តើខ្ញុំអាចរៀបការជាមួយស្ត្រីដែលមានអាយុក្មេងជាងខ្ញុំពាក់កណ្ដាលបានដែរឬទេ?

តើខ្ញុំអាចរៀបការជាមួយស្ត្រីដែលមានអាយុក្មេងជាងខ្ញុំពាក់កណ្ដាលបានដែរឬទេ? Can I Marry a Woman Half My Age?1…

១២ វិច្ឆិកា ២០២៦អានរយៈពេល ១៤ នាទី

មើល១ដង

នេះគឺជាសំណួរសម្រាប់ថ្ងៃនេះ៖ «ជម្រាបសួរលោកគ្រូ! សូមអរគុណសម្រាប់ការបង្រៀននៅថ្ងៃនេះ! តើជាការមិនអីទេ ដែលខ្ញុំបាទជាគ្រីស្ទបរិស័ទមានវ័យចាស់ជាងទៅរៀបការជាមួយស្ត្រីដែលមានអាយុក្មេងជាងពាក់កណ្ដាលនោះ? ខ្ញុំដឹងថា ខ្ញុំនឹងទទួលបានការសើចចំអកនៅពេលសួរសំណួរបែបនេះ។ មនុស្សជាច្រើននឹងសន្និដ្ឋានថា ខ្ញុំកំពុងដេញតាមរឿងផ្លូវភេទ យុវវ័យ និងសម្រស់។ ប៉ុន្តែ នោះមិនមែនជាការពិតឡើយ។ នៅពេលខ្ញុំបាទមានវ័យជាងសែសិបឆ្នាំ នោះទើបខ្ញុំបាទដឹងថា ខ្លួនខ្ញុំមានចិត្តប្រតិព័ទ្ធទៅនឹងមនុស្សស្រីជាលើកដំបូង ការនោះមិនបានកើតឡើងរហូតដល់ឆ្នាំមុននេះ។ ខ្ញុំធ្លាប់មានបញ្ហាជាមួយនឹងភាពទាក់ទាញឲ្យស្រឡាញ់ភេទដូចគ្នាពេញមួយជីវិតរបស់ខ្ញុំ ប៉ុន្តែខ្ញុំមិនបានប្រព្រឹត្តិតាមអារម្មណ៍របស់ខ្ញុំឡើយ។ ទើបតែថ្មីៗនេះ ខ្ញុំបានទទួលពិសោធន៍ពីព្រះវិញ្ញាណបរិសុទ្ធប៉ះពាល់ខ្ញុំឲ្យដើរនៅជាប់ជាមួយទ្រង់កាន់តែជិតស្និទ្ធជាងមុន។ ស្របពេលជាមួយគ្នានេះ ខ្ញុំមានបំណងប្រាថ្នាថា នឹងរៀបការជាមួយស្ត្រីម្នាក់ ហើយនឹងចង់ក្លាយជាឪពុកម្នាក់។

«ពីមុនមក ខ្ញុំមិនដែលមានបំណងប្រាថ្នាបែបនេះទេ។ ក៏ខ្ញុំមិនដែលគិតថា វានឹងអាចកើតឡើងបានដែរ។ ខ្ញុំមានអារម្មណ៍ថា ព្រះជាម្ចាស់បានព្រងើយកន្តើយចំពោះខ្ញុំ នៅពេលខ្ញុំឃើញមិត្តភក្ដិរបស់ខ្ញុំបានរៀបការ និងមានកូនចៅ ហើយហាក់បីដូចជាទទួលបានព្រះពរពីព្រះជាម្ចាស់ ហើយផ្ទុយទៅវិញ ខ្ញុំតែងតែនៅម្នាក់ឯង។ ហើយពេលនេះ នៅវ័យកណ្ដាលទៅហើយ ព្រះយេស៊ូវហាក់បីដូចជាបានផ្លាស់ប្ដូរខ្ញុំដែរ ពត់តម្រង់ខ្ញុំឲ្យក្លាយទៅជាប្ដី និងជាឪពុកដែរ។ មានស្ត្រីវ័យក្មេងម្នាក់ ដែលជាមិត្តរបស់ខ្ញុំ ហើយខ្ញុំបាទសម្គាល់ឃើញថា ខ្ញុំបានគិតពីនាងរហូត។ ប្រាកដណាស់ នាងមានវ័យក្មេងជាងខ្ញុំពាក់កណ្ដាល។ ខ្ញុំបាទចាស់អាចនឹងធ្វើជាឪពុកនាងបាន។ តើគម្លាតអាយុនេះអាចទទួលយកបានទេ នៅក្នុងចំណោមគ្រីស្ទបរិស័ទ?»។

ខ្ញុំគិតថា រឿងដំបូងដែលខ្ញុំចង់និយាយ គឺអរព្រះគុណដល់ព្រះជាម្ចាស់ ហើយបន្ទាប់មកឆ្លើយតបទៅកាន់មិត្តសម្លាញ់របស់យើងដែលមានវ័យជាងសែសិបឆ្នាំថា ថ្វីបើអ្នកបានខ្ទេចខ្ទាំដោយការបាក់បែកនៃនិស្ស័យសាច់ឈាមលោកីយ៍ដែលធ្លាក់ចុះនេះក្នុងការជំពាក់ចិត្តទៅនឹងភេទដូចគ្នាពេញមួយជីវិតរបស់លោកក្ដី តែលោកមិនបានមិនស្ដាប់បង្គាប់តាមការត្រាស់ហៅរបស់ព្រះជាម្ចាស់នៅក្នុងជីវិតរបស់គាត់នៅក្នុងការតម្រង់ជីវិតខាងផ្លូវភេទ ពីការបណ្ដោយខ្លួននៅក្នុងការប្រព្រឹត្តអំពើបាប នៃការស្រឡាញ់ភេទដូចគ្នានោះឡើយ។ នោះគឺជាជ័យជម្នះដែលគួរឲ្យកត់សម្គាល់នៃព្រះគុណរបស់ព្រះជាម្ចាស់។ ហើយសម្រាប់ការនោះ ខ្ញុំអរព្រះគុណព្រះជាម្ចាស់ជាសាធារណៈ និងសូមការកោតសរសើរទៅកាន់មិត្តសម្លាញ់របស់យើង។

សាវ័ក ប៉ុលបានលើកឡើងនៅក្នុងកណ្ឌគម្ពីរ ១ថែស្សាឡូនិច ៤:៣-៤ «ដ្បិតព្រះទ្រង់សព្វព្រះហឫទ័យ ឲ្យអ្នករាល់គ្នាបានញែកជាបរិសុទ្ធ ដើម្បីឲ្យបានចៀសពីសេចក្ដីកំផិតចេញ ត្រូវឲ្យអ្នករាល់គ្នានីមួយៗចេះរក្សាអត្តភាពខ្លួន ដោយសេចក្ដីបរិសុទ្ធ និងសេចក្ដីប្រសើរ»។ ខ្ញុំដឹងថាមានមនុស្សជាច្រើនសព្វថ្ងៃគិតថា ការទូន្មានដោយព្រះទ័យដ៏ល្អរបស់ព្រះជាម្ចាស់សម្រាប់ជីវិតខាងផ្លូវភេទ គ្រាន់តែជាអំណាចរបស់មនុស្សធម្មតា ជាមធ្យោបាយនៃការធ្វើឲ្យមានក្ដីអាម៉ាស់ ការរឹតត្បិត ការសង្កត់សង្កិន និងការបដិសេធភាពជាមនុស្សពេញលេញរបស់បុគ្គលណាម្នាក់ ខណៈដែលតាមពិតទៅ របៀបរបស់ព្រះជាម្ចាស់ គឺល្អ ឈ្លាសវៃ ហើយជួយឲ្យស្កប់ចិត្តជាងអំពើគ្មានច្បាប់របស់លោកីយ៍នេះ—ជាពិសេសនៅពេលដែលលោកអ្នកមានទំនួលខុសត្រូវចំពោះគ្រប់ទាំងសេចក្ដីពិត និងភាពអស់កល្បជានិច្ច។

ដូច្នេះ ខ្ញុំសូមសរសើរតម្កើងដល់ព្រះជាម្ចាស់សម្រាប់ឧទាហរណ៍នៃជ័យជម្នះទៅលើព្រះនៃលោកីយ៍ (២កូរិនថូស ៤:៤) ហើយលើអំណាចរបស់បាបសម្រាប់ជាប្រយោជន៍ដល់ព្រះគ្រីស្ទ។ ការនេះមានអត្ថន័យណាស់ ទោះជាយ៉ាងណាក៏ដោយ ស្ថានភាពនៅចំពោះមុខយើងរាល់គ្នាគឺកាន់តែស្មុគស្មាញជាងគ្រាន់តែបញ្ហាអាយុទៅទៀត។ គាត់បានលើកឡើងដោយស្មោះត្រង់នៅក្នុងបញ្ហានៃបទពិសោធន៍ជំពាក់ចិត្តលើភេទដូចគ្នារបស់គាត់ផ្ទាល់។ សំណួរដែលគាត់បានផ្ដល់មកគឺបែបនេះ៖ «ខ្ញុំមានអាយុ៤៨ឆ្នាំ នាងមានអាយុ២៤ឆ្នាំ» (ខ្ញុំគ្រាន់តែស្មាននោះទេ ពីព្រោះគាត់បាននិយាយថា «ជាងសែសិបឆ្នាំ» ហើយគាត់មានអាយុច្រើនជាងនាងពីរដង ដូច្នេះ សូមនិយាយថា ៤៨ និង២៤ចុះ)។ «ខ្ញុំមានអាយុ៤៨ឆ្នាំ នាងមានអាយុ២៤ឆ្នាំ» តើគម្លាតអាយុនេះអាចទទួលយកបានទេនៅក្នុងចំណោមគ្រីស្ទបរិស័ទ?»។

ហើយគាត់ដឹងច្បាស់ដូចខ្ញុំដែរថា សំណួរពីអាពាហ៍ពិពាហ៍នេះ គឺនឹងបញ្ចប់ដោយការប្រាប់ចំៗស្របតាមព្រះគម្ពីរជាមិនខាន។ គ្មានការហាមឃាត់នៅក្នុងគម្លាតនៃអាយុ និងមិនមានក្រឹត្យវិន័យណាបានលើកឡើងពីការនេះទេ។ បញ្ហានេះនឹងត្រូវដោះស្រាយដោយការឆ្លុះបញ្ចាំងលើគោលការណ៍នានាពាក់ព័ន្ធទៅនឹងព្រះគម្ពីរ ដែលនៅពេលយើងអធិស្ឋានសូមតម្រិះ និងយោបល់ពេញលក្ខណៈ។

ការស្កប់ចិត្តខាងឯជីវិតផ្លូវភេទ

ដូច្នេះ ខ្ញុំមានគំនិតខ្លីៗពីរ អំពីការតតាំងនឹងការជំពាក់ចិត្តលើភេទដូចគ្នានៅក្នុងចំណងអាពាហ៍ពិពាហ៍ភេទផ្ទុយគ្នា។ ខ្ញុំគិតថា ខ្ញុំអាចនឹងខុសនៅក្នុងការមើលរំលងបញ្ហានោះ។ ព្រះគម្ពីរបានផ្ដល់តម្លៃយ៉ាងខ្ពស់អំពីទំនាក់ទំនងផ្លូវភេទនៅក្នុងចំណងអាពាហ៍ពិពាហ៍។ នៅក្នុងកណ្ឌគម្ពីរ ១កូរិនថូស ៧:៣-៥ សាវ័ក ប៉ុល បានលើកឡើងថា៖

«ត្រូវឲ្យប្ដីប្រព្រឹត្តនឹងប្រពន្ធដោយចិត្តសប្បុរស ហើយត្រូវឲ្យប្រពន្ធប្រព្រឹត្តនឹងប្ដីក៏ដូច្នោះដែរ ប្រពន្ធមិនមែនជាម្ចាស់លើរូបកាយខ្លួនឯងទេ គឺជាប្ដីវិញ ហើយប្ដីក៏មិនមែនជាម្ចាស់លើរូបកាយខ្លួនឯងដែរ គឺជាប្រពន្ធវិញ ដូច្នេះ កុំឲ្យបង្អត់គ្នាឡើយ [នៃទំនាក់ទំនងផ្លូវភេទ] លើកតែស្រុះចិត្តគ្នាក្នុង១ពេល ដើម្បីឲ្យបានជាទំនេរនឹងអធិស្ឋាន រួចត្រូវវិលមកនៅជាមួយវិញ ក្រែងអារក្សសាតាំងល្បួងលួងអ្នករាល់គ្នា ដោយមិនចេះអត់ទ្រាំ»។

ម្យ៉ាងទៀត ទាំងប្ដីនិងប្រពន្ធគួរតែស្វះស្វែង និងស្វែងរក អ្វីគឺជាតម្រូវការសម្រាប់ការស្កប់ចិត្តចំពោះជីវិតផ្លូវភេទនៅក្នុងដៃគូរដែលគេបានរៀបការជាមួយ។ មិនថាខាងណាក៏ដោយ ចូរកុំបង្អត់គ្នាឡើយ។ ដូច្នេះ អស់អ្នកដែលបានចូលទៅក្នុងចំណងអាពាហ៍ពិពាហ៍គួរតែមានទំនុកចិត្តថា ពួកគាត់អាចបំពេញសេចក្ដីនេះបាន។

គំនិតផ្សេងទៀត គឺពន្យល់បែបដូច្នេះថា៖ «ស្ត្រីស្ថិតនៅក្រោមចំណងអាពាហ៍ពិពាហ៍គួរតែទទួលបានសេចក្ដីស្រឡាញ់ខាងឯផ្លូវភេទទាំងអស់ពីប្ដីរបស់នាង។ បំណងប្រាថ្នារបស់គាត់ ភ្នែករបស់គាត់ សកម្មភាពរបស់គាត់មិនគួរនឹងសម្លឹងមើលស្ត្រី ឬបុរសដទៃដោយភាពត្រេកត្រអាលខាងផ្លូវភេទនោះទេ។ ការធ្វើបែបនេះគឺ បង្ហាញថាស្រឡាញ់ ផ្ដល់កិត្តិយសដល់នាង។ នាងមានអារម្មណ៍ថា ទទួលបានសេចក្ដីស្រឡាញ់ការពារដ៏ពិសេស ហើយយកចិត្តទុកដាក់តែម្នាក់គត់ចំពោះការដេញតាមសេចក្ដីខាងឯផ្លូវភេទរបស់គាត់។ ទាំងបុរស និងស្ត្រីគួរតែចូលទៅក្នុងចំណងអាពាហ៍ពិពាហ៍ដោយការរំពឹងទុកបែបនេះ។

ការចាស់ស្លាប់រៀងៗខ្លួន

ទាក់ទងទៅនឹងអាយុខុសគ្នា គ្មានការហាមប្រាមណានៅក្នុងព្រះគម្ពីរថា មិនឲ្យបុរសមានវ័យ៤៨ឆ្នាំរៀបការជាមួយស្ត្រីអាយុ២៤ឆ្នាំនោះទេ។ សំណួរគឺថា តើភាពខុសគ្នានេះនឹងបង្ហាញពីឧបសគ្គ ដែលនឹងបញ្ជាក់យ៉ាងច្បាស់ថា ចំណងអាពាហ៍ពិពាហ៍នឹងអាចទៅមុខបានឬមិនបាន ឬចំណងអាពាហ៍ពិពាហ៍នឹងក្លាយទៅជាការឈឺចាប់យ៉ាងខ្លាំងដែរឬទេ? នោះគឺជាសំណួរដែលបុរស និងស្ត្រីត្រូវគិត ត្រូវសិក្សា ត្រូវអធិស្ឋាន ដោយការប្រឹក្សាជាច្រើន ហើយមិនមែនមកពីការបង្រៀនដូចខ្ញុំទេ ប៉ុន្តែមកពីគ្រូគង្វាល ពីបងប្អូនរួមជំនឿមួយចំនួនដែលលោកអ្នកស្គាល់ពួកគាត់ច្បាស់។ ពួកគាត់គួរតែជាម្នាក់ដែលអ្នកជឿរឹងមាំនៅក្នុងក្រុមជំនុំ។ ដូច្នេះ សូមឲ្យខ្ញុំរម្លឹកអំពីរឿងពីរបីចំណុចនៅក្នុងការពិចារណាពីចំណាយ។

យោងទៅតាមស្ថិតិ គម្លាតអាយុកាន់តែច្រើន អត្រានៃការលែងលះក៏កាន់តែច្រើនដែរ។ ក្រុមស្ថិតិមួយដែលខ្ញុំបានប្រឹក្សាបាននិយាយថា គម្លាតអាយុ១០ឆ្នាំកំណើននៃការលែងលះគឺ៣៩% គម្លាតអាយុ២០ឆ្នាំកំណើននៃការលែងលះគឺរហូតដល់៩៥% ហើយគម្លាតអាយុ៣០ឆ្នាំកំណើននៃការលែងលះគឺដល់ទៅ១៧២%។ ដូច្នេះ ចំណងអាពាហ៍ពិពាហ៍៣ក្នុងចំណោម១០ដែលបរាជ័យ នៅពេលគេទាំងពីរនាក់មានអាយុ២៥ឆ្នាំ បន្ទាប់មក ចំណងអាពាហ៍ពិពាហ៍៨.៧ក្នុងចំណោម១០ដែលបរាជ័យ នៅពេលដែលម្នាក់មានអាយុ២៥ឆ្នាំ រៀបការនឹងម្នាក់អាយុ៥៥ឆ្នាំ។

ហេតុផលមួយក្នុងចំណោមហេតុផលជាច្រើនសម្រាប់អត្រាបរាជ័យនោះ គ្មានការសង្ស័យទេដែលថា ទាំងផ្លូវកាយ ទាំងផ្លូវចិត្ត គឺគម្លាតកាន់តែធំឡើងនៅពេលលោកអ្នកកាន់តែចាស់ ជាជាងការពង្រួមវា។ ភាពខុសគ្នាខាងរាងកាយរវាងបុរសអាយុ៤៨ឆ្នាំ និងស្ត្រីអាយុ២៤ឆ្នាំគឺស្ដួចស្ដើងណាស់។ ទាំងផ្លូវកាយ និងផ្លូវចិត្តគឺជារឿងដូចគ្នា។ ប៉ុន្តែនៅពេលនាងជាម្នាក់ដ៏សំខាន់នៅវ័យ៥៦ឆ្នាំ ហើយនៅតែមានកម្លាំង នោះគាត់នឹងមានអាយុ៨០ឆ្នាំហើយ។ ហើយភាពឈ្លាសវៃនៃកម្លាំង និងផ្លូវចិត្តរបស់មនុស្សវ័យ៨០មិនមានភាពដូចគ្នាទៅនិងមនុស្សមានវ័យ៥៦ឆ្នាំ ដូចជានឹងមនុស្សវ័យ៤៨ឆ្នាំជាប់ទាក់ទងទៅនឹងមនុស្សវ័យ២៤ឆ្នាំទេ។

ដូច្នេះ ដៃគូរទាំងពីរត្រូវយកចិត្តទុកខ្លាំងទៅលើការពិតនេះ៖ បទពិសោធន៍នៃភាពចាស់ជរានឹងមិនបានមានបទពិសោធន៍ដូចគ្នានៅក្នុងចំណងអាពាហ៍ពិពាហ៍ភាគច្រើននោះទេ។ ការនេះនឹងបង្ហាញពីឧបសគ្គប្លែកខុសពីគ្នាសម្រាប់ពួកគេទាំងពីរនាក់។

ចូលឲ្យកាន់តែជ្រៅជាមួយព្រះជាម្ចាស់

សូមឲ្យខ្ញុំបានផ្ដល់នូវការដាស់តឿនមួយផ្សេងទៀត និងការព្រមានសម្រាប់បុរសៗជាពិសេស។ ដើម្បីបានរីកចម្រើននៅក្នុងបញ្ហាប្រឈមពិសេសៗទាំងនេះ—ដែលអាចទៅរួចដោយវិធីនេះ វាអាចទៅរួចនៅពេលមានភាពចាស់ទុំស្របទៅតាមព្រះគម្ពីរខ្លាំង មានប្រាជ្ញាខ្លាំង និងមានសេចក្ដីស្រឡាញ់ខ្លាំង—ខ្ញុំគិតថា មិត្តសម្លាញ់របស់យើងនឹងត្រូវប្រាកដថា គាត់មានភាពរីកចម្រើននៅក្នុងទំនាក់ទំនងជាមួយព្រះជាម្ចាស់លើសពីអ្វីដែលខ្ញុំបានឮនៅក្នុងសំណួររបស់គាត់ទៅទៀត។

គាត់បាននិយាយថា៖ «ខ្ញុំមានអារម្មណ៍ថា ព្រះជាម្ចាស់បានព្រងើយកន្តើយចំពោះខ្ញុំ នៅពេលខ្ញុំឃើញមិត្តភក្ដិរបស់ខ្ញុំបានរៀបការ និងមានកូនចៅ ហើយហាក់បីដូចជាទទួលបានព្រះពរពីព្រះជាម្ចាស់ ហើយផ្ទុយទៅវិញ ខ្ញុំតែងតែនៅម្នាក់ឯង»។ នោះគឺជាអារម្មណ៍ដែលគួរតែអាចយល់បាន—តែនោះមិនមែនជាការល្អ និងមិនមែនមានភាពពេញវ័យនោះទេ។ ខ្ញុំអាចនឹងនិយាយខុស ប៉ុន្តែខ្ញុំបានឮពីទស្សនៈអំពីព្រះជាម្ចាស់ថា មិនធំ មិនមានប្រាជ្ញា មិនគួរឲ្យទុកចិត្តដូចអ្វីដែលគួរតែមាននោះទេ។ ហើយខ្ញុំក៏ឮពីទំនាក់ទំនងមួយជាមួយព្រះជាម្ចាស់ ដែលមិនមានភាពជ្រាលជ្រៅដោយសេចក្ដីល្អនៃអធិបតេយ្យភាពរបស់ព្រះជាម្ចាស់ និងប្រាជ្ញារបស់ព្រះជាម្ចាស់ដែលវាគួរតែមាននោះឡើយ។ វាមិនមែនជាសញ្ញាពេញវ័យខាងឯសេចក្ដីជំនឿ និងស្ថេរភាពនៅពេលដែលគ្រីស្ទបរិស័ទម្នាក់មានអារម្មណ៍ថា គាត់ត្រូវបានព្រះជាម្ចាស់ព្រងើយកន្តើយជាមួយ ប្រសិនបើអ្នកដទៃទទួលបានក្ដីស្រឡាញ់ច្រើនពីព្រះជាម្ចាស់ជាងគាត់នោះទេ។ មិនមែនជាទស្សនៈដែលថា ជាការខ្វះខាតរបស់ព្រះជាម្ចាស់ ឬការខ្វះខាតខាងសេចក្ដីជំនឿនោះទេ។

ហេតុដូច្នេះហើយ ខ្ញុំនឹងដាស់តឿនមិត្តសម្លាញ់របស់យើងឲ្យចូលកាន់តែស៊ីជម្រៅក្នុងអធិបតេយ្យភាពរបស់ព្រះជាម្ចាស់ ចូលទៅឲ្យកាន់តែស៊ីជម្រៅក្នុងសេចក្ដីល្អរបស់ទ្រង់ ហើយចូលកាន់តែស៊ីជម្រៅនៅក្នុងព្រះប្រាជ្ញារបស់ព្រះអង្គ។ ហើយចាក់ឫសចូលកាន់តែជ្រៅនៅក្នុងព្រះគុណរបស់ព្រះជាម្ចាស់ ដែលប្អូនប្រុសចាក់ឫសមាំនៅក្នុងការយល់ដឹងនៃអធិបតេយ្យភាពក្នុងការថែរក្សា និងសេចក្ដីស្រឡាញ់របស់ទ្រង់សម្រាប់ប្អូនប្រុសដែលប្អូននឹងមានមិនដែលមានអារម្មណ៍ថា ទ្រង់បានបោះបង់ចោលប្អូនទេ ដោយមិនសំខាន់ថា អ្វីដែលល្អកើតមានដល់អ្នកដទៃ ឬក៏អ្វីដែលអាក្រក់កំពុងកើតឡើងដល់ប្អូនប្រុសឡើយ។ បន្ទាប់មក ខ្ញុំគិតថា ប្អូនប្រុសនឹងស្ថិតនៅក្នុងកន្លែងមួយល្អនៅពេលនិយាយដោយសេចក្ដីជំនឿថា បាទឬទេ ក្នុងការរៀបអាពាហ៍ពិពាហ៍ទៅនឹងស្ត្រីម្នាក់ដែលមានអាយុតិចជាងប្អូនប្រុសពាក់កណ្ដាល។

និពន្ធដោយ៖ John Piper

បកប្រែដោយ៖ កញ្ញា គឹម បូព្រឹក

កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក ស៊ូ ទិត្យ និងលោក ឈាង បូរ៉ា

ដកស្រង់ខ្លះៗ និងកែសម្រួលចេញពី desiringgod.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

១៥

កំណត់ហេតុបណ្ដាញ៨ វិច្ឆិកា ២០២៦

ភាពជាស្ត្រីស្របតាមព្រះគម្ពីរនៅក្នុងពេលប្រាំនាទី

ភាពជាស្ត្រីស្របតាមព្រះគម្ពីរនៅក្នុងពេលប្រាំនាទី Biblical Womanhood in Five Minutes1 លោកគ្រូ…

អានបន្ថែម

Are Christians Happier Than Non Christians in This Life

៩

កំណត់ហេតុបណ្ដាញ៥ វិច្ឆិកា ២០២៦

ក្នុងជីវិតនេះ តើគ្រីស្ទបរិស័ទមានភាពអរសប្បាយច្រើនជាងអ្នកមិនជឿនៅឬ?

Are Christians Happier Than Non-Christians in This Life?1 ក្នុងជីវិតនេះ តើគ្រីស្ទបរិស័ទមានភាពអរសប្បាយច្រើនជាងអ្នកមិនជឿនៅឬ? សាវ័ក ប៉ុល…

អានបន្ថែម

១៥

កំណត់ហេតុបណ្ដាញ៣០ តុលា ២០២៦

ថ្ងៃទី៣១៖ គាត់បានឈរលើគ្រឹះមាំនោះ

កាលពីប្រាំរយឆ្នាំមុន សកម្មភាពដ៏ក្លាហានរបស់លោក ម៉ធិន លូសើរ បានបង្កើតឲ្យមានចលនាកំណែទម្រង់ខាងឯជំនឿ…

អានបន្ថែម

អត្ថបទបន្ថែមពី កំណត់ហេតុបណ្ដាញ

១៩

កំណត់ហេតុបណ្ដាញ១០ វិច្ឆិកា ២០២៦

តើក្រុមជំនុំអាចតម្រូវឲ្យថ្វាយដង្វាយមួយភាគដប់ដែរឬទេ?

Can a Church Require Tithing?1 តើក្រុមជំនុំអាចតម្រូវឲ្យថ្វាយដង្វាយមួយភាគដប់ដែរឬទេ?…

អានបន្ថែម

២២០

កំណត់ហេតុបណ្ដាញ២៩ តុលា ២០២៦

ថ្ងៃទី៣០៖ ដូនជីកាតូលិកដែលលួចរត់ចេញពីអារាម

អានបន្ថែម

៨

កំណត់ហេតុបណ្ដាញ២៨ តុលា ២០២៦

ថ្ងៃទី២៩៖ គ្រូគង្វាលផ្នែករដ្ឋបាល

អានបន្ថែម

១១

កំណត់ហេតុបណ្ដាញ២៧ តុលា ២០២៦

ថ្ងៃទី២៨៖ សាស្ត្រាចារ្យដែលមានសុភមង្គល

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

កំណត់ហេតុបណ្ដាញ ធនធានផ្សេងៗ ព្រះបន្ទូល

តើខ្ញុំអាចរៀបការជាមួយស្ត្រីដែលមានអាយុក្មេងជាងខ្ញុំពាក់កណ្ដាលបានដែរឬទេ?

១២ វិច្ឆិកា ២០២៦អានរយៈពេល ១៤ នាទី

មើល១ដង

«ពីមុនមក ខ្ញុំមិនដែលមានបំណងប្រាថ្នាបែបនេះទេ។ ក៏ខ្ញុំមិនដែលគិតថា វានឹងអាចកើតឡើងបានដែរ។ ខ្ញុំមានអារម្មណ៍ថា ព្រះជាម្ចាស់បានព្រងើយកន្តើយចំពោះខ្ញុំ នៅពេលខ្ញុំឃើញមិត្តភក្ដិរបស់ខ្ញុំបានរៀបការ និងមានកូនចៅ ហើយហាក់បីដូចជាទទួលបានព្រះពរពីព្រះជាម្ចាស់ ហើយផ្ទុយទៅវិញ ខ្ញុំតែងតែនៅម្នាក់ឯង។ ហើយពេលនេះ នៅវ័យកណ្ដាលទៅហើយ ព្រះយេស៊ូវហាក់បីដូចជាបានផ្លាស់ប្ដូរខ្ញុំដែរ ពត់តម្រង់ខ្ញុំឲ្យក្លាយទៅជាប្ដី និងជាឪពុកដែរ។ មានស្ត្រីវ័យក្មេងម្នាក់ ដែលជាមិត្តរបស់ខ្ញុំ ហើយខ្ញុំបាទសម្គាល់ឃើញថា ខ្ញុំបានគិតពីនាងរហូត។ ប្រាកដណាស់ នាងមានវ័យក្មេងជាងខ្ញុំពាក់កណ្ដាល។ ខ្ញុំបាទចាស់អាចនឹងធ្វើជាឪពុកនាងបាន។ តើគម្លាតអាយុនេះអាចទទួលយកបានទេ នៅក្នុងចំណោមគ្រីស្ទបរិស័ទ?»។