យាននៃការទទួលបានភាពអរសប្បាយ

ចំណុចសំខាន់ដែលខ្ញុំកំពុងលើកឡើងនេះគឺ៖ លោកអ្នកនឹងមិនដែលមានអារម្មណ៍បែបនេះឡើយ ហើយលោកអ្នកក៏នឹងមិនប្ដូរជីវិតរបស់ខ្លួន ដើម្បីបង្ហាញពីព្រះជាម្ចាស់តាមរយៈការស្កប់ស្កល់នៅក្នុងទ្រង់ដែរ លុះត្រាតែលោកអ្នកទទួលស្គាល់ថា ចំណុចស្នូលនៃការអាក្រក់គឺការមិនស្កប់ស្កល់នៅក្នុងព្រះជាម្ចាស់។

២៤ មករា ២០១៨អានរយៈពេល ៤ នាទី

មើល៥៤៤ដង

ការ

ព្យាយាមត្រាប់តាមបញ្ញត្តិរបស់ព្រះជាម្ចាស់ មិនបានបង្ហាញឲ្យឃើញនូវសេចក្ដីអស្ចារ្យនៃភាពឧដុង្គឧត្ដមរបស់ព្រះអង្គឡើយ។ សាសនាណាក៏ដូចសាសនាណាដែរ គឺពួកគេសុទ្ធតែព្យាយាមធ្វើបែបនោះ ហើយការដែលគ្រាន់តែត្រាប់តាមបែបនោះ គឺមិនបង្ហាញឲ្យឃើញពីភាពអស្ចារ្យរបស់ព្រះជាម្ចាស់ឡើយ។ ការត្រាប់តាមបញ្ញត្តិ គឺគ្រាន់តែធ្វើឲ្យលោកអ្នកមើលទៅមានលក្ខណៈជាមនុស្សដែលមានសីលធម៌ល្អប៉ុណ្ណោះ។ ផ្ទុយទៅវិញ ការបង្ហាញពីសេចក្ដីអស្ចារ្យនៃភាពឧដុង្គឧត្ដមរបស់ព្រះជាម្ចាស់គឺ៖ លោកអ្នកមានភាពស្កប់ស្កល់នៅក្នុងទ្រង់ជាងអ្វីៗទាំងអស់ ជាពិសេសនៅពេលដែលលោកអ្នកកំពុងប្រឈមមុខនឹងការរងទុក្ខលំបាក។ ចំណុចសំខាន់ដែលខ្ញុំកំពុងលើកឡើងនេះគឺ៖ លោកអ្នកនឹងមិនដែលមានអារម្មណ៍បែបនេះឡើយ ហើយលោកអ្នកក៏នឹងមិនប្ដូរជីវិតរបស់ខ្លួន ដើម្បីបង្ហាញពីព្រះជាម្ចាស់តាមរយៈការស្កប់ស្កល់នៅក្នុងទ្រង់ដែរ លុះត្រាតែលោកអ្នកទទួលស្គាល់ថា ចំណុចស្នូលនៃការអាក្រក់គឺការមិនស្កប់ស្កល់នៅក្នុងព្រះជាម្ចាស់។

ខ្ញុំឆ្ងល់ណាស់ថា តើមានមនុស្សប៉ុន្មាននាក់ធ្វើល្អដោយមិនបានពឹងលើចំណុចនេះ? ប្រសិនបើលោកអ្នកមិនមានចំណាប់អារម្មណ៍លើចំណុចនេះទេ នោះមានន័យថា គ្រប់ពេលវេលាដែលលោកអ្នកកំពុងតយុទ្ធ គឺលោកអ្នកពឹងលើការប្រព្រឹត្តរបស់ខ្លួនដោយគិតថា «តាមពិត ខ្ញុំមិនគួរធ្វើនេះ ឬក៏ធ្វើនោះ ឬក៏ខ្ញុំគួរធ្វើនេះ ឬក៏ធ្វើនោះថែមទៀត»។ ទង្វើបែបនោះធ្វើឲ្យអារក្សសាតាំងអស់សំណើចយ៉ាងខ្លាំង ព្រោះលោកអ្នកនឹងមិនមានជ័យជម្នះនៅក្នុងសង្គ្រាមនេះដោយប្រើការប្រព្រឹត្តិធ្វើជាអាវុធបានឡើយ។ ទីតាំងនៃសង្គ្រាមនោះ គឺនៅក្នុងជម្រៅចិត្តរបស់លោកអ្នក។ តើលោកអ្នកស្រឡាញ់អ្វី? តើលោកអ្នកចូលចិត្តថ្នាក់ថ្នមអ្វី? តើអ្វីទៅដែលធ្វើឲ្យលោកអ្នកមានចិត្តស្កប់ស្កល់? តើលោកអ្នកកំពុងតយុទ្ធក្នុងសង្គ្រាមនោះដែរឬទេ? នោះហើយជាសង្គ្រាមដែលបង្កើតឲ្យមានការល្អ និងសម្លាប់ការអាក្រក់។

មូលហេតុដែលខ្ញុំលើកឡើងអំពីចំណុចស្នូលនៃការអាក្រក់ គឺព្រោះការមានភាពឆេះឆួលគឺជាភាពឧដុង្គឧត្តមរបស់ព្រះជាម្ចាស់។ លោកអ្នកនឹងមិនអាចបង្ហាញអំពីសេចក្ដីអស្ចារ្យនៃភាពឧដុង្គឧត្តមរបស់ព្រះជាម្ចាស់បានឡើយ លុះត្រាតែលោកអ្នកទទួលស្គាល់ចំណុចសំខាន់នៃអំពើបាប៖ ការចង់បានអ្វីមួយផ្សេងទៀតក្រៅពីព្រះជាម្ចាស់។ លោកអ្នកគួរតែស្អប់ចំណុចនេះ!

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ John Piper

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ, លោក ជួប ប៊ុនហាក់, និងលោក ទេព រ៉ូ

ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

៤៤៧

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៧៧

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម