អារក្សសាតាំង

ពេលដែលព្រះជាម្ចាស់ទម្លាក់សាតាំងចុះមក ដែលមានចែងក្នុងកណ្ឌគម្ពីរវិវរណៈ យើងឃើញថា កណ្ឌគម្ពីរនេះបានហៅ ពួកអារក្សទាំងនោះថាជា «ទេវតារបស់វា» (វិវរណៈ ១២:៩)។

៥ តុលា ២០១៧អានរយៈពេល ៦ នាទី

មើល២១៥៣ដង

យើ

ងបានដឹងខ្លះៗហើយពីអារក្ស នៅក្នុងជំពូក១ ប៉ុន្តែឥឡូវ ចូរយើងទៅឲ្យកាន់តែជ្រៅជាងនេះ។ មានខគម្ពីរពីរដែលអាចឆ្លើយនឹងសំណួរនេះ។ ក្នុងកណ្ឌគម្ពីរ ២ពេត្រុស សាវ័ក ពេត្រុស បានលើកឡើងអំពីពួកទេវតាដែលបានប្រព្រឹត្តបាប៖

«ដ្បិតបើព្រះជាម្ចាស់មិនបានអត់ឱនឲ្យពួកទេវតាដែលបានធ្វើបាបទេ ប៉ុន្តែបានទម្លាក់ពួកគេទៅក្នុងស្ថាននរក ហើយបានប្រគល់ឲ្យឃុំទុកនៅក្នុងសេចក្ដីងងឹត ដើម្បីជំនុំជម្រះ»។ (២ពេត្រុស ២:៤ គគខ)

ហើយក្នុងកណ្ឌគម្ពីរ យូដាស ក៏មានចែងដែរថា៖

«រីឯពួកទេវតាដែលមិនបានរក្សាឋានៈរបស់ខ្លួន ហើយបានបោះបង់ចោលលំនៅរបស់ខ្លួន នោះព្រះអង្គបានឃុំទុកក្នុងទីងងឹត ទាំងជាប់ចំណងអស់កល្បជានិច្ច ទុកសម្រាប់ជំនុំជម្រះនៅថ្ងៃដ៏អស្ចារ្យនោះ» (យូដាស ១:៦ គគខ)

តាមរយៈខនេះយើងឃើញថា ពួកទេវតាទាំងនោះធ្លាប់នៅស្ថានសួគ៌ («បានបោះបង់ចោលលំនៅរបស់ខ្លួន») ប៉ុន្តែ ពួកគេបានប្រព្រឹត្តបាបទាស់នឹងព្រះជាម្ចាស់ ពួកគេបះបោរទំនងជាពួកគេមិនពេញចិត្តនឹងឋានៈដែលព្រះជាម្ចាស់បានប្រទានឲ្យ («មិនបានរក្សាឋានៈរបស់ខ្លួន»)។

ចំពោះពួកទេវតាដែលបះបោរប្រឆាំងទាស់នឹងព្រះជាម្ចាស់ ជាទេវតាដែលពេញដោយអំពើបាប នោះនឹងត្រូវបោះទៅក្នុងនរក ហើយនឹងត្រូវជាប់ច្រវាក់រហូតដល់ថ្ងៃជំនុំជម្រះ។ នេះមិនមែនមានន័យថា អារក្សមិនអាចទៅនេះ ឬទៅនោះលើផែនដីនេះឡើយ ហើយក៏មិនមែនមានន័យថា ពួកវាមិនអាចប្រើអំណាចអូសទាញមនុស្សឲ្យធ្វើបាបនោះដែរ ពីព្រោះព្រះគម្ពីរសញ្ញាថ្មីបានផ្ដល់ជាភស្តុតាង និងអត្ថន័យថានោះឯងជាអ្វីដែលវាអាចធ្វើបាន។ មើលទៅព្រះគម្ពីរដូចជាចង់មានន័យដូចនេះថា ព្រះជាម្ចាស់បានទម្លាក់ពួកអារក្សសាតាំងចេញពីស្ថានសួគ៌ដែលមានពេញដោយព្រះពរ ដែលពីមុនពួកវាធ្លាប់បានដកពិសោធន៍ពីព្រះពរនោះ តែឥឡូវនេះ ព្រះជាម្ចាស់បានឃុំពួកវាក្នុងទីងងឹត ដែលទីនោះមានពេញដោយភាពឥតប្រយោជន៍ ហើយពួកវានឹងត្រូវជំនុំជម្រះនៅថ្ងៃជំនុំជម្រះ។

យោងតាមព្រះគម្ពីរ ហាក់បីដូចជាឃើញថា ពួកអារក្សទាំងនោះសុទ្ធតែស្ថិតនៅក្រោមអំណាចរបស់សាតាំងដែលវាក៏ជាទេវតាដែលបានធ្លាក់ក្នុងអំពើបាបផងដែរ។ ពេលដែលព្រះជាម្ចាស់ទម្លាក់សាតាំងចុះមក ដែលមានចែងក្នុងកណ្ឌគម្ពីរវិវរណៈ យើងឃើញថា កណ្ឌគម្ពីរនេះបានហៅ ពួកអារក្សទាំងនោះថាជា «ទេវតារបស់វា» (វិវរណៈ ១២:៩)។

អស់អ្នកដែលទាស់នឹងព្រះយេស៊ូវបានធ្លាប់លើកឡើងថា សាតាំងជាមេដ៏ធំបំផុតក្នុងចំណោមពួកអារក្ស ទោះបើយើងមិនដឹងយ៉ាងច្បាស់ថា តើពួកគាត់បានព័ត៌មាននោះពីប្រភពដែលអាចទុកចិត្តបានឬក៏អត់ (ម៉ាថាយ ៩:៣៤)។ កណ្ឌគម្ពីរផ្សេងៗបានផ្ដល់ឈ្មោះលើអារក្សថា «ចៅហ្វាយរបស់លោកីយ៍នេះ» ឬ «មេគ្រប់គ្រងរាជ្យលើអាកាស» (យ៉ូហាន ១៦:១១; អេភេសូរ ២:២) ដែលនេះសបង្ហាញថា សាតាំងមានអំណាច។ លើសពីនោះទៅទៀត មើលទៅសាតាំងហាក់បីដូចជាមានសិទ្ធិចូលទៅគាល់ព្រះជាម្ចាស់បានទៀតផង ពីព្រោះវាអាចចោទប្រកាន់គ្រីស្ទបរិស័ទនៅចំពោះព្រះភក្ត្រព្រះជាម្ចាស់ ក៏ដូចជាល្បួងព្រះយេស៊ូវនៅក្នុងទីរហាស្ថានទៀតផង (វិវរណៈ ១២:១០; ម៉ាថាយ ៤:១-១១)។

ទោះបើយើងឃើញយ៉ាងច្បាស់ថា អារក្សសាតាំងមានអំណាចខាងឯព្រលឹងវិញ្ញាណ ក៏យើងនៅតែដឹងដែរថា អំណាចរបស់ពួកវានៅមានព្រំដែន។ ពេលខ្លះ ពួកវាវាយលុកមនុស្សលោកបែបជាក្រុម ដែលនេះសបញ្ជាក់ឲ្យឃើញថា បើអំណាចរបស់ពួកវាគ្មានព្រំដែន នោះពួកវាមិនចាំបាច់ធ្វើបែបហ្នឹងនោះទេ (លូកា ៨:២)។ អារក្សខ្លះអាក្រក់ជាងអារក្សខ្លះទៀត ពោលគឺសមត្ថភាពនៃការធ្វើអាក្រក់របស់ពួកវាមានឋានៈ (ម៉ាថាយ ១២:៤៥)។ ពួកវាមិនមានសមត្ថភាពនៅគ្រប់ទីកន្លែងក្នុងពេលតែមួយដូចព្រះជាម្ចាស់នោះឡើយ ប៉ុន្តែពួកវាត្រូវតែទៅនេះទៅនោះ ដូចអ្វីៗផ្សេងៗទៀតដែលព្រះជាម្ចាស់បានបង្កើតផងដែរ (លូកា ១២:៤៣)។ ពួកវាក៏មិនអាចដឹងគ្រប់អ្វីៗទាំងអស់នោះទេ ដ្បិតមានតែព្រះជាម្ចាស់មួយអង្គគត់ដែលជ្រាបពីអនាគត ហើយក៏មានតែព្រះអង្គមួយគត់ដែលជ្រាបអំពីចិត្តគំនិត និងបំណងចិត្តរបស់យើងបាន (អេសាយ ៤៦:៩-១០; វិវរណៈ ២:២៣; ហេព្រើរ ៤:១២-១៣)។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ Mike McKinley

បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់, និងលោក ទេព រ៉ូ

ដកស្រង់ខ្លះៗចេញពី Did the Devil Make Me Do it? ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៦៣៤៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១១

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៤

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

៧៥

កំណត់ហេតុបណ្ដាញ១៨ សីហា ២០២៦

រូបភាពអាសអាភាស និងការទប់ទល់នឹងអំណាចនៃសេចក្ដីល្បួង

នៅថ្ងៃទី០១ ខែមេសា ឆ្នាំ២០០១ លោកគ្រូបានអធិប្បាយនៅព្រះវិហារមួយនៅកណ្ឌគម្ពីរ រ៉ូម:៧។ អត្ថបទនោះមានចំណងជើងថា «សារៈសំខាន់នៃការស្គាល់អំពើបាប…

អានបន្ថែម

៤៣៦

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៩៥

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៧៥

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម