លទ្ធផលនៃការមើលរូបអាសអាភាសដែលឥតគិតថ្លៃ

ទំហំនៃគ្រោះថ្នាក់ដោយសារការមើលរូបភាព ឬក៏វីដេអូអាសអាភាស វាធំខ្លាំងណាស់។

៣០ មីនា ២០១៧អានរយៈពេល ១៤ នាទី

មើល៤៥៩៦ដង២មតិ

លោ

ក ធែរី ហ្គ្រូវស៍ (Terry Crews) ជាបុរសម្នាក់ដែលទទួលបានជោគជ័យជាច្រើន៖ គាត់ជាអ្នកលេងបាល់ NFL អាជីព ជាអ្នកថតកុន ហើយបើនិយាយឲ្យខ្លីទៅ គាត់ជាបុរសម្នាក់ដែលមើលទៅអស្ចារ្យខ្លាំងណាស់។ ប៉ុន្តែ គាត់ក៏មានលក្ខណសម្បត្តិមួយផ្សេងទៀតដែលខុសពីអ្នកដទៃដែរ៖ នៅក្នុងយុគសម័យនៃភាពពេញនិយមក្នុងការរួមភេទ គាត់បែរជាមានប្រសាសន៍ទាក់ទងនឹងគ្រោះថ្នាក់នៃការមើលរូបអាសអាភាសទៅវិញ។ គាត់បាននិយាយសារភាពនៅក្នុងវីដេអូខ្លីមួយថា «គ្រប់ពេលដែលខ្ញុំមើលរូបភាព ឬក៏វីដេអូអាសអាភាស វាតែងតែមានរនាំងមួយមកឃាំងខ្ញុំ។ វាដូចជាមានដុំឥដ្ឋមួយដុំថែមទៀតមកឃាំងប្រពន្ធខ្ញុំ និងខ្ញុំ»។

តម្លៃខ្លះៗដែលយើងនឹងត្រូវខាតបង់នោះគឺ ខ្លួនឯង គ្រួសាររបស់យើង ក្រុមជំនុំរបស់យើង និងព័ន្ធកិច្ចរបស់យើង ប៉ុន្តែចូរចាំថា ព្រះគ្រីស្ទបានបង់ថ្លៃលោះសម្រាប់ការទាំងអស់នោះរួចហើយ ជាពិសេសចំពោះអស់អ្នកដែលព្រមទទួលជឿ ហើយដើរតាមទ្រង់។

ទីបន្ទាល់របស់លោក ហ្គ្រូស៍ (Crews) បានធ្វើឲ្យមានការឆ្លើយតបយ៉ាងខ្លាំងនៅលើប្រព័ន្ធផ្សព្វផ្សាយក្នុងសង្គម (social media)។ មនុស្សជាច្រើនបានកត់សម្គាល់ឃើញពីភាពគ្រោះថ្នាក់នៃការមើលរូបភាព ឬវីដេអូអាសអាភាសដែលប៉ះពាល់ដល់ខ្លួនផ្ទាល់។ តាមពិត គ្មានអ្នកណាអាចនឹងមើលរំលងពីគ្រោះថ្នាក់នៃផលប៉ះពាល់នោះបានឡើយ។ ទំហំនៃគ្រោះថ្នាក់ដោយសារការមើលរូបភាព ឬក៏វីដេអូអាសអាភាស វាធំខ្លាំងណាស់។ សូម្បីតែការមើលរូបភាព ឬក៏វីដេអូអាសអាភាសដោយឥតគិតថ្លៃក៏នៅតែមានផលកម្មខ្ពស់ដែរ។ លើសពីការបង្ខូចខួរក្បាល និងការបំផ្លាញទំនាក់ទំនងរបស់យើងជាមួយអ្នកដ៏ទៃ ការមើលរូបភាព ឬក៏វីដេអូអាសអាភាសក៏ថែមទាំងរារាំងព័ន្ធកិច្ចរបស់ព្រះយេស៊ូវនៅលើផែនដីនេះដែរ។ ខាងក្រោមនេះជាហេតុផលបីយ៉ាងដែលកើតមកពីការមើលរូបភាព ឬក៏វីដេអូអាសអាភាសដែលអាចរារាំងព័ន្ធកិច្ចរបស់ព្រះយេស៊ូវ ហើយខ្ញុំក៏បានលើកឡើងអំពីក្ដីសង្ឃឹមខ្លះៗសម្រាប់យើងទាំងអស់គ្នា ដែលជាមនុស្សមានបាបផងដែរ៖

១.

ការមើលរូបភាព ឬក៏វីដេអូអាសអាភាសរារាំងព័ន្ធកិច្ចរបស់ព្រះជាម្ចាស់នៅក្នុងជីវិតផ្ទាល់ខ្លួនរបស់យើង

ព្រះជាម្ចាស់មានព័ន្ធកិច្ចជាច្រើនដែលទ្រង់ចង់បំពេញតាមរយៈរាស្ត្ររបស់ទ្រង់។ ព្រះអង្គមិនប្រើប្រាស់មនុស្សដ៏ល្អឥតខ្ចោះនៅក្នុងនគររបស់ទ្រង់ឡើយ។ សព្វថ្ងៃនេះ អ្នកជឿគ្រប់រូបដែលបានកើតជាថ្មីហើយត្រូវតែបន្តតយុទ្ធជាមួយ «មនុស្សចាស់» ជាដាច់ខាត (២កូរិនថូស ៥:១៧; កូឡូស ៣:៩-១០)។ យើងចង់បោះបង់អំពើបាបរបស់យើងចោល ប៉ុន្តែលុះត្រាតែព្រះជាម្ចាស់សម្រេចការនេះ ដូច្នេះយើងត្រូវតែបន្តរស់នៅក្នុងការតយុទ្ធតទៅទៀត។ យើងមិនត្រូវព្រងើយកន្តើយចំពោះសាច់ឈាមរបស់យើងនោះឡើយ (រ៉ូម ៨:១៣; កូឡូស ៣:៥)។

បើនិយាយឲ្យខ្លីទៅ ខ្ញុំមិនដែលឮអ្នកជឿព្រះយេស៊ូវលើកឡើងថា គាត់កំពុងតែមានភាពឆេះឆួលក្នុងការសិក្សាព្រះគម្ពីរ និងក្នុងការអធិស្ឋាន នៅពេលដែលគាត់កំពុងបំពេញចំណង់ចិត្តរបស់គាត់ខាងឯសាច់ឈាមម្ដងហើយម្ដងទៀតនោះទេ។

ប៉ុន្តែ នៅពេលដែលយើងចុះចូលចំពោះការមើលរូបភាព ឬក៏វីដេអូអាសអាភាស គឺមានន័យថា យើងបានអនុញ្ញាតឲ្យជីវិតខាងឯព្រលឹងវិញ្ញាណរបស់យើងចុះខ្សោយហើយ។ បើនិយាយឲ្យខ្លីទៅ ខ្ញុំមិនដែលឮអ្នកជឿព្រះយេស៊ូវលើកឡើងថា គាត់កំពុងតែមានភាពឆេះឆួលក្នុងការសិក្សាព្រះគម្ពីរ និងក្នុងការអធិស្ឋាន នៅពេលដែលគាត់កំពុងបំពេញចំណង់ចិត្តរបស់គាត់ខាងឯសាច់ឈាមម្ដងហើយម្ដងទៀតនោះទេ។ នៅក្នុងជីវិតផ្ទាល់ខ្លួនរបស់យើងម្នាក់ៗ អំពើបាបតែងតែនាំឲ្យយើងបរាជ័យ ពោលគឺមិនមែនគ្រាន់តែក្នុងចំណុចបរិសុទ្ធរបស់យើងខាងឯផ្លូវភេទនោះទេ ប៉ុន្តែថែមទាំងធ្វើឲ្យយើងបរាជ័យក្នុងគ្រប់ជ្រុងជ្រោយនៃជីវិតបរិសុទ្ធទាំងមូលផងដែរ (រ៉ូម ១២:២; ១ថែស្សាឡូនីច ៤:៣)។ ការមើលរូបភាព ឬក៏វីដេអូអាសអាភាសនឹងបង្វែរចិត្តលោកអ្នកឲ្យលែងអើពើចំពោះប្ដីប្រពន្ធខ្លួន ហើយយើងក៏នឹងចាប់ផ្ដើមឈប់រវីរវល់ចំពោះកូនចៅដែរ។ យើងនឹងឈប់ឈោងចាប់អ្នកមិនជឿនៅកន្លែងធ្វើការ ក៏ដូចជាអ្នកជិតខាងរបស់យើងដែរ ព្រោះយើងដឹងថា យើងកំពុងតែរស់នៅក្នុងសេចក្ដីកុហក និងភាពរអៀសខ្លួន។ ការដែលយើងព្យាយាមបំពេញភាពស្កប់ស្កល់ខាងឯភាពត្រេកត្រអាលរបស់យើងនឹងរារាំងទំនាក់ទំនងផ្ទាល់ខ្លួនរបស់យើងជាមួយព្រះគ្រីស្ទ។

២.

ការមើលរូបភាព ឬក៏វីដេអូអាសអាភាសរារាំងព័ន្ធកិច្ចរបស់ព្រះជាម្ចាស់នៅក្នុងជីវិតក្រុមជំនុំរបស់យើង

នៅពេលដែលសមាជិកណាម្នាក់ក្នុងក្រុមជំនុំ ចុះចូលចំពោះការបំពេញបំណងប្រាថ្នារបស់ខ្លួនខាងឯសាច់ឈាម នោះមានន័យថា គាត់បានបន្ថយភាពរស់រវើកនៅក្នុងក្រុមជំនុំនោះហើយ។ អ្នកដឹកនាំក្នុងក្រុមជំនុំណាដែលមើលរូបភាព ឬក៏វីដេអូអាសអាភាសជាទម្លាប់នឹងឈប់មើលថែចៀមរបស់ខ្លួន ព្រោះគាត់បានឈប់មើលថែខ្លួនឯងហើយ។ ប្រសិនបើសមាជិកដែលមានអំណោយទានក្នុងការបម្រើបែរជាបណ្ដោយខ្លួនឲ្យទៅមើលរូបភាព ឬក៏វីដេអូអាសអាភាសឥតឈប់ឈរ នោះគាត់នឹងចាប់ផ្ដើមលែងមានចិត្តចង់ជួយក្រុមជំនុំ ក៏ដូចជាឈោងចាប់អ្នកមិនទាន់ជឿផ្សេងទៀត។ នៅពេលណាអ្នកដឹកនាំ និងសមាជិកក្រុមជំនុំចាប់ផ្ដើមឃ្លាតចេញពីព្រះ នោះពួកគាត់នឹងលែងជួយអ្នកដែលមានតម្រូវការទៀតហើយ។

ក្រុមជំនុំនៅគ្រប់ទីកន្លែង មិនថាតូច ឬធំ សុទ្ធតែមានចំណែកក្នុងការបំពេញមហាបេសកកម្មរបស់ព្រះយេស៊ូវ (ម៉ាថាយ ២៨:១៨-២០)។ ប៉ុន្តែ នៅពេលដែលអ្នកជឿបណ្ដោយខ្លួនឲ្យធ្លាក់ ក៏ដូចជាចុះចូលចំពោះភាពត្រេកត្រអាលរបស់ខ្លួន នោះមានន័យថា ពួកគាត់ក៏បានអនុញ្ញាតឲ្យពន្លឺនៃដំណឹងល្អអន់ខ្សោយចុះដែរ។ ដោយសារសមាជិកមានភាពកម្សោយ នោះមានន័យថា ព័ន្ធកិច្ចក្រុមជំនុំទៅកាន់អ្នកជិតខាងក៏នឹងធ្លាក់ចុះផងដែរ។

៣.

ការមើលរូបភាព ឬក៏វីដេអូអាសអាភាសរារាំងព័ន្ធកិច្ចរបស់ព្រះជាម្ចាស់នៅលើផែនដីទាំងមូល

នៅពេលដែលសមាជិកក្រុមជំនុំមិនលន់តួបាបខ្លួន នោះមានន័យថា ព័ន្ធកិច្ចរួមគ្នានៅក្នុងក្រុមជំនុំនោះនឹងមានការអន់ថយដែរ។ បុរស និងស្ត្រីដែលធ្លាប់មានចិត្តឆេះឆួលក្នុងការលះបង់អ្វីៗទាំងអស់ចោល ដើម្បីចេញទៅផ្សាយដំណឹងល្អនៅលើលោកនេះ នឹងលែងចង់ចេញទៅទៀត ព្រោះពួកគាត់ចង់នៅផ្ទះ អស់កម្លាំង ហើយក៏បានលង់ក្នុងភាពងប់ងុលនៃលោកីយ៍នេះ។ អ្នកដឹកនាំដែលមានអំណោយទានក្នុងការលើកទឹកចិត្តក្រុមជំនុំឲ្យថ្វាយតង្វាយច្រើនជាងមុន ក៏ដូចជាផ្ដោតទៅលើការចេញទៅផ្សាយដំណឹងល្អ នឹងមិនហើបមាត់ទៀតឡើយ ព្រោះពួកគាត់ខ្លាចមានគេដឹងពីអំពើបាបអាថ៌កំបាំងរបស់ខ្លួន។ សរុបសេចក្ដីទៅ ក្រុមជំនុំទាំងមូលនឹងគិតតែពីខ្លួនឯង ដែលនោះជាហេតុដែលនឹងបណ្ដាលឲ្យមនុស្សបាត់បង់មិនបានឮដំណឹងល្អសូម្បីតែពាក្យមួយម៉ាត់សោះ។ នៅពេលដែលយើងអនុញ្ញាតឲ្យការមើលរូបភាព ឬក៏វីដេអូអាសអាភាសមករារាំងមហាបេសកកម្មរបស់ព្រះជាម្ចាស់ នោះក៏មានន័យថា នឹងមានមនុស្សជាច្រើនរងទុក្ខហើយ។

ទោះបើថានេះជាការសោកស្ដាយដ៏ធំក៏ដោយ ក៏វាមិនទាន់ធំបំផុតនៅឡើយដែរ។ បញ្ហាដ៏ធំនោះគឺ៖ ព្រះជាម្ចាស់មិនបានទទួលសិរីល្អដែលទ្រង់ស័ក្តិសមនឹងទទួលបានពីគ្រប់ជាតិសាសន៍នៅលើផែនដីនេះ ដែលពួកគេគួរសរសើរតម្កើងទ្រង់។ ព្រះយេស៊ូវមិនបានទតឃើញក្រុមជំនុំរបស់ព្រះអង្គ ចេញទៅបង្កើតសិស្សតាមព្រះរាជបញ្ជារបស់ទ្រង់ដែលថា «ចូរទៅបង្កើតសិស្ស» នោះទេ ផ្ទុយទៅវិញ ទ្រង់បែរជាទតឃើញពួកគេលង់ស្នេហ៍ដោយងប់ងុលនឹងសាច់ឈាមរបស់ខ្លួន ជាជាងព្រះយេស៊ូវដែល «បានទទួលសិទ្ធិអំណាចទាំងអស់ ទាំងនៅស្ថានសួគ៌ និងនៅផែនដី» ទៅវិញ (ម៉ាថាយ ២៨:១៨ គគខ)។

ព្រះយេស៊ូវមិនចាំបាច់ត្រូវការការអនុញ្ញាតពីនរណាម្នាក់ទេ

ចំពោះក្រុមជំនុំដែលកំពុងអន់ថយ ចូរកុំទាន់បាក់ទឹកចិត្តឡើយ ព្រោះនៅមានដំណឹងល្អនៅឡើយ៖ យើងមិនបំពេញព័ន្ធកិច្ចរបស់ព្រះជាម្ចាស់ដោយពឹងលើកម្លាំងខ្លួនឯងទេ។ ក្រុមជំនុំកើតចេញមកពីព្រះគ្រីស្ទ ដឹកនាំដោយព្រះគ្រីស្ទ ហើយក៏មានការគាំទ្រដោយព្រះគ្រីស្ទដែរ។ ព្រះជាម្ចាស់មិនបានបោះបង់យើងចោលឲ្យនៅឯកាម្នាក់ឯងក្នុងការដោះស្រាយអំពើបាបរបស់ខ្លួនទេ។ តែផ្ទុយទៅវិញ ព្រះគម្ពីរបានបង្ហាញថា ព្រះគ្រីស្ទបានដេញតាមរាស្ត្ររបស់ទ្រង់ដោយគ្មានការរាថយឡើយ ហើយទ្រង់ក៏ពេញដោយព្រះគុណក្នុងការសង្គ្រោះពួកគេដែរ។

ការដែលយើងព្យាយាមបំពេញភាពស្កប់ស្កល់ខាងឯភាពត្រេកត្រអាលរបស់យើងនឹងរារាំងទំនាក់ទំនងផ្ទាល់ខ្លួនរបស់យើងជាមួយព្រះគ្រីស្ទ។

ព្រះយេស៊ូវមិនរង់ចាំការអនុញ្ញាតពីអ្នកណាទេ។ បើប្រៀបធៀបនឹងអ្នកផ្សព្វផ្សាយផលិតផលអ្វីមួយ គឺព្រះយេស៊ូវមិនខ្សោយដូចពួកគេទេ។ ដូច្នេះ ចូរកុំគិតថា យើងនឹងពិបាកក្នុងការទៅរកទ្រង់នោះឡើយ។ ព្រះយេស៊ូវបានត្រាស់ហៅបុរសសាមញ្ញៗឲ្យមកធ្វើជាសិស្សរបស់ទ្រង់។ ព្រះយេស៊ូវបានទៅព្យាបាលអស់អ្នកដែលឈឺ។ ព្រះយេស៊ូវបានប្រោសមនុស្សស្លាប់ឲ្យរស់ឡើងវិញ។ ព្រះយេស៊ូវបានយាងទៅសុគតលើឈើឆ្កាងជំនួសមនុស្សមានបាប ទ្រង់បានសង្គ្រោះពួកគេ ហើយក៏បាននាំពួកគេឲ្យមានការរួបរួមជាមួយនឹងទ្រង់ផ្ទាល់ផងដែរ។ យើងនឹងត្រូវបង់ថ្លៃយ៉ាងខ្ពស់ចំពោះការមើលរូបភាព ឬក៏វីដេអូអាសអាភាស។ តម្លៃខ្លះៗដែលយើងនឹងត្រូវខាតបង់នោះគឺ ខ្លួនឯង គ្រួសាររបស់យើង ក្រុមជំនុំរបស់យើង និងព័ន្ធកិច្ចរបស់យើង។ ប៉ុន្តែ ចូរចាំថា ព្រះគ្រីស្ទបានបង់ថ្លៃលោះសម្រាប់ការទាំងអស់នោះរួចហើយ ជាពិសេសចំពោះអស់អ្នកដែលព្រមទទួលជឿ ហើយដើរតាមទ្រង់។

ការយល់ដឹងរបស់យើងអំពីព្រះយេស៊ូវមានអត្ថប្រយោជន៍ណាស់ទាក់ទងនឹងការតយុទ្ធរបស់យើងចំពោះការមើលរូបភាព និងវីដេអូអាសអាភាស។ ព្រះយេស៊ូវជ្រាបថា យើងជាអ្នកណា ទ្រង់ជ្រាបថា យើងមិនគួរធ្វើនូវអ្វីដែលយើងមិនគួរធ្វើទេ ប៉ុន្តែ ទ្រង់នឹងមិនបោះបង់យើងចោលឡើយ។ ព្រះអង្គនឹងចេញទៅរកចៀមដែលបាត់បង់ សូម្បីតែមួយក៏ព្រះអង្គនឹងចេញទៅដែរ (លូកា ១៥:១-៧)។ ព្រះអង្គប្រទានកម្លាំងដល់យើង ទោះបីជានៅពេលដែលទ្រង់ស្ដីបន្ទោសយើង ក៏ព្រះអង្គនៅតែស្ដារយើងឡើងវិញដែរ។ អារក្សសាតាំងរករឿងយើង ហើយព្យាយាមបំផ្លាញយើង ប៉ុន្តែ ព្រះយេស៊ូវវិញ ទ្រង់អធិស្ឋានជំនួសយើង ហើយប្រទានកម្លាំងដល់យើង ដើម្បីឲ្យយើងអាចយកជ័យជម្នះតាមរយៈព្រះវិញ្ញាណរបស់ទ្រង់ (រ៉ូម ៨:៣៧; ហេព្រើរ ៧:២៥; វិវរណៈ ១២:១០-១២)។ ទោះបីជាព័ន្ធកិច្ចមិនសូវសកម្មក៏ដោយ ក៏ព្រះយេស៊ូវនឹងធ្វើឲ្យវារស់រវើកឡើងវិញបានដែរ។

ខ្លាំងជាងការមើលរូបភាព ឬក៏វីដេអូអាសអាភាសទៅទៀត

តម្រូវការដ៏ធំបំផុតសម្រាប់គ្រីស្ទបរិស័ទក្នុងការតយុទ្ធជាមួយការមើលរូបភាព ឬក៏វីដេអូអាសអាភាស គឺមិនមែនជាអាវុធថ្មី ឬក៏វិធីថ្មីនោះទេ ប៉ុន្តែគឺយើងត្រូវការព្រះគ្រីស្ទផ្ទាល់! ព្រះយេស៊ូវគឺជាចម្លើយចំពោះអ្នកជឿណាដែលខ្សោយខាងឯវិញ្ញាណដែលពួកគាត់ខ្សោយរហូតដើរទៅមុខលែងរួច។ ព្រះយេស៊ូវនឹងដាស់អ្នកដែលកំពុងគេងឲ្យភ្ញាក់ឡើង ហើយប្រទានកម្លាំងដល់ពួកអ្នកខ្សោយ។ ព្រះយេស៊ូវ គឺជាចម្លើយចំពោះក្រុមជំនុំដែលមិនសូវមានការរស់រវើក។ ព្រះអង្គនឹងប្រទានកម្លាំងដល់ដៃអ្នកដឹកនាំ និងសមាជិកក្រុមជំនុំ ដោយជួយពួកគេឲ្យមានការយល់ដឹងអំពីព្រះរាជបុត្រារបស់ព្រះជាម្ចាស់ជាថ្មី និងជួយពួកគេឲ្យស្ដាប់បង្គាប់ព្រះវរបិតាដោយបំពេញព័ន្ធកិច្ចដែលទ្រង់បានប្រទានដល់ពួកគេ (យ៉ូហាន ៦:៣៨)។ ព្រះយេស៊ូវនឹងស្ដារក្ដីសង្ឃឹម ព្រមទាំងគោលបំណងឡើងវិញចំពោះអស់អ្នកដែលមិនសូវមានភាពឆេះឆួលក្នុងការបម្រើព័ន្ធកិច្ចរបស់ទ្រង់។

ប្រសិនបើក្រុមជំនុំណាមួយអនុញ្ញាតឲ្យសមាជិកមើលរូបភាព ឬក៏វីដេអូអាសអាភាស ការអនុញ្ញាតបែបនោះនឹងធ្វើឲ្យក្រុមជំនុំកាន់តែខ្សោយទៅៗ។ តែចូរសរសើរព្រះជាម្ចាស់ ព្រោះព្រះយេស៊ូវទ្រង់ខ្លាំងជាងការមើលរូបភាព និងវីដេអូអាសអាភាសទៅទៀត។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ Owen Strachan

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ លោក ជួប ប៊ុនហាក់ និងលោក ទេព រ៉ូ

ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

៤ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៨

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១១១

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១១

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧១

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៣១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 2

Kanitha៣០ តុលា ២០១៨
ខ្ញុំត្រូវការអោយជួយបង្ហាត់បង្រៀនរបៀបនេះអោយទូលាយថែមទៀតពីព្រោះលៅកីយ៍អាក្រក់ហើយសេរីភាពណាស់!
1. plovpit.com១២ វិច្ឆិកា ២០១៨
  បាទ បង បងអាចយកមេរៀនទាំងនេះ ទៅបង្រៀនដល់ពួកជំនុំ ឲ្យជៀសវាងគេចចេញពីអំពើបាបមួយនេះទាំក់ទងនឹងការមើលរូបភាព និងវីដេអូអាសអាភាស។ នៅស្រុកខ្មែរសំបូរណាស់ ហើយក៏មានករណីរំលោភ សម្លាប់ច្រើនផងដែរ ។ ក្នុងនាមយើងគ្រីស្ទបរិស័ទ យើងគួរតែគេចចេញ ហើយ អន្តរគមន៏លើបញ្ហាមួយនេះ សូមអធិស្ឋានដល់ពួកជំនុំទាំងអស់ ។ សូមព្រះប្រទានពរ!!!

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

លទ្ធផលនៃការមើលរូបអាសអាភាសដែលឥតគិតថ្លៃ

៣០ មីនា ២០១៧អានរយៈពេល ១៤ នាទី

មើល៤៥៩៦ដង២មតិ

Kanitha៣០ តុលា ២០១៨

ខ្ញុំត្រូវការអោយជួយបង្ហាត់បង្រៀនរបៀបនេះអោយទូលាយថែមទៀតពីព្រោះលៅកីយ៍អាក្រក់ហើយសេរីភាពណាស់!

plovpit.com១២ វិច្ឆិកា ២០១៨
បាទ បង បងអាចយកមេរៀនទាំងនេះ ទៅបង្រៀនដល់ពួកជំនុំ ឲ្យជៀសវាងគេចចេញពីអំពើបាបមួយនេះទាំក់ទងនឹងការមើលរូបភាព និងវីដេអូអាសអាភាស។ នៅស្រុកខ្មែរសំបូរណាស់ ហើយក៏មានករណីរំលោភ សម្លាប់ច្រើនផងដែរ ។ ក្នុងនាមយើងគ្រីស្ទបរិស័ទ យើងគួរតែគេចចេញ ហើយ អន្តរគមន៏លើបញ្ហាមួយនេះ សូមអធិស្ឋានដល់ពួកជំនុំទាំងអស់ ។ សូមព្រះប្រទានពរ!!!

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធ​ដោយ៖ លោក​គ្រូ Owen Strachan

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ លោក ជួប ប៊ុនហាក់ និង​លោក ទេព រ៉ូ

ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

សំ​ណួរ​ដែល​បណ្តាល​ចិត្ត​៖ វិ​ធី​សាស្ត្រ​ថ្មី ​ក្នុង​ការ​ពិភាក្សា​នៅ​ក្នុង​ក្រុម​តូច

តើ​ស្ត្រី​នឹង​​បាន​សង្គ្រោះ​ក្នុង​កាលដែល​បង្កើត​កូន ​មាន​ន័យយ៉ាង​ដូច​ម្ដេច​? (១ធីម៉ូថេ ២)

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធ​ដោយ៖ លោក​គ្រូ Owen Strachan

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ លោក ជួប ប៊ុនហាក់ និង​លោក ទេព រ៉ូ

ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

សំ​ណួរ​ដែល​បណ្តាល​ចិត្ត​៖ វិ​ធី​សាស្ត្រ​ថ្មី ​ក្នុង​ការ​ពិភាក្សា​នៅ​ក្នុង​ក្រុម​តូច

តើ​ស្ត្រី​នឹង​​បាន​សង្គ្រោះ​ក្នុង​កាលដែល​បង្កើត​កូន ​មាន​ន័យយ៉ាង​ដូច​ម្ដេច​? (១ធីម៉ូថេ ២)

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

និពន្ធដោយ៖ លោកគ្រូ Owen Strachan

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ លោក ជួប ប៊ុនហាក់ និងលោក ទេព រ៉ូ

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

និពន្ធដោយ៖ លោកគ្រូ Owen Strachan

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ លោក ជួប ប៊ុនហាក់ និងលោក ទេព រ៉ូ

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)