ការស្ដាប់បង្គាប់ឪពុកម្ដាយ

កូនៗដែលស្ដាប់បង្គាប់ ហើយគោរពឪពុកម្ដាយនឹងទទួលបានព្រះពរ។ មានសេចក្តីពិតពីរយ៉ាងដែលមានទំនាក់ទំនងគ្នាយ៉ាងជិតស្អិត

២ ឧសភា ២០១៧អានរយៈពេល ១៤ នាទី

មើល៣០៣៨ដង

តើ

លោកអ្នកធ្លាប់ឮកូនសួរថា «ម៉េចបានត្រូវឲ្យកូនស្ដាប់បង្គាប់?» ដែរឬទេ?

ក្នុងនាមខ្ញុំជាឪពុកម្នាក់ដែលមានកូនអាយុចន្លោះពី៧-១៧ឆ្នាំដល់ទៅប្រាំមួយនាក់ ពួកគេបានសួរសំណួរបែបនេះមកខ្ញុំជាច្រើនលើកច្រើនសារ។ ក្រោយមកពួកគេបែរជាបញ្ចេញកាយវិការ ហើយដំឡើងសំឡេងបែបគម្រោះគម្រើយដោយឆ្ងល់ពីមូលហេតុដែលពួកគេត្រូវស្ដាប់បង្គាប់។ ក្នុងនាមខ្ញុំជាឪពុក ខ្ញុំមិនចង់ទៅកែប្រែឥរិយាបថខាងក្រៅរបស់ពួកគេទេ តែខ្ញុំចង់ពួកគេយល់ពី «មូលហេតុ» ដែលពួកគេត្រូវស្ដាប់បង្គាប់ក្នុងនាមជាគ្រីស្ទបរិស័ទ។ ក្នុងនាមខ្ញុំជាគ្រូបង្រៀនព្រះគម្ពីរសញ្ញាចាស់ ខ្ញុំឆ្ងល់ថា តើព្រះគម្ពីរឆ្លើយយ៉ាងដូចម្ដេចដែរចំពោះសំណួរកូនៗរបស់ខ្ញុំ។ ខ្ញុំបានរកចម្លើយឃើញមួយនៅក្នុងកណ្ឌគម្ពីរ ចោទិយកថា។

នៅក្នុងកណ្ឌគម្ពីរ ចោទិយកថា ជំពូក៦ លោក ម៉ូសេរំពឹងថា ឪពុកម្ដាយដែលស្រឡាញ់ព្រះ (ចោទិយកថា ៦:៤-៥) ឪពុកម្ដាយដែលបង្រៀនកូនៗរបស់ពួកគេឲ្យធ្វើដូចគ្នាដែរ (ចោទិយកថា ៦:៧) ពួកគេក៏នឹងប្រឈមមុខជាមួយសំណួរបែបនេះដែរ (ចោទិយកថា ៦:២០)។ នៅក្នុងកណ្ឌគម្ពីរ ចោទិយកថា ៦:២០-២៥ លោក ម៉ូសេ ពន្យល់យ៉ាងច្បាស់អំពីរបៀបដែលឪពុកម្ដាយគួរឆ្លើយតបចំពោះកូន៖

«កាលណាដល់ថ្ងៃក្រោយកូនៗលោកអ្នកសួរថា «អស់ទាំងទីបន្ទាល់ និងច្បាប់ ហើយបញ្ញត្តទាំងនេះ ដែលព្រះយេហូវ៉ា ជាព្រះនៃយើង បានបង្គាប់មក តើមានន័យដូចម្តេច» នោះលោកអ្នកត្រូវឆ្លើយនឹងគេថា «ពីដើមយើងរាល់គ្នាជាបាវបំរើរបស់ផារ៉ោននៅស្រុកអេស៊ីព្ទ តែព្រះយេហូវ៉ាទ្រង់បាននាំយើងចេញពីស្រុកអេស៊ីព្ទមក ដោយព្រះហស្តដ៏មានព្រះចេស្តា ហើយទ្រង់បានធ្វើទីសំគាល់ និងការអស្ចារ្យដ៏ជាធំ ហើយវេទនាផង ដល់ពួកស្រុកអេស៊ីព្ទ និងផារ៉ោន ព្រមទាំងវង្សារបស់ទ្រង់ផងនៅភ្នែកយើងរាល់គ្នា ក៏បាននាំយើងចេញពីស្រុកនោះ ដើម្បីនឹងនាំចូលមកឲ្យបានប្រទានស្រុកនេះមកយើង ជាស្រុកដែលទ្រង់បានស្បថនឹងពួកឰយុកោយើង ហើយព្រះយេហូវ៉ាទ្រង់បានបង្គាប់ ឲ្យយើងរាល់គ្នាប្រព្រឹត្តិតាមអស់ទាំងច្បាប់ទាំងនេះ ហើយឲ្យកោតខ្លាចដល់ព្រះយេហូវ៉ា ជាព្រះនៃយើង ដើម្បីឲ្យយើងរាល់គ្នាបានសប្បាយជាដរាប ហើយឲ្យទ្រង់បានថែរក្សាទុកជីវិតយើងរាល់គ្នា ដូចជាមានសព្វថ្ងៃនេះ ដូច្នេះ បើយើងប្រយ័ត្ន និងកាន់បញ្ញត្តទាំងនេះ នៅចំពោះព្រះយេហូវ៉ាជាព្រះនៃយើង ដូចជាទ្រង់បានបង្គាប់មក នោះនឹងបានរាប់ជាសេចក្តីសុចរិតដល់យើងហើយ»»។

ត្រង់នេះលោក ម៉ូសេបង្រៀនយើងនូវចម្លើយបីយ៉ាងស្ដីពីហេតុផលនៃការស្ដាប់បង្គាប់ដ៏ពិត។

សូមលោកឪពុកអ្នកម្ដាយកត់សម្គាល់ពីចំណុចនេះជាមួយគ្នា៖

១.

រំឭកកូនៗឲ្យដឹងថា អ្នកដែលប្រទានបញ្ញត្តិនោះជានរណា

លោក ម៉ូសេមិនបានចាប់ផ្ដើមនិយាយដោយសាមញ្ញថា «ព្រះយេហូវ៉ាទ្រង់បានបង្គាប់ ឲ្យយើងរាល់គ្នាប្រព្រឹត្តិតាមអស់ទាំងច្បាប់ទាំងនេះ» ទេ។ ផ្ទុយទៅវិញ គាត់បានលើកទឹកចិត្តឪពុកម្ដាយឲ្យនឹកចាំពីបរិបទនៃការស្ដាប់បង្គាប់ (ចោទិយកថា ៦:២១-២៣)។ និយាយឲ្យចំទៅ យើង (១) គួរផ្ដោតលើកាលៈទេសៈនៃការគ្មានសេចក្ដីសង្ឃឹម បើយើងដាច់ចេញពីព្រះជាម្ចាស់ (២) ផ្ដោតលើព័ន្ធកិច្ចដែលព្រះជាម្ចាស់ធ្វើ ដើម្បីរំដោះយើងឲ្យមានសេរីភាព (៣) ហើយបញ្ជាក់ប្រាប់ឲ្យកូនៗដឹងថា ព្រះជាម្ចាស់ស្មោះត្រង់រហូតគ្មានទីបញ្ចប់។

យើងបានឃើញចំណុចពីរដំបូងនៅក្នុងបរិបទនេះថា «ពីដើមយើងរាល់គ្នាជាបាវបម្រើរបស់ផារ៉ោននៅស្រុកអេស៊ីព្ទ តែព្រះយេហូវ៉ាទ្រង់បាននាំយើងចេញពីស្រុកអេស៊ីព្ទមក» (ចោទិយកថា ៦:២១)។ សូម្បីតែមុនពេលដែលព្រះជាម្ចាស់ដឹកនាំអ៊‌ីស្រាអែលទៅកាន់ភ្នំស៊ីណាយ និងមុនពេលដែលទ្រង់ប្រទានក្រឹត្យវិន័យដល់ពួកគេ ក៏ទ្រង់បានរំដោះពួកគេចេញពីភាពជាទាសករនៅប្រទេសអេស៊ីព្ទដែរ។ កាលនោះពួកគេជាទាសករ ហើយព្រះជាម្ចាស់ជាព្រះអង្គសង្គ្រោះរបស់ពួកគេ។

យើងអាចស្ដាប់បង្គាប់ព្រះជាម្ចាស់ ដោយសារទ្រង់បានប្រទានព្រះគុណដល់យើងជាមុន។ ហើយការដែលយើងស្ដាប់បង្គាប់តាមច្បាប់របស់ព្រះជាម្ចាស់ គឺជាការដែលយើងមានសេរីភាព មិនមែនជាការដែលយើងជាប់ជាទាសករនោះទេ។ សេចក្តីបង្រៀននេះក៏មាននៅក្នុងការតាំងសញ្ញាថ្មីយ៉ាងច្បាស់ ហើយស៊ីជម្រៅផងដែរ។ ស្របពេលដែលព្រះយេស៊ូវរំដោះយើងចេញពីទាសករនៃអំពើបាប ក៏ដូចជាសេចក្តីក្រោធរបស់ព្រះជាម្ចាស់តាមរយៈឈើឆ្កាង ពេលនោះការដែលយើងចាប់ផ្ដើមស្ដាប់បង្គាប់ គឺជាផលផ្លែនៃការ «ប្រោសឲ្យរួចពីបាប» (រ៉ូម ៦:២២)។

បន្ទាប់មក «ព្រះអម្ចាស់បាននាំយើងចេញពី (អេស៊ីព្ទ) មកនៅក្នុងស្រុកដែលព្រះអង្គបានសន្យាជាមួយបុព្វបុរសរបស់យើង ថានឹងប្រគល់មកឲ្យយើង» (ចោទិយកថា ៦:២៣)។ មានជនជាតិអ៊‌ីស្រាអែលជាច្រើននាក់មិនបានចូលទៅកាន់ទឹកដីសន្យា ដោយសារតែភាពមិនស្មោះត្រង់របស់ពួកគេ (ចោទិយកថា ២:១៤-១៥) ប៉ុន្តែព្រះជាម្ចាស់នៅតែរក្សាភាពស្មោះត្រង់របស់ទ្រង់ មិនថាការប្រទានពរ និងការដាក់ទោសទេ។ ការនៅជាមួយព្រះជាម្ចាស់នាំមកនូវជីវិត និងជ័យជម្នះ តែការដាច់ចេញពីទ្រង់នោះនាំឲ្យមានសេចក្តីស្លាប់។ អស់អ្នកដែលជឿដល់ព្រះគ្រីស្ទនោះនឹងរកបានទីសម្រាកដ៏ពិត (ម៉ាថាយ ១១:២៨) និងមានទីសង្ឃឹមនៅក្នុងទីសម្រាកដ៏ពិតនៅក្នុងជីវិតដ៏អស់កល្បជានិច្ច (ហេព្រើរ ៤:១-១៣)។ សេចក្តីពិតនេះគួរតែបានលើកទឹកចិត្តឲ្យយើងរស់នៅជាប់នឹងភាពស្មោះត្រង់របស់យើងជាប្រចាំថ្ងៃ។

ដូច្នេះ ចូររំឭកកូនៗរបស់លោកអ្នកថា ព្រះសង្គ្រោះជាព្រះស្មោះត្រង់ និងជាព្រះដែលស្រឡាញ់ព្រលឹងរបស់ពួកគេ ហើយចូរប្រាប់ពួកគេឲ្យដើរតាមទ្រង់លើវិថីនៃការស្ដាប់បង្គាប់ដែលនាំទៅរកជីវិត។

២.

រំឭកកូនៗពីរង្វាន់នៃការស្ដាប់បង្គាប់

បន្ទាប់មកលោក ម៉ូសេបានបង្រៀនយើងដែលជាឪពុកម្ដាយឲ្យរំឭកកូនៗអំពីអត្ថប្រយោជន៍នៃការស្ដាប់បង្គាប់។ លោក ម៉ូសេលើកទឹកចិត្តឲ្យមានការស្ដាប់បង្គាប់ ដោយផ្ដោតទៅលើព្រះពរដូចតទៅនេះថា៖ «ព្រះយេហូវ៉ាទ្រង់បានបង្គាប់ ឲ្យយើងរាល់គ្នាប្រព្រឹត្តិតាមអស់ទាំងច្បាប់ទាំងនេះ ហើយឲ្យកោតខ្លាចដល់ព្រះយេហូវ៉ា ជាព្រះនៃយើង ដើម្បីឲ្យយើងរាល់គ្នាបានសប្បាយជាដរាប ហើយឲ្យទ្រង់បានថែរក្សាទុកជីវិតយើងរាល់គ្នា ដូចជាមានសព្វថ្ងៃនេះ» (ចោទិយកថា ៦:២៤)។ កូនៗដែលស្ដាប់បង្គាប់ ហើយគោរពឪពុកម្ដាយនឹងទទួលបានព្រះពរ។ មានសេចក្តីពិតពីរយ៉ាងដែលមានទំនាក់ទំនងគ្នាយ៉ាងជិតស្អិត៖ ទី១ កូនដែលស្ដាប់បង្គាប់ ហើយគោរពឪពុកម្ដាយរបស់ខ្លួននឹងទទួលបានព្រះពរ ទី២ អ្នកដែលស្ដាប់បង្គាប់ព្រះបន្ទូលរបស់ព្រះអង្គ នឹងនាំឲ្យមានជីវិតដែលពេញដោយអំណរ (អេភេសូរ ៦:១-៣)។ «មនុស្សមិនមែនរស់ ដោយសារតែនំបុ័ងប៉ុណ្ណោះទេ គឺរស់ដោយសារគ្រប់ទាំងព្រះបន្ទូល ដែលចេញពីព្រះឱស្ឋព្រះមកដែរ» (ចោទិយកថា ៨:៣; ម៉ាថាយ ៤:៤; ចោទិយកថា ៣២:៤៧)។

ការស្ដាប់បង្គាប់ដ៏ឥតខ្ចោះរបស់ព្រះយេស៊ូវបានការពារយើងពីការដាក់ទោស ទិញយកសេចក្តីសន្យារបស់ព្រះជាម្ចាស់ ហើយប្រទានអំណាចឲ្យយើងមានអំណរក្នុងជីវិត និងការស្ដាប់បង្គាប់ (រ៉ូម ៨:១-៤, ១៣; ២កូរិនថូស ១:២០)។ ដូច្នេះ នៅពេលដែលកូនៗសួរលោកអ្នកអំពីចំណុចនៃការដើរតាមព្រះជាម្ចាស់ នោះចូរបង្ហាញពួកគេអំពីព្រះគុណ និងភាពស្មោះត្រង់របស់ព្រះជាម្ចាស់ ហើយរំឭកពួកគេពីព្រះពរចំពោះអស់អ្នកដែលរីករាយក្នុងការនិយាយថា «ទេ» ទៅកាន់អំពើបាប ហើយ «បាទ/ចាស៎» ទៅកាន់ព្រះជាម្ចាស់។

៣.

អរសប្បាយនឹងសេចក្តីសុចរិតដ៏ឥតខ្ចោះតែមួយគត់របស់ព្រះគ្រីស្ទ ដែលទ្រង់បានការពារយើង

លោក ម៉ូសេ បានហៅពួកអ៊‌ីស្រាអែលទាំងអស់គ្នាឲ្យស្ដាប់បង្គាប់ព្រះជាម្ចាស់មិនឲ្យខ្វះចន្លោះឡើយ ដែលការស្ដាប់បង្គាប់ដូចនោះជាអំណះអំណាងនៃសេចក្តីសុចរិតរបស់ពួកគេ៖ «ដូច្នេះ បើយើងប្រយ័ត្ន និងកាន់បញ្ញត្តទាំងនេះ នៅចំពោះព្រះយេហូវ៉ា ជាព្រះនៃយើង ដូចជាទ្រង់បានបង្គាប់មក នោះនឹងបានរាប់ជាសេចក្តីសុចរិតដល់យើងហើយ» (ចោទិយកថា ៦:២៥)។

គ្មាននរណាម្នាក់ក្នុងចំណោមអស់អ្នកដែលស្ដាប់លោក ម៉ូសេ មានលទ្ធភាពអាចរស់នៅតាមអ្វីដែលលោកបង្គាប់នោះទេ តែទោះជាយ៉ាងណា លោកបានប្រាប់ពួកគេនៅពេលក្រោយទៀតថា «មកដល់សព្វថ្ងៃនេះ ព្រះយេហូវ៉ាទ្រង់មិនបានប្រទាន ឲ្យឯងរាល់គ្នាមានចិត្តយល់ ឬភ្នែកដែលមើលឃើញ ឬត្រចៀកដែលស្តាប់ឮនៅឡើយ» (ចោទិយកថា ២០:៣)។ លោក ម៉ូសេ បានដឹងថា លទ្ធផលនៃភាពរឹងចចេសរបស់ពួកអ៊‌ីស្រាអែល គឺជាសេចក្តីស្លាប់ (ចោទិយកថា ៣១:២៧-២៩) ហើយចេញពីទស្សនៈមួយនេះ ព្រះជាម្ចាស់បានប្រទានការតាំងសញ្ញានៃក្រឹត្យវិន័យដល់លោក ម៉ូសេ ដើម្បីអះអាងពី «ការងារខាងឯសេចក្តីកាត់ទោស» (២កូរិនថូស ៣:៩)។ មានតែការតាំងសញ្ញាថ្មីរបស់ព្រះគ្រីស្ទតែមួយប៉ុណ្ណោះ ដែលអាចអះអាងពី «ការងារខាងឯសេចក្តីសុចរិត» (២កូរិនថូស ៣:៩)។

យើងសង្ឃឹមថា ទាំងយើង និងកូនៗយើងនឹងទទួលស្គាល់ថា ខ្លួនជាមនុស្សមានបាប ហើយថាយើងបានទទួលសេចក្តីសង្គ្រោះដោយសារព្រះគុណ។ តួនាទីធំៗនៃក្រឹត្យវិន័យរបស់លោក ម៉ូសេ គឺកាត់ទោសមនុស្សគ្រប់ៗគ្នា (រ៉ូម ៣:១៩-២០; ២កូរិនថូស ៣:៩) ដូចកណ្ឌគម្ពីរ រ៉ូម ចែងថា «បញ្ញត្តិនោះ ដែលសម្រាប់ឲ្យមានជីវិត នោះបានឲ្យខ្ញុំត្រូវស្លាប់វិញ» (រ៉ូម ៧:១០)។ មានតែព្រះគ្រីស្ទមួយអង្គប៉ុណ្ណោះ ដែលគ្មានបាបសោះ (ហេព្រើរ ៤:១៥; ១ពេត្រុស ២:២២; ១យ៉ូហាន ៣:៥) ហើយ «មនុស្សទាំងអស់ក៏បានរាប់ជាសុចរិតឲ្យបានជីវិតវិញ ដោយសារអំពើសុចរិតតែ១» របស់ទ្រង់ (រ៉ូម ៥:១៨) ដែលទ្រង់បានចុះចូលចំពោះព្រះជាម្ចាស់ដោយសេចក្ដីជំនឿ ហើយអស់អ្នកណាដែលនៅក្នុងព្រះគ្រីស្ទយេស៊ូវ នោះគ្មានទោសសោះ (រ៉ូម ៨:១) ដ្បិតតាមរយៈការដែលទ្រង់ «...ចាត់ព្រះរាជបុត្រាទ្រង់ឲ្យមក មានរូបអង្គបែបដូចជាសាច់ឈាម ដែលតែងតែមានបាប [ព្រះវរបិតា] កាត់ទោសអំពើបាបនៅក្នុងសាច់ឈាម ដើម្បីឲ្យសេចក្តីក្រឹត្យវិន័យបង្គាប់មក បានសម្រេចក្នុងខ្លួនយើងរាល់គ្នា...» (រ៉ូម ៨:៣-៤)។

លោកសាវ័ក ប៉ុល និងសាវ័ក យ៉ូហាន បានបង្រៀនថា ទង្វើល្អរបស់គ្រីស្ទបរិស័ទ គឺជាភស្តុតាងដែលបញ្ជាក់ថា ពួកគេពិតជាបានកើតជាថ្មី ហើយមានទំនាក់ទំនងជាមួយព្រះជាម្ចាស់តាមរយៈព្រះគ្រីស្ទ។ (រ៉ូម ២:១៣; ១យ៉ូហាន ៣:៧)។ ទោះជាយ៉ាងណាក៏ដោយ ក៏ការដែលយើងអាចនឹងស្ដាប់បង្គាប់បាន គឺដោយសារព្រះវិញ្ញាណបរិសុទ្ធបានអនុញ្ញាតឲ្យយើងមានផលផ្លែនៃសេចក្តីសុចរិត ដែលយើងបានទទួលក្នុងព្រះគ្រីស្ទរួចទៅហើយ (រ៉ូម ៦:១៧)។ ដូច្នេះ ចូរឲ្យយើង «អរព្រះគុណដល់ព្រះអង្គ» ចុះ។ «ដ្បិតអ្នកណាដែលស្លាប់ នោះក៏បានរាប់ជាសុចរិតរួចពីបាបហើយ...តែឥឡូវនេះ ដែលព្រះបានប្រោសឲ្យរួចពីបាប ហើយអ្នករាល់គ្នាបានត្រឡប់ជាបាវបម្រើដល់ទ្រង់ នោះអ្នករាល់គ្នាបានផលខាងឯសេចក្តីបរិសុទ្ធវិញ ហើយទីបំផុតនៃអំពើទាំងនោះ គឺជាជីវិតអស់កល្បជានិច្ចផង» (រ៉ូម ៦:៧, ២២)។

ការឆ្លើយនឹងសំណួររបស់កូនៗ

សេចក្តីបង្រៀនរបស់លោក ម៉ូសេ នៅក្នុងកណ្ឌគម្ពីរ និក្ខមនំ គឺជាសេចក្តីបង្រៀនដ៏មានអត្ថប្រយោជន៍សម្រាប់គ្រីស្ទបរិស័ទ ប៉ុន្តែយើងត្រូវទទួលយកដោយយល់ថា ព្រះគ្រីស្ទបានសម្រេចនូវរាល់អ្វីៗរួចទៅហើយ។ នៅពេលដែលកូនៗសួរថា «ហេតុអ្វីបានជាត្រូវឲ្យកូនស្ដាប់បង្គាប់?» ខ្ញុំចង់លើកទឹកចិត្តឲ្យលោកអ្នកឆ្លើយតាមអ្វីដែលព្រះជាម្ចាស់បានមានបន្ទូលប្រាប់តាមរយៈលោក ម៉ូសេ ប៉ុន្តែចូរធ្វើក្នុងរបៀបមួយដែលជួយឲ្យកូនៗរបស់លោកអ្នកដឹងអំពីសារៈសំខាន់នៃការស្ដាប់បង្គាប់របស់យើងទាក់ទងនឹងព្រះគ្រីស្ទ៖

១. ចូររំឭកដាស់តឿនកូនៗអំពីបរិបទនៃការស្ដាប់បង្គាប់ ដោយបង្ហាញអំពីរបៀបដែលព្រះគ្រីស្ទសង្គ្រោះយើងចេញពីសេចក្តីក្រោធរបស់ព្រះជាម្ចាស់ និងពីអំណាចនៃអំពើបាប។

២. ចូររំឭកដាស់តឿនកូនៗអំពីសារៈសំខាន់នៃការស្ដាប់បង្គាប់ ដោយប្រាប់ពួកគេអំពីព្រះគុណដែលព្រះជាម្ចាស់បានសន្យាទុកនាពេលអនាគតចំពោះអស់អ្នកដែលដើរតាមព្រះអង្គ។

៣. អរសប្បាយនឹងសេចក្តីសុចរិតដ៏ល្អឥតខ្ចោះ ដែលមានតែនៅក្នុងព្រះគ្រីស្ទមួយគត់ ហើយការនោះអាចនាំមកនូវគ្រប់អំណាចនៃស្ថានសួគ៌ ដើម្បីជាប្រយោជន៍យើង។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ Jason DeRouchie

បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់ និងលោក អ៊ុន ជ័យរិទ្ធ

ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១០៧

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២១

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៩

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

ការស្ដាប់បង្គាប់ឪពុកម្ដាយ

២ ឧសភា ២០១៧អានរយៈពេល ១៤ នាទី

មើល៣០៣៨ដង

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធ​ដោយ៖ លោក​គ្រូ Jason DeRouchie

បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់ និង​លោក អ៊ុន ជ័យរិទ្ធ

ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

សំ​ណួរ​ដែល​បណ្តាល​ចិត្ត​៖ វិ​ធី​សាស្ត្រ​ថ្មី ​ក្នុង​ការ​ពិភាក្សា​នៅ​ក្នុង​ក្រុម​តូច

តើ​ស្ត្រី​នឹង​​បាន​សង្គ្រោះ​ក្នុង​កាលដែល​បង្កើត​កូន ​មាន​ន័យយ៉ាង​ដូច​ម្ដេច​? (១ធីម៉ូថេ ២)

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធ​ដោយ៖ លោក​គ្រូ Jason DeRouchie

បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់ និង​លោក អ៊ុន ជ័យរិទ្ធ

ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

សំ​ណួរ​ដែល​បណ្តាល​ចិត្ត​៖ វិ​ធី​សាស្ត្រ​ថ្មី ​ក្នុង​ការ​ពិភាក្សា​នៅ​ក្នុង​ក្រុម​តូច

តើ​ស្ត្រី​នឹង​​បាន​សង្គ្រោះ​ក្នុង​កាលដែល​បង្កើត​កូន ​មាន​ន័យយ៉ាង​ដូច​ម្ដេច​? (១ធីម៉ូថេ ២)

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

និពន្ធដោយ៖ លោកគ្រូ Jason DeRouchie

បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់ និងលោក អ៊ុន ជ័យរិទ្ធ

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

និពន្ធដោយ៖ លោកគ្រូ Jason DeRouchie

បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់ និងលោក អ៊ុន ជ័យរិទ្ធ

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)