ភាពពេញវ័យខាងឯវិញ្ញាណ

ធាតុពិតគឺជាព្រះជាម្ចាស់គឺជាអង្គដែលធ្វើការនេះតាមរយៈយើង (កូឡូស ១:១៣)។

១ មករា ២០១៩អានរយៈពេល ១៩ នាទី

មើល១១១៣ដង

«អស់អ្នកដែលបង្កើតឲ្យមានសកម្មភាពក្នុងក្រុមជំនុំ» តែងតែផ្ដោតលើការបំផ្លាស់បំប្រែសង្គម ពោលគឺការបំផ្លាស់បំប្រែដ៏ប្រសិទ្ធភាព។ យើងជឿជាក់ថា បើយើងបង្កើតឲ្យមានចលនាក្នុងក្រុមជំនុំយើង នោះយើងនឹងបំផ្លាស់បំប្រែផែនដីនេះទាំងមូល។ ហេតុអ្វី? ព្រោះក្រុមជំនុំបំផ្លាស់បំប្រែមនុស្ស។ ហើយមនុស្ស ក្នុងនាមជាទូតរបស់ព្រះគ្រីស្ទ គឺជាអ្នកដែលបំផ្លាស់បំប្រែអ្នកជិតខាង ទីក្រុង ហើយនិងជាតិសាសន៍យើងទាំងមូល។

ត្រង់នេះ យើងខ្ញុំចង់មានន័យថា ផ្លាស់ប្ដូរមនុស្ស។ ផ្លាស់ប្ដូរសមាជិកក្រុមជំនុំទាំងមូល ក៏ដូចជាសមាជិកនីមួយៗផងដែរ។ ហើយមិនយូរមិនឆាប់ពួកគាត់ក៏នឹងទៅផ្លាស់ប្ដូរអ្នកដទៃ ដែលអ្នកនោះក៏នឹងទៅផ្លាស់ប្ដូរអ្នកដទៃទៀត។ល។

ប៉ុន្តែ តើយើងត្រូវបំផ្លាស់បំប្រែពួកគាត់ត្រង់ចំណុចណាខ្លះ?

ភាពពេញវ័យខាងឯវិញ្ញាណ យើងផ្លាស់ប្រែមនុស្សមួយចំនួនចេញពីសេចក្ដីងងឹតនៃអំពើបាបឲ្យទៅនៅក្នុងពន្លឺរបស់ព្រះគ្រីស្ទ។ សាវ័ក ប៉ុល បានលើកឡើងថា យើងបង្វែរមនុស្ស «ឲ្យបានបែរចេញពីសេចក្ដីងងឹត មករកពន្លឺ» (កិច្ចការ ២៦:១៨)។ ធាតុពិតគឺជាព្រះជាម្ចាស់គឺជាអង្គដែលធ្វើការនេះតាមរយៈយើង (កូឡូស ១:១៣)។ យើងបង្វែរពួកគាត់ពីឆ្វេងទៅស្ដាំ។ យើងបង្វែរពួកគាត់ចេញពីភាពល្ងង់ខ្លៅ និងការមិនជឿ ឲ្យទទួលបានជំនឿដែលសង្គ្រោះពួកគាត់បាន ក៏ដូចជាឲ្យពួកគាត់មានការផ្លាស់ប្រែចិត្ត (ការប្ដូរសាសនា)។ បន្ទាប់មក យើងជំរុញពួកគាត់ចេញពីភាពមិនពេញវ័យខាងឯព្រលឹងវិញ្ញាណ ឲ្យមានការពេញវ័យខាងឯព្រលឹងវិញ្ញាណវិញ (កូឡូស ១:២៨-២៩; ២ធីម៉ូថេ ៣:១៦-១៧)។

យើងផ្លាស់ប្រែមនុស្សតាមរយៈការចែករំលែកជីវិតរបស់យើងជាមួយនឹងពួកគាត់ឲ្យបានជាប់លាប់ (១ថែស្សាឡូនីច្ច ២:៨)។ សាវ័ក ប៉ុល បានលើកឡើងចំពោះអស់អ្នកដែលបានធ្លាប់ភ្លក់សេចក្ដីមេត្តាករុណារបស់ព្រះជាម្ចាស់ថា ឲ្យចេញទៅភ្ជាប់ជីវិតពួកគាត់ជាមួយនឹងអ្នកដទៃឲ្យបានជាប់លាប់ ហើយមានគោលដៅច្បាស់លាស់។

«ចូរស្រឡាញ់គ្នាទៅវិញទៅមក ដោយសេចក្ដីស្រឡាញ់ជាបងជាប្អូន ចូរផ្ដល់កិត្តិយសគ្នាទៅវិញទៅមក ដោយការគោរព។ ចូរអរសប្បាយដោយមានសង្ឃឹម ចូរអត់ធ្មត់ក្នុងសេចក្ដីទុក្ខលំបាក ចូរខ្ជាប់ខ្លួនក្នុងការអធិស្ឋាន។ ចូរជួយផ្គត់ផ្គង់ដល់ពួកបរិសុទ្ធដែលខ្វះខាត ចូរទទួលភ្ញៀវដោយចិត្តរាក់ទាក់។ ចូរឲ្យពរដល់អស់អ្នកដែលបៀតបៀនអ្នករាល់គ្នា ចូរឲ្យពរចុះ កុំដាក់បណ្ដាសាគេឡើយ។ ចូរអរសប្បាយជាមួយអ្នកដែលអរសប្បាយ ចូរយំជាមួយអ្នកណាដែលយំ។» (រ៉ូម ១២:១០, ១២-១៥ គកស)។

ហើយយើងផ្លាស់ប្រែមនុស្សដោយបន្តចែកចាយដល់ពួកគាត់អំពីព្រះយេស៊ូវ សូម្បីតែក្រោយពេលដែលពួកគាត់បានទទួលជឿព្រះគ្រីស្ទរួចទៅហើយ «ដោយនិយាយសេចក្ដីពិតដោយសេចក្ដីស្រឡាញ់» ដើម្បីឲ្យអវយវៈរបស់ព្រះគ្រីស្ទលូតលាស់ឡើង ក៏ដូចជាមានការស្ដារឡើងវិញ មានភាពម៉ត់ចត់ និងមានការបំផ្លាស់បំប្រែ (អេភេសូរ ៤:១៥)។ នេះឯងជារបៀបដែលយើងផ្លាស់ប្រែមនុស្ស។

ជំហាន៨យ៉ាងក្នុងការឲ្យបានពេញវ័យខាងឯព្រលឹងវិញ្ញាណ

ពិតណាស់ របៀប ឬក៏ជំហាននៃគំនិតទាក់ទងនឹងការនាំមនុស្សឲ្យទទួលជឿលើព្រះយេស៊ូវ ហើយបន្តលូតលាស់ គឺអាចមានការខុសៗគ្នាច្រើនណាស់។ ក្នុងអត្ថបទនេះ យើងខ្ញុំបានដកស្រង់ចេញពីសៀវភៅ The Trellis and the Vine និពន្ធដោយលោកគ្រូ Colin Marshall និងលោកគ្រូ Tony Payne។

ព្រះគម្ពីរបានផ្ដល់ការណែនាំ គំរូ និងរបៀបជាច្រើនក្នុងការជួយណែនាំគ្រីស្ទបរិស័ទដែលមានប្រវត្តិខុសៗគ្នា និងបុគ្គលិកភាពខុសៗគ្នា ដើម្បីឲ្យគាត់អាចចេញទៅបម្រើមហាបេសកកម្ម។ យើងខ្ញុំចូលចិត្តជំហានទាំងប៉ុន្មាននេះ ព្រោះអ្នកនិពន្ធបានសម្រាយរបៀបនៃការលូតលាស់បានយ៉ាងច្បាស់លាស់ ហើយងាយនឹងយកទៅអនុវត្ត។ នៅពេលដែលយើងខ្ញុំគិតអំពីជំហាននីមួយៗនេះទាក់ទងនឹងអ្នកជិតខាងរបស់យើងខ្ញុំ យើងខ្ញុំតែងតែឃើញថា យើងខ្ញុំមិនទាន់ចេះមានចិត្តស្កប់ស្កល់នៅឡើយទេ ហើយក៏តែងតែមានការលើកទឹកចិត្តឲ្យកាន់តែចេះព្យាយាមចាប់ផ្ដើមនាំអ្នកដទៃឲ្យស្គាល់ព្រះយេស៊ូវថែមទៀត។

សូមយកជំហានដែលលោកអ្នកគិតថាអាចជាជំនួយ ហើយបង្កើតឲ្យចេញជារបៀបដែលលោកអ្នកអាចយកទៅប្រើបានក្នុងរបៀបដែលបង្ហាញថាយើងពិតជាស្រឡាញ់ និងពិតជាបង្ហាត់បង្រៀនដល់អ្នកជិតខាងរបស់លោកអ្នក ដែលមានរួមទាំងអ្នកជឿ និងអ្នកមិនជឿផងដែរ។

១.

ទំនាក់ទំនង

សូមជួបអ្នកជិតខាងរបស់លោកអ្នក ហើយព្យាយាមចងចាំឈ្មោះរបស់ពួកគាត់។ ចូរព្យាយាមស្គាល់របៀបដ៏ជាក់លាក់ក្នុងការស្រឡាញ់ និងថែពួកគាត់។ ចាំព័ត៌មានជាគោលៗរបស់ពួកគាត់៖ ត្រូវចាំពីមូលហេតុដែលនាំពួកគាត់ឲ្យប្ដូរទីលំនៅមកនៅក្បែរលោកអ្នក ព័ត៌មានអំពីគ្រួសាររបស់គាត់ ការងាររបស់ពួកគាត់ ទំនាក់ទំនងចម្បងៗរបស់ពួកគាត់។

ទោះបើពួកគាត់មិនសូវនិយាយស្ដីច្រើនក៏ដោយ ក៏លោកអ្នកគួរតែព្យាយាមយកចិត្តទុកដាក់ និងផ្ដោតលើអ្វីដែលពួកគាត់ចែកចាយផងដែរ ហើយចូរកុំធ្វើការនោះដោយគ្រាន់តែសម្ដែងឡើយ ប៉ុន្តែចូរស្រឡាញ់ពួកគាត់តាមរយៈការស្គាល់ពួកគាត់។

២.

ការសន្ទនា

ចូរបង្កើតទម្លាប់នៃការចេះសួរសំណួរល្អៗ ដើម្បីបង្កើតឲ្យមានការសន្ទនាដ៏មានន័យខ្លឹមសារ។ ចូរព្យាយាមចេះសួរដេញដោលពួកគាត់រហូតដល់ពួកគាត់ហ៊ានបើកចំហជីវិតរបស់ពួកគាត់ដល់លោកអ្នក។ មនុស្សជាច្រើនគ្រាន់តែជួបប្រទះនឹងការនិយាយគ្នាធម្មតាៗទេ ដោយមិនសូវប្រទះនឹងការសន្ទនាដែលមានការស៊ីជម្រៅ ឬក៏ពោរពេញដោយខ្លឹមសារឡើយ។ ចូរប្រាប់ពួកគាត់ថា លោកអ្នកជាមិត្តភក្ដិដែលហ៊ានមានទំនាក់ទំនងដែលមានភាពស្អិតល្មូន។ ជាដំបូង ចូរហ៊ានចែកចាយពីជីវិតលោកអ្នកដោយមានការបើកចំហអំពីរឿងរ៉ាវដ៏ឈឺចាប់របស់ខ្លួនសិន។ ចូរលើកទឹកចិត្តពួកគាត់ឲ្យហ៊ានចែកចាយកាន់តែច្រើនទៀតពីជីវិតរបស់ពួកគាត់ ដោយលោកអ្នកធ្វើជាគំរូជាមុនសិន។

ការសន្ទនាធម្មតាៗ គឺជាការនិយាយជាប្រចាំថ្ងៃ ដែលមានដូចតទៅ៖ «សុខសប្បាយទេ?» «បានមើលបាល់ទាត់អត់យប់មិញ?» «ញ៉ាំបាយនៅ?» ទោះបើការសន្ទនាបែបនេះមានសារៈសំខាន់ក៏ដោយ ក៏យើងចងចាំថា នេះគួរស្ថិតក្រោមជំហានទី១ «ទំនាក់ទំនង»។ ក្នុងការសន្ទនា គឺយើងគួរព្យាយាមស្គាល់គ្នាឲ្យបានច្រើន ឬក៏ថាយើងមានអារម្មណ៍ ឬក៏កំពុងគិតពីអ្វី តែអ្វីដែលយើងចង់បាននោះគឺចង់ឃើញគាត់ហ៊ានបើកចំហអំពីជីវិតគាត់លើសមុនៗ ជាពិសេសទាក់ទងនឹងរឿងរ៉ាវដែលយើងធ្លាប់ឆ្លងកាត់ដែលមានការឈឺចាប់។ ការសន្ទនាដែលមានន័យខ្លឹមសារសបញ្ជាក់ថា យើងកំពុងបង្កើតឲ្យមានមិត្តភាពដ៏ល្អ។ ដើម្បីឲ្យដល់កម្រិតនេះ យើងត្រូវការចំណាយពេលវេលាច្រើន ចេះស្ដាប់ ចេះសួរសំណួរដេញដោល និងចេះហ៊ានចែកចាយពីខ្លួនឯងផ្ទាល់ពីរឿងដ៏ឈឺចាប់មួយចំនួនរបស់យើង។

៣.

សង្គម

ជំហានមួយនេះអាចកើតឡើងមុន ឬក៏ក្រោយជំហានបន្ទាប់ ដែលជាការផ្សាយដំណឹងល្អ។ សង្គម និងដំណឹងល្អគឺជាជំហានដ៏ខ្លាំងមួយដែលជះលើភាពបន្តបន្ទាប់នៃជំហានទាំងប្រាំបីនេះ ប៉ុន្តែចំណុចទាំងពីរនេះមានភាពខុសគ្នាយ៉ាងខ្លាំងដល់កម្រិតដែលយើងខ្ញុំគិតថា អាចបំបែកជាពីរបាន។

ខណៈពេលដែលអ្នកជិតខាង អ្នកធ្វើការជាមួយអ្នក ឬក៏មិត្តអ្នករៀនជាមួយ ចាប់ផ្ដើមដឹងថាលោកអ្នកជាអ្នកជឿព្រះយេស៊ូវ ហើយលោកអ្នកក៏បានចាប់ផ្ដើមមានការសន្ទនាដែលមានខ្លឹមសារ ចូរណែនាំគាត់ឲ្យស្គាល់សង្គមលោកអ្នកដែលជាគ្រីស្ទបរិស័ទ។ ក្រុមជំនុំរបស់លោកអ្នកគឺជាសង្គមរបស់លោកអ្នក។ ព្រះយេស៊ូវបានបង្រៀនថា មនុស្សម្នានឹងស្គាល់ព្រះវរបិតាជាអង្គដែលចាត់ទ្រង់ឲ្យមកតាមរយៈការរួបរួមគ្នាដែលមានក្នុងអ្នកជឿ (យ៉ូហាន ១៧:២១, ២៣)។ ហើយព្រះយេស៊ូវក៏បានលើកឡើងផងដែរថា មនុស្សម្នានឹងដឹងថា យើងជាសិស្សរបស់ទ្រង់តាមរយៈក្ដីស្រឡាញ់របស់យើងចំពោះគ្នានឹងគ្នា (យ៉ូហាន ១៣:៣៤-៣៥)។

ប៉ុន្តែ អស់អ្នកដែលមិននៅក្នុងព្រះគ្រីស្ទនឹងមិនអាចឃើញក្ដីស្រឡាញ់របស់យើងចំពោះគ្នានឹងគ្នា (ឬក៏ភាពរួបរួមគ្នារបស់យើងក្នុងភាពខុសគ្នារបស់យើង) លុះត្រាតែគាត់ឃើញជីវិតដែលចេះចែករំលែកគ្នាក្នុងក្រុមជំនុំរបស់យើង។ ត្រង់នេះ យើងខ្ញុំមិនគ្រាន់តែចង់លើកឡើងអំពីពេលដែលលោកអ្នកជួបគ្នា ដើម្បីថ្វាយបង្គំនោះទេ ប៉ុន្តែយើងខ្ញុំក៏កំពុងសំដៅលើពេលដែលលោកអ្នកជុំគ្នាក្រៅម៉ោងថ្វាយបង្គំផងដែរ។ ដូច្នេះ ចូររកវិធី ដើម្បីនាំពួកគាត់ឲ្យមានចំណែកក្នុងសង្គមរបស់លោកអ្នកចុះ។

ពេលដែលមិត្តភក្ដិរបស់លោកអ្នកមកចូលរួមក្នុងសង្គម កុំសម្ដែងដោយបម្រើ ឬក៏ស្ដារក្រុមជំនុំរបស់លោកអ្នក ទោះបីដូចជាមិត្តភក្ដិនោះ (ដែលមិនមែនជាអ្នកជឿ) មិននៅទីនោះ។ ធ្វើដូចធម្មតាដូចសព្វដង។ កុំធ្វើពុត ដោយព្យាយាមធ្វើនូវអ្វីដែលលោកអ្នកមិនដែលធ្វើពីមុនឡើយ។ ចូរស្ដារគ្នាទៅវិញទៅមក។ ចូរស្រឡាញ់គ្នាទៅវិញទៅមក។ មិនយូរមិនឆាប់ ពួកគាត់នឹងឃើញនូវអ្វីដែលពួកគាត់មិនធ្លាប់ប្រទះពីមុន។ ពួកគាត់នឹងឃើញក្ដីស្រឡាញ់ ដែលជាក្ដីស្រឡាញ់ពីស្ថានសួគ៌។ ពួកគាត់នឹងចាប់ផ្ដើមបានភ្លក់អំណាចនៃឥទ្ធិពលដែលមកពីដំណឹងល្អ។ គ្មានសង្គមណាលើផែនដីនេះចែកចាយជីវិតគ្នាដូចដែលក្រុមជំនុំគ្រីស្ទបរិស័ទទេ។

៤.

ដំណឹងល្អ

ប្រសិនបើលោកអ្នកបានមានការសន្ទនាដែលមានន័យខ្លឹមសារជាមួយនឹងបុគ្គលដែលឥឡូវជាមិត្តភក្តថ្មីរបស់លោកអ្នក ហើយថែមទាំងបានណែនាំគាត់ឲ្យបានស្គាល់សង្គមរបស់លោកអ្នក នោះមានន័យថា គាត់ទំនងជាបានឮដំណឹងល្អហើយ យ៉ាងតិចផ្នែកខ្លះៗនៃដំណឹងល្អ។ មកដល់ជំហាននេះ គាត់ប្រហែលជាបានឮពាក្យមួយឃ្លាអំពីឃ្លាអំពីព្រះជន្ម ការសុគត និងការមានព្រះជន្មរស់ពីសុគតឡើងវិញរបស់ព្រះយេស៊ូវ ក៏ដូចជាថា តើព្រះអង្គមានអត្ថន័យអ្វីក្នុងជីវិតរបស់លោកអ្នក និងក្នុងជីវិតក្រុមជំនុំរបស់លោកអ្នក។

មិនយូរមិនឆាប់ យើងនឹងត្រូវឈានដល់ចំណុចដែលយើងត្រូវពន្យល់ដល់ពួកគាត់ឲ្យស្គាល់យ៉ាងច្បាស់អំពីដំណឹងល្អ ក៏ដូចជាដាស់តឿនពួកគាត់ឲ្យមានការឆ្លើយតប។ តើអ្វីទៅជាដំណឹងល្អ? លោកអ្នកទំនងជាពន្យល់សាច់រឿងខុសពីរបៀបដែលខ្ញុំនឹងពន្យល់ ប៉ុន្តែបើលោកអ្នកមិនទាន់ស្គាល់ពីរបៀបនៃការពន្យល់ សូមចូលអានក្នុងគេហទំព័រនេះ ដែលយើងខ្ញុំបានពន្យល់ពីរបៀបនៃពន្យល់ដំណឹងល្អដល់អ្នកមិនជឿ ក្នុងភាសាអង់គ្លេស។ មិនថាលោកអ្នកប្រើរបៀបណាក៏ដោយ សូមពន្យល់ឲ្យខ្លីពីចំណុចស្នូលនៃដំណឹងល្អ។

មកដល់ចំណុចនេះ លោកអ្នកអាចសាកសួរគាត់ ឲ្យអានព្រះគម្ពីរជាមួយលោកអ្នក ដែលចេញពីការនេះនឹងនាំឲ្យលោកអ្នកកាន់តែមានការសន្ទនាថែមទៀតទាក់ទងនឹងដំណឹងល្អ។

៥.

ការប្ដូរសាសនា

ប្រសិនបើគាត់យល់អំពីដំណឹងល្អ ចូរសំណូមពរឲ្យគាត់ទទួលជឿលើព្រះយេស៊ូវ ហើយបែរចេញពីអំពើបាបរបស់ខ្លួន។ ជំនឿកើតឡើងតាមរយៈការឮសារនៃដំណឹងល្អរបស់ព្រះគ្រីស្ទ (រ៉ូម ១០:១៧)។ ផ្ទុយពីជំនឿគឺការកែប្រែចិត្តទៅរកព្រះយេស៊ូវ ដែលនោះជាការលែងទុកចិត្តជឿលើខ្លួនឯង បែរចេញពីបាបរបស់ខ្លួន បែរចេញពីការសង្វាតឲ្យបានសុចរិតដោយខ្លួនឯង ក៏ដូចជាការបែរចេញពីរបៀបដែលដេញរកភាពអរសប្បាយក្នុងជីវិតនេះដោយខ្លួនឯង។

នៅពេលដែលបុគ្គលណាម្នាក់កែប្រែចិត្តចេញពីភាពអាត្មានិយម និងអំពើបាបរបស់ខ្លួន ហើយជឿទុកចិត្តលើព្រះយេស៊ូវ នោះមានន័យថា គាត់បានផ្លាស់ប្ដូរសាសនាហើយ។ ដូច្នេះ ចូរប្រាប់គាត់ឲ្យស្រែកហៅរកព្រះនាមព្រះអម្ចាស់ (រ៉ូម ១០:១៣)។ ប្រសិនបើគាត់បានផ្លាស់ប្ដូរសាសនា នោះមានន័យថា គាត់បានចេញពីនគរនៃសេចក្ដីងងឹត ហើយបានចូលទៅក្នុងអាណាចក្រនៃព្រះរាជបុត្រា (កូឡូស ១:១៣)។ ឥឡូវនេះ គាត់គឺជាគ្រីស្ទបរិស័ទថ្មី។

អញ្ចឹងធ្វើអ្វីទៀត?

៦.

ការប្ដេជ្ញាចិត្ត

ព្រះយេស៊ូវមិនសព្វព្រះហឫទ័យឲ្យយើងលាក់ជំនឿរបស់យើងលើទ្រង់ទុកតែឯងនោះទេ។ ការដែលបុគ្គលម្នាក់ពិតជាបានទុកចិត្តលើព្រះ ហើយដើរតាមទ្រង់ នោះគាត់ក៏នឹងហ៊ានបើកសម្ដែងពីការនោះដល់អ្នកដទៃឲ្យឃើញដែរ។ ការបង្ហាញជាសាធារណៈជាដំបូង គឺតាមរយៈគាត់ទទួលពិធីជ្រមុជទឹក (ម៉ាថាយ ២៨:១៩; កិច្ចការ ២:៣៨-៤១) ហើយបន្ទាប់ពីនោះគឺការប្ដេជ្ញាចិត្តខ្លួនឯងក្នុងការចុះចូលនឹងក្រុមជំនុំរបស់ព្រះយេស៊ូវគ្រីស្ទតាមតំបន់។

ដូច្នេះ ចូរជួយគ្រីស្ទបរិស័ទថ្មីឲ្យប្រកាសខ្លួនជាសាធារណៈដោយចុះចូលនឹងក្រុមជំនុំដែលផ្ដោតលើដំណឹងល្អជាគោល ដោយទទួលពិធីជ្រមុជទឹក ក៏ដូចជាបន្តនៅសាធារណៈតាមរយៈការធ្វើជាសមាជិកក្នុងក្រុមជំនុំ (ដោយធ្វើពិធីលៀងព្រះអម្ចាស់ឲ្យបានជាប់លាប់)។

៧.

ការលូតលាស់

ប្រសិនបើបុគ្គលនោះបានប្ដេជ្ញាចិត្តក្នុងការធ្វើជាសមាជិក នោះមានន័យថា លោកអ្នកត្រូវតែជួយគាត់ឲ្យមានការលូតលាស់ កាត់ស្រាយ និងទទួលយកនូវអ្វីដែលព្រះគម្ពីរបង្រៀន ហើយជួយគាត់ឲ្យមានការ ថ្លឹងថ្លែងក្នុងចរិតលក្ខណៈនៃជីវិតរស់នៅរបស់គាត់។ ចូរបង្រៀនគាត់អំពីព្រះគម្ពីរ និងទេវវិទ្យា (២ធីម៉ូថេ ៣:១៦-១៧)។ លើសពីនេះទៅទៀត ចូរបន្តប្រកាសអំពីព្រះគ្រីស្ទទៅកាន់គាត់។ សាវ័ក ប៉ុល បានប្រកាសអំពីព្រះយេស៊ូវតាមរយៈការទូន្មាន ការបង្រៀនដោយគ្រប់ទាំងប្រាជ្ញា ទាំងខំធ្វើការយ៉ាងនឿយហត់សម្រាប់អំណររបស់ពួកគេដោយពឹងលើឫទ្ធិបារមីរបស់ព្រះជាម្ចាស់ (កូឡូស ១:២៨-២៩)។

ការបន្តបង្ហាត់បង្រៀនអំពីព្រះគម្ពីរ និងទេវវិទ្យាដល់អ្នកដែលទើបតែជឿនឹងបន្តពង្រឹងជីវិតគាត់ពីការដឹងខុសត្រូវ។ ចូរស្ដីបន្ទោស ដាស់តឿន និងកែតម្រង់គាត់ចេញពីផ្លូវខុស។ ចូរបង្រៀនគាត់ឲ្យស្ដាប់បង្គាប់នូវរាល់គ្រប់អ្វីៗដែលព្រះគ្រីស្ទបានបញ្ជា (ម៉ាថាយ ២៨:២០)។ ចូរបង្រៀនគាត់ចេះស្ដីបន្ទោស ដាស់តឿន និងកែតម្រង់លោកអ្នកឲ្យចេញពីផ្លូវខុសផងដែរ។ ទំនាក់ទំនងបែបនេះនឹងពង្រឹងចរិតលក្ខណៈនៃជីវិតរស់នៅរបស់គាត់ខណៈពេលដែលគាត់សម្លាប់អំពើបាប និងកាន់តែចេះស្រឡាញ់ព្រះជាម្ចាស់តាមរយៈការរស់នៅ និងការសម្រេចចិត្តរបស់គាត់។

៨.

ការចេញទៅ

ក្នុងជីវិតយើង យើងនឹងមិនដែលឈានដល់ចំណុចដែលយើងអាចលើកឡើងថា យើងមានចំណេះដឹងយ៉ាងគ្រប់គ្រាន់ខាងឯព្រះគម្ពីរហើយ ឬក៏ថាយើងបានបរិសុទ្ធគ្រប់លក្ខណ៍ហើយនោះដែរ។ ដោយសារយើងមានអភ័យឯកសិទ្ធិក្នុងការបម្រើគ្នាទៅវិញទៅមក ចូរយើងបម្រើ។ ព្រះយេស៊ូវបានបង្គាប់យើងឲ្យចេញទៅបង្កើតសិស្ស ដូច្នេះ ចូរបង្រៀនគាត់ឲ្យចេញទៅបង្កើតសិស្ស ដែលសិស្សគាត់ក៏នឹងចេះចេញទៅបង្កើតសិស្សថែមទៀតដែរ។

ចូរបង្រៀនគាត់ឲ្យចេះមានទំនាក់ទំនង ការសន្ទនា ចេះអញ្ជើញអ្នកដទៃឲ្យមកចូលរួមក្នុងសង្គម ចេះផ្សាយដំណឹងល្អ ចេះនាំអ្នកដទៃឲ្យចេះប្ដូរជំនឿសាសនា ចេះមានការប្ដេជ្ញាចិត្ត ចេះលូតលាស់ក្នុងក្រុមជំនុំ និងជាមួយអ្នកជិតខាង។ ដែលចេញពីការនេះ គាត់ក៏នឹងចេះបង្រៀនអ្នកដទៃឲ្យចេះចេញទៅធ្វើដូចគាត់។ ខណៈពេលដែលគាត់កាន់តែចេះធ្វើបែបនេះ នោះគាត់ក៏នឹងកាន់តែមានលក្ខណៈដូចជារូបអង្គព្រះយេស៊ូវគ្រីស្ទក្នុងក្ដីស្រឡាញ់ ក៏ដូចជាកាន់តែពេញវ័យខាងឯវិញ្ញាណ។ ហើយខណៈពេលដែលគាត់កាន់តែពេញវ័យខាងឯវិញ្ញាណ នោះក្រុមជំនុំក៏នឹងកាន់តែលូតលាស់ ហើយអស់អ្នកដែលមិនទាន់ជឿក៏នឹងចាប់ផ្ដើមជឿ ហើយក៏នឹងចូលក្រុមជំនុំដែរ។

លោកអ្នកទំនងជាស្គាល់មនុស្សជាច្រើននៅលើជំហាននីមួយៗនេះ។ តើពួកគាត់ឈ្មោះអ្វី? ចូរព្យាយាមគិតទៅមើលថា តើពួកគាត់កំពុងស្ថិតនៅក្នុងជំហានណាឲ្យបានជាក់លាក់ ហើយថា តើពួកគាត់ត្រូវធ្វើយ៉ាងម៉េច ដើម្បីឲ្យឈានដល់ជំហានមួយទៀត។ សូមលើកទឹកចិត្តពួកគាត់ឲ្យមានភាពពេញវ័យខាងឯវិញ្ញាណ។ សូមអធិស្ឋានឲ្យពួកគាត់កាន់តែលូតលាស់។ ចូរវិនិយោគពេលវេលារបស់លោកអ្នកក្នុងការជួយពួកគាត់។ ចូរបង្កើតឲ្យមានការបំផ្លាស់បំប្រែនៅកន្លែងដែលលោកអ្នកកំពុងរស់នៅដោយមានសកម្មភាព ក៏ដូចជាផ្លាស់ប្ដូរអស់អ្នកដែលនៅជុំវិញលោកអ្នក។

និពន្ធដោយ៖ លោកគ្រូ P.J. Tibayan
បកប្រែដោយ និងកែសម្រួលដោយ៖ លោក ឈាង បូរ៉ា, លោក ទេព រ៉ូ និងកញ្ញា យ៉ុន សាឯម
ដកស្រង់ខ្លះៗចេញពី www.desiringgod.org ដោយ មាន ការអនុញ្ញាត។

តើអ្នកគិតយ៉ាងណា?

៥ពិន្ទុ

តើលោកអ្នកយល់យ៉ាងណាដែរ?

១៨៨

កំណត់ហេតុបណ្ដាញ៥ ឧសភា ២០២៥

តើលោកអ្នកចាំបាច់ត្រូវតែជឿលើអ្វី ដើម្បីឲ្យអាចទទួលបានសេចក្តីសង្គ្រោះ?

អ្នកបើកបរយន្តហោះបានប្រកាសថា មានហ្វូងចាបមួយហ្វូងបានហើរចូលស្លាបយន្តហោះម្ខាង ហើយយន្តហោះក៏កំពុងតែចាកចុះក្នុងល្បឿនដ៏លឿន…

អានបន្ថែម

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

២៩៧

កំណត់ហេតុបណ្ដាញ២៧ មេសា ២០២៥

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

អានបន្ថែម

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

៥៧៦

កំណត់ហេតុបណ្ដាញ២០ មេសា ២០២៥

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

ក្នុងនាមជាឪពុកម្ដាយ យើងគិតអំពីការចិញ្ចឹមបីបាច់កូនៗហាក់បីដូចជាការគូរគំនូរ។ ពីមួយថ្ងៃទៅមួយថ្ងៃ យើងបន្តផាត់ពណ៌។ យើងសង្ឃឹមថា…

អានបន្ថែម

អត្ថបទបន្ថែមពី កំណត់ហេតុបណ្ដាញ

១៨

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៦៦

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣១៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦១

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

ភាពពេញវ័យខាងឯវិញ្ញាណ

ធាតុពិតគឺជាព្រះជាម្ចាស់គឺជាអង្គដែលធ្វើការនេះតាមរយៈយើង (កូឡូស ១:១៣)។

១ មករា ២០១៩អានរយៈពេល ១៩ នាទី

មើល១១១៣ដង

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

តើ​លោក​អ្នក​ចាំ​បាច់​ត្រូវ​តែ​ជឿ​លើ​អ្វី ដើម្បី​ឲ្យ​អាច​ទទួល​បាន​សេចក្តី​សង្គ្រោះ?

តើ​ខ្ញុំ​អាច​ជឿ​លើ​ព្រះ​គម្ពីរ​ទាំង​មូល ហើយ​ព្រះ​អង្គ​នៅ​មិន​បាន​ជ្រើស​រើស​ខ្ញុំ​ដែរ​ឬ​ទេ?

តើ​អ្វី​ទៅ​ជា​គោល​ដៅ​ប្រចាំ​ថ្ងៃ​នៃ​ការ​ចិញ្ចឹម​កូន?

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

តើ​លោក​អ្នក​ចាំ​បាច់​ត្រូវ​តែ​ជឿ​លើ​អ្វី ដើម្បី​ឲ្យ​អាច​ទទួល​បាន​សេចក្តី​សង្គ្រោះ?

តើ​ខ្ញុំ​អាច​ជឿ​លើ​ព្រះ​គម្ពីរ​ទាំង​មូល ហើយ​ព្រះ​អង្គ​នៅ​មិន​បាន​ជ្រើស​រើស​ខ្ញុំ​ដែរ​ឬ​ទេ?

តើ​អ្វី​ទៅ​ជា​គោល​ដៅ​ប្រចាំ​ថ្ងៃ​នៃ​ការ​ចិញ្ចឹម​កូន?

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

តើលោកអ្នកចាំបាច់ត្រូវតែជឿលើអ្វី ដើម្បីឲ្យអាចទទួលបានសេចក្តីសង្គ្រោះ?

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើលោកអ្នកចាំបាច់ត្រូវតែជឿលើអ្វី ដើម្បីឲ្យអាចទទួលបានសេចក្តីសង្គ្រោះ?

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)