មិនដេកជាមួយ

ប៉ុន្តែលោក យ៉ូសែប បានបដិសេធមិនរំលោភបំពានតួនាទីរបស់គាត់ សូម្បីតែភរិយារបស់លោក ប៉ូទីផារ បានល្បួងគាត់ពីមួយថ្ងៃទៅមួយថ្ងៃក៏ដោយ (លោកុប្បត្ដិ ៣៩:១០)។

១០ សីហា ២០២០អានរយៈពេល ១៧ នាទី

មើល៣៣៩ដង

យើ

ងមិនមានជ័យជម្នះលើការប្រយុទ្ធប្រឆាំងនឹងការល្បួងខាងផ្លូវភេទដោយគ្រាន់តែមានការដាក់ប្រព័ន្ធការពារលើអ៊ីនធឺណិត ឬក៏ការមានអ្នកជួយមើលការខុសត្រូវលើយើងនោះទេ។ តែមានជ័យជម្នះដោយដឹងជាក់ច្បាស់ដែលបានបំពេញដោយព្រះវិញ្ញាណបរិសុទ្ធ ដែលយូរៗទៅនឹងបង្កើតឲ្យមានសេចក្តីស្រឡាញ់ និងបំណងប្រាថ្នាថ្មីៗក្នុងយើង។ ប្រព័ន្ធការពារ និងមិត្តភក្ដិគឺជាអាវុធដ៏មានតម្លៃក្នុងការប្រយុទ្ធ ប៉ុន្តែពួកគេមិនអាចយកឈ្នះលើសង្គ្រាមសម្រាប់យើងបានទេ។

លោក យ៉ូសែប ដឹងពីរបៀប ដើម្បីយកឈ្នះលើសង្គ្រាម [ខាងឯងផ្លូវភេទ] ទោះបើគាត់មិនមានព្រះគម្ពីរពេញដូចដែលយើងមានផង។ ក្រោយពីបងៗរបស់គាត់បានលក់គាត់ឲ្យទៅធ្វើជាទាសករ ព្រះជាម្ចាស់បាននាំគាត់ទៅផ្ទះរបស់លោក ប៉ូទីផារ ដែលជាមន្ត្រីជនជាតិអេស៊ីព្ទម្នាក់។ «ព្រះយេហូវ៉ាគង់នៅជាមួយលោកយ៉ូសែប ហើយលោកចេះតែចម្រើនឡើង...។ ចៅហ្វាយរបស់លោកឃើញថា ព្រះយេហូវ៉ាគង់នៅជាមួយលោក ហើយថា ព្រះយេហូវ៉ាធ្វើឲ្យគ្រប់ការទាំងអស់បានចម្រើនឡើង ដោយសារដៃរបស់លោក។» (លោកុប្បត្ដិ ៣៩:២-៣ គកស)។ ដូច្នេះលោក ប៉ូទីផារ «តែងតាំងលោក យ៉ូសែប ឲ្យមើលខុសត្រូវលើផ្ទះសំបែង ក៏ប្រគល់ទ្រព្យសម្បត្តិទាំងប៉ុន្មានរបស់គាត់ឲ្យលោកគ្រប់គ្រង» (លោកុប្បត្ដិ ៣៩:៤ គកស)។

ប៉ុន្តែ មានម្នាក់ផ្សេងទៀតនៅក្នុងផ្ទះរបស់លោក ប៉ូទីផារ ក៏បានកោតសរសើរលោក យ៉ូសែប ដែរ។ «រីឯលោក យ៉ូសែប មានរូបរាងសង្ហាណាស់ ក្រោយមកប្រពន្ធរបស់ចៅហ្វាយលោកចេះតែដៀងភ្នែកមើលលោកយ៉ូសែប» (លោកុប្បត្ដិ ៣៩:៦-៧ គកស)។ នាងពេញដោយតណ្ហាសម្រាប់អ្នកផ្សេងក្រៅពីប្តី នាងក៏បាននិយាយថា «មកដេកជាមួយខ្ញុំ!» (លោកុប្បត្ដិ ៣៩:៧ គកស)។

ប៉ុន្តែ ដោយសារលោក យ៉ូសែប ពោពេញដោយកម្លាំង និងការដឹងជាក់ច្បាស់ ដូច្នេះលោកក៏បានបដិសេធ។

«មើល៍! ចៅហ្វាយខ្ញុំឥតដឹងថាមានអ្វីៗនៅនឹងខ្ញុំ នៅក្នុងផ្ទះនេះផង លោកបានប្រគល់អ្វីៗទាំងអស់របស់លោកមកក្នុងដៃរបស់ខ្ញុំ គ្មានអ្នកណាធំជាងខ្ញុំទេក្នុងផ្ទះនេះ ហើយលោកក៏មិនបានហួងហែងរបស់ណានឹងខ្ញុំដែរ លើកលែងតែលោកស្រីប៉ុណ្ណោះ ព្រោះលោកស្រីជាប្រពន្ធរបស់លោក ដូច្នេះ តើឲ្យខ្ញុំប្រព្រឹត្តអំពើដ៏អាក្រក់យ៉ាងធំនេះ ដោយប្រព្រឹត្តអំពើបាបទាស់នឹងព្រះម្ដេចបាន?» (លោកុប្បត្ដិ ៣៩:៨-៩ គកស)។

ការដឹងជាក់ច្បាស់ប្រាំយ៉ាងក្នុងជីវិតដែលបានជំរុញឲ្យលោក យ៉ូសែប ឲ្យមានចិត្ដក្លាហាន និងការគ្រប់គ្រងលើខ្លួនឯងពេលប្រឈមមុខនឹងការល្បួង។ ប្រសិនបើលោកនៅតែចាញ់ក្នុងការប្រយុទ្ធជាមួយនឹងអំពើបាបខាងឯងផ្លូវភេទ នោះប្រហែលជាគ្រាប់ពូជទាំងនេះមិនទាន់បានដុះនៅក្នុងចិត្តរបស់លោកនៅឡើយទេ។ ចូរទូលសូមឲ្យព្រះជាម្ចាស់បណ្ដុះឫសឲ្យកាន់តែជ្រៅជាងមុន ខណៈពេលដែលលោកសិក្សាព្រះបន្ទូលរបស់ទ្រង់ ហើយដើរជាមួយទ្រង់ចុះ។

១. ការជឿទុកចិត្តមិនអាចកាត់ថ្លៃបាន ហើយក៏ងាយបែកបាក់

លោក យ៉ូសែប និយាយថា «មើល៍! ចៅហ្វាយខ្ញុំ»—ប្តី របស់នាង—«ឥតដឹងថាមានអ្វីៗនៅនឹងខ្ញុំ លោកបានប្រគល់អ្វីៗទាំងអស់របស់លោកមកក្នុងដៃរបស់ខ្ញុំ» (លោកុប្បត្ដិ ៣៩:៨ គកស)។

អំពើបាបខាងផ្លូវភេទបំផ្លាញការទុកចិត្ត និងគ្រប់ទាំងទិសដៅចោល។ អ្វីដែលលោក យ៉ូសែប ព្រួយបារម្ភគឺមិនមែនផ្ដោតលើការបំផ្លាញឋានៈរបស់គាត់ ឬក៏ការបាត់បង់លុយកាក់នោះទេ ប៉ុន្តែត្រង់ថាគាត់នឹងបាត់ការទុកចិត្តរបស់លោក ប៉ូទីផារ ដែលមានចំពោះគាត់ដែលមិនងាយរកបាន—ហើយក៏ងាយនឹងបាត់បង់ដែរ។ នេះមិនមែនជាការជឿជាក់ដ៏អស្ចារ្យបំផុតនៅក្រោមការគ្រប់គ្រងរបស់លោក យ៉ូសែប ប៉ុន្តែវាជាចំណុចដំបូងដែលគាត់បានលើកឡើង ហើយវាក៏សំខាន់សម្រាប់ការយកឈ្នះលើអំពើបាបខាងឯងផ្លូវភេទដែរ។ តើលោកផ្តល់តម្លៃលើការជឿទុកចិត្តដែលអ្នកមានជាមួយប្តី/ប្រពន្ធ កូនៗ ចៅហ្វាយ មិត្តភក្ដិ ក្រុមជំនុំ ឬថាលោកសប្បាយចិត្តដោយលាក់បាំងឬទេ ដែលហ៊ានប្រថុយការទុកចិត្តនោះ ដើម្បីព្យាយាមបំពេញបំណងចិត្តសាច់ឈាមខ្លួនឯង?

លោក យ៉ូសែប បានដឹងយ៉ាងច្បាស់ពីរបៀបនៃការជឿទុកចិត្តរបស់គាត់ដែលគេបានផ្តល់ឲ្យ ពោលគឺឲ្យតម្លៃលើការទុកចិត្តដ៏មានតម្លៃរបស់លោក ប៉ូទីផារ—ដែលជាការទុកចិត្តដ៏ផុយស្រួយដែរ។

២. សិទ្ធិអំណាចគឺជាការបម្រើ មិនមែនជាឯកសិទ្ធិទេ

លោក យ៉ូសែប មានប្រសាសន៍ម្ដងទៀតថា៖ «មើល៍! ចៅហ្វាយខ្ញុំឥតដឹងថាមានអ្វីៗនៅនឹងខ្ញុំ នៅក្នុងផ្ទះនេះផង លោកបានប្រគល់អ្វីៗទាំងអស់របស់លោកមកក្នុងដៃរបស់ខ្ញុំ គ្មានអ្នកណាធំជាងខ្ញុំទេក្នុងផ្ទះនេះ ហើយលោកក៏មិនបានហួងហែងរបស់ណានឹងខ្ញុំដែរ លើកលែងតែលោកស្រីប៉ុណ្ណោះ» (លោកុប្បត្ដិ ៣៩:៨-៩ គកស)។ លោក ប៉ូទីផារ បានប្រគល់អំណាចដល់លោក យ៉ូសែប ដែលមិនអាចប្រៀបផ្ទឹមបានលើគេហដ្ឋានរបស់គាត់ លើជំនួញរបស់គាត់ លើទ្រព្យសម្បត្តិទាំងអស់របស់គាត់ ដែលអាចឲ្យលោក យ៉ូសែប ចូលបាន និងមានឯកសិទ្ធិដែលគ្មានអ្វីប្រៀបផ្ទឹមបាន—ដល់ថ្នាក់ថាគាត់អាចនៅម្នាក់ឯងនៅក្នុងផ្ទះរបស់លោក ប៉ូទីផារ ជាមួយប្រពន្ធរបស់គាត់ក៏បានដែរ។

ចំណងជើងព័ត៌មានរបស់យើងមានពេញទៅដោយបុរសដែលមានទេពកោសល្យ និងអ្នកមានអំណាចដែលបានរំលោភបំពានសិទ្ធិអំណាចដូចនេះក្នុងការប្រើប្រាស់ឋានៈ និងអំណាចរបស់ពួកគេ ដើម្បីកេងប្រវ័ញ្ចអត្ថប្រយោជន៍ពីស្ត្រីដែលនៅក្រោមឥទ្ធិពលរបស់ពួកគេ។ ប៉ុន្តែលោក យ៉ូសែប បានបដិសេធមិនរំលោភបំពានតួនាទីរបស់គាត់ សូម្បីតែភរិយារបស់លោក ប៉ូទីផារ បានល្បួងគាត់ពីមួយថ្ងៃទៅមួយថ្ងៃក៏ដោយ (លោកុប្បត្ដិ ៣៩:១០)។ «ខ្ញុំនឹងមិននៅជាមួយអ្នកទេ» ហើយគាត់ក៏បានជាប់ពន្ធនាគារជាច្រើនឆ្នាំ។

លោក យ៉ូសែប បានដឹងថាសិទ្ធិអំណាចដែលគាត់ទទួលបានពីលោក ប៉ូទីផារ (ហើយនៅទីបំផុតពីព្រះជាម្ចាស់) គឺជាបេសកកម្ម ដើម្បីបម្រើអ្នកដទៃ ហើយមិនត្រូវប្រើប្រាស់អ្នកដទៃ—ដើម្បីបូជាជីវិតខ្លួនឯង ដើម្បីសេចក្តីអំណររបស់អ្នកដទៃ (២កូរិនថូស ១:២៤) គឺមិនមែនដេញតាមសេចក្តីរីករាយផ្ទាល់ខ្លួនរបស់គាត់ដោយប្រើប្រាស់អ្នកដទៃទេ។

យើងចង់មានមនុស្សដូចលោក យ៉ូសែប ច្រើនទៀតដែលជាអ្នកដឹកនាំក្រុមហ៊ុន អ្នកឈានមុខគេក្នុងការផលិតខ្សែភាពយន្ត និងអ្នកដឹកនាំក្រុមជំនុំ—ជាបុរសដែលបដិសេធមិនប្រើប្រាស់អំណាច និងសិទ្ធិរបស់ខ្លួន ដើម្បីបំពេញចំណង់តណ្ហាខាងផ្លូវភេទអាថ៌កំបាំងរបស់គាត់ ប៉ុន្តែផ្ទុយទៅវិញនឹងទទួលអំណាច និងសិទ្ធិរបស់គាត់ក្នុងនាមជាការបម្រើ និងការពារអ្នកដទៃ។

៣. ជីវិតអាពាហ៍ពិពាហ៍គឺជាការពិសិដ្ឋ

លោក យ៉ូសែប បានបន្តនិយាយថា៖ «គ្មានអ្នកណាធំជាងខ្ញុំទេក្នុងផ្ទះនេះ ហើយលោកក៏មិនបានហួងហែងរបស់ណានឹងខ្ញុំដែរ លើកលែងតែលោកស្រីប៉ុណ្ណោះ ព្រោះលោកស្រីជាប្រពន្ធរបស់លោក » (លោកុប្បត្ដិ ៣៩:៩ គកស)។ ភរិយារបស់លោក ប៉ូទីផារ សុខចិត្តប្ដូរជីវិតអាពាហ៍ពិពាហ៍របស់ខ្លួន—ពាក្យសច្ចារបស់ខ្លួន ការតាំងសញ្ញា និងការរួបរួម—ដើម្បីឲ្យមានបុរសសង្ហាម្នាក់ក្នុងរយៈពេលពីរបីនាទីប៉ុណ្ណោះ។ ប៉ុន្តែ ជីវិតអាពាហ៍ពិពាហ៍របស់គាត់មានតម្លៃនៅចំពោះមុខលោក យ៉ូសែប ជាងគាត់មានសម្រាប់ខ្លួនទៅទៀត។ លោក យ៉ូសែប ដឹងថាព្រះជាម្ចាស់ បានផ្គូផ្គងលោក ប៉ូទីផារ ជាមួយនឹងភរិយារបស់គាត់ហើយ។ គាត់ដឹងថា៖ ដូចដែលព្រះជាម្ចាស់ដ៏មានព្រះចេស្ដាបានបង្កើតនាង អេវ៉ា ហើយនាំនាងទៅឲ្យលោក អ័ដាម ដូចគ្នានោះដែរ ទ្រង់ក៏បាននាំបុរស និងស្ត្រីនេះឲ្យរួមគ្នា។

ព្រះយេស៊ូវមានព្រះបន្ទូលថា «"បុរសត្រូវចាកចេញពីឪពុកម្តាយ [ទៅរួមរស់ជាមួយប្រពន្ធរបស់ខ្លួន] ហើយអ្នកទាំងពីរនឹងត្រឡប់ជាសាច់តែមួយ" ដូច្នេះ គេមិនមែនពីរនាក់ទៀតទេ គឺជាសាច់តែមួយវិញ ដូច្នេះ មនុស្សដែលព្រះបានផ្សំផ្គុំហើយ មិនត្រូវឲ្យអ្នកណាមកពង្រាត់ឡើយ» (ម៉ាកុស ១០:៧-៩ គកស)។ «ព្រោះលោកស្រីជាប្រពន្ធរបស់លោក។» ឬក៏ «ព្រោះអ្នកជាប្ដីរបស់នាង។» ឬក៏ព្រោះខ្ញុំ ជាប្តីរបស់នាង។ ព្រោះខ្ញុំជាប្រពន្ធរបស់គាត់។ ពិតណាស់ មានឃ្លាំងស្តុកនៃការបន្សុទ្ធអំណាចនៅពីក្រោយហេតុផលដ៏រឹងមាំដូចថ្មទាំងនេះដែរ។

តើលោកចង់បានកម្លាំង ដើម្បីប្រឆាំងនឹងការល្បួងខាងឯផ្លូវភេទដែរឬទេ? សូមសញ្ជឹងគិតអំពីភាពបរិសុទ្ធនៃជីវិតអាពាហ៍ពិពាហ៍។ «សូមឲ្យមនុស្សទាំងអស់លើកតម្លៃអាពាហ៍ពិពាហ៍ ហើយសូមឲ្យការរួមដំណេកបានជាឥតសៅហ្មង ដ្បិតព្រះនឹងជំនុំជម្រះមនុស្សសហាយស្មន់ និងមនុស្សផិតក្បត់» (ហេព្រើរ ១៣:៤ គកស)។

៤. អំពីបាបមិនមែនគ្រាន់តែខុសទេ តែគឺគួរឲ្យស្អប់ខ្ពើម

ការជឿទុកចិត្ត ការមានសិទ្ធិអំណាច និងជីវិតអាពាហ៍ពិពាហ៍គឺជាការជំរុញទឹកចិត្តដ៏ធំធេងក្នុងការប្រឆាំងនឹងការផិតក្បត់ ប៉ុន្តែចំណុចពីរចុងក្រោយនេះគឺជាមូលដ្ឋានគ្រឹះនៃរាល់ការជំរុញទឹកចិត្តសម្រាប់ភាពបរិសុទ្ធ និងភាពស្មោះត្រង់ផ្សេងទៀត។ ទីមួយ យើងបានរៀនបដិសេធការល្បួងដោយរៀនស្អប់អំពើបាប។ មនុស្សជាច្រើនដែលគេហៅថាជាគ្រីស្ទបរិស័ទក៏ដឹងហើយថា អំពើបាបគឺជាការខុស ប៉ុន្តែគន្លឹះក្នុងការសម្លាប់អំពើបាបគឺមិនគ្រាន់តែដឹងថាអំពើបាបគឺជាការខុសប៉ុណ្ណោះទេ ប៉ុន្តែគឺការដឹងថា វាគួរឲ្យស្អប់ខ្ពើមណាស់។ នៅពេលដែលយើងរីកចម្រើនក្នុងព្រះគ្រីស្ទ ម្ដងបន្តិចៗ ឬពីពេលមួយទៅពេលមួយ នោះយើងក៏នឹងកាន់តែមិនចូលចិត្តអំពើបាប ដល់ថ្នាក់ថាស្អប់វាថែមទៀតផង។

ខណៈពេលដែលបុរសដទៃទៀតនឹងសប្បាយចិត្តក្នុងការលោតលើគ្រែចូលគេងជាមួយស្ត្រីដ៏ស្រស់ស្អាត មានអំណាច និងខ្លាំងដូចនាង តែលោក យ៉ូសែប បែរជាសួរថា «តើឲ្យខ្ញុំប្រព្រឹត្តអំពើដ៏អាក្រក់យ៉ាងធំនេះបានយ៉ាងដូចម្ដេច?» (លោកុប្បត្ដិ ៣៩:៩ គកស)។ អំពើផិតក្បត់មិនគ្រាន់តែខុសទេ។ វាអាក្រក់ណាស់។ ហើយវាមិនត្រឹមតែអាក្រក់ទេ។ តែវាគឺជា «អំពើអាក្រក់ដ៏ធំធេង »។ ទោះបើជាអ្វីៗទាំងអស់នៅក្នុងលោក យ៉ូសែប ចង់ចុះចូលក្នុងការល្បួង តែលោកបាននិយាយថា «ទេ!» តើនេះមកពីលោកដឹងថា វាខុសមែនឬ? ឬក៏ថា តើលោកយល់ថាខ្លួនមានទំនាស់កាន់តែខ្លាំងឡើងៗ—ដោយមានអារម្មណ៍ទាក់ទាញលើអំពើបាប ប៉ុន្តែលោកក៏មើលឃើញ ហើយស្អប់ភាពអាក្រក់នៅពីក្រោយការតុបតែងដ៏ស្អាតដែរឬទេ? អំពើបាបគឺជាការខុស ហើយក៏មិនគួរធ្វើវាតាំងពីដំបូងមកម្ល៉េះ។ ចូរសូមឲ្យព្រះជាម្ចាស់ធ្វើឲ្យវាកាន់តែគួរឲ្យស្អប់នៅក្នុងភ្នែករបស់លោកទៀតចុះ។

៥. ព្រះជាម្ចាស់ប្រសើរជាងការរួមភេទ

យើងនឹងកាន់តែមិនចូលចិត្តអំពីបាប ហើយកាន់តែស្អប់ខ្ពើមវាថែមទៀត ខណៈពេលដែលព្រះជាម្ចាស់កាន់តែស្រស់ស្អាត កាន់តែមានតម្លៃ និងជាសេចក្តីស្កប់ចិត្តថែមទៀតដល់យើង។ អំពើផិតក្បត់នឹងបាត់បង់អំណាចនៃការលួងលោមចិត្ដរបស់លោក ដោយសារតែភាពរីករាយរបស់វាគ្មានទេ បើប្រៀបនឹងសេចក្តីអំណរដ៏ជ្រាលជ្រៅ និងស្ថិតស្ថេរដែលព្រះជាម្ចាស់សន្យាថានឹងប្រទានឲ្យ (ទំនុកតម្កើង ១៦:១១)។

លោក យ៉ូសែប បាននិយាយអំពីរបៀបដ៏គួរឲ្យស្អប់ខ្ពើមនៃអំពើផិតក្បត់ដ៏អាក្រក់នេះនឹងនាំមកចំពោះលោក ប៉ូទីផារ ដែលបានទុកចិត្តគាត់លើអ្វីៗទាំងអស់ ប៉ុន្តែគាត់បានបញ្ចប់ដោយសួរថា «តើឲ្យខ្ញុំប្រព្រឹត្តអំពើដ៏អាក្រក់យ៉ាងធំនេះ ដោយប្រព្រឹត្តអំពើបាបទាស់នឹងព្រះម្ដេចបាន?» (លោកុប្បត្ដិ ៣៩:៩ គកស)។ ស្ដេច ដាវីឌ ក៏បានមានបន្ទូលដូចគ្នាដែរនៅពេលទ្រង់សារភាពចំពោះព្រះអំពីអំពើផិតក្បត់របស់ទ្រង់ថា៖ «ទូលបង្គំបានប្រព្រឹត្តអំពើបាបទាស់នឹងព្រះអង្គគឺទាស់នឹងព្រះអង្គតែមួយគត់ហើយបានប្រព្រឹត្តអំពើអាក្រក់នៅចំពោះព្រះនេត្រព្រះអង្គ» (ទំនុកតម្កើង ៥១:៤)។ ការទុកចិត្ដរបស់លោក ប៉ូទីផារ គឺមានតម្លៃណាស់ចំពោះលោក យ៉ូសែប ប៉ុន្តែព្រះជាម្ចាស់មានតម្លៃជាងនោះទៅទៀត។ ការជំនុំជម្រះរបស់លោក ប៉ូទីផារ គួរឲ្យខ្លាចដល់លោក យ៉ូសែប ប៉ុន្តែការជំនុំជម្រះរបស់ព្រះជាម្ចាស់គឺគួរឲ្យខ្លាចជាងនោះទៅទៀត។ កេរ្តិ៍ឈ្មោះរបស់លោក ប៉ូទីផារ គឺមានតម្លៃចំពោះលោក យ៉ូសែប ប៉ុន្តែលោក យ៉ូសែប បានរស់នៅដោយព្រោះសិរីល្អរបស់ព្រះជាម្ចាស់វិញ។ តើឲ្យខ្ញុំប្រព្រឹត្តអំពើបាបនេះទាស់នឹងព្រះជាម្ចាស់យ៉ាងម្ដេចបាន?

លោក យ៉ូសែប មិនមានការព្រួយបារម្ភជាចម្បងអំពីការបាត់បង់ការងារ លុយកាក់ ឬភាពអរសប្បាយមួយគ្រាខាងផ្លូវភេទទេ។ គាត់បានបដិសេធមិនបោះបង់ព្រះជាម្ចាស់ឡើយ។ សិរិល្អរបស់ទ្រង់គឺស្រស់ស្អាតពេកហើយ មិត្តភាពរបស់ទ្រង់ក៏មានតម្លៃណាស់ដែរ ការសន្យារបស់ទ្រង់គឺអស្ចារ្យណាស់សម្រាប់លោក យ៉ូសែប ក្នុងការឲ្យគាត់ប្ដូរដោយដេកជាមួយនាងទេ។ ប្រសិនបើលោកមិនចង់នៅលើគ្រែជាមួយប្រពន្ធរបស់នរណាម្នាក់ទេ ចូរធ្វើឲ្យខ្លួនឯងមានសុភមង្គល តាមដែលធ្វើទៅបាន ជាមួយព្រះជាម្ចាស់ចុះ។

កម្លាំងក្នុងការបន្ត

ភរិយារបស់លោក ប៉ូទីផារ មិនគ្រាន់តែបានព្យាយាមលួងលោមលោក យ៉ូសែប តែមួយដងនោះទេ។ «ឯនាងចេះតែនិយាយទៅលោក យ៉ូសែប រាល់ថ្ងៃ តែលោកមិនព្រមស្ដាប់តាម ហើយទៅដេកជាមួយនាង ឬទៅជិតនាងឡើយ» (លោកុប្បត្ដិ ៣៩:១០ គកស)។ លោក យ៉ូសែប មិនគ្រាន់តែនិយាយថា «ទេ» តែម្ដងទេ។ គាត់បានបដិសេធម្តងហើយម្តងទៀត ឥតឈប់ឈរ។ នាងនៅតែបន្តព្យាយាម ហើយគាត់នៅតែបន្តបដិសេធ។ ការប្ដេជ្ញាចិត្តរបស់គាត់មិនត្រឹមតែជួយគាត់មិនឲ្យធ្វើខុសតែនោះឡើយ តែវាបានក្លាយជាកម្លាំងដល់គាត់ម្តងហើយម្តងទៀត។ គាត់មិនចុះចូលទេ។ ការទុកចិត្តនៅតែមានតម្លៃចំពោះគាត់។ សិទ្ធិអំណាចនៅតែជាការបម្រើដល់អ្នកដទៃ។ ជីវិតអាពាហ៍ពិពាហ៍នៅតែជាការពិសិដ្ឋ។ អំពើបាបនៅតែជាការអាក្រក់។ ព្រះជាម្ចាស់នៅតែល្អប្រសើរ។

ប្រសិនបើលោកគ្រាន់តែនិយាយថា «ទេ»—ទាក់ទងទៅនឹងអំពើផិតក្បត់ ការមើលរូប ឬក៏វីដេអូអាសអាភាស និងរាល់អំពើអសីលធម៌ខាងផ្លូវភេទ—ដោយព្រោះលោកដឹងថា វាខុស នោះលោកនឹងឆាប់អស់សាំងក្នុងសង្គ្រាមប្រឆាំងនឹងអំពើបាបជាមិនខាន។ ប៉ុន្តែ ប្រសិនបើការពិតទាំងប្រាំនេះចាក់បានឫសជ្រៅទៅៗនៅក្នុងបេះដូងរបស់លោក នោះលោកនឹងបន្ថែមស៊ីឡាំងទៅក្នុងម៉ាស៊ីនរបស់លោកហើយ។ នៅពេលក្រោយ ពេលការល្បួងខាងឯងផ្លូវភេទមកដល់ សូមនឹកចាំអំពីលោក យ៉ូសែប និងការប្ដេជ្ញាចិត្តដែលធ្វើឲ្យគាត់មិនឡើងលើគ្រែជាមួយនឹងប្រពន្ធរបស់អ្នកដទៃ។

និពន្ធដោយ៖ លោកគ្រូ Marshall Segal
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ជួប ប៊ុនហាក់, លោកស្រី ថាវ ប៊ុនរី និងលោក ប៊ុន ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

២ពិន្ទុ

តើលោកអ្នកយល់យ៉ាងណាដែរ?

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

២១៦៣

កំណត់ហេតុបណ្ដាញ២ កញ្ញា ២០២៥

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

គណនេយ្យករសាជីវកម្ម អ្នកគ្រប់គ្រងសិទ្ធផ្តាច់មុខ ឬនាយកប្រតិបត្តិទីផ្សារប្រហែលជាត្រូវធ្វើការយ៉ាងម៉ត់ចត់ជាមួយម៉ោងការងារដោយសារមានមនុស្សជាច្រើនកំពុងមើលខុសត្រូវលើគាត់...ក្នុងនាមជាគ្រីស្ទបរិស័ទ នៅពេលដែលនិយាយអំពីការយល់ខុសត្រូវ វាមិនមែនជាសំណួរអំពីអ្វីដែលត្រូវបានអនុញ្ញាតឬក៏អត់នោះទេ ប៉ុន្តែគឺអំពីអ្វីតាមព្រះគម្ពីរវិញ។

អានបន្ថែម

១៣៩

កំណត់ហេតុបណ្ដាញ២៧ សីហា ២០២៥

ប្រកាសអំពីព្រះយេស៊ូវនៅលើកាប៉ាល់ទីតានិច

បើសិនជាអ្នកកំពុងតែស្ថិតនៅក្នុងគ្រោះមហន្តរាយ តើអ្នកមានចិត្តចង់ផ្សាយដំណឹងល្អ ដល់មនុស្សនៅជុំវិញអ្នកទេ?

អានបន្ថែម

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

១១៣៧

កំណត់ហេតុបណ្ដាញ១២ ឧសភា ២០២៥

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

អធិប្បាយកណ្ឌគម្ពីរអេសាយ ដើម្បីឲ្យឃើញអំពីសិរីល្អនៃសេចក្តីសង្គ្រោះរបស់ព្រះជាម្ចាស់ដែលមានព្រះជន្មរស់ ដែលមានការឆ្លុះបញ្ចាំងលើព្រះភក្ត្ររបស់ព្រះយេស៊ូវគ្រីស្ទ។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១៧

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧២

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៩

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៥

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

មិនដេកជាមួយ

១០ សីហា ២០២០អានរយៈពេល ១៧ នាទី

មើល៣៣៩ដង

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ចុះ​ប្រសិន​បើ​ខ្ញុំ​មិន​បាន​ធ្វើ​ការ​ឲ្យ​គ្រប់​ម៉ោង​តាម​ដែល​ខ្ញុំ​គួរ​ធ្វើ?

ប្រកាសអំពីព្រះយេស៊ូវនៅលើកាប៉ាល់ទីតានិច

ហេតុ​ផល​៤​យ៉ាង ​ដែល​លោក​អ្នក​គួរ​អធិប្បាយ​តាម​រយៈ​កណ្ឌ​គម្ពីរ ​អេសាយ

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ចុះ​ប្រសិន​បើ​ខ្ញុំ​មិន​បាន​ធ្វើ​ការ​ឲ្យ​គ្រប់​ម៉ោង​តាម​ដែល​ខ្ញុំ​គួរ​ធ្វើ?

ប្រកាសអំពីព្រះយេស៊ូវនៅលើកាប៉ាល់ទីតានិច

ហេតុ​ផល​៤​យ៉ាង ​ដែល​លោក​អ្នក​គួរ​អធិប្បាយ​តាម​រយៈ​កណ្ឌ​គម្ពីរ ​អេសាយ

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)