្លាំងបាន ប៉ុន្តែវាមិនអាចបំផ្លាញយើងចោលទាំងស្រុងបាននោះទេ។ មិនមានការប៉ះពាល់ពីវាដែលអាចនឹងនាំឲ្យយើងស្លាប់បានឡើយ។ មិនមានការខាំដែលពេញទៅដោយពិសពុលនោះទេ។ ព្រះអង្គបានដកចង្កូមវាចេញនៅឯឈើឆ្កាង ហើយព្រះអង្គក៏បានដកពិសដែលធ្វើឲ្យអ្នកជឿស្លាប់ចេញពីវាដែរ។ វាមិនអាចបំផ្លាញយើងបានទេ។

ដូច្នេះ ខ្ញុំកាត់ស្រាយឃ្លា «នឹងពាល់អ្នកនោះមិនបានឡើយ» ឲ្យមានន័យថា សាតាំងមិនអាចប៉ះយើងរហូតដល់ធ្វើឲ្យយើងស្លាប់បាននោះទេ។ វាអាចធ្វើឲ្យយើងមានការឈឺចាប់យ៉ាងខ្លាំងបាន។ ខ្ញុំមិនចង់និយាយបន្ទាបការពិតនៃអំណាចរបស់សាតាំងនៅលើលោកីយ៍នេះទេ។ យោងតាមកណ្ឌគម្ពីរ (វិវរណៈ ២:១០) វាអាចបោះយើងចូលក្នុងគុកបាន ហើយវាក៏អាចបណ្ដាលឲ្យអ្នកដទៃសម្លាប់យើងបានដែរ។ ប៉ុន្តែ វាមិនអាចធ្វើឲ្យយើងឈឺចាប់រហូតដល់ស្លាប់បានទេ។ វាមិនអាចប៉ះយើងក្នុងរបៀបនៃការពាល់ដែលនាំឲ្យយើងធ្លាក់នរក ឬក៏បំផ្លិចបំផ្លាញយើងចោលបានដែរ។ ព្រះអង្គបានដកការនោះចេញពីដៃវា តាមរយៈព្រះលោហិតរបស់ព្រះយេស៊ូវហើយ។ យោងតាមកណ្ឌគម្ពីរ (កូឡូស ២:១៥) ព្រះយេស៊ូវបានធ្វើការនោះនៅឯឈើឆ្កាងរួចស្រេចហើយ។ ព្រះអង្គបានដកអំណាចនោះចេញពីអារក្សដែលជាអ្នកគ្រប់គ្រងលើផែនដីនេះ នៅពេលដែលព្រះអង្គសុគត ហើយខ្ចាយព្រះលោហិតទ្រង់។

ដូច្នេះ ព្រះរាជបុត្រាតែមួយគត់របស់ព្រះជាម្ចាស់គឺពិតជាព្រះដែលល្អឥតខ្ចោះរបស់យើង ហើយក៏ជាព្រះដែលការពារយើងយ៉ាងអស់កល្បជានិច្ចដែរ។

និពន្ធដោយ៖ John Piper
បកប្រែដោយ៖ លោក ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោក សឹម រក្សា និងលោក ង៉ែត វិទូ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

១១១

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១០

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

១៤៨

កំណត់ហេតុបណ្ដាញ៧ តុលា ២០២៥

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

នៅទីបំផុត ដោយសារកណ្ឌនៃព្រះគម្ពីរត្រូវបានកាត់ស្រាយ ហើយគោលលទ្ធិដ៏មានសិរីល្អដែលមាននៅក្នុងបទគម្ពីរត្រូវបានបង្ហាញឲ្យឃើញជាសាធារណៈ នោះការសម្រេចចិត្តមួយនឹងកើតឡើងដោយជៀសមិនរួច

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧២

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៣១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។