ពួកហោរា

២៦ មីនា ២០២០អានរយៈពេល ៦ នាទី

មើល៤៤៦ដង

អំ

ណោយទាននៃពួកហោរាគឺជាអំណោយទានបណ្ដោះអាសន្នដែលព្រះគ្រីស្ទបានប្រទានឲ្យសម្រាប់ជាការចាក់គ្រឹះនៃក្រុមជំនុំ «ព្រះអង្គបានប្រទានឲ្យអ្នកខ្លះធ្វើជាសាវ័ក អ្នកខ្លះជាហោរា អ្នកខ្លះជាអ្នកផ្សាយដំណឹងល្អ អ្នកខ្លះជាគ្រូគង្វាល ហើយអ្នកខ្លះជាគ្រូបង្រៀន» (អេភេសូរ ៤:១១)។ ពីមុនៗ ពួកហោរាគឺជាគ្រឹះនៃក្រុមជំនុំ «ដែលបានសង់ឡើងលើគ្រឹះរបស់ពួកសាវ័ក និងពួកហោរា ហើយព្រះយេស៊ូវគ្រីស្ទផ្ទាល់ ជាថ្មជ្រុងយ៉ាងឯក» (អេភេសូរ ២:២០)។ ពួកហោរាប្រកាសព្រះរាជសារពីព្រះអម្ចាស់ទៅកាន់អ្នកជឿដំបូងៗ។ ពេលខ្លះព្រះរាជសាររបស់ពួកហោរាគឺជាការបើកសម្ដែង (ការបើកសម្ដែងថ្មី និងសេចក្ដីពិតពីព្រះជាម្ចាស់) ហើយពេលខ្លះព្រះរាជសាររបស់ពួកហោរាគឺជាការទាយទុកអំពីអនាគត (សូមអានបន្ថែមក្នុងកណ្ឌគម្ពីរ «ក្នុងចំណោមហោរាទាំងនោះ មានម្នាក់ឈ្មោះអ័ក្កា‌បុស ក្រោកឡើង ហើយថ្លែងដោយព្រះវិញ្ញាណថា នឹងមានអំណត់ជាខ្លាំងនៅពាសពេញលើផែនដី (អំណត់នេះកើតមានក្នុងរជ្ជកាលព្រះចៅក្លូ‌ឌាស)» និង «កាលយើងកំពុងស្នាក់នៅទីនោះជាច្រើនថ្ងៃ មានហោរាម្នាក់ឈ្មោះអ័ក្កា‌បុស ចុះមកពីស្រុកយូដា។» កិច្ចការ ១១:២៨ និង២១:១០)។ គ្រីស្ទបរិស័ទនៅសម័យដំបូងមិនទាន់មានព្រះគម្ពីរពេញលេញទាំងមូលនៅឡើយទេ។ ហើយគ្រីស្ទបរិស័ទដំបូងមួយចំនួនទៀតក៏មិនមានកណ្ឌគម្ពីរណាមួយនៃព្រះគម្ពីរសញ្ញាថ្មីនៅឡើយដែរ។ ពួកហោរាក្នុងព្រះគម្ពីរសញ្ញាថ្មី «បំពេញចន្លោះ» តាមរយៈការប្រកាសព្រះរាជសាររបស់ព្រះជាម្ចាស់ទៅកាន់អស់អ្នកដែលមិនមានព្រះគម្ពីរ។ កណ្ឌគម្ពីរចុងក្រោយនៃព្រះគម្ពីរសញ្ញាថ្មី (វិវរណៈ) មិនទាន់បានសរសេរឡើងយ៉ាងពេញលេញនៅឡើយរហូតដល់ចុងសម័យសតវត្សរ៍ទី១។ ដូច្នេះ ព្រះអម្ចាស់ក៏បានចាត់ពួកហោរាឲ្យទៅប្រកាសព្រះបន្ទូលរបស់ទ្រង់ទៅកាន់រាស្ត្ររបស់ទ្រង់។

តើសព្វថ្ងៃនេះនៅមានពួកហោរាពិតដែរឬទេ? ប្រសិនបើគោលបំណងនៃពួកហោរាគឺដើម្បីបើកសម្ដែងសេចក្ដីពិតពីព្រះជាម្ចាស់ ចុះតើឲ្យយើងត្រូវការមានពួកហោរាដើម្បីអ្វី ប្រសិនបើយើងមានការបើកសម្ដែងយ៉ាងពេញលេញពីព្រះជាម្ចាស់ក្នុងព្រះគម្ពីររួចស្រេចទៅហើយ? ប្រសិនបើពួកហោរាគឺជា «គ្រឹះ» នៃក្រុមជំនុំដំបូង តើសព្វថ្ងៃនេះយើងកំពុងតែបន្តសង់ «គ្រឹះ» មែនឬ? តើព្រះជាម្ចាស់អាចប្រទានសារទៅកាន់បុគ្គលណាម្នាក់ ដើម្បីឲ្យគាត់យកសារនោះទៅប្រាប់បុគ្គលណាម្នាក់បានឬ? បាន! តើព្រះជាម្ចាស់នៅបន្តសម្ដែងសេចក្ដីពិតទៅកាន់បុគ្គលណាម្នាក់ក្នុងរបៀបអធម្មជាតិ ហើយអនុញ្ញាតឲ្យបុគ្គលម្នាក់នោះទៅប្រាប់សារទៅកាន់អ្នកដទៃបានឬ? បាន! ប៉ុន្តែ តើនេះជាអំណោយទាននៃពួកហោរាតាមព្រះគម្ពីរមែនឬ? ទេ!

មិនថាក្នុងកាលៈទេសៈណាក៏ដោយ ក៏នៅពេលដែលបុគ្គលណាម្នាក់អះអាងថា ខ្លួនកំពុងតែមានប្រសាសន៍សម្រាប់ព្រះជាម្ចាស់ (ចំណុចស្នូលនៃការទាយ) គន្លឹះគឺត្រង់ថា យើងត្រូវតែប្រៀបធៀបនូវអ្វីដែលគាត់បានលើកឡើងជាមួយនឹងអ្វីដែលព្រះគម្ពីរបានចែងទុករួចទៅហើយ។ ប្រសិនបើព្រះជាម្ចាស់មានព្រះបន្ទូលតាមរយៈបុគ្គលណាម្នាក់នៅថ្ងៃនេះ ដាច់ខាតវាត្រូវតែមានភាពស៊ីគ្នា ១០០% ទៅនឹងអ្វីដែលព្រះជាម្ចាស់បានធ្លាប់មានព្រះបន្ទូលរួចទៅហើយក្នុងព្រះគម្ពីរ។ ព្រះជាម្ចាស់មិនចេះមានបន្ទូលទាស់ប្រឆាំងនឹងក្នុងរូបអង្គទ្រង់ផ្ទាល់ឡើយ។ កណ្ឌគម្ពីរ ១យ៉ូហាន ៤:១ បានណែនាំយើងថា «ពួកស្ងួនភ្ងាអើយ! កុំឲ្យជឿគ្រប់ទាំងវិញ្ញាណឡើយ គឺត្រូវល្បងមើលឲ្យស្គាល់វិញ្ញាណទាំងនោះវិញ ដើម្បីឲ្យដឹងថា វិញ្ញាណនេះមកពីព្រះ ឬយ៉ាងណា ដ្បិតមានហោរាក្លែងក្លាយជាច្រើនបានចេញមកក្នុងលោកីយ៍នេះហើយ» (គកស)។ កណ្ឌគម្ពីរ ១ថែស្សាឡូនីច ៥:២០-២១ បានប្រកាសថា «កុំមើលងាយសេចក្ដីទំនាយ។ ចូរល្បងមើលអ្វីៗទាំងអស់ ហើយកាន់ខ្ជាប់តាមសេចក្ដីដែលត្រឹមត្រូវ!» (គកស)។ សរុបសេចក្ដីទៅ ទោះបើថា វាជា «ព្រះបន្ទូលពីព្រះអម្ចាស់» ឬក៏ថាជាទំនាយណាមួយ ក៏ការឆ្លើយតបរបស់យើងគួរតែនៅដដែល។ ចូរប្រៀបធៀបនូវអ្វីដែលគេបានលើកឡើងទៅនឹងអ្វីដែលព្រះបន្ទូលរបស់ព្រះជាម្ចាស់មានចែង។ ប្រសិនបើវាប្រឆាំងនឹងព្រះគម្ពីរ ចូរគ្រវាត់វាចោលទៅ។ ប្រសិនបើវាមានភាពស៊ីគ្នាទៅនឹងព្រះគម្ពីរ ចូរអធិស្ឋានទូលសូមប្រាជ្ញា និងការវែកញែកពីព្រះជាម្ចាស់អំពីរបៀបដែលលោកអ្នកអាចយកព្រះរាជសារនោះទៅអនុវត្តចុះ។ «គ្រប់ទាំងបទគម្ពីរ ព្រះទ្រង់បានបញ្ចេញព្រះវិញ្ញាណបណ្ដាលឲ្យតែង ហើយមានប្រយោជន៍សម្រាប់ការបង្រៀន ការរំឭកឲ្យដឹងខ្លួន ការកែតម្រង់ និងការបង្ហាត់ខាងឯសេចក្ដីសុចរិត ដើម្បីឲ្យអ្នកសំណព្វរបស់ព្រះបានគ្រប់លក្ខណ៍ ហើយមានចំណេះសម្រាប់ធ្វើការល្អគ្រប់ជំពូក» (២ធីម៉ូថេ ៣:១៦-១៧ គកស) កណ្ឌគម្ពីរ យ៉ាកុប ១:៥ «ប្រសិនបើអ្នកណាម្នាក់ក្នុងចំណោមអ្នករាល់គ្នាខ្វះប្រាជ្ញា អ្នកនោះត្រូវទូលសូមពីព្រះ ដែលទ្រង់ប្រទានដល់មនុស្សទាំងអស់ដោយសទ្ធា ដ្បិតទ្រង់នឹងប្រទានឲ្យ ឥតបន្ទោសឡើយ» (គកស)។

និពន្ធដោយ៖ ក្រុម Got Questions
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ទេព រ៉ូ និងលោក ខែម បូឡុង
ដកស្រង់ខ្លះៗចេញពី www.gotquestions.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៧

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

១៥១

កំណត់ហេតុបណ្ដាញ៧ តុលា ២០២៥

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

នៅទីបំផុត ដោយសារកណ្ឌនៃព្រះគម្ពីរត្រូវបានកាត់ស្រាយ ហើយគោលលទ្ធិដ៏មានសិរីល្អដែលមាននៅក្នុងបទគម្ពីរត្រូវបានបង្ហាញឲ្យឃើញជាសាធារណៈ នោះការសម្រេចចិត្តមួយនឹងកើតឡើងដោយជៀសមិនរួច

អានបន្ថែម

១៤១

កំណត់ហេតុបណ្ដាញ២៧ សីហា ២០២៥

ប្រកាសអំពីព្រះយេស៊ូវនៅលើកាប៉ាល់ទីតានិច

បើសិនជាអ្នកកំពុងតែស្ថិតនៅក្នុងគ្រោះមហន្តរាយ តើអ្នកមានចិត្តចង់ផ្សាយដំណឹងល្អ ដល់មនុស្សនៅជុំវិញអ្នកទេ?

អានបន្ថែម

អត្ថបទបន្ថែមពី កំណត់ហេតុបណ្ដាញ

៤

កំណត់ហេតុបណ្ដាញ៨ កញ្ញា ២០២៦

ការតយុទ្ធនឹងសេចក្តីច្រណែនឈ្នានីស

ប្អូនស្រី ដាលីស បានសរសេរមកយើង ដើម្បីសួរថា«លោកគ្រូ តើនាង ខ្ញុំត្រូវដោះស្រាយយ៉ាងណាចំពោះការច្រណែនឈ្នានីស និងការប្រច័ណ្ឌ ដែលកំពុងលេបត្របាក់នាងខ្ញុំទៅហើយនោះ…

អានបន្ថែម