គ្រាប់ពូជនៃការលែងលះ

១៧ តុលា ២០២៣អានរយៈពេល ៦ នាទី

មើល១៧២ដង

ថ្មីៗនេះ ខ្ញុំបានអង្គុយនិយាយគ្នាជាមួយក្រុមយុវជន និងយុវនារីវ័យជំទង់មួយក្រុម ដែលពួកគេស្ថិតនៅចន្លោះអាយុ ២០ឆ្នាំក្រាស់ និង ៣០ឆ្នាំតិចតួច ហើយពួកយើងនិយាយគ្នាអំពីភាពនៅលីវ ការចែចង់គ្នា និងការត្រៀមលក្ខណៈមុនពេលរៀបការ។ គាប់ជួនវេលានោះ យើងបាននិយាយរហូតទៅដល់អាពាហ៍ពិពាហ៍ ព្រមទាំងបាននិយាយអំពីអំណរ និងឧបសគ្គផ្សេងៗនៃចំណងអាពាហ៍ពិពាហ៍។ យើងបានឃើញជាមួយគ្នាថា យុវវ័យទាំងអស់នេះក៏កំពុងពិចារណាអំពីទំនាក់ទំនង និងការចាប់ផ្ដើមចង់បានចំណងអាពាហ៍ពិពាហ៍ ពួកគេក៏មានចម្ងល់ថា តើត្រូវធ្វើដូចម្ដេច ដើម្បីកុំឲ្យចំណងអាពាហ៍ពិពាហ៍របស់ពួកគេមានការបែកបាក់? ក្នុងចំណោមពួកគេ មានជាច្រើននាក់បានធំពេញវ័យឡើងក្នុងចំណោមគ្រួសារដែលបានលះលែងលះគ្នា ហើយពួកគេរងផលប៉ះពាល់យ៉ាងខ្លាំង។ មានអ្នកខ្លះខ្លាចក្នុងការប្ដេជ្ញាចិត្ត ព្រោះពួកគេបារម្ភថា ខ្លួនមិនអាចរក្សាការប្ដេជ្ញាចិត្តនោះបាន។

មានកំលោះម្នាក់បានសួរថា តើត្រូវធ្វើដូចម្ដេច ដើម្បីឲ្យប្រាកដថា គូស្វាមីភរិយានឹងមិននាំគ្រាប់ពូជនៃការលែងលះចូលមកក្នុងទំនាក់ទំនង ដែលនាំឲ្យវារីកលូតលាស់ឡើងនៅក្នុងអាពាហ៍ពិពាហ៍? ហើយដោយមិនបាច់ឲ្យខ្ញុំចំណាយពេលយូរ ដើម្បីយល់ថានៅក្នុងចំណងអាពាហ៍ពិពាហ៍របស់ខ្ញុំ របស់អ្នក និងក្នុងគ្រប់អាពាហ៍ពិពាហ៍ទាំងអស់ គឺមានគ្រាប់ពូជនៃការលែងលះរួចស្រេចទៅហើយ។ ក្នុងរាល់គ្រប់អាពាហ៍ពិពាហ៍ សុទ្ធតែមាននូវបញ្ហា ជំនឿ ទម្លាប់ ដួងចិត្តក្នុងការថ្វាយបង្គំអ្វីមួយ—ប្រាកដណាស់មានជាច្រើនណាស់—ដែលងាយស្រួល ហើយជាធម្មតានាំឲ្យអាពាហ៍ពិពាហ៍បែកបាក់ការរួបរួម។ លោកីយ៍នេះ និស្ស័យសាច់ឈាមនេះ និងអារក្សសាតាំងបានប្ដេជ្ញាក្នុងការបំផ្លាញអាពាហ៍ពិពាហ៍ ហើយខ្មាំងសត្រូវនីមួយៗនោះក៏ពាំនាំមកនូវគ្រាប់ពូជអាក្រក់ផ្សេងៗរបស់វាផងដែរ។ សំណួរគឺមិនថា តើគ្រាប់ពូជនោះមាន ឬក៏មិនមានវត្តមាននៅក្នុងអាពាហ៍ពិពាហ៍នោះទេ ប៉ុន្តែថា តើអ្នកនឹងធ្វើអ្វីជាមួយវា?

ទំនងជានៅក្នុងអាពាហ៍ពិពាហ៍របស់អ្នក នោះអ្នកបានអនុញ្ញាតឲ្យគ្រាប់ពូជនៃការលែងលះលូតលាស់ឡើងហើយ។ ប្រហែលជាវាមានទាំងឫស ហើយក៏កំពុងតែចាក់ចូលដែរ។ ប្រហែលជាវាបានដុះពន្លកចេញមកលើផ្ទៃដី ហើយចាប់ផ្ដើមលូតលាស់ក្លាយជាផ្កាក្រពុំទៅហើយក្ដី។ កុំបារម្ភឡើយ។ អាពាហ៍ពិពាហ៍របស់អ្នកនៅមានសង្ឃឹមនៅឡើយ។ អាពាហ៍ពិពាហ៍មិនត្រូវបានបំផ្លាញដោយមានវត្តមាននៃគ្រាប់ពូជទាំងនោះទេ ប៉ុន្តែវាត្រូវបានបំផ្លាញដោយសារការទទួលយក ការព្រងើយកន្តើយ ឬការប្រព្រឹត្តតាមការទាំងអស់នោះវិញ។

គ្រាប់ពូជដដែលនោះដែលអាចនាំឲ្យមានការបំផ្លិចបំផ្លាញ ក៏អាចនាំទៅកាន់ការបង្កើននូវកម្លាំង និងការរីកចម្រើនផងដែរ។ ទោះបីជាមាននូវអំណាចដែលតម្រូវឲ្យប្រឆាំងទាស់នឹងអាពាហ៍ពិពាហ៍ក្ដី ក៏ព្រះជាម្ចាស់ ទ្រង់ជាព្រះដែលបានបង្កើតអាពាហ៍ពិពាហ៍ឡើង ព្រះទ្រង់មានព្រះហឫទ័យប្ដេជ្ញាចំពោះភាពចម្រើនលូតលាស់ក្នុងអាពាហ៍ពិពាហ៍ខ្លាំងជាងការព្យាយាមបំផ្លាញពីមារសាតាំងទៅទៀត។

គ្រាប់ពូជទាំងនោះអាចនឹងតំណាងឲ្យឱកាសនៃការលែងលះមាននូវផាសុខភាពវិញ។ ទាំងអស់នោះអាចជា ឱកាសសម្រាប់គូស្វាមីភរិយាមានការសន្ទនា ដែលស្មោះត្រង់ និងបើកចំហជាមួយគ្នា ដើម្បីធ្វើការកំណត់សម្គាល់ ពិភាក្សា និងប្ដេជ្ញាឈរមាំប្រឆាំងទាស់នឹងគ្រាប់ពូជទាំងនោះដែរ។ គ្រាប់ពូជនីមួយៗតំណាងឲ្យបញ្ហាដែលត្រូវយកទៅអធិស្ឋានទូលថ្វាយព្រះជាម្ចាស់ជាមួយគ្នា ដើម្បីសូមកម្លាំង និងការការពារពីព្រះ។ហើយជាការពិតណាស់ គ្រប់ទាំងអស់តំណាងឲ្យអ្វីៗដែលព្រះបន្ទូលអាចធ្វើ និងលើកឡើងមកបានផង។ តាមរយៈសេចក្ដីពិតនៃបទគម្ពីរ នោះយើងអាចប្រឈម និងយកឈ្នះលើគ្រាប់ពូជនៃការខុសឆ្គងនោះបាន។

លោក ស្ទើត ស្កុត (Stuart Scott) បានមានប្រសាសន៍យ៉ាងល្អប្រសើរថា៖ «ការដែលគំនិតរបស់គូស្វាមីភរិយាកាន់តែបានកែជាថ្មីឡើងដោយព្រះបន្ទូល នោះគំនិតរបស់ពួកគាត់នឹងកាន់តែមានលក្ខណៈស្រដៀងគ្នា (រ៉ូម ១២: ២) ។ អ្វីមួយដែលអាក្រក់ខ្លាំងនោះគឺត្រង់ថាការដែលគូស្វាមីភរិយាព្យាយាមធ្វើខ្លួនឲ្យបានដូចលក្ខណៈរបស់គ្នាទៅវិញទៅមក។ ជំនួសមកវិញនោះ ពួកគេគួរតែផ្លាស់ប្រែឲ្យមានលក្ខណៈដូចជាព្រះគ្រីស្ទ»។ ហើយពួកគេអាចទទួលបានការផ្លាស់ប្រែដោយចូលទៅកាន់ព្រះបន្ទូលរបស់ព្រះជាម្ចាស់ជាមួយគ្នាពីមួយថ្ងៃទៅមួយថ្ងៃ ពីមួយសប្ដាហ៍ទៅមួយសប្ដាហ៍ និងពីមួយឆ្នាំទៅមួយឆ្នាំ។

និពន្ធដោយ៖ Tim Challies
បកប្រែដោយ៖ លោក ស៊ូ ទិត្យ
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក សឹម រក្សា, លោកស្រី ឡូញ ស្រីរដ្ឋ និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.challies.com ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៣១០៤

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៣

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៣

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២១៨

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥១

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម