តើបទគម្ពីរ យេរេមា ២៩:១១ មានន័យយ៉ាងដូចម្ដេច?

«ដ្បិតព្រះយេហូវ៉ាទ្រង់មានព្រះបន្ទូលថា អញស្គាល់សេចក្តីដែលអញគិតពីដំណើរឯងរាល់គ្នា មិនមែនគិតធ្វើសេចក្តីអាក្រក់ទេ…

២៨ ឧសភា ២០២៣អានរយៈពេល ៧ នាទី

មើល៣៣១ដង

«ដ្បិតព្រះយេហូវ៉ាទ្រង់មានព្រះបន្ទូលថា អញស្គាល់សេចក្តីដែលអញគិតពីដំណើរឯងរាល់គ្នា មិនមែនគិតធ្វើសេចក្តីអាក្រក់ទេ គឺគិតឲ្យបានសេចក្តីសុខវិញ ដើម្បីដល់ចុងបំផុត ឲ្យឯងរាល់គ្នាបានសេចក្តីសង្ឃឹម» (យេរេមា ២៩:១១)

ការយល់បរិបទ

ប្រសិនបើលោកអ្នករកសន្លឹកឆ្នោតលើខគម្ពីរដែលគេស្គាល់ខ្លាំងជាងគេបំផុតនៅក្នុងកណ្ឌគម្ពីរយេរេមា នោះភាគរយនៃកណ្ឌគម្ពីរ យេរេមា ២៩:១១ នឹងនៅកៀកជាងគេបំផុតខាងលើ ហើយទំនងជានៅលើគេបំផុតផង។ នេះគឺជាខគម្ពីរដ៏ពេញនិយមមួយដែលគេលើកឡើងជាញឹកញាប់ ដែលគេចែកចាយដើម្បីលើកទឹកចិត្តមនុស្សជាច្រើនឲ្យមានសង្ឃឹមសម្រាប់អនាគតដែលព្រះជាម្ចាស់នឹងធ្វើគ្រប់អ្វីៗទាំងអស់សម្រាប់ពួកគាត់។ ប៉ុន្តែ តើនេះជាអត្ថន័យពិតប្រាកដដែលខគម្ពីរគេស្គាល់នេះមានមែនឬ?

ចំណុចចាប់ផ្ដើមក្នុងការកាត់ស្រាយអត្ថន័យខគម្ពីរណាមួយក្នុងព្រះគម្ពីរ គឺយើងត្រូវយល់អំពីបរិបទនៅជុំវិញខនោះ។ លោក យេរេមា គឺជាហោរាម្នាក់ដែលបម្រើក្នុងអំឡុងគ្រាចុងក្រោយមុនសាសន៍យូដាបានក្លាយជាពួកឈ្លើយនៅឯទីក្រុងបាប៊ីឡូន ហើយព័ន្ធកិច្ចរបស់គាត់ក៏បន្តក្នុងអំឡុងពេលជាច្រើនឆ្នាំដែលសាសន៍យូដានៅជាពួកឈ្លើយ។ កណ្ឌគម្ពីរយេរេមាគឺជាការប្រមូលផ្ដុំនៃបើកសម្ដែងនៃទំនាយរបស់គាត់ដែលព្រះជាម្ចាស់បានមានបន្ទូលមកកាន់ និងតាមរយៈគាត់ក្នុងអំឡុងពេលនៃព័ន្ធកិច្ចរបស់គាត់។

កណ្ឌគម្ពីរ យេរេមា ២៩ គឺជាការសរសេរចុះនៃសំបុត្រដែលហោរាបានសរសេរទៅកាន់ពួកឈ្លើយ ដែលកំពុងរស់នៅទីក្រុងបាប៊ីឡូន (យេរេមា ២៩:១-៣)។ មានពួកឈ្លើយមួយចំនួនបានរស់នៅឯទីក្រុងបាប៊ីឡូនអស់ប្រមាណជា៨ឆ្នាំ ហើយស្របពេលនោះក៏ទើបតែមានអ្នកថ្មីបានទៅដល់ដែរ។ ហោរា យេរេមា ណែនាំឲ្យពួកគាត់ស្វះស្វែងក្នុងការរៀបរៀងជីវិតរបស់ខ្លួននៅឯទីក្រុងបាប៊ីឡូន ដោយធ្វើនូវអ្វីដែលសាមញ្ញដែលមានដូចជាការសាងសង់ផ្ទះ ការដាំដំណាំ រៀបការ និងមានកូនចៅ ហើយពិតណាស់ពួកគាត់ក៏ត្រូវតែស្វែងរកសន្តិសុខសង្គមសម្រាប់ទីក្រុងបាប៊ីឡូន ខណៈពេលដែលពួកគាត់កំពុងតែរស់នៅទីនោះផងដែរ (យេរេមា ២៩:៤-៧)។ ពួកគាត់មិនត្រូវអើពើជាមួយនឹងពួកដែលហៅខ្លួនឯងថាជា «ហោរា» ដែលកំពុងតែអះអាងថាភាពជាឈ្លើយមានពេលវេលាខ្លី ពីព្រោះព្រះជាម្ចាស់មិនបានមានបន្ទូលទៅកាន់ពួកគេ ឬក៏បានចាត់ឲ្យពួកគេទៅដែរ (យេរេមា ២៩:៨-៩)។ ជាជាងជាប់ក្នុងភាពជាឈ្លើយក្នុងពេលវេលាខ្លី ភាពជាឈ្លើយនេះនឹងមានរយៈពេល៧០ឆ្នាំ។ ហើយគឺនៅពេលនោះ ព្រះជាម្ចាស់នឹងបំពេញសេចក្ដីសន្យារបស់ទ្រង់ ហើយនាំពួកគាត់ត្រឡប់មកឯទឹកដីសន្យាវិញ (យេរេមា ២៩:១០)។

តើអ្វីទៅជា «សេចក្ដីសុខ»?

ចំណុចនេះនាំយើងមកដល់កណ្ឌគម្ពីរ យេរេមា ២៩:១១។ សូមអានម្ដងទៀត។ ព្រះជាម្ចាស់បានសន្យាថា ទ្រង់នឹងបំពេញផែនការនៃការប្រទានសេចក្ដីសុខរបស់ទ្រង់មកកាន់រាស្ត្ររបស់ទ្រង់។ តើផែនការ និងសេចក្ដីសុខនោះមានលក្ខណៈយ៉ាងដូចម្ដេច? កណ្ឌគម្ពីរ យេរេមា ២៩:១២-១៤ មានចែងសម្រាប់យើង។ ព្រះជាម្ចាស់នឹងឆ្លើយតបនូវសេចក្ដីអធិស្ឋានរបស់ទ្រង់។ នៅពេលដែលពួកគាត់ស្វែងរកព្រះអង្គ នោះពួកគាត់នឹងរកឃើញទ្រង់។ ព្រះជាម្ចាស់នឹងស្ដារពួកគាត់ចេញពីភាពជាឈ្លើយរបស់ខ្លួន ឲ្យទៅកាន់ទឹកដីដែលព្រះអង្គបានសន្យាសម្រាប់ពួកគាត់វិញ។

ព្រះជាម្ចាស់នៅមានបន្ទូលមកកាន់យើងសព្វថ្ងៃនេះ តាមរយៈសេចក្តីសន្យាដែលទ្រង់បានធ្វើឡើងទៅកាន់សាសន៍យូដា ខណៈពេលដែលពួកគាត់កំពុងតែស្ថិតនៅក្នុងភាពជាឈ្លើយ។

ដូច្នេះ ក្នុងបរិបទដើមនៃខនេះ កណ្ឌគម្ពីរ យេរេមា ២៩:១១ គឺជាសេចក្ដីសន្យារបស់ព្រះជាម្ចាស់ទៅកាន់សាសន៍យូដា ដែលកំពុងរស់នៅក្នុងភាពជាឈ្លើនៅឯទីក្រុងបាប៊ីឡូន។ សរុបមក តើនេះមានន័យថា យើងមិនអាចយកខគម្ពីរនេះមកប្រើប្រាស់លើខ្លួនឯងផ្ទាល់ ដែលជាអ្នកជឿនៅសព្វថ្ងៃនេះបានមែនឬ? តាមការយល់ដឹងលើបរិបទធំនៃដំណើររឿងនៃព្រះគម្ពីរចាប់តាំងពីកណ្ឌគម្ពីរលោកុប្បត្ដិរហូតដល់កណ្ឌគម្ពីរវិវរណៈនឹងជួយឲ្យយើងឃើញថាចម្លើយគឺបាន យើងអាចប្រើប្រាស់បាន! ក្នុងនាមជាអ្នកជឿ ផែនការរបស់ព្រះជាម្ចាស់សម្រាប់យើង គឺនាំយើងទៅកាន់ផែនដី និងស្ថានសួគ៌ថ្មីដែលព្រះអង្គបានសន្យា (វិវរណៈ ២១-២២)។ ស្របពេលនោះ យើងក៏បន្តរស់នៅក្នុងភាពជាឈ្លើយ និងជាអ្នកដែលស្នាក់នៅលើផែនដីនេះ (១ពេត្រុស ១:១; ២:១១) ដោយរង់ចាំការបង្កើតថ្មីក្នុងការរស់នៅក្នុងភាពសុចរិត (២ពេត្រុស ៣:១៣)។ ព្រះយេស៊ូវបានបង្គាប់ឲ្យយើងទូលសូមព្រះជាម្ចាស់ក្នុងការអធិស្ឋាន ហើយព្រះអង្គនឹងប្រទានមកកាន់យើង ហើយឲ្យយើងស្វែងរក នោះយើងនឹងរកឃើញទ្រង់ (ម៉ាថាយ ៧:៧)។ ព្រះជាម្ចាស់បានសន្យាថា ព្រះអង្គនឹងធ្វើរាល់គ្រប់អ្វីៗទាំងអស់សម្រាប់ជាការល្អយ៉ាងអស់កល្បជានិច្ចសម្រាប់រាស្ត្ររបស់ទ្រង់ (រ៉ូម ៨:២៨) ដែលមានរួមទាំងការរងទុក្ខដែលទ្រង់បានគ្រោងទុកសម្រាប់យើង (រ៉ូម ៨:១៨)។

ដោយមានការយល់ដឹងក្នុងបរិបទធំនៃព្រះគម្ពីរ នោះយើងឃើញថា ព្រះជាម្ចាស់នៅមានបន្ទូលមកកាន់យើងសព្វថ្ងៃនេះ តាមរយៈសេចក្ដីសន្យាដែលទ្រង់បានធ្វើឡើងទៅកាន់សាសន៍យូដា ខណៈពេលដែលពួកគាត់កំពុងតែរស់នៅក្នុងភាពជាឈ្លើយ។ នៅពេលដែលយើងយល់អំពីលក្ខណៈនៃផែនការរបស់ព្រះជាម្ចាស់សម្រាប់យើងក្នុងនាមជាអ្នកជឿ និងលក្ខណៈនៃសេចក្ដីសុខដែលទ្រង់បានសន្យាមកកាន់យើង នោះយើងអាចយកចំណុចស្នូលនៃខនេះមកអនុវត្តដោយមានទំនុកចិត្ត ក្នុងជីវិតរស់នៅរបស់យើងសព្វថ្ងៃនេះបាន។

និពន្ធដោយ៖ Matthew S. Harmon
បកប្រែដោយ៖ លោក ឈាង បូរ៉ា
កែសម្រួលដោយ៖ លោក ឈាង បូរ៉ា,លោក ទេព រ៉ូ, លោក ខែម បូឡុង,លោក ប៊ុន ធីម៉ូថេ,លោក ឯក សត្យានិង លោក ឯក ធីម៉ូថេ
ដកស្រង់ និងកែសម្រួលចេញពី www.crossway.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៣

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៨

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១១

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧០

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម