៥ចំណុចសម្រាប់បង្រៀនកូនៗពេលបុណ្យណូអែល

នាង ម៉ារា គឺជានារីសាមញ្ញធម្មតាម្នាក់ ជាស្ត្រីក្រីក្រចេញមកពីស្រុកដែលគ្មានអ្វីដែលគួរឲ្យសំខាន់នោះទេ។ ចំណែក សាវ័ក ពេត្រុស គាត់ក៏ជាម្នាក់ដែលមិនបានរៀនសូត្រអ្វីខ្ពង់ខ្ពស់នោះទេ គាត់គ្រាន់តែជាអ្នកនេសាទម្នាក់ប៉ុណ្ណោះ។ យើងអាចនឹងឃើញសិរីល្អរបស់ព្រះជាម្ចាស់ តាមរយៈការដែលទ្រង់ធ្វើការតាមរយៈភាពកម្សោយរបស់យើង។

២៧ វិច្ឆិកា ២០១៧អានរយៈពេល ៨ នាទី

មើល១២៦៣ដង១មតិ

រ

ដូវណូអែលជារដូវដ៏ល្អមួយក្នុងការផ្ដល់ជាឱកាសឲ្យយើងបង្រៀនសេចក្តីពិតអំពីដំណឹងល្អទៅក្នុងចិត្តរបស់កូនៗយើង។ នេះគឺជាពេលវេលាដ៏ល្អក្នុងការប្រាប់កូនៗថា ព្រះយេស៊ូវគឺជាកាដូដ៏ល្អបំផុតដែលពួកគេអាចទទួលបានក្នុងជីវិតនេះ។

ខាងក្រោមនេះគឺជាចំណុចស្ដីពីសេចក្តីពិតដ៏សំខាន់ៗទុកបង្រៀនកូនៗនៅថ្ងៃបុណ្យណូអែល៖

១.

រឿងនៃសេចក្តីប្រោសលោះ

បួនអាទិត្យមុនថ្ងៃទី២៥នៃខែ១២ យើងអាចយកឱកាសនោះ ដើម្បីបង្រៀនកូនៗរបស់យើងពីរឿងកំណើតរបស់ព្រះយេស៊ូវនៅក្នុងព្រះគម្ពីរឲ្យពួកគេបានស្គាល់។

នៅក្នុងគ្រួសាររបស់យើងខ្ញុំ រៀងរាល់ថ្ងៃក្នុងអំឡុងបួនអាទិត្យមុនថ្ងៃទី២៥នៃខែ១២ យើងចូលចិត្តរៀនពីសាច់រឿងនៃការប្រោសលោះ ដោយចាប់ផ្ដើមពីការដែលព្រះជាម្ចាស់បង្កើត ហើយរៀនរហូតដល់ថ្ងៃកំណើតរបស់ព្រះគ្រីស្ទនៅថ្ងៃបុណ្យណូអែល។ ពួកយើងនាំគ្នាពិភាក្សាពីការធ្លាក់ចុះក្នុងអំពើបាប និងពីសេចក្តីសន្យារបស់ព្រះជាម្ចាស់ស្ដីពីព្រះសង្គ្រោះដែលមានចែងក្នុងកណ្ឌគម្ពីរ លោកុប្បត្ដិ ៣:១៥។ ពួកយើងបាននាំគ្នាអានអំពីសេចក្តីសន្យារបស់ទ្រង់ចំពោះលោក អ័ប្រាហាំ និងការអះអាងរបស់ទ្រង់ម្ដងហើយម្ដងទៀតនៅក្នុងគម្ពីរសញ្ញាចាស់។ យើងនិយាយពីរឿងលោក ម៉ូសេ និងបុគ្គលម្នាក់ទៀតដែលគាត់ល្អប្រសើរជាងលោក ម៉ូសេដែលនឹងត្រូវយាងមក (ហេព្រើរ ៣:៣-៦)។ យើងបាននាំគ្នាអានពីសេចក្តីទំនាយនៅក្នុងកណ្ឌគម្ពីរ អេសាយ ៧:១៤; ៩:១-២, ៦-៧; ១១:១; ៣៥:៥-៦; ៤០:៣-៥; ៤២:១-៦; ៥២:១៣-៥៣:១២; ៦១:១-២។ល។ យើងបាននាំគ្នាមើលពីរបៀបដែលព្រះគម្ពីរបានចង្អុលបង្ហាញទៅព្រះអង្គសង្គ្រោះរបស់យើង។

២.

ការបន្ទាបខ្លួនរបស់ព្រះគ្រីស្ទ

សម្រាប់អស់អ្នកដែលមិនជឿ នៅពេលរដូវកាលនៃថ្ងៃសម្រាកមកដល់ ពួកគេច្រើនចាយវាយលើសពីចំណូលរបស់ខ្លួន ហើយបង្ហាញពីភាពស្ដុកស្ដម្ភរបស់ខ្លួន ទាំងព្យាយាមធ្វើនូវគ្រប់ទាំងចំណុចដែលមើលទៅគឺថា ល្អឥតខ្ចោះតែម្ដង។ ប៉ុន្តែទោះជាយ៉ាងណាក្ដី រឿងស្ដីពីព្រះយេស៊ូវ គឺជារឿងនៃការបន្ទាបខ្លួន។ ថ្ងៃបុណ្យណូអែល គឺជាពេលវេលាដែលផ្ដល់នូវឱកាសយ៉ាងល្អក្នុងការបង្រៀនកូនៗរបស់យើងពីខ្លឹមសារនៃអ្នកដែលធំជាងគេនៅក្នុងនគរស្ថានសួគ៌ (ម៉ាថាយ ២០:២៦-២៨)។ ចំណុចទាំងអស់នេះ គឺជាការបង្ហាញឲ្យយើងឃើញពីការបន្ទាបខ្លួនរបស់ទ្រង់ដូចជា៖ មាតាបិតារបស់ទ្រង់ កន្លែងកំណើតរបស់ទ្រង់ និងស្រុកកំណើតរបស់ទ្រង់ និងគ្រប់ទាំងសកម្មភាពដែលទ្រង់បានយាងមកយកនិស្ស័យជាសាច់ឈាម ទាំងអស់នេះគឺជាភស្តុតាងដែលបង្ហាញឲ្យយើងឃើញថា ទ្រង់បន្ទាបខ្លួន។

មនុស្សភាគច្រើន ពួកគេរំពឹងថា ព្រះមែស្ស៊ីនឹងយាងមកយកកំណើតនៅក្នុងវិមានដ៏ស្កឹមស្កៃ មិនមែននៅក្នុងក្រោលសត្វនោះឡើយ។ មនុស្សភាគច្រើនរំពឹងថា ទ្រង់រស់នៅក្នុងវង្សត្រកូលស្ដេច មិនមែនមករស់នៅល្ហេមល្ហាមនោះទេ។ មនុស្សភាគច្រើនរំពឹងថា ទ្រង់នឹងមកយកជ័យជម្នះលើចក្រភពរ៉ូម មិនមែនមកឲ្យពួកគេចាប់ឆ្កាងនោះទេ។ សូមអានកណ្ឌគម្ពីរ ភីលីព ២:១-១១ បន្ទាប់មកបង្ហាញដល់កូនៗរបស់លោកអ្នកអំពីការបន្ទាបខ្លួនរបស់ព្រះគ្រីស្ទតាមរយៈខគម្ពីរនោះ។

៣.

ព្រះជាម្ចាស់ធ្វើការតាមរយៈភាពកម្សោយ

បរិបទស្រដៀងគ្នាមួយទៀតដែលយើងអាចបង្រៀនកូនៗនៅរដូវបុណ្យណូអែលនេះគឺ របៀបដែលព្រះជាម្ចាស់ធ្វើការតាមរយៈភាពកម្សោយ។ ព្រះជាម្ចាស់ច្រើនតែជ្រើសរើសមនុស្សដែលមិនស័ក្តិសមនឹងឲ្យទ្រង់ប្រើ ក៏ដូចជាមនុស្សកម្សោយ ព្រះអង្គបានប្រើប្រាស់ពួកគេនៅក្នុងរឿងនៃការប្រោសលោះរបស់ទ្រង់។ នាង ម៉ារា គឺជានារីសាមញ្ញធម្មតាម្នាក់ ជាស្ត្រីក្រីក្រចេញមកពីស្រុកដែលគ្មានអ្វីដែលគួរឲ្យសំខាន់នោះទេ។ ចំណែក សាវ័ក ពេត្រុស គាត់ក៏ជាម្នាក់ដែលមិនបានរៀនសូត្រអ្វីខ្ពង់ខ្ពស់នោះទេ គាត់គ្រាន់តែជាអ្នកនេសាទម្នាក់ប៉ុណ្ណោះ។ យើងអាចនឹងឃើញសិរីល្អរបស់ព្រះជាម្ចាស់ តាមរយៈការដែលទ្រង់ធ្វើការតាមរយៈភាពកម្សោយរបស់យើង។ យើងអាចមើលឃើញពីការនេះបានយ៉ាងច្បាស់ គឺនៅក្នុងការសុគតរបស់ព្រះយេស៊ូវនៅលើឈើឆ្កាងជំនួសបាបរបស់យើង និងការដែលទ្រង់បានមានព្រះជន្មរស់ឡើងវិញ បន្ទាប់ពីបីថ្ងៃក្រោយដែលទ្រង់សុគត ជាពេលវេលាដែលអះអាងពីជ័យជម្នះរបស់យើងទៅលើអំពើបាប និងសេចក្តីស្លាប់។

៤.

ព្រះជាម្ចាស់រក្សាពាក្យសន្យារបស់ទ្រង់

មានសេចក្ដីពិតដ៏សំខាន់មួយទៀតនៅរដូវកាលនេះដែលយើងគួរផ្ដោតលើពេលបង្រៀនកូនៗរបស់យើងនោះគឺថា ព្រះជាម្ចាស់រក្សាពាក្យសន្យារបស់ទ្រង់។ យើងអាចចាប់ផ្ដើមជាមួយនឹងសេចក្តីសន្យារបស់ព្រះសង្គ្រោះបន្ទាប់ពីការធ្លាក់ក្នុងអំពើបាប មើលក្នុងគម្ពីរសញ្ញាចាស់ មើលត្រង់សេចក្ដីសន្យានៃការប្រោសលោះរាស្ត្ររបស់ទ្រង់ ហើយសេចក្ដីសន្យានោះត្រូវបានបំពេញទាំងស្រុងដោយព្រះគ្រីស្ទ។

៥.

ព្រះនាមរបស់ព្រះគ្រីស្ទ

កាលពីឆ្នាំទៅ កូនៗរបស់ខ្ញុំបានរៀនពីឈ្មោះផ្សេងៗរបស់ព្រះយេស៊ូវនៅរដូវកាលបុណ្យណូអែលអស់បួនអាទិត្យមុនថ្ងៃទី២៥នៃខែ១២។ ពួកយើងបានរៀនពីព្រះនាមរបស់ទ្រង់ដូចជា ព្រះមែស្ស៊ី កូនចៀមនៃព្រះ អេម៉ាញូអែល អាល់ហ្វា និងអូមេហ្គា និងព្រះអម្ចាស់នៃសេចក្ដីសុខសាន្តជាដើម។ល។ ខ្ញុំបានបង្រៀនកូនៗពីព្រះនាមរបស់ព្រះយេស៊ូវ ក៏ដូចជាអត្ថន័យដល់ពួកគេ ដើម្បីជួយពួកគេកាន់តែស្គាល់ព្រះយេស៊ូវថែមទៀត ក៏ដូចជាឲ្យពួកគេកាន់តែស្គាល់ពីលក្ខណសម្បត្តិ និងកិច្ចការដែលទ្រង់បានបំពេញសម្រេច។ យើងបានសរសេរព្រះនាមទាំងអស់នោះ រួចមកយកឈ្មោះទាំងនោះមកតភ្ជាប់គ្នាដូចជាច្រវាក់ បន្ទាប់ពីបានរៀនរៀងរាល់ថ្ងៃ។ របៀបមួយទៀតដែលយើងអាចរៀនពីព្រះនាមទាំងនោះគឺ យើងអាចសរសេរព្រះនាមរបស់ទ្រង់ទាំងអស់លើកូនក្រដាសស្អាតៗ ផាត់ពណ៌ឲ្យស្អាត ហើយយកទៅតាំងនៅលើដើមណូអែល ទុកសម្រាប់រាល់ពេលដែលយើងសិក្សាពីព្រះនាមទ្រង់។

សូមឆក់យកអត្ថប្រយោជន៍ចេញពីឆ្នាំនេះ ដើម្បីបង្រៀនកូនៗពីកំណើតព្រះគ្រីស្ទ ដោយចំណាយពេលអានព្រះបន្ទូលជាមួយពួកគេ ហើយបង្ហាញពួកគេពីព្រះមែស្ស៊ីដែលបានយាងមកដូចតាមសេចក្ដីសន្យា និងពីរបៀបដែលទ្រង់បានបំពេញសេចក្តីសន្យាតាមរយៈព្រះឱរសដែលមកយកកំណើតនៅភូមិបេថ្លេហិម។ សូមជួយកូនៗឲ្យមើលឃើញថា ព្រះយេស៊ូវគឺជាកាដូដ៏ល្អបំផុតដែលពួកគេអាចទទួលបាន និងជាកាដូដ៏ល្អបំផុតដែលពួកគេអាចជូនដល់អ្នកផ្សេងៗទៀតបានផងដែរ។

និពន្ធដោយ៖ លោកគ្រូ Christina Fox

ដកស្រង់ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់, លោកគ្រូ ណាថាន វែស និងលោក ទេព រ៉ូ

ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៣១០៥

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

១៤៦

កំណត់ហេតុបណ្ដាញ៧ តុលា ២០២៥

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

នៅទីបំផុត ដោយសារកណ្ឌនៃព្រះគម្ពីរត្រូវបានកាត់ស្រាយ ហើយគោលលទ្ធិដ៏មានសិរីល្អដែលមាននៅក្នុងបទគម្ពីរត្រូវបានបង្ហាញឲ្យឃើញជាសាធារណៈ នោះការសម្រេចចិត្តមួយនឹងកើតឡើងដោយជៀសមិនរួច

អានបន្ថែម

១៣៩

កំណត់ហេតុបណ្ដាញ២៧ សីហា ២០២៥

ប្រកាសអំពីព្រះយេស៊ូវនៅលើកាប៉ាល់ទីតានិច

បើសិនជាអ្នកកំពុងតែស្ថិតនៅក្នុងគ្រោះមហន្តរាយ តើអ្នកមានចិត្តចង់ផ្សាយដំណឹងល្អ ដល់មនុស្សនៅជុំវិញអ្នកទេ?

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១២១៨៨

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៩

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤៥

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម