តើខ្ញុំគួរអធិស្ឋានទៅកាន់ព្រះវរបិតា ព្រះយេស៊ូវ ឬក៏ព្រះវិញ្ញាណបរិសុទ្ធ?

សេចក្ដីសន្និដ្ឋានរបស់យើងខ្ញុំគឺដូចនេះ៖ សូមឲ្យការអធិស្ឋានជាប្រចាំ និងសាមញ្ញរបស់លោកអ្នកជាការអធិស្ឋានទៅកាន់ព្រះវរបិតាតាមរយៈព្រះវិញ្ញាណក្នុងព្រះនាមព្រះយេស៊ូវគ្រីស្ទ។ ប៉ុន្តែ ក៏សូមចងចាំថា ដែលព្រះយេស៊ូវ និងព្រះវិញ្ញាណបរិសុទ្ធគឺជាបុគ្គល។ ក្នុងនាមជាមនុស្សមានបាប វាជារឿងធម្មតាទេក្នុងការអធិស្ឋានទៅកាន់បុគ្គលទាំងបីអង្គ។

២៤ មករា ២០២២អានរយៈពេល ១០ នាទី

មើល៤៨៦ដង

ថ្ងៃនេះយើងនឹងឆ្លើយនូវសំណួរដ៏ពិបាកមួយដែលមនុស្សជាច្រើនធ្លាប់បានសួរ៖ តើខ្ញុំគួរអធិស្ឋានទៅកាន់ព្រះយេស៊ូវ ព្រះវិញ្ញាណបរិសុទ្ធ ឬក៏ព្រះវរបិតា?

យើងខ្ញុំពិតជាភ្ញាក់ផ្អើលមែនដែលជាច្រើនឆ្នាំកន្លងមកនេះមានមនុស្សជាច្រើនបានសួរនូវសំណួរនេះមកកាន់យើងខ្ញុំ។ នេះគឺជាសំណួរដ៏សាមញ្ញបំផុតមួយ ហើយក៏ជាសំណួរដ៏ល្អផងដែរ។ ហើយយើងខ្ញុំគិតថា យើងខ្ញុំយល់អំពីមូលហេតុដែលគេតែងតែសួរនូវសំណួរនេះជារឿយៗដែរ។ ពេលដែលយើងកំពុងតែធំធាត់ឡើង យើងក៏មានប្រពៃណីជាច្រើនដែរ ហើយពេលខ្លះយើងនឹងឆ្ងល់ថា តើប្រពៃណីនេះគឺជាប្រពៃណីដ៏ពិតតែមួយគត់មែនឬ?

ឧទាហរណ៍៖ មានមនុស្សជាច្រើនក្នុងក្រុមជំនុំគ្រីស្ទបរិស័ទទំនងជាបានចម្រើនពេញវ័យឡើងដោយចាប់ផ្ដើមការអធិស្ឋានជាមួយនឹងពាក្យពេចន៍ «ឱព្រះវរបិតាដែលគង់នៅស្ថានសួគ៌...» ឬក៏ «ឱព្រះវរបិតានៃទូលបង្គំ…» ហើយបញ្ចប់ការអធិស្ឋានរបស់យើងជាមួយនឹងពាក្យពេចន៍ «ក្នុងព្រះនាមព្រះយេស៊ូវគ្រីស្ទ។ អាម៉ែន!» នេះគឺជាលំនាំដែលយើងបានរៀន។ ចាប់ផ្ដើមអធិស្ឋានទៅកាន់ព្រះវរបិតា ហើយបញ្ចប់ការអធិស្ឋានក្នុងព្រះនាមរបស់ព្រះយេស៊ូវ។ អាម៉ែន។ យើងខ្ញុំនឹងពន្យល់អំពីមូលហេតុដែលថានេះគឺជាប្រពៃណីដ៏ល្អ។ យើងខ្ញុំជឿជាក់ថា កូនៗគួរចម្រើនពេញវ័យឡើងដោយយកលំនាំនេះជាលំនាំចម្បងក្នុងការអធិស្ឋាន។ ចាប់ផ្ដើមដោយអធិស្ឋានទៅកាន់ព្រះវរបិតា ក្នុងអំណាចនៃព្រះវិញ្ញាណបរិសុទ្ធ ក្នុងព្រះនាម និងអំណាចរបស់ព្រះរាជបុត្រា។ នេះគឺជាលំនាំដ៏សាមញ្ញនៃការអធិស្ឋានដែលមានមូលដ្ឋានលើព្រះត្រៃឯក ដែលយើងឃើញមាននៅក្នុងព្រះគម្ពីរ។

សូមផ្ដោតលើព្រះវរបិតា

លំនាំមួយនេះមានឫសគល់យ៉ាងជ្រៅក្នុងព្រះបន្ទូល៖

«ដូច្នេះ ដែលមានសម្ដេចសង្ឃយ៉ាងធំ១អង្គ ដែលទ្រង់បានយាងកាត់អស់ទាំងជាន់ស្ថានសួគ៌ គឺព្រះយេស៊ូវជាព្រះរាជបុត្រានៃព្រះ នោះត្រូវតែឲ្យយើងមានចិត្តដាច់ស្រឡះនឹងជឿតាមចុះ ដ្បិតសម្ដេចសង្ឃនៃយើង ទ្រង់មិនមែនមិនអាចនឹងអាណិតអាសូរ ដល់សេចក្តីកម្សោយរបស់យើងរាល់គ្នានោះទេ ព្រោះទ្រង់បានត្រូវសេចក្តីល្បួងគ្រប់យ៉ាង ដូចជាយើងរាល់គ្នាដែរ តែឥតធ្វើបាបឡើយ ដូច្នេះ ត្រូវឲ្យយើងរាល់គ្នា មកដល់បល្ល័ង្កនៃព្រះគុណ ដោយក្លាហាន ដើម្បីនឹងទទួលសេចក្តីមេត្តា ហើយរកបានព្រះគុណសម្រាប់នឹងជួយដល់ពេលត្រូវការចុះ» (ហេព្រើរ ៤:១៤-១៦)។

យើងអាចចូលទៅកាន់ព្រះជាម្ចាស់ក្នុងការអធិស្ឋានតាមតែរយៈការទទូចសូមព្រះគុណប៉ុណ្ណោះ។ នេះដោយសារយើងមានព្រះយេស៊ូវជាសម្ដេចសង្ឃ។ ហើយនេះជាមូលហេតុដែលយើងអធិស្ឋានក្នុងព្រះនាមរបស់ព្រះយេស៊ូវ។ យើងខ្ញុំព្យាយាមបង្រៀនកូនៗរបស់យើងខ្ញុំថា កុំឲ្យប្រើប្រាស់ឃ្លា «ក្នុងព្រះនាមព្រះយេស៊ូវ អាម៉ែន» ក្នុងលក្ខណៈជាការបញ្ចប់សេចក្ដីអធិស្ឋានជាមួយនឹងពាក្យមិនមានតម្លៃ។ យើងខ្ញុំព្យាយាមបង្រៀនកូនៗកុំឲ្យនិយាយរអ៊ូរទាំៗនូវពាក្យពេចន៍ទាំងនោះ ហើយកុំឲ្យឆាប់បញ្ចប់ដោយពាក្យពេចន៍ទាំងនោះដែរ។ ពាក្យពេចន៍ទាំងនេះលើកឡើងនូវអ្វីដែលអស្ចារ្យ ហើយសំខាន់។ យើងមិនអាចចូលទៅកាន់ព្រះជាម្ចាស់បានដោយគ្មានព្រះយេស៊ូវគ្រីស្ទ និងព្រះនាមរបស់ទ្រង់បានឡើយ។ នៅពេលដែលយើងអធិស្ឋានក្នុងព្រះនាមព្រះយេស៊ូវ គឺយើងកំពុងតែទូលទៅកាន់ព្រះវរបិតាថា «ទូលបង្គំមិនមែនកំពុងចូលទៅកាន់ព្រះអង្គក្នុងឈ្មោះរបស់ខ្លួនឯងឡើយ។ ទូលបង្គំមិនមែនកំពុងចូលទៅកាន់ព្រះអង្គដោយពឹងលើទង្វើរបស់ខ្លួនទេ។ ទូលបង្គំមិនមែនកំពុងចូលទៅកាន់ព្រះអង្គដោយពឹងលើភាពស័ក្ដិសមរបស់ខ្លួនដែរ។ ទូលបង្គំតែកំពុងចូលទៅកាន់ព្រះអង្គដោយសារព្រះគ្រីស្ទស្រឡាញ់ទូលបង្គំវិញ។ ព្រះគ្រីស្ទបានសុគតសម្រាប់ទូលបង្គំទៀតផង។ ព្រះគ្រីស្ទបានមានព្រះជន្មរស់ឡើងវិញសម្រាប់ទូលបង្គំ។ ព្រះគ្រីស្ទកំពុងទូលអង្វរសម្រាប់ទូលបង្គំ»។ នេះគឺជាអត្ថន័យនៃពាក្យពេចន៍ដ៏តូចតាចទាំងនេះ។ វាគឺជាការដ៏សំខាន់ណាស់។

សាវ័ក ប៉ុល ក៏បានលើកឡើងអំពីព្រះវិញ្ញាណបរិសុទ្ធក្នុងកណ្ឌគម្ពីរ អេភេសូរ ៦:១៨ ថា៖ «អធិស្ឋានដោយព្រះវិញ្ញាណរាល់ពេលរាល់វេលា»។ ឬក៏នៅក្នុងកណ្ឌគម្ពីរ យូដាស ១:២០ «ប៉ុន្តែ ឯអ្នករាល់គ្នា ជាពួកស្ងួនភ្ងាអើយ ចូររក្សាខ្លួនក្នុងសេចក្តីស្រឡាញ់របស់ព្រះចុះ ព្រមទាំងរង់ចាំសេចក្តីមេត្តាករុណារបស់ព្រះយេស៊ូវគ្រីស្ទ ជាព្រះអម្ចាស់នៃយើង ឲ្យបានជីវិតអស់កល្បជានិច្ចវិញ»។ ដួងចិត្តរបស់យើងខ្ញុំនឹងមិនដែលមានសេចក្ដីប្រាថ្នាអធិស្ឋានទៅកាន់ព្រះជាម្ចាស់សម្រាប់ព្រះពរដ៏ពិតដោយគ្មានការបន្ទាបខ្លួន ការបំផ្លាស់បំប្រែ ព័ន្ធកិច្ចនៃការទទួលបានជំនឿពីព្រះវិញ្ញាណបរិសុទ្ធឡើយ។ ដូច្នេះ យើងខ្ញុំសូមលន់តួអំពីចំណុចនេះ។ យើងខ្ញុំលើកឡើងចំណុចនេះទៅកាន់ព្រះអម្ចាស់ និងមកកាន់ខ្លួនឯង។ យើងខ្ញុំពឹងលើព្រះវិញ្ញាណបរិសុទ្ធនៅពេលដែលយើងខ្ញុំអធិស្ឋានទៅកាន់ព្រះវរបិតាក្នុងព្រះនាមព្រះរាជបុត្រា។ ហើយពិតណាស់ ព្រះយេស៊ូវបានលើកឡើងយ៉ាងច្បាស់លាស់នៅក្នុងកណ្ឌគម្ពីរ យ៉ូហាន ១៥:១៦ ថា «ដើម្បីឲ្យព្រះវរបិតាបានប្រោសប្រទានឲ្យអ្នករាល់គ្នាបានអ្វីៗ ដែលនឹងសូមពីទ្រង់ ដោយនូវឈ្មោះខ្ញុំ»។

កុំភ្លេចព្រះរាជបុត្រា និងព្រះវិញ្ញាណបរិសុទ្ធ

នេះគឺជាប្រពៃណីដ៏ល្អ និងត្រឹមត្រូវ។ អាម៉ែន។ ប៉ុន្តែ វាក៏ជាការល្អ និងត្រឹមត្រូវក្នុងការអធិស្ឋានទៅកាន់ព្រះយេស៊ូវក្នុងនាមជាមិត្តភក្ដិរបស់លោកអ្នក ជាព្រះអង្គសង្គ្រោះ ជាព្រះអម្ចាស់ និងជាអ្នកណែនាំលោកអ្នកដែរ។ ហើយវាក៏ជាការល្អ និងត្រឹមត្រូវក្នុងការអធិស្ឋានទៅកាន់ព្រះវិញ្ញាណបរិសុទ្ធដែរ។ ក្នុងកណ្ឌគម្ពីរយ៉ូហាន ១៤:១៤ ព្រះយេស៊ូវបានមានបន្ទូលថា៖ «បើអ្នករាល់គ្នានឹងសូមអ្វី ដោយនូវឈ្មោះខ្ញុំ នោះខ្ញុំនឹងសម្រេចឲ្យ»។ ហើយនៅក្នុងកណ្ឌគម្ពីរ វិវរណៈ ២២:២០៖ ហើយយើងកំពុងតែអធិស្ឋានទៅកាន់ព្រះយេស៊ូវនៅពេលដែលយើងលើកឡើងថា «ព្រះអង្គ ដែលធ្វើបន្ទាល់ពីសេចក្តីទាំងនេះ ទ្រង់មានព្រះបន្ទូលថា អើ អញមកជាឆាប់»។ ហើយយើងឆ្លើយតបវិញថា «អាម៉ែន ព្រះអម្ចាស់យេស៊ូវអើយ សូមយាងមក»។ ដូចគ្នាផងដែរនៅក្នុងកណ្ឌគម្ពីរ ១កូរិនថូស ១៦:២២ «បើអ្នកណាមិនស្រឡាញ់ព្រះអម្ចាស់យេស៊ូវគ្រីស្ទ ឲ្យអ្នកនោះត្រូវបណ្តាសាចុះ»។ ហើយបន្ទាប់មក យើងឆ្លើយតបទៅកាន់ព្រះអម្ចាស់ថា «ព្រះអម្ចាស់ទ្រង់យាងមក»។

ដូចគ្នាផងដែរ យើងខ្ញុំជឿជាក់ថា នៅពេលដែលយើងខ្ញុំធ្វើឲ្យព្រះវិញ្ញាណបរិសុទ្ធព្រួយព្រះទ័យ នោះយើងខ្ញុំគួរសុំទោសព្រះវិញ្ញាណបរិសុទ្ធ (អេភេសូរ ៤:៣០)។ ប្រសិនបើព្រះវិញ្ញាណបរិសុទ្ធគឺជាអង្គបុគ្គលដែលយើងខ្ញុំបានធ្វើឲ្យព្រួយព្រះទ័យ នោះតើយើងខ្ញុំគ្រាន់តែមិនអើពើដោយអធិស្ឋានទៅកាន់ព្រះអង្គ ហើយអធិស្ឋានទៅកាន់ព្រះវរបិតាវិញមែនឬ? តើយើងខ្ញុំគួរអធិស្ឋានទៅកាន់ព្រះវរបិតាថា៖ ទូលបង្គំសុំទោសដែលទូលបង្គំបានធ្វើឲ្យព្រះវិញ្ញាណបរិសុទ្ធរបស់ទ្រង់ព្រួយព្រះទ័យ? យើងខ្ញុំគិតថា យើងអាចអនុញ្ញាតចំណុចនេះបាន ប៉ុន្តែមានចំណុចដ៏ជ្រាលជ្រៅក្នុងសេចក្ដីពិតនៃព្រះត្រៃឯក និងបុគ្គលភាពនៃព្រះរាជបុត្រា និងព្រះវិញ្ញាណ។ ដូច្នេះ យើងគួរចាត់ទុកអង្គបុគ្គលនីមួយៗថាជាបុគ្គល។

សូមរៀនអំពីរបៀបដែលព្រះវរបិតា ព្រះរាជបុត្រា និងព្រះវិញ្ញាណបរិសុទ្ធរចនាឡើងនូវជីវិតអធិស្ឋានរបស់យើង។

និពន្ធដោយ៖ លោកគ្រូ John Piper
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ឯក សត្យា, លោក សឹម រក្សា, លោក Jeff Lai និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

១១១

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

២៩៧

កំណត់ហេតុបណ្ដាញ២៧ មេសា ២០២៥

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

អានបន្ថែម

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

៤១៩០

កំណត់ហេតុបណ្ដាញ១៩ មេសា ២០២៥

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

ប្រសិនបើព្រះជាម្ចាស់មិនបានប្រោសព្រះគ្រីស្ទឲ្យបានមានព្រះជន្មរស់ឡើងវិញ នោះដំណឹងល្អរបស់យើងគឺជាការឥតអំពើ ជំនឿរបស់យើងគឺជាការឥតអំពើ ដែលនេះមានន័យថា យើងកំពុងតែប្រកាសដំណឹងក្លែងក្លាយ។ បើដូច្នោះមែន នោះយើងគួរតែស៊ីផឹក ហើយអរសប្បាយចុះ ដ្បិតថ្ងៃស្អែកយើងនឹងស្លាប់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧០

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៣១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។